Ka Nupepa Kuokoa, Volume VII, Number 10, 7 March 1868 — Ka Nupepa Kuokoa. Rama. [ARTICLE]

Ka Nupepa Kuokoa.

Rama.

Mahea la ea, e ikea'i Ka rama me ka ono ? Ma kahi kuaaina nei, Aole ma ke taona. Malaiia ka, ke kanawai, A me ka maluhia; Maanei ka rama e ona'i, A hoopai ole ia. Na poo, koonei mau alakai, Ka poe ano nui, Ua kuhi ia lakou nei Na kumu hoomahui. Ua oli, kaena, a haanou E, ma ka la balota, E inu rama no a po, Aole hoi i hoka. Hoopa, hoao, a pane mai, He whiki ka, ka rama ; A, nohea hoi ua whiki nei ? O, no ke taona paha. Ua ino no, a inu no, A hoohainu ia, He 50 omole i pau ! Ka i noa e lanakila! Ho hou mai no, ua ono ka, I nui na balota ; — A inu hou a kepi pu Ka pahu me ka ohe. Ka noao nae i kaena mai, E ko ka lanakila, Ua hoka a hoi kulou ae, Me e ka hilahila. Poho la en, ke dala ou, Ka raina me ka whiki— Ua pono nae la ou poho, He hana api-piki. Aole hoi he kanawai Ma keia kuaaina ; Ua noa ke puhi, ke kuai I keia wai inaina. Ke puhi, kuai, inu no, A aka wale mai la, Ke papa ia, pane, O, Aohe kanawai la. Mamua, o kahi nina nei, He la no ke aupuni; Ano, kokoke kipi e! Me wai la kona hui ? Me kahi aina like no, Ka aina inu rama, Butaritari naaupo, Me Fatuiwa paha. Aloha, e ka Moi e, Me kona mau kuhina, I keia aina, i paa mai; Nani kn minamina! Mahea ?