Ka Nupepa Kuokoa, Volume VII, Number 16, 18 April 1868 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE VII.  HELU 16.  HONOLULU, APERILA 18, 1868.  NA HELU A PAU 333.

 

KA NUPEPA KUAKOA,

HOOPUKA MAU IA MA HONOLULU

I kela Poaono keia Poanono.

$2.00

No na mahina he Umikumamalua!

$1.00 no na mahina eono,

ME KA HOOKAHA MUA MAI.

 

NA OLELO HOOLAHA – aole i oi mamua o 10 laina no ka hoopuka hookai ana, $1.00; alua komo ana, he $1.50; hookahi malama, $2.00.  E uku mua ia mai ke dala o na olelo hoolaha a pau e hoounaia ana mai e pai.

            KANIKAU – he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi – penei: he 25 lalani, $1.00; 50 lalani, $2.00; a pela’ku.

            NA UKU NO NA OLELO HOOLAHA – ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.

            O NA UKU PEPA A PAU E HOOKAA MUA MAI NO – aole e kauia ka inoa o kekai haole a kanaka maoli paha, ma ka inoa o ka poe lawe pepa ke ole e hookaa e mai mamua.  E pono ke hiipoiia keia mau rula, no ka mea, he emi no ka auhau no ka auhau no keia nupepa.

            AIA KE KEENA O KA NUPEPA KUOKOA – ma ke kihi hema o ka Hale Hookipa Luina (Sailor’s Home.)  O na hora hana, ma kaeiwa o kakahiaka, a i ka ha o ke ahiahi.

            L.H. KULIKA.  (Luna Hoopuka.)

 

“KA NUPEPA KUAKOA.”

Is published in Honolulu

EVERY SATURDAY,

$2.00 per annum, or $1.00 per six

months, in advance.

 

ADVERTISEMENTS not exceeding 10 lines, inserted once for $1.00; twice for $1.50; and $2.00 for one month; all advertisements must be paid for in advance. 

          KANIKAUS will be charged 1.00 per page, or 4 cts. a line.  PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.

          ALL SUBSCRIPTIONS must be PREPAID.  No names, either of foreigners or natives, will be inserted on the subscription list, until paid for.  This rule must be strictly adhered to , on account of the low subscription price. 

          THE OFFICE OF THE KUOKOA is in the South corner of the Sailors’ Home, Office hours from 9 A.M. to 4 P.M.

            L.H. GULICK.

For the Publisher,

Volume I, II, and III of the KUOKOA, bound, for sale $3.50 each.

Persons having complete sets of the above, can have them bound by paying $2.00 each.

KA NUPEPA KUAKOA.

He mele no Kualii, Kualanipipili, Kulanioaka, Kunuiakea &c.

I hal@@ ia e Kumahukia a me Kaiwiokaekuha, na @@hu ponoi o Kualii; ma he kaua i Kuuia, ma Keahumoa i Lihue.

 

Ua hanau ia o Kualii ma Kalapawai, ma Kailua, Koolaupoko, i ka A.D. 1555.  O Mahuluanuiokalani ka makuahine, a o Kaunkahi a Kahoowahaokalani ka makuakane.  Ua waiho aku au I ke Kumuuli me Kumulipo no ka mohai ole ka! Pel@ @@@@ oukou.  S.M. Kamakau.

 

7.        O Kauai nui moku lehua,

            Moku paneelua iloko o ke kai,

            Moku paneelua iloko o Kahiki,

            I halo ia Kahiki ia Wakea, Konohia,

            Kau mai ana Kona i ka maka,

            O hookumu ilalo o Kumuhonua,

            O na@eke ka papa i Hawaiiiakea,

            O kuhia i ka m@o o ka la.

            Ke kau mai la ka la i Kona,

            Ke moi e mai la no Kohala –

            O Kuhi – ki.  Ia wai la o Kahiki?

                        Ia wai la?  Ia ku no –

           

8.         O Kahiki moku kaialoa,

            Aina a Olopana i noho ai,

            I waho ka la, ilalo ka aina,

            O ke aloalo o ka la,

            O ka moku ke iki mai,

            Ua ike oe?  Ae, ua iki,

            Ua ike hoi au ia Kahiki,

            He moku leo pahaohao ko Kahiki,

            No Kahiki kanaka i p@ a luna,

            A kuamoo o ka la ku iluna,

            Keekeehe iho ia lalo,

            Aole kanaka o Kahiki,

            Hookahi o Kahiki kanaka he haole,

            Me ia la he akua,

            Me a’u la he kanaka,

            A he kanaka no ia pa ia kaua, he kanaka,

            Hookahi ia e hiki e hala,

            Hala aku la e Kukahi la o Kulua,

            O Kukahi ka po o Kulua ke ao,

            O h@ki ana ka ai,

            Kanikani ai a Manu,

            Hoolohe mai ana Manu o lanakila,

            Malie ia wai Lanakila?

                        Ia wai la?  Ia Ku no –

 

9.        Haila ka ua, ilaila ka la,

            Haila ka hoku makahalo.

            O Kaula, o haikala o Kau,

            O kahi a ka la o Puna,

            O Hilo, o Hana, o Lanakila,

            O Hooilo ua ino pele,

            O ka makani, la wai ka makani?

                        Ia wai la?  Ia Ku no –

 

10.      Puhia ka makani a Laamaomao,

            O ke ahe o Koolauwahine mai lalo,

            O Kauai ka’u i ike,

            O ke kiu ko Wawaenohu,

            O ka hoolua ko Niihau,

            O ke Kona ka makani ikaika,

            O ka Aoa ka makani ino,

            O ka makani halihali,

            Wai pua kukui,

            Ke laweia la e Lonomoku,

            E paka ilalo o Hana – e.

            O ia koolauwahine o lalo,

            O Kauai, ke paka!  ilalo o Wailua la.

                        O ka u – a,

            Ia wai la ka ua?  Ia wai la?

                        Ia Ku no –

 

11.       Iluna ka ua o Puuanalua,

            Ku i ke kao o Maiku,

            Hoolewa ke ao o ke kaina,

            I moe a ka ua i Kunalo,

            I pakakahi ka ua i ka ili,

            I iliki ka ua i Kananaola,

            Pahee Mahiki ke ka!  la,

            Ua luia e ka ua e hina,

            Halulu ai ilalo o Maheleana.

            O ka punohu a ka ua kai Kahalahala,

            O ka pokii a ka ua,

            E ua ka!  i ka lehua la.

                        O ka La –

            Ia wai la ka La?  Ia wai la?

                        Ia Ku no –

 

12.       I puka ka la ma Kaoiki,

            I hawewe ka la i Kaupilioloula,

            Ke kohokoho la kamalii,

            Ke na’una’u la i ka ia,

            Ka la kieke pua o Hilo,

            O ke kua o ka la kai nulia iluna,

            O ke aloalo o ka la kai lawea ilalo,

            O ka malu o ka la kai kaa iloko,

            O ke aka o ka la kai hele iwaho,

            O ka mehana o ka la,

            Ke hele nei maluna o ka aina,

            A kau aku la i Lehua –

                         O ke kai –

            Ia wai la ke kai?  Ia wai la?

                        Ia Ku no –

 

13.      I nu mai kai i Kahiki,

            I meha kai i ka aina,

            I poi ke kai i ke kohola,

            I poha ke kai i ka puao,

            I nehe ke kai i ka ihilii,

            I lawea ke kai i ka lima,

            I kiki ke oho i ke kai,

            I ehu ke oho i ke kai liu,

            I lelo ke oho i ke kai loa,        

            I pala ke oho i ke kai kea,

            He kai lihaliha ko ka puaa,

            He kai momona ko ka ilio,

            He kai likoliko ko ka inoa,

            He kai ala ko ka anae,

            He kai hohono ko ka palani,

            He kai heenalu ko K@haloa,

            He kai hopuni ko Kalia,

            He kai au kohana ko Mamala,

            He kai au a ka puuone.

            He kai kaha nalu ko Makaiwa,

            He kai ka anae ko Keehi,

            He kai ala@ihi i Leleiwi,

            He kai awalau kee Puuloa,

            He kai puhi-nehu puhi-lala,

            Ke kai o Ewa e noho I ka lai,

            O Ewa nui a Laakona,

            O Kuikealaikauaokalani,

            He kai maokioki ko Heeia,

            He kai o hee ko Kapapa,

            He kai kuu honu ko Makawai

            He kai ohaika ko Kualoa,

            He kai ae i ko Kaaawa,

            He kai huliamahi ko Waialua,

            Ke kai ahiu ko Kahana,

            Wehe kai ia Paao,

            Ikea Paao i ka waihi,

            Ikea ka hiwa mai lalo o Kona,

            O Kahiwa – ia, mai lalo o Kona –

                                    (Aole i pau.)

 

KA MOOLELO O NA KAMEHAMEHA.

N. S. M. KAMAKAU.

HELU 68.

    NO KA NOHO ALII ANA O KAUIKEAOULI

  MALUNA O KE AUPUI, A UA KA-

     PAIA O KAMEHAMEHA III.

 

I ke ahiahi, ua hoouka iki ka huna o

ke kaua, a no ke ahiahi ua hoi hope a

moe ma Hanapepe.  Manao iho la ke

Kauai i kea o ana e puhi mai i ke alii, a

mahope mai ke kaua.  aka, i ka po, ua

loohia i ka ua nui, a pono ole iho la ke

puhi aku i kea ahi. I ke ahiahi ana iho,

pio mai la ke anuenue, a wanana ae la o

Haopili, “O keia makoi, ina ma o ke

kumu a maonei ka welau, pau kakou i

ka luku ia i ka la apopo, aka, eia no hoi

maanei ke kumu, a o ka welau ke moe

la ma o, nolaila, e pau ana ke Kauai i ka

luku ia e kakou i ka la apopo, aole paha

e make ana i hookah o kakou.”

I ke kakahiaka ana ae, hoakoakoa mai

la ke anaina o na ‘Lii a me na koa, a hai

aku la o Hoapili i na olelo paipai imua o

ke anaina.  A pau kana mau olelo hoo-

ikaika, kena ae la oia ia Mr. Kau-a e pu-

le.  A pau ka pule ana, pii aku la ke ka-

ua, he kaolo hanahanai mai iluna ke ka-

hua kaua o ko Kauai.

Eia hoi kahi mea kupanaha o ko Kau-

ai poe koa, aohe nui o ka pu, me he pa-

ani lealea la ka make; he mau wahi la-

au pololu a he oo, a he ihe, a o na wahi

pu mamua wale no.  He nui loa hoi ka

wahine makaikai.  Ua pau na wahi pu i

ke kailiia e ka Hawaii.  O ke ola a ka

aumakua, o ka hele aku e hoopau i ke

kaua.

I ka hoouka ana iho o na aoao elua,

a o ka hope o na koa o Kauai, ke auhee

la lakou.  Aole nae he poe i make ma

ke kahua kaua, aia nae hoi ma ke au-

hee ana ma kahi mamao aku, a malaila

kahi i luku wale ia aku ai.  Pela o Kiaima-

kaui ma, Nakeu ma, a he nui ka poe i luku

ia ma ka makaua a me ka luku wale i na la

e ae; a umi paha na la o ke kaapuni hele

ana ma ka aina e loku wale ai me ka

hoomainoino i na kane, wahine a me na

kamalii.  A o Humehume hoi, ua holo

malu kona lio i ke kuahiwi, me Peke hoi

kana wahine a me ka laua kaikamahine.

He nui no hoi ka poe e ae i holo i ke

kuahiwi, a malaila kahi ia noho ai a hiki

wale i ka wa i kukalaia ai ke kanawai,

aole e pepehi i ka poe pio.  O kalaihe-

ana ke alii i hele ai ke pio, aole oia i pe-

pehi aku i na pio, aole no hoi i lawe mai

i kekahi pio, pela no hoi o Hoapili, a me

Kalanimoku, a o ka nui o na alii a me

na koa, aohe mea lawe ole i ke pio.  Ua

lawe pio ia kanaka a Kauai i Oahu, Ma-

ui a hale aku i Hawaii.  O na wai@ai

kekahi i hao ia, oia hoi ka lio a me ka

@ipi a me na waiwai e ae.  O Kauai wa-

le no ka aina i lehulehu o ka lio a me ka

@ipi, no ka mea.  ua la we nui ae na haole

i keia mau holo@olona na Kauimualii.  A

ma Oahu, ua ike ia ka lio kahiko ma Ka-

waihae ia John Y. Olohana, a ua laweia

mai ia Kamehameha ma Oahu, i ka ma-

kahiki 1809 paha.  A i ka wa mahope

mai, o Mr. Ulupano Manini ka mea ua-

na i hoolaha nui mai ka Lio.  Aole no i

laha i na alii a me na makauinana.

I ka pau ana o ke kaua, a ua akoakoa

na’lii a me nu puali ahi a me na koa, ala-

ila, okioki iho la o Kelanimoku a me na

‘L@i i ka aina o Kauai, a haawi ae la i

na’lii, i na kaukau alli a me na koa.

Eia na @inau kapono; Ua pono anei

ka hao wale ana a me ka pakaha wale

ana i ka aina o Kauai?  Pehea na olelo

ae like a Kaumualii me Kamehameha?

Pehea hoi na olelo hoopaa a Kamehame-

ha II. me Kaumualii?  Pehea la hoi na

olelo kauoha a Kaumualii ma Pakaka?

Aia hoi kekahi poe alii o Kauai ma La-

haina i ke kupapau o Kaumualii, e noho

ana no mamuli o ke ano minamoina alii,

a aia pu no hoi kekahi poe alii o Kaua

ma ka aoao o Hawaii kahi i kokua ai no

ka hoopio ana i ka manoa o ka poe kipi,

aka, ua pau nae i ka hao wale ia na moku-

aina a me na ahupuaa, aole hoi i malama

ia oa olelo kauoha a Kaumualii, ka mea

nona ke kuleana oiaio.  He poe Loio

akamai anei ma Hawaii nei, a ma Ame-

rika a me Europa?

A hoi mai la na’lii a me na koa mai

Kauai mai.  A o na alii nae a me na koa

i loa ka aina, ua pau no lakou i ka noho

i Kauai.

Mahope iho nae ilo iho lu o Paalua ka

moku o Kalanimoku ma Niihau, hoi mai

la oia ma Oahu mai Kauai wai, aia hoi he

Ahaolelo ka ea ‘Lii, oiai ua hoi mai o Ka-

ahumanu mai Maui mai, a ua akeakoa o Ka-

ahumanu mai Maui mai, a ua akeakoa mai

na ‘Lii a Hawaii a me Maui, a o ke keiki

Moi kekahi, no ka hope o ke kaua ma

Kauai, a no ke koho ana hoi i ke alii ku-

pono e noho ma Kauai.  A no keia mea,

ua komo ae la ka nune iloko o na’lii, e

olelo ana, “Aohe pono o Kalanimoku i

ka hoonoho ana i kana kieki i ka aina o

Kauai.  E aho e haawi ka aina o Kauai

no ke keike Moi, aia no hoi i ka au mea e

hoonoho aku ai.  Aole e pnon o Kaha-

laia ke noho ma Kauai, mamuli auanei

kipi mai.”  O keia iho la na huaolelo

nune, a ua hooko ia ka manao o na’lii, a

o na kauoha a Kaumualii, ua haule wale.

Hooholo ae la na ‘Lii, no ke keiki Alii

Kauikeaouli ka mokupuni o Kauai a me

Niihau.  A haawi aku la ke keiki Alii

i na mokupuni o Kauai i kona kahu ia

Kaikioewa, oia iho la ke alii aimoku no

Kauai.  Ua kauoha ia o Kahalaia ma, a

ua pau mai i ka hoi i Oahu, a ua lilo hoi

o Kaikioewa i alii aimoku no Kauai, a

ua okioki hou ia ka aina; a o na koa i

loaa ka haawina aina a hoi i Oahu, ua

pau hou ko lakou mau aina i ka laweia,

a o ka poe aimoku aina, ua pau loa i ka

lawe ia; a o ka poe palaualolo wale no i

Oahu a me Maui, ua iilo is lakou ka mo-

mona o ka aina o Kauai. 

O Kahalaia hoi, ua komo iloko ona ka

manao ino a me ka ohumu i ka poe na-

na i hoopau iaia, aka, ua oluolu iki nae

oia i ka lilo ana nana e malama o Kaui-

keaouli.  Ua olelo ia no hoi, o Kaahu-

manu kana mea i manao ino loa ai, a ua

kaulana loa ia mea iwaena o ka lahui.

I ka pau ana o ke kaua ma Kauai, a

ma ia hope iho, ua laulaha ae la ke ao

palapala ana ma na kuaaina, a ua hoo-

maopopo iho na alii i ke ao palapala a

me ka malama ana i ka la Sabati, a me

ke ao ana i ka pule a ka Haku, “E ko

makou Makua iloko o ka lani, & c.”  Oia

ka pule e ao nui ia ana ma ke alo alii a

me na kuaaina, a ua hoounaia na kumu

ao Pi-a-pa ma o Oahu a puni, ma na

ahupua a ma kela a me keia aina.  He

kula okoa ko kela alo alii keia alo alii,

aole paha e pau i ka helu ia na kula ma

Honolulu i ke kanaha, a pela no hoi ma

Waikiki; a ua ike ia no ia wa, he poe

kumuao kula wahine kekahi ia manawa.

He holo maoli ke ao ana iloko o ia mau

mau makhiki.

O Ulumeheihei Hoapili ke alii i hoo-

maupopo i ka oiaio o ka olelo a ke Akua,

mahope iho o ka make ana o Keopuala-

ni, a mahope iho hoi o Kaahumanu laua

o Kalanimoku a me na hoahanau alii o

laua. 

 

NO KA HOIHOI ANA MAI IA LIHOLIHO MA

    A KA NOHO ANA O KAU@@AOULI

            MA KA NOHO ALII.

Ua hoihoiia mai ke kupapau o na Moi  

o ke Aupuai Hawaii, mai Beritania mai,

i ke au o ke Aupuni Hui o Beritania Nui

a me Irelani ia Kini Keoki IV.  O ke-

kahi ukali o ka Moi, ua make oia malu-

ou o ka moku, he mai no kona mai ka

aina mai, o Naukana ka inoa, ke keiki a

Kamauawa, a ua kanu ia kona kupapau

i ka opu o ka moana, e like me Kaulu-

haimalama a me Naihekukui, ua kanuia

no hoi ko laua mau kupapau ma ka mo-

ana i ka holo ana aku.

I ke ku ana mai hoi o ka manuwa ka-

ua o Beritania mawaho o Mamala, a o

Lord Bairana ke Kapena a me ke alii

moku nana i hoihoi mai i na pahu ku-

papau o na Moi o ke Aupuni Hawaii.

Aia a hoolei ka heleuna o ka moku ma-

waho o Mamala, oia hoi ka la 4 o Mei

1825.  Ua ike ia aku ka moku no Beri-

tania, e kau hapa mai ana ka rose ulaula

a me ka rose keokeo, ua lele koke ka

hauli o ka aina, a o ka lahui, pioo ae la

ka manao me he mea la ua hoopaiwaia

mai o loko e kekahi mea nui; a ua hoo-

holo ia ae la ka manao o na kanaka, ua

make ka Moi me ka lohe mua ole ia.  A

kiki na paila@a, oia hoi o Mr. Alika a me

William Lihiula – Ua ahaiia mai ka lohe

i ka aina, na ka Puuku a me ke kuene a

ka Moi, a Col. Manuia a me kekahi mau

alii manuwa.  He mau kahiko alii ko

Manuia ma, mai a Kini Keoki IV mai.

O ka oi no paha o Manuia a me Kekua-

naoa o ke kulana kiekie, no ka mea, ua

hookiekie ae ko laua kaikuaana ia laua,

oia o Boti Kamauleule, a o Manuia no

@ae ka oi aku.             Aole i pau.

 

    Pane i ka Poe Loiloi i ka Moolelo o

             HAMANALAU.

 

E ka Luna Hooponopono a me ka poe

heluhelu, ua hoomaha ika iho nei o Hamana-

lau e walea ana i ka heenalu i Kahana, a

ua hoomaha iki no hoi o Hawea e kamailio

ana me kana mau keiki alii, a e hookuu mai

ia’u e kaimailio iki ae me lakou la, a maho-

pe huli hou ae no e kamailio me ka kakou

kamalei.

   E o’u poe kaikuaana kalai moolelo, aloha

oukou, mamua iho paha o ka la 25 o Ianua-

ri M.H. 1868.  Ua hooili aku au ma ke

keena o Ke Kuokoa i 100 aoao pepa o ka

moolelo o Hamanalau i kakauia, mailoko

mai o na aoao pepa 168 i haawiia mai ia’u,

e ka hope Lunahooponopono o ka Nupepa

Kuokoa, a mahope iho hoi, ua nir.au hoonio-

le mai o J.D. Kulanakauhalealii o Kunawai,

a mahope mai hoi ko kakou kaikuaana kakau

moolelo o S.M. Kamakau, ua ike no kakou

i ka laua mau olelo, ua like no o Kukaulalii

ke kane a Hamanalau, a e hapala ae ana no

hoi i kekahi moolelo e ae.  A ma ko’u noo-

noo akahele ana, aole au e hoahewa aku ana

i ka laua, aole no hoi au e hoahewa iho ana

i ka’u, oiai aole au i hoike iho ma ke poo o

keia moolelo, no ka wa koke iho nei no ia

Kahahana, i ka wa no a lakou e holo ana i

ka nahelehele me Kekuapoi (w) a me Alapai

(aikane).  A oia no la ko Hamanalau ma

wa e noho mai ana ia Waialua, a pela like

no la hoi me ka ua mau kaikuaana nei o’u,

no ia wa hookahi no la.  Aole!  malie paha

he mau makahiki okoa aku mamua, a maho-

pe mai paha ka’u Hamanalau, a o ka laua

paha.  Nolaila ka like ole.  Aka hoi, ina ua

hooiaio ia mai e kekahi, hookahi wale no

Hamanalau mai kahiko loa mai a hiki i keia

la, aole elua Hamanalau, alaila; ua pono pa-

ha.  A pehea hoi keia e nana pu ae kahou

ia S.M. Kamakau, a Hon. W.P. Kamakau

a o keia hoi Mrs. H. Kalama Moiwahi-

ne, a me Mrs. Kalama, Kaopua.  He mea

paakiki paha ia na kakou ke imi aku no ka

alua ana o ka Hamanalau, a me kona hoo-

kahi ana.  Eia hoi, malie paha aole no hoi

i like loa na inoa o na kanaka i kakauia ma-

loko o keia Hamanalau me ka olua Hama-

nalau hoi.  A ma keia mau ano pae e o ka

moolelo, ua hookuu aku au i ka Nupepa ka

hoolaha ana mai a pau na aoao 100 i waiho

ia aku ia ia, me ko’u kakau ole aku i ke ko-

ena, malie io aenei he mea e pau ai ka hoi-

hoi, a me ka makemake o kanaka i ka lawe

i ka Nupepa Kuokoa, ke hoomau ia keia

moolelo.  Nolaila, ua waiho wale keia pule

iao nei, aole au i hooili aku i kope no ua

moolelo la, aole nae me ka hoopau loa ana,

e hoomanawanui no wau i ke kakau ana, a

pau ae na aoao pepa i koe he 68.  Ina ae ia

mai ka hoomau ana’ka o ko’u kakau ana ina

kaao, a o ke kakau ole ia aku paha, alaila,

he oi aku no ko’a makemake i ka hai kaao

ke kakau mai, ma keia hope aku no o kakou.

I ka pepa iho nei hoi o ka la 21 o Maraki

iho nei, ua loa@ mai ia’u he olelo ninau, a

kalakalai paha, he mea maikai no ka ninau,

a me ke kali ana i ka moolelo, “he pua nui

ia la hana iho” a penei no ua ninau la.  He

waki no Ka paha k@ Ka-mak@ula?  Oia ke

poo o ke kukula manao ana; o kapauka @

no ka Luna Hooponopono a me na keiki hoo-

noho kepau, o ka pauka 2 e hoomaopopo ana

no ka ninau mua maluna o ke poo o ke ku-

kulu manao ana, a ma ka pauko 3 oia ninau

hookahi no.  A ma ka pauku 4, aohe ia he

nianu, me he mea la he mau keiki aumeume

mapala ma ke al@nui.  e haikaika ai, ka ole

i ke ano o ka poe Keonimana, a ike kuhoho-

nu hoi.  A ma ia hope o ua manao ninau

nei, @olaila, ke a ua nei au i ka ae aku a me

ka hoole.  aia a mahope aku, ke hooiaio loa

mai oe i ka’u mea e nainau aku nei ia oe, au

no hoi i kakau mai ai, oia no ia ninau a’u ia

oe e L. Kal@iekilua (Kalaiopuna K@.)

   Ninau 1.  I ka manawa e noho Aupuni

ana o Manokalanipo, a i ole ia o na Alii ai

Aupuni aku paha o Kauai mamua aku ona,

he mau hanauna he 10 a kanaka, mailaila

mai no aenei ke kamailio ia ana e lakou ke-

ia mau hua haole au i kakau mai nei,

“East Kauai.”  Ahaha!  pau @@e hoi ka

waha o ua kanaka me he haole nau pal@ la.

ke hookulukulu iho la i kona lepo paka a

haukae nae hoi ko umiumi hina, holoi ia ae

hoi i pau.

   Ninau 2.  Mailoko mai o ko oukou mao

kapuna, a mau hanauna paha he 10 @ pakeo

ka umikumamakahi, he mea maa mai no

aenei keia inoa haole o oukou “Rev. Kalai-

opu@a.”  Ahaha!  Kihe!!  he nalulu ko ka

lae, ke hoohiolo iho la i kana ukana ma ka

ihu, aia la ke kau mai la ka paapaa, haukae

pu hoi aenei me ko lehelehe; holoi ia ae hoi

i pau.

   A ma keia mau ninau elua ka’u e noi haa-

haa aku nei ia oe, ina he mea kahiko mai,

alaila, ua neho kahiko ia mai no ka paha o

Kauai e ka haole, a ina pela pakela loa Oa-

hu nei, a pela no hoi o Maui, a hiki loa aku

no i Hawaii.  A ina ua nohoia o Hawaii e

ka haole, (ole wale) alaila, aole no e nele na

Alii i keia mea he waki, aka hoi ina e hoo-

le mai oe, aohe he mea kahiko, he mea hou

wale nenei no keia mau huaolelo.  “East

Kauai,” w hoopili ia nei mamua o Kauai, no

loko mai o ke Aupuni naauao, alaila, e hoo-

le no au aohe he waki o ka wa kahiko.  No

keia manawa uaauao aenei no keia maa he

waki, a i keia manawa neauao, a ma ka ike

palapala no ke kakau ia ana, mailoko mai o

ka poe kahiko nana i malama.  A he mea

mau hoi i ka poe kakau kaao ka ninau i ke-

la a me keia ano o na hana, na manawa o

ka lakou mea i hana kahiko ai, mailoko mai

o ka poe nana i malama, a oia poe hanauna

paha e ku lalani ana a hiki aku ia Kaihuau-

waalua ma.  loa paha e olelo mai ka poe

malama kaao ia’u.  “Ua kulou no o Kaihu-

auwaalua mai ka puka ana mai o ka la ine-

hinei, a hiki paha i ka puka ana mai o ka la

i keia kakahiaka, a oia paha kona wa i e-a

ae ai iluna; hewa hou no paha auanei au ke

olelo ae he 24 hora ia, a kuhikuhi hou no i

ka waki a ka ma-kaula.  Aole au e kapa

ana ia’u he pono loa ma kela mau minute

elima a’u i kakau ai, ua hewa no, ua koe

kekahi mea a’u i manoa mua ai, oia hoi ke-

ia, “kulou iho la ke alii no na minute elima

pah.”  O ka manawa o ka mea malama

moolelo ka’u i hoomaopopo aku no ke ano o

keia wa.  Ina he mea o pau loa ai ko Kauai

poe i ka haalele i ke Kuokoa no keia kaao, e

aho io e waiho ae.  Ua lohe no kakou i ke-

kahi olelo kahiko.  “Aohe imu nui i ole ke

kolekole,” a pela no keia moolelo, ua hewa

no ma kekahi wahi, ua haule, a nalo kekahi

mau hua, a huaolelo paha.  A ua hewa no

hoi paha na makahiki o Hamanalau ma a’u

i hoohalike aenei, eia no iloko o keia moole-

lo ke imi pololei io aku kakou ma o Hama-

nalau ma la, me ko kakou hoolohe ole aku i

i ka olelo mai a ka poe nana i malama.  Ina

paha o ko olelo ninau wale, ina ua uuku ka’u

wahi kamailio ana, a no ko kapa ana mai

nei ia makou i ke “Kuhikee a me ka moe-

hewa.”  Nola ila hoopuka aku nei au ia oe i

kekahi mau ninau maluna, a me keia wahi

lalani mele o Kualii mahope nei.

            Aohe i like i ka makolei

            Ia laau kewai nui,

            E hihia aua o ka lihilihi la –

            Ua like Pa-ha,

            Ua li-ke-Aia ha kou hoa e like ai,

            O Keaweikekahialiiokamoku,

            O Keawe haku o Hawaii la, -

            He awaawa hoi ke kai,

            He mananalo hoi ka wai,

            He mahana hoi ko kuu-ili,

            Ko kuu kane o Nininikewai,

            O Pulela La-ua li-ke,

            Aohe e like nei lani,

            I ka hoohalikelike wale mai,

            He kanaka ia, he akua Ku, -

            He ulele Ku-mai ka lani,

            He haole ku mai Kahiki,

            He mau kanaka keia e-ha,

            Ewalu hoi nei kanaka,

            O Ku o Lono o Kane o Kanaloa,

            O Kanemakaiahuwahine.

            O Haihaipuaakekuawalu la, -

                Ua li-ke, -

            O Kaoa la ua wela ka papa,

            Ua wela ka hua o Unulau,

            O ka lani pili o Hooilo,

            E a-e e puka ae ka la,

            Ka mana o Kaleonui,

            Haawi@a mai ai ka la,

            Mehana ai oa’lii o ua o Kana, -

                        Ua like pa-ha.

 

    No Kualii keia mau lalani mele, aole no

Kana o kuhihewa ia mai auanei, he mea

hookapeke wale no keia a ka poe kakau ka-

ao, e “Kuhikee” ai wahi au.  Ma@nuli pa-

ha ike kakoa i keia mele loihi mai a S.M.

Kamakau mai.  E ke hoe, aia ma ke mele

a Kaulenapokii, i heluhelu iho ai iluoao ka

laau i kana kaikamahine i u@e ae ai, e@a

peneia ka pono o ke mele a ao.

            Hamau ia e – hamau.

            Hamau ia e keiki, &c.

    Nolaila, ua kapeke aenei la’u ka ka mea

i kakau aku i 100 aoao pepa i na @@@@@@@@

hookahi paha.  O kauhoi, he mau wahi la-

lani wale no he 29, ua kapeke aenei he hua

haole kekahi, ke pakake mai ai-@@@ mai nei.

E aloha auanei oe e kuu hoa kalai olelo.

    E ka poe heluhelu, ua pau aenei ko a ka-

kou e hapai hou mai i ka kakou moolelo.

 

          He waiwai nui ka naauao ma-

    @@@ o Ka waiwai a pau o keia no ma

             ka @@o@@@ nei.

 

   E hoomaopopo hou kakou i ka waiwai io

o ka naauao.  Pela no e maopopo ai na ha-

na a pau loa, he mua a he hope, he waiwai,

a he waiwai ole.  pela no hoi kona @umu i

kona waena a me kona welau, nolaila, ke ao

nei kekahi mau hoa ia kakou, a ke hoowai-

wai, a ke alakai nei, a ke ku mai nei imua o

kakou, a no keia, a no kela; o ka like ole o

na wa a me na manawa kekahi mea e like

ole ai, ua akaka loa no ma keia noonoo ana,

me ka ike pono iho no, no na mea ia ao ia, a

o ke kanaka ike e noho nei i keia wa, aolo

no loko mai o ka opu o kona makuahine, no

ka mea he pouli loa ia.

   I ko kakou ku maile ana e noonoo pono i

keia waiwai nui o ka naauao, alaila e loaa

no ia noloko mai o na kumu Amerika e no-

ho nei maanei, a i make a i hoi aku, o la

kou no ka mua o ka nanuao i puka mai ma

Hawaii nei i ka M.H. 1820.  Ua nanupo

loa o Hawaii nei i kela wa, ua like ka pono

me ka hewa, a ua o-o hoi ka pouli me ka

hewa, ua hele a kanikoo, a palauhala, a

haumakaiole, e noho ana keia mau mea he

milimili na ko Hawaii.

   I ka hiki ana mai o na kumu Amerika ma

Hawaii nei, ua laka ka manoa o na ‘Lii ne

na makaaiaana, ua ae e ao, e mihi, e haalele

i na hewa.  Ua ao ia ka naauao, me ka hoo-

mana i ke Akua, ua ku na halepule me na

halekula, ua paiia na @uke ma ka olelo Ha-

waii, mai ka A., a hiki i ka W., mai ke @

hoi a hiki i ka 10, u pela aku.  Ua huiia

lakou iloko o ka wa hookahi me ke kumu

hookahi.

   Iloko o keia no ana a na kumu, huli koke

no ke aupuni Hawaii, a lilo i poe ike i ka

heluhelu palapala, i ka haimanao; he mau

kumu kakahi.  ua holo i Amerika, a ua ao ia

i ka olelo haole a ua akamai; i ko lakou

hoi ana mai, o lakou no kekahi poe kumu a

na’lii me na makaainana.  Ua holo koke no

hoi ka ike o keia lahui imua, ua loaa hoi ka

waiwai o kekahi poe he nui, oia no na wai-

wai i hiki ole maanei mamua aku.  Ua kau

ia na Kanawai no oa hewa, ua hoonohoia he

mau luna aupuni, ua loaa na kanawai hoo-

malu no ke kolohe, aihue, pephi, hao-wale,

ua malu keia mau mea.

   Ua naauao a kaulana loa kekahi poe, ua

waiwai hoi a hanohano ua ike na kane a mea

na wahine, a me na keiki, ua makaukau i

ka heluhelu, me ke kakau lima, me ka hoo-

mana ana i ke Akua, maloko o na makahiki

he 40 a oi, ua kiekie loa ka naauao o keia

lahui e noho nei, a me na alii.  Ua Loio ke-

kahi poe, ua kahuapule kekahi poe, ua ike

i ka nau haole, ua loaa na hule laau, me

na moku, na aina, na lio, me na @ipi, ke @a-

la, ka loke, ka pu, ka pahi me ka oo, ka hao

o kela ano keia ano.

    Iloko o ka naauao ana o keia lahui, ua

maopopo he pono kela a me keia, a he wai-

wai e loaa mai ana iloko o ka ole a me ka

ole a me ka lapuwale, iloko o ka mauu he

@ala, iloko hoi o ka nahelehele he papale, a

iloko o ka pohaku, he mau hale paa loa, ilo-

ko o ka laau, he mau hale maikai, iloko hoi

o ka moana he aila, a he ia.  Nolaila, ua

maopopo ka naauao he mea waiwai – Ina o

ka waiwai kou, o ka naauao ko’u, a me ka

ike i ka helu ana a me ke kakau.  Pehea ia

ka pono, ina e hele ana maua ia wahi aku ia

aku?  Pono a@eika waiwai maoli e like me

ka naauao iloko o’u, i na hoi e aihue ia ka

waiwai pau anei ka naauao a me ka ike ilo-

ko o ke kino?  Aole, oia mea i waiwai ai o

ka naauao, o koe o kona kino, ka hale noho

o ka naauao e moe ai.

    Nolaila i olelo mai ai o Solomons, “O ka

naauao, ua oi aku ia mamua o ke @ala a me

ke @oia, he paple alii ka naauao, he mea

hookiekie ka naauao,” nolaila, ua pili ka

naauao i na mea ki@o, i na mea kino ole, i

na mea o keia wa, a me na mea o kela wa,

i no mea e hiki mai ana, a me na mea i kow.

O ka naauao, ua pili i ka ike make, i ka lo-

he, i ka hana, i ka olelo, i ke ala ana, a ma

ka moe ana, nolaila, he mau alanui ko ke

naauao e pono ai.

1.       oia ke noia, 2. oia ke noi, 3. oia ka

lohe.  Ma ke aoia ko Hawaii nei ike a me

ka naauao, ma ke noi hoi ko Solomons a me

Daniels, me ka ike maka ko Mose a me Pe-

tero, ma ka lohe ko Paulo a me na kumu a

kakou e noho nei.  Nolaila, o ka naauao ka

mea waiwai nui o keia ola ana ma keia Ho-

nua.  Owau iho ia o   J.W. Keolanui.

    Puakoolau, Molokai, Ma@aki 19, 1868.