Ka Nupepa Kuokoa, Volume VII, Number 38, 19 September 1868 — Page 2
KE KUOKOA, HONOLULU, SEPATEMABA 19, 1868.
makou, me o lakou poe o Kalaulaolao; iuka nui, no kahi i kani-kani wai-hau ai, iloko hoi o ko laila mau hale Hotele. A pau ka makaikai ana i na hale ano maikai iki o ia wahi, a me ke kuai ana i na wahi mea maka hou o ia wahi, i kupono ke lawe mai, a o ka hoi mai la no ia uluna o ka moku. Ua akoakoa ae na ohua a pau, a e uluaoa ana i ka rumi nui, e hooponopono ana i na wahi ukana, a e hoonohonoho ana iloko o na rumi, a e hilihai-lua ana hoi kekahi poe o na kane a me na wahine iluna o na noho-koti, ani na peahi launiu o ia aina; me he lau hawane la nae o kakou nei la; o ia mea lai okoa aku no ka hoi ia i ka makaikai aku a ka maka, ma no oe i ka Hi-hi-hi-na lua i ke kula maka haakua, Loaa ke hoa i ke kaha a Kahumaiki-e- A i ka makaukau ana o na mea a pau loa, o ko makou hoopuka aku la no ia holo ana. Aole i pau.
-
HUNAHUNA HUIKAU.
-
HE WAHI UKU LII AKAMAI. - I kekahi la Sabati, i ka wa a kekahi mau makua e hoomakaukau ana e hele i ka pule, hoolaau aku la ka laua wahi keiki uuku e hele pu i ka pule, eia ka olelo a na makua, aiai hele oe, no ka mea, "He uuku loa oe." Eia ka olelo pane a ua wahi keiki nei: "Ae e malama pono olua ia'u no ka hiki ae i ko'u wa nui, malia paha o makemake ole au e hele i ka pule." Eia nae, no ka olelo naauao a ua wahi kilohoku nei, nolaila ua hele pu oia i ka pule ia Sabati. Alaa ka pono i ke keiki uuku la.
NA HAOLE IRELANI A ME NA DALA. - I ka makahiki i aui hope kau nei, ua hoihoi aku na haole Irelani e noho nei ma Amerika Huipuia, i ko lakou mau makamaka a pilikana ma Irelani, he elua miliona ehiku haneri tausani dala ($2,700,00;) mailoko ae o keia puu dala nui, me he mea la, ua uku mua ia no na ukana, na kauoha a me na eemoku, he miliona dala a oi ae. Iloko o na makahiki he iwakalua i hala aku la, ua oi aku mamua o ke Kanahiku miliona dala i ko lakou mau pilikana ma Irelani.
HOOMAEMAE ALANUI. - Ua hoolimalima ke aupuni o Farani, he elima tausani kanaka hana, no ka pulumi ana i na alanui a me na ala loa o Parisa. He mau kane a mau wahine lakou, aka o lakou a pau, he poe olelo e wale no. O ko lakou uku mai ke kanakolu a ke kanalima keneta o ka la, a he mau wahi kanaka helu paha, kai hoopiiia ae i ke kanaono keneta no ka la. Ua oleloia he poe hana pono lakou; a mailoko ae o keia puu dala, ua hoiliili lakou i dala e hoi ai i ko lakou mau home a me na aina.
ELUA MAU DALA KAHIKO. - Ma keia hope mai nei, ua kuai ia ma ke kulanakauhale o Nuwaka, ma Nu Ierese, kekahi mau dala kahiko elua, o ka makahiki 1804. Ua lilo kekahi dala no na dala maoli he eha haneri ($400): a o kekahi ua lilo no ka puu dala nui loa he ewalu haneri kanaono kumamaha ($864) Elima wale no ka dala oia ano o ka makahiki 1804, oia paha hoi ke kumu o ka pii loa ana ae, a i kela puu dala nui hewahewa launa ole mai.
HE HANA HOAKAAKA. - I kekahi la, ua hopuia kekahi kanaka ma Elamira, Nu Ioka, o Jeff Davis kona inoa no ka aihue i ka moa. I ka lohe ana o kekahi haole puni lealea, e hoouna aku ana kela ma ka waea olelo ia Horace Greely (oia ka mea nana i bela ia Jeff Davis, Peresidena kipi) e hele koke mai e bela i keia kanaka. Eia nae, o ua wahi aihue moa nei he nika, a ina paha, o Jeff Davis Kipi ma ua halulu mai ua elemakule nei. Ka! pomaikai mai puni wale ia.
LIKE OLE NA MANAO O NA AKIBIHOPA ROMA. Ua hoolaha ae na Akibihopa Katolika Roma o na kulanakauhale o Balatimoa. Nu Ioka a me Sana Lui, he olelo kuahaua e kue ana i ka mea i manaoia, e ohi i mau koa ma Amerika Huipuia no ka hana a ka poe Pope ma Roma. Ea, pehea keia kue ana o keia mau Akibihopa ma Amerika Huipuia, e pale ana i ka olelo kuahaua a ko lakou kumukauoha, ka Pope Pio IX. a Panihakahaka hoi o ka Petero mua? O ka hookokoke ana anei keia e mokuahana ua aoao hoomana poomanalua la? E kali kakou a ike i kona hopena. Malia he ooloku pihoihoi ko ke Kumukauoha, a hoolaha mioi ia, aka na ke au e hoike mai i ke ano.
KOKUA A KA POE NEGERO. Ua hoala ae ka poe ili eleele e hoahu i puu dala nui he kanakolu tausani dala, me ia puu dala, e kuai ai i wahi e noho ai no Generala Hoawaka. (Howard) aole o kekahi poe e ae kekahi e hoahu ana, aka o lakou paele wale no. Ka! i hakalia no hoi ka loaa ole o ka lakou nei mea keokeo poepoe i ka noho kauwa kuapaa, i hemo aenei ka hana, aohe i kana mai.
HE KAHA PAAKAI NUI.— Ua loaa mai nei ma kahi kokoke i ke kulanakauhale o Balina ma Perusia, kekahi kaha paakai nui, he elima haneri kapuni paha ka manoanoa o ke kaha paakai, a o ka palena, aohe mea i ike.
HE WELO LIO MAIKAI NO KENETUKE. — Ma kekahi wahi o Kenetuke, Amerika Haipuia, ua kuai ia he kanaluna kumamaha lio keiki, hookahi wale no makahiki ke kahiko, a ua loaa he $21.912. no lakou a pau. Ma ka averiga ana, he $405, a oi ae ko ka lio hookani. Heaha keia pii ino o ka lio malaila? No ka maikai o ko laila mau lio, no ka mea, aia malaila na welo lio maikai loa, e ku ai ka hookano a me ka imi o ko ke kanaka makemake.
ELUA MAU KEPA—I kekahi la, oiai e halawai haipule ana kekahi anaina nui maloko o kekahi luakini, komo mai la, elua mau mea hoohaunaele, a hokai ae la i ke anaina e noho ana me ka hoomakaukau. E oki no hoi oe! E uwai aku ana no hoi ke kolohe a i kekahi anaina e ae. Maka'u ole no ke kupu eu o ka honua nei, oia paha o Satana, a o laua na ukali.
Coolies and Slavery.
-
In opening our columns in opposition to the coolie system we wish it distinctly understood that it is with no intention to aid the opponents of the Reciprocity Treaty. Our support of that measure has been hearty and honest. It cannot be charged to us that we have published a a word or sentence expressive of a doubt as to the advantage which msut accrue to these islands by its passage; but, as a farther evidence of our friendship for the Treaty, must we keep silence, that a great wrong may be continued; the evils of which will in our estimation outweigh any advantages to be derived from the Treaty.
It is argued by the friends of the coolie system that it bears no resemblance to that of slavery, but that it is a system of apprenticeship. It will perhaps be remembered that the urgent demand for labor to develope the tobacco and other plantations of Virginia first let the proprietors to look abroad for laborers; the aborigines were not available, indented and convenanted servants from England and the continent had long been known, and although while under contract their condition differed but little from slavery, they became at the expiration of term of service free to do and act for themselves. The demand for labor still increasing, the planters eagerly seized upon the twenty African slaves which composed the first importation of these unfortunates and thus was started the system of slavery of the United States.
In our case the want of labor on our plantations has led those interested to look abroad to make up the deficiecy, it being claimed that the Hawaiian is not available in sufficent force, and as it was thought that the Chinese or Japanese was the article which would meet our wants, several cargoes hav been ordered which have been styled coolies until the system has become odious, when its supporters to avoid the coming storm seek a by-path and would have us call them apprentices. It is urged that the offspring of the coolie is not subject to the contract which binds the parents. This is doubtless true for the term for which the parent is bound is so brief that the child is useless to the planter.
The system resembles slavery in that while under contract the coolie is so absolutely the property of his employer that he may be made over to a third party for money, or swapped for a horse. Webster defines a slave as "a person who is wholly subject to the will of another; one who has no freedom of action, but whose services are wholly under the control of another." In what does the condition of the coolie while under contract differ from the above definition.
Again it does not resemble slavery for the reason that the coolie being engaged for a short term and costing but seventy-five to a hundred dollars is not as valuable to his employer as the slave valued at five hundred to a thousand dollars, and as a consequence we have heard of instances where on account of sickness the coolie has been turned adrift to care for himself, while the slave would have received the best of care and treatment.
In citing this we may have given the advocates of coolie labor an agument in support of a system of perpetual servitude.
The planter argues that the coolie is better off here under any circumstances than in his native land; that sugar cannot be profitably manufactured with other than coolie labor, and like arguments which seem to be echoes of the American slave holders arguments.
As an evidence of the demoralizing effect of the coolie system we may note the ease with wich anti slavery men, aye, even Christians, men who gave freely of their substance to aid in crushing a rebelllion, initated by a people who sought to establish a government which was to recognise slavery in all its hideousness, speak of buying a Chinaman or a Japanese as though it were no sin to hold as property a fellow being.
-
-
KOMO LUAKINI—Ma ka Poaha hope o Otakoba, oia ka la 29 oia malama, e komo elua ana ka luakini o Kailua, Hawaii i hoomaemae ia iho nei. He luakini kaulana keia, a he luakini nani a maikai, oiai kona mau la ui; a oiai hoi kona hoopaa mua ia ana. He lima alii ka mea nana i hoala i kona kaupaku a kiekie, oia ka mea kaulana o keia mokupuni ma ka hana luakini, a o keia no nae na hana mikioi o kana kukulu ana a puni keia mokupuni. He kupuna kane oia no ka Poe Moi e noho nei i Kulani Kalaunu, o John A. Kuakini.
E komo ana oia me ka lulu dala, e hoopau ai i na koena aie o kona hoomaemae ia ana; a nolaila, ke kahea ia aku nei na ha-aloha a pau, na iwikuamoo, na lala o ka Ekalesia o Kailua e noho ana ma na mokupuni o keia Pae Aina, e lele auna mai kakou e komo pu i ka luhi a kakou i hooikaika ai. E hookomo no i na na palahaku ana pakeke lole, e haawi mai no me ka minamina ole. E hoi mai no me na wahi aahu no ou i manao ai ua kohu oe i ke komo ana iloko o kou luhi iho. Ke i mai nei nae lakou nei, o ke kaina like o na wahine he paa keokeo no.
Ke poloai ae nei hoi makou i na hoaloha io e noho puni nei ia makou, e la ko Helani la a hiki aku i ko Kona Hema, a pela hoi na hoi o ke Aukukuiula, e naue mai me na naau i piha i ke ahonui, lokomaikai, a e olohani pu ae hoi me makou, o ka pau pilikia no ia. Me ke aloha no.
Ma ke kauoha a ka Ahahui Moku kaua.
Kailua, Sept. 12, 1868.
KA LUNA HOOPONOPONO - - L.H. KULIKA.
KA HOPE LUNA HOOPONOPONO. J. KAWAINUI.
POE HAKU MANAO NO KE KUOKOA.
Rev.L. Laiana (Lyons) | S.M. Kamakau.
Rev. M. Kuaea. | Rev. C.B. Anelu.
D. Malo, (Lokoino.) | (Andrews.)
Ka Nupepa Kuokoa.
HONOLULU, SEPATEMABA 19, 1868.
Ke ola o ka Makua Alii.
-
E olioli a e maalili auanei ko kakou noho ana kaumaha, ke lohe aku, o ko kakou Makua Alii a Imilani, Ka Mea Kiekie M. Kekuanaoa, ua palekana ae kona mai, a ke hele ae la i ka oluolu. Ua puka pono mai kona kamailio ana, a he hauoli ko makou i ka lohea pinepine mai no kana mau hana pono; oiai oia e waiho a mai ana, ua hiki ia ia ke hoolale mai, e hoomanao mau i ka Haku nui maluna iho, a mailoko ae o kona waha puana ae ai ia i na Himeni kahiko i paalaau ia ia, i mea hoolea aku na ke anaina e akoakoa haipule ana me ia, e like me keia mau lalani mua o na himeni:
"Komo Iesu i kou mala."
"E kai oe e Iehova
I kou malihini nei."
"O Iesu no ka Mohai no'u.
"E ake au e hele e.
Me Iesu kuu Moi."
-
Ua loaa mai keia palapala malalo nei i ka Poalima o ka pule i hala, a no ka paa e ana i ka Pepa, nolaila ua waihoia a keia hebedoma. -
E holohe i keia mea e pili ana i ke
Kula Nui o Waialua.
-
Iloko o na la mua o keia mahina i hoomaka hou iho nei ke kula ana ma keia kula nui, ua kii mai kekahi makua o Kawaihaeuka i kana kaikamahine ma ua kula nei, a ia hookaa mai i na dala he umikumamaha io na malama ehiku a kana kaikamahine i noho ai ma ke kula, e like me na rula o ia kula, a ua hoihoi ia oia ma ke kulanakauhale alii o Honolulu e ao ia ma kekahi o na kula ao i ka olelo Beretania, o ko Davida Malo paha.
Hoounaia mai hoi kekahi hoahanau o ka makuakane o kekahi mau kaikamahine elua o ia kula e kekahi haole e haawi aku i na dala, a e lawe ia laua i Honolulu. Aole nae ae ke kumu alakai o ia kula i keia manao, no ka lohe ole ia o ka manao o na makua ponoi i hoonoho mai ia laua ma ke kula, a i hoouna hou mai ia laua e hoomaka hou aku i keia makahiki kula. Ua olelo aku ke kumu, e kali a palapala mai na makua ponoi e hoike ana i ko laua manao, o ka lawe aku paha, a o ka waiho mai paha, oia no ke hooko ia.
No ka ae koke ole ia o ko laua hele, nolaila mahuka laua i loaa aku i ke kumu ma ke alanui. Hiki ae ka elele a ku haole, a olelo aku i na kaikamahine, e holo hou aku no ma ke ala e moe ana i Honolulu; a hoomaka hou laua i ka holo, hoopaa lima aku ke kumu ia laua, a hoihoi aku ia laua maluna o kekahi kaa a i ka hale kula. Malaila no e malama pono loa ia me ka maluhia, a loheia ka manao o na makua ponoi.
Ma keia makaala ana o ke kumu, e ike ai na makua, e malu pono ana na kaikamahine ma keia kula, aole no e hookuu wale ia ana mamuli o ka makemake o na kanaka a me na haole paha, e hookuu ia lakou e hooholo ma kekaona.
Mai kuhihewa wale na makamaka a me ka poe a pau e pili ana, he hiki e kii wale ae a lawe aku i na kaikamahine.
Aia i lohe ia ka manao a me ka makemake o na makua ponoi, malaila e hapai ai ke kumu o keia kula
Na'u na O.H. KULIKA
Waialua, Sept. 9, 1868.
-
KA MOOLELO O KE KAIKAMAHINE AUWANA. Ua loaa mai ia makou he palapala mai ka halewai mai, me ka inoa a me na olelo e pili ana i ke kaikamahine i hoolahaia i ka pule aku nei i hala, aka, i mea e aloha aku i kona inoa, aole makou e hoolaha i ka moolelo. Ua olelo mai na Hamuku ia makou, he pono ole loa ka hele ana mai o na kaikamahine me ka hana kupono ole, mai na Mokupuni e, a i keia kulanakauhale, a e kiai pono ana na makai i na moku holo pili aina i keia manawa.
Auhea oukou e na kaikamahine a me na makua Hawaii, ina he waiwai makamae io ka inoa maikai ia oukou e na makua a me na keiki a oukou, no ke aha ia ka hele wale ana i ka po o na kaikamahine mai ka hale aku o na makua, a me ka launa ana me na malihini ma na alanui e like me kekahi i hoikeia maluna ae nei? I ka wa hea la e komo iho ai iloko o oukou ka naauao, ka mahalo a me ke aloha no oukou iho, a me ko kakou lahui? oiai ua maopopo ka hopena o keia hana, o ka hilahila a me ka poino kaumaha. Ke uwalo aku nei makou i ka poe opiopio i alakai hewa ia, e huli a e haalele i ke ala ino.
-
NA ILI MAIKAI LOA.—Ua loaa mai ia makou mai ka Hui Hooluu a Hana Ili mai a Pona a me Fele Laimana o Hilo, he kukaa ili o ka laua hana ponoi iho. He nui na ili, ua maikai, a nani maoli, a ke hoike mai nei i na mea i hana ia ma Hawaii nei. O keia no na ilikao, ilibipi keiki a me na ili o na bipi keiki i oi ae mamua o akahi makahiki. Ke manao nei makou, he mau ili paa a maikai keia, no ka hana kamaa ana no na kane a me na wahine. He ili paa a uaua ka ilikao, a he kupono ke hoolilo i kaula noho. He kupono loa no hoi no ka hana ili-kalapu ana, a he loihi ke komo ana aku; a e loaa no ka paa ili-kalapu i na dala ekolu. I ko makou mau makamaka e hana kamaa a noho lio nei, a i ka poe hoi e makemake ana e loaa na ili maikai, ke hoikeike aku nei makou ia lakou, e hoao i na ili a Pona a me Laimana ma Hilo.
O Mr. Pona, he kanaka akamai oia i ka hooluu a me ka hoonani ili ana, a o kana hana mau no ia. O Mr. Laimana hoi, oia no ko kakou hoaaloha i noho mua ma Kau, a hiki mai i ka wa o ke olai nui, i kanu ola ia ai ua kanaka he kanakolu ma Keaiwa; a i keia wa, ua hele aku oia ma keia hana me Mr. Pona ma Hilo. Ina oukou e komo mai ma ke keena Kuokoa nei, e ike no oukou i na ano ili maikai. E kokua e Hawaii ma ke kuai ana i na hoa o ka hana a kou poe akamai kuloko iho.
-
NU HOU KULOKO
-
Oahu.
AOLE HOLO ANA KE "Kilauea" i keia Poakahi ae, e noho ana ia e holoi a hoomaemae i kona mau ipu hao hana nui a me kona mau mekini. E holo hou ana oia ma ka Poakahi la 28 o Sepatemaba nei.
-
Ma ka Poakolu iho nei, ua holo aku ke kiapa D.C. Murray i Kapalakiko me na ukana o Hawaii nei, a me ka papa inoa nui o na ohua no ia awa.
-
MA KE KILAUEA o ka Poaono iho nei, ua hoi mai o Mrs. Kekela, kekahi o na makuahine o ko kakou Moiwahine Kanemake Emma Kaleleonalani. I ka lai Ulu aku nei ia o Lele he mau pule, a akahi no a huli hoi mai nei me ke ola kupono.
-
M.A KEKAHI OLELO HOOLAHA o ka pepa o keia la, e loaa ai ia kakou, ua makemake o M.T. Donnell, haole hana i na lako hoonani mea hale i keiki Hawaii i maamaalea wahi olelo haole, a e noho pu me ia, a e ao ia ma keia hana maikai, nolaila, ke kono nei ko makou makamaka leo nui i na keiki Hawaii o keia ano, e hele ae a e kamailio pu me keia haku hana.
-
PAUKU LAAU OHIA NUI.—Ma ke ku ana mai o ka mokuahi "Kilauea" i ke kakahiaka nui Poaono aku nei i hala, ua laweia mai maluna ona kekahi pauku laau ohia nui mai Kona mai. Pela io no, i ka hele makaikai ana aku nei o kekahi o makou ma Hawaii, ua like io no me kela pauku laau ka nunui o na laau ohia ma na ulu laau o Kona. -
HOOMAEMAE HALE. —I kela pule aku nei i kunewa niau aku la, ua hoomaemaeia ae ka Hale Kuai nui o F.A. Schaefer & Co., a me ka Halekuai laau lapaau o Kauka Hopemana, a he kaina like ka nana ana aku a na maka i keia mau la, i ka hao ana ae o ka puna kele, he nani maoli ia e ku mai nei. Ina no hoi pela o Puluukai e ku ae la, ina ua makalike ke kulana o ia mau hale.
-
HE MAIA ME KA ANOANO O LOKO.— Ua ikemaka iho nei makou i kekahi maia i hookomoia mai i Hawaii nei e Kauka Hilibarani mai Kina mai. Ua like pu no kona ili me na maia iholena, aka, o kona io, ua piha loa i na anoano eleele. O kona ai ana, aohe i ikeia ka ono, no ka mea hoi, e pailaniia ana i mea hoikeike. -
KE KIALUA NAHIENAENA.—I kela mau pule aku nei, ua wawahi ae o Poka ma i ke kialua nona keia inoa. He mau makahiki loihi kona o ka holoholo ana ma kekahi mau kai e aku mamua o kona holo ana mai i Hawaii nei. Ua lawe mau pu oia i kona holo ana i Kina, elua a ekolu paha; a ua holo hoi malalo o ka hae olelo e no kekahi mau manawa. I kona laweia ana mai ianei, ua kuaiia e R.C. Wale, a ua haawi makanaia aku i ko kakou Moi e ola nei; a i kona wa ua hooliloia i moku alii, a kapa pu ia hoi i keia inoa alii maluna ae. I keia wa, ua wawahiia oia, a ua lilo i pauku wahie. -
HALE POHAKU O KAPENA LOKE.— Ua paa loa ae nei ka Hale Pohaku o keia haole Beritania Piepiele Rama, a ua maikai a nani maoli no hoi ke kii o ua hale nei i ka nana aku. Elua no hale, iluna a ilalo, a ua waiho akea ia mawaena konu o ka hale ilalo, he alanui akea e komo okoa ai ke kaa ukana, no na rama a me na mea e ae.
-Ua hoolilo ia ae kekahi keena o ua hale nei i wahi kuai lole no kekahi mau haole, kalepa, a ua wehe ia ke kuai ana ma kela pule aku nei; aole nae no ke kuai liilii, aka no ke kuai nui wale no.
-
HE KEIKI HEEWALE.—Ma ka pa o Papakanene ma Honolulu nei, ua loaa aku kekahi keiki uuku, eha malama a oi iki paha iloko o ka opu o kona makuahine malalo o kahi hale uuku oia pa. Ua kua-kino ke keiki a ua paa no hoi, aka ua heewale nae mai ka opu aku o kona makuahine, mamuli paha o ka hana uumi malu a hana e ae paha a kona makua; a no ka ike ole ia o ka makuahine nana ke keiki, nolaila, na manao waleia, ua hana io no oia pela. Ea! aloha ino hoi o Hawaii opio. Ke pulapula ae la hoi ka anoano, o ka amu e iho no ka hoi ka ka lima menemene ole. E na wahine Hawaii, mai hana oukou pela , i na keiki a ko oukou mau puhaka, oiai o ko oukou mau io ponoi ia a me ka iwi o ko oukou mau iwi. Ua pau hoi ka wa umi keiki, eia no ka ke kawelewele nei no hoi keia wahi lima kakauha a ka hewa. Mai menemene e na wahine Hawaii no ko oukou luahine e iho, a uumi i na keiki. Ua oki ia, a e hooulu ia kakou Hawaii.
KA ILAMUKU NUI W.C. PARKE.—Ma ka holo ana aku a ke kuna "Neti Mele" i ke ahiahi Poalua iho nei, ua kau aku o W.C. Parke Esq., ka Ilamuku Nui o keia Aupuni maluna ona, a ua holo aku i Kauai. No kana hana aole makou i lohe mai.
-
KE KUNA W.H. ALANI—Ma ke ahiahi Poaono iho nei ua ku mai keia kuna mai ke kahua okohola mai. Aole no keia he moku e, aka o ke kuna "Alberni" no ia i holoholo iho nei ma keia mau kai, no kekahi mau makahiki. Hana ia iho nei nae e kekahi mau haole kamaaina o kakou, oia o Akoni a me Paiko pukiki a me J. Spencer, a hoounaia aku nei i ke okohola. He ehiku ona mau malama i holo aku nei ma ka laina, a ua hoi mai nei oia me ekolu haneri pahu aila pama. -
KA MOKU KUNA HOU.—Ua hoopaa loa ae nei o D. Poka ma i ka hana ana i ka lakou wahi moku kuna kapili hou, ua ku na kia i keia wa, a eia ke ku oeoe mai nei. Komo na pea, ku ka hoeuli, alaila, owai la auanei ke awa? He moku kii maikai ma la nanaina aku, pokole poupou no hoi, aka, o ke kaina no nae ia "Helena" i naha ai, a me ke kii no hoi ia "Warwick" e holoholo nei. O ko laua kapili pu ana no me ia. paa e nae hoi kela, hiu e no i ka holoholo i na ale o Pailolo. Ua mahaloia kela no ka maikai ma ke kai, a pela no auanei keia, no ka mea, aohe wahi i malele ae oia hookahi no.
-
LUAI KA AWA KOMO HOU KA AWA—Ua hai ia mai ia makou kekahi mea maewaewa a ke kanaka Hawaii inu awa i hana ai ma kona wahi noho, penei no ia: I kekahi ahiahi mama ua kanaka nei i kona pu awa, hoka e like me ka lakou mea i maa, a inu aku la. Mahope luai mai oia i waho i keia apu awa ana i inu aku ai; no kona mamina, kii hou no oia a inu hou, aka, aohe no i paa aku iloko o ka opu luai hou mai no a ka ipukuha. No ka pau ole loa no o ka mamina o keia kanaka, no ka mea, o kana wahi pu awa paha ia i loaa mua ai, nolaila, kii hou no keia a olopu komo i ka waha. Auhea oukou e ka poe inu awa, aohe o oukou manaonao ae i ka hoohilahilaia mai o oukou e kela kanaka. Na kekahi makamaka kupono o makou i hoike mai i keia hana ilio a ka Hawaii. -
KULA HIMENI A NA LUAUI A ME NA OPIO. Ma ke ahiahi Poaha aku nei o ka hebedoma i hala, ua hoalaia he kula himeni na ka poe luaui a me na kamalii o Kawaiahao, malalo o ke alakai ana a kekahi lala oia Ekalesia oia o A. Halulu. Ke ao ia nei lakou i na kanawai o ke mele ana, mai ka poe kahiko a i ka poe opiopio. He kumu maikai no ke kukulu ana i keia kula, no ka mea, ma na halawai haipule anaina nui a pau, ua kakali ke mele ana na ka papa himeni; a i ko lakou wa e himeni mai ai, ua ku leholeho aku ke anaina me ka himeni pu ole, no ka mea, ua hemahema lakou, aka ina e makaukau like ana ke anaina i ka himeni ana, alaila, o ke alakai wale no ka ka papa himeni, a o ka poe a pau e mele pu ana me lakou, a e hanohano a maikai no auanei ke anaina haipule i na pela mau, nolaila, ke manao nei makou he pono keia hapai ana e hoomaamaa i ka poe kahiko a me ka poe hou i komo ole i ka heluna o ka poe Papa Himeni. O ka pono ka hoomau aku i ike io ia hoi ka holo pono ana, aole ka hoomalanai ae, o kani mai auanei ka akaka a ka poe mawaho ae.
-
KA MAKE ANA O T.H. MAIKELA.— Ma ka Poaono, Sepatemaba 5. i ke kakahiaka, ala ae la o Maikela Luna Makai o Kauai, mai kona hiamoe ae, ma kona hale ma Nawiliwili me ke ola maikai no a komo oia i kona Hale oihana a hiki paha i ka hora ewalu a mahope iho. Ma ke pakaukau kona wahi i loaa ai i ke kunu, a helehele iho la ma ke keena, aka iaia ma ka noho hooluliluli, ike e aku la kekahi keiki i ka haule ana iho o kona poo, a holo aku la ia e kokua. Haule loa iho la o Maikela i ka papahele, a waiho a make, a pela o ia i waiho ai, a make wale i ka hora elua o ka auina la. Ua kanu ia kona kupapau i kekahi la ae. Ua hiki mai oia ma keia mau mokupuni i ka makahiki 1850, a ua kohoia i Luna Makai. Mahope iho ua holo oia i Kina e hoolana mai, a i ka 1863, ua koho hou ia i Luna Makai, a mai ia wa a hiki i kona make ana. Eia kona kaikuaana hanohano, o Generala J.F. Maikela, ke ola nei ma Bosetona, a he kamaaina mua no Hawaii nei.
-
PILIKIA KA PONO O KA LEHULEHU.—Ma ka Helu 21 o ke "Au Okoa" o ka la 10 o Sept. nei. Ua ikeia ka olelo hoolaha a C. Kanaina, e i ana kekahi hapa o ua hoolaha la. Ua kapu loa ka holo ana o na waa ma ka Muliwai ma Manana, Ewa, Oahu, "e hoopaiia ka waa ke holo i na dala $5.00." Nolaila, pilikia ka pono o ka lehulehu. O keia muliwai ke alanui no ka lehulehu ma Ewa nei, e holo ai o na waa. Malaila e holo mai ai ko Puuloa poe i ka Halepule, a malaila no hoi e holo aku ai ko keia aoao i Manana i ka Halepule, a no ka holo ana i ka lawaia, a me ka lawe ana mai i ke kalo, a me ke kalepa ana i Honolulu, a nui wale aku. O keia muliwai, ke alanui maoli no keia i maa mai kahiko loa mai, aole mea nana i keakea, akahi wale no a ikeia i keia makahiki 1868 nei, Nolaila, ke ninau aku nei makou i ka poe naauao. Auhea la, a pehea la ko makou pono hele alanui i ae ia ma ke Kanawai o ka aina? Ua noa loa na alanui i maa i ka hele mau ia. E wiki oe e hai ae i ka pono o ka lehulehu, o poino loa makou. O makou no,
Na KUPA O KA AINA.
Waiawa, Ewa, Sept. 16, 1868.
HOOPIHA NUPEPA.—Ua palapala mai hoi o D.K. o Keanae ia makou, e hai ana i ke kauwe ana o J. Kaono o ia wahi, a me ka moolelo o kana hana, aka, no ko kala kahiko i au wale ka la, i hoolaha ia aku ai, nolaila, ua kapae makou i ke komo papalua ana o kana hana mainoino.
-
"HE PONO ANEI I NA MAKAI E HANA PELA." Ua hoolaha makou i kela pule aku nei i hala, i kekahi hunahuna nona keia poo maluna ae, no ka laweia ana o kekahi kaikamahine uuku i ka Hale Wai, e ka Makai, e hoao ia e lawe i ka laikini. Ua komo mai ka Ilamuku Nui iloko o ko makou nei keena, a ua olelo mai, aole i pololei loa na olelo a penei kana: Ua loaa aku i ka Makai keia kaikamahine, aole e hele pu ana me ka makua, aka e hele ana oia me kekahi wahine hele, auwana, i kela po. No Hawaii mai keia kaikamahine, a o kona mau makua ponoi ua pau i ka make. Ua malamaia oia e ke kaikaina o kona makuahine ponoi, aka no kona hele ana i ka po me ka wahine auwana, nolaila ua lalau ka makai ia ia a lawe i ka Halewai, a ua ao aku ia ia e hoi i Hawaii. O kahi pono no na kaikamahine i ka po o ka noho pu malalo o ka malu o na makua a me na makamaka. Aole loa pono ko lakou hele makaikai ana ma na alanui o ke kulanakauhale i ka po, o komo lakou iloko o ka upena e hiki ole ai ke puka aku; a mai oi loa hoi ka pono o na makai e hoihoi aku i na kaikamahine hele auwana i kahi o na makua a makamaka paha, a ina paakiki a hoolohe ole, alaila e lawe i ka Halewai. E na Makua mai Hawaii a Niihau, e malama pono oukou i ka oukou mau pua nani, i ole e puhi wale ia ma na wahi a pau a ka makani e pa ai, a i pau ole hoi lakou i ke kikoia a hele ma ke kulanakauhale nei, no ka mea, ua hoomaupopoia, o na kaikamahine, o lakou ke ola o keia lahui kanaka. Mai manao he mea uuku keia. "O ka hoolohe ke ola a o ke kuli ka make "
-
KAHUNA LAPAAU HAWAII LAIKINI OLE. Ma ke kakahiaka Poakolu iho nei, ua lawe ia imua o ka Aha Hoomalu o keia kulanakauhale kekahi kahuna lapaau Hawaii i loaa ole kona palapala laikini. O kona inoa o Keliihaleole. Kia ke kumu, ua lapaau ua kahuna nei i kekahi kanaka mai me ka ae ole ia e ka Papa Ola Hawaii a me ka palapala ae ole hoi, a ua make ua kanaka mai la iloko o na la ewalu. O ka hoopii nae, no ka lapaau me ka palapala ole Eia pu me keia kanaka he buke kanana, a maloko o laila, ua kakau inika ia na mai a me na laau o kela a me keia mai. I ka nana ana i na laau, ua ku ole maoli no i ka oiaio ka hana ana. I ka ninau ana i na hoike ua ku maoli loa no i ka hewa, a nolaila, ua hoopiliia ua kanaka lapaau ao ole ia nei i na dala he kanalima a me na koina pu. Mahalo makou i ku olelo hooholo a ke kahu no keia hihia, no ka mea, pehea la e hiki ai i ke kanaka i no oleia ma ka oihana kauka lapaau ke hapai i keia hana nui he malama ana i ke ola o ka lehulehu, a pehea hoi e hiki ai i ke kanaka ike ole i na aa-koko, na iwi a me loko o ke kanuka a puni. He mau makahiki loihi ko na haole e hele ai e ao i keia oihana, aka, ma Hawaii nei he mea palaueka wale no ka! ka oihana lapaau. He nui ko kakou kaniuhu ana no ka pau o ko kakou lahui, aka, aole nae i mao ae na kahuna laupau Hanau mai ka lakou mau hana hupo ana mai. Eia no lakou ke hookomo nei i kela a me keia, a nolaila, e malama loa ka Papa Ola Hawaii i ke kii ana aku o na kanaka i ao ole ia. Ua noi aku na kanaka nei, e hoopii i ka Aha Kaapuni, a nolaila, he pono i ke kahu o ia. Aha ke nana pono i ka hana a keia Hawaii i kupono ole ma ka oihana nui hookahi he kahuna lapaau. -
KUMUKULA ONA HANA.—I ka auina la Poaono aku nei i hala, ua hele mai kekahi kumukula Katolika o na Pali Koolau i Honolulu nei, oia o Hoopii. Ua komo paha oia ma kekahi mau hale e, a i ole ia, mai koolau loa mai no paha, aka, i ki; komo ana mai ma ke keena Kuokoa, ua noke mai kela i na olelo huanui, e kaona ana iaia iho me na olelo kuawili, a e hoike mai ana hoi i kona ano ua hehena oia i ka rama. Ua ninauia aku iaia na ninau he nui o ke kamakamailio pono ana, aka, he okoa loa kana hana e lauwili ana i kona poo iluna a i lalo, i o a ianei, a ina paha he kiwi kona i na ua ku ka mea e noho kuke aku ana ma kona aoao. Heaha ke kumu o kana huakai i komo ai iloko o keia hale? aohe i ikeia. "Eia kana ninau mua, he Kauoha Hou no anei maanei?" ae ia aku. Ma kana kauoha, ua laweia mai ke Kauoha Hou, a ua kuai kela ma ka hookaa ana mai, aka, mahope koke iho, ua nonoi hou mai kela i ke dala ana a hoihoi aku hoihoi mai. O kana mau olelo, he kupono ole no ia, aka, ke akena nei kela penei: "O ka'u hana no keia he ona, a iloko no o ko'u ona, ua haawiia mai ia'u ka oihana kumukula." Owai ke aupuni, a owai hoi ka Papa Hoonaauao? O ka Papa Hoonaauao anei ke makemake nei i ke kanaka ona i alakai no ka lahui Hawaii, o ke aupuni paha? I keia mau la koke aku nei no, ua hoopauia e ke aupuni kekahi kanaka hanohano no keia kumu hookahi, mai ka oihana kiekie ae ana e paa ana, a ina pela, owai keia mea e hoopaa nei i kanaka ona, ka mea nana e alakai ka lahui opio? O ke Kahukula nui anei e kaahele nei, a o ka Lunakula anei o ka Apana kahi ana e noho kumukula ana? Ke koi nei makou, e hoopauia keia kumukula ona, a e hoopau pu ia hoi ke kanaka e malama ana i keia hewa me ka manao e huna a nalo.