Ka Nupepa Kuokoa, Volume VIII, Number 45, 6 November 1869 — Kanaka make ma ka wai. [ARTICLE]

Kanaka make ma ka wai.

E ka Nupepa Kuokoa e ; Aloha OE :— Aia ma ka la 20 Ocatoba nei. Ua hele aku keia kanaka o Kapai kona inoa ? me na kanaka he 10 e oki ike naku a me ka honohono, ua huki lakou i ka mea i hemo i kapa a koe kekahi o ka aina awakea ia. A mawaena o ka hola 1 a me ka 2, hoomaka lakou e hana hou, olelo ua Kapai nei e luu me ke kaula e hikii ai, olelo kekahi kanaka o Kapu kona inoa, e luu aku kekahi kanaka o kakou. O ka luu aku la noia o Kapai nei me ke kaula iaia i luu ai a liuliu iki, hooea ae la oia aia ka honohono a lakou i oki ai maluna o ke poo ona, aole e hiki ke poo ke hooea loa iluna o ka iliwai, a emi hou ilalo, a hooea hou ae aole e hiki ke poo i luna ua no i ka honohono, o ka emi noia i lalo oka wai, o keia wahi i ma-

ke iho la o keia kanaka, o ka loko ia o Waiakea, o keia loko he hohonu 2 anana makau wahi. Aia keia wahi ma ka uapo, ma ke poo mauka o ua loko la. a malaila no hoi ke alanui e hele ai i ka lua o Pele a hala loa i Kau. O Kalepolepo nae ka inoa nui o ia wahi. Mawaena o ka hora i a me ka 2 i oleloia ae la maluna, ma i mau hora ka nalowale ana o keia kana a iloko o ka wai. A ma ka hora 5 a me ke 6 ka loaa ana. O Kapu a me Keliiwahanuku na kanaka nana i hooikaika ma ka luu imi ana iloko o ka wai. Ia Keliiwahuuuku nae e luu ana, puiwa ae la oia no kekahi mea ana i ike aku ai, me kona hoomanao ae no nae o Kapai no. Ea ae la oia a luna, a kahea aku la i kona ko koolua, "oia paha keia?"' Au mai la o Kapu, n luu iho la, a ea ae la, a kahea mai la "oia no!" Hoolei ia aku la ke kaula, a hoau ia mai ia a pae i kula, a auamoia aku la a hiki i ka hale. Aloha ino! He wahine no kana e oia nei, a he mau makamaka no hoi, a ke noho nei lakou me ke kaumaha. J. A. Kealohanui. Puueo, Hilo. Oct 27, 1869.