Ka Nupepa Kuokoa, Volume VIII, Number 45, 6 November 1869 — He Alii pee! [ARTICLE]

He Alii pee!

E ka nupepa Kuokoa ; Aloha oe:— Ua halawai mai au, me na hua olelo no kekahi alii wahine o ka hikina i pee i ka manawa loihi, a kahi no a hoike iaia i mua o ka lehulehu ; aia malaila kekahi wahi olelo ninau no kekahi mau alii o Hawaii nei i pee a hiki i keia wa. Eia ka haina o ke la ninau. Eia no kekahi Alii nui o Hawaii nei ke pee nei a hiki i keia la nona ke kapu wohi a me ke kapu moe. Ua like ko laua kapu me ko Keopuolani, a o kona inoa, o Kaneoneo, o kona wahi e noho nei, aia ma Puako Kohala Hema. Oia kahi mea hai aku a nau ia e hai ae ma ke akea, i ike mai ka lehulehu a pau ke hooki nei a'o maanei. J. A. Kamakini. Kawaihae Oct. 22, 1869.