Ka Nupepa Kuokoa, Volume IX, Number 4, 22 January 1870 — He mau Ninau Kanawai. [ARTICLE]

He mau Ninau Kanawai.

E na keiki ona aiua e a me na keiki o kuu aina hanau nei, mai Hawaii o Keawe, Kauai o Manokalanipo, a pili mai hoi Niihau, e holo balota ana no keia makahiki 1870 e naue nei, e hai pololei mai oukou i na haina o keia mau ninau Kanawai. Ninau l. Heana na Aha Hookolokolo ? Ninau 2. Heaha ke Kanawai ? Ninau 3. Heaha hoi na Lunakanawai ? Ninau 4. Heaha la na Loio ? Ninau 5. Ehia Aha Hookolokolo ? Ninau 6. Heaha ke Aupuni Hawaii ? Ninau 7. Heaha ke Aupuni o Mareka ? Ninau 8. Heaha hoi ke Aupuni o Beritania ? Ninau 9. Heaha ke Aupuni o Farani ? Ninau 10. Heaha no hoi ke Aupuni ? Ninau 11. Ehia mana nui o ke Aupuni i hoakakaia ma ke Kanawai ? Me ka laua no o kuu manao, e loaa ana no i na Hiena aikanaka o Babulona. J. M. Kanoa. Kawela, Molokai, Ian. 10, I870.