Ka Nupepa Kuokoa, Volume IX, Number 8, 19 February 1870 — Page 4
This text was transcribed by: | Hemolele |
This work is dedicated to: | Kalani Meyers |
Ka Nupepa Kuokoa
KE KILOHANA POOKELA NO KA LAHUI HAWAII.
Ke Kuokoa, Honolulu, Febuary 19, 1870.
Ka Aupepa Kuokoa.
Ka Uhane Hemolele
1. E ka Uhane mana lani.
Iho mai i keia ao,
E hoike i kou nani
I na pokii hoahanau.
Oe ke kokua aloha,
Hope io o Iesu,
Ike, launa. a hoola,
Hoomaemae la ia makou.
2. Alu mai, ke kumu mana,
Pale i na enenui.
Noho mau, hoopumehana
Ma kou luakini neu;
Hoomaikai, a hoohauoli,
A kokua ia makou
E hoomaikai mau ia makou
E hoomaikai mau ia oe,
Me na kini o ke ao.
3. Hana mau a hemolele
Na naau a haumia nei ;
Holo mai e hoopakele
Mai ka lua e make ai.
E kai ae mai koonei nanai
I ka pani maluna'e
Me na kini mililani,
Oli, me ka hoomaikai.
Hawaii
Come Holy Spirit from Above
6
1. Ka Uhane e, e iho mai,
Hoopa i kuo naau,
I alo wau a ike ne,
He mana Akua kou.
2. I pau ka hoomaloka o'u,
Ke kanalua pu,
A kai mawaho o ka po I ao, i aloha au.
3. Ka Uhane e, e lale mai,
Me he nunu mama,
Hoko o'u e noho ai,
Kokua a hoona.
4. Hoolilo mai i kuu naau I luakini nou;
Nou loa kau mau mea a pau,
Nou wale au a mau.
Hawaii
O Thou that Heareth Prayer.
6-8
1. E ka Makua mau,
Hoolohe pono, e,
Ke noi na kauwa au E hoopomaikai mai;
Ho mai ka Uhane no makou,
Me kau i hui e mai la no.
2. Me na makua oonei I aloha a a na pokii,
Pela e kokua mai Mo kau Uhane e ;
E iho a hoopiha mai I keia wahi halawai.
3. Ninini nui mai I kou Uhane e,
Ma kahi e haiia'i Ka olelo e ola'i,
I huli mai ko o, koonei,
I pau na 'kua wahahee
4. I hiki koke mai Ke Aupuni maikai ou,
A lilo ke ao nei
I luakini nou ;
A mai nei aku e pii moa Ka hoomaikai a pau ke ao.
Hawaii Holy Spirit from on High
7.
1. E ka Uhane, mai ke ao
Nana aloha ia makou,
Paipai mai i na manao,
Koonei hewa a' hoopau.
2. Ao mai e nonoi haahaa E kokua i na kauwa;
Kuhikuhi ia Iesu I kahuna no makou.
3. Hoopau i na kao e ae,
Na kaulele wahahee,
Iesu no ka uwao manikai, Aole kalahala e
. 4. Paipai mai e naue mau Ma ka heihei lani no,
Naue mau a komo ae I ka maha maluna ' e.
Hawaii.
Papa Hoike a ka Luna Dute Nui o
Hawaii Nei No 1869.
Ke manzo nei makou, e olioli ana no paha ko makou poe heluhelu a e makemake ana hoi e ike i ka loaa o na waiwai i hoopae ia mai ma ko kakou nei aupuni a me na mea i hoounaia aku mai ko kakou nai aupuni aku iloko o ka makahiki i hale, mamuli o ka hoike ana a ka Luna Dute Nui F. W. Allen Esq., o keia awa. Ua pai mua ia keia hoike maloko o na nupepa puka pule kahiko elua okeia kulanakauhale i ka pule i hala, aka hoi, he waiho aku nei makou i keia pule i mua o oukou.
O ka nui o na waiwai i hookomoia mai iloko o keia aupuni i ka makahiki 1869 i hala, ua hiki akua ka waiwai i laweia aku i waho mailoko aku o keia aupuni, i ka makahiki i hala, ua hiki aku ka waiwai io i ka 82,040,068.10.
O ka nui hoi o na waiwai i laweia aku i waho maik=loko aku o keia aupuni, i ka makaahiki i hala, ua hiki aku ka waiwai io i ka 62,766,355,83.
O na luna no keia wau waiwai i dute ia mai ko kakou mau Hale Dute mai, he 8215,795,42.
O ka nui o na ohua i ku mai ma Honolulu nei i ka makahiki 1869 i hala, he 1,001.
O ka nui hoi o na ohua i holo aku mai Hawaii nei i na aina e i ka 1569, he 722.
O ka nui o na kuna a me na kiakahi e holoholo pili aina nei ma ko kakou mau awa, he 36.
Mailoko mai o keia heluna, he 6 kiakahi.
O ka nui hoi o na moku okobola a me na moku kalepa e holo nei malalo o ka have Hawaii, he 24. O kā nui o na moku Amerika i ku mai ma na awa o Hawaii nei i ka 1869, he 88.
O ka nui o na moku Beritania i ku mai ma na awa o Hawaii nei i ka 1869, he 14.
Na moku Kukini i ku mai, 2,
Na moku o Germania Akau, 2.
Na moku Tahiti, 2.
Na moku Nu Gerenada, 1.
Na moku o Sana Salavadoa, 2.
Na moku Hawaii, 15.
O ka nui o na moku okohala Amerika i ku mai ma Hawaii nei 1869, 89.
Na okohala Hawaii hoi, 13. O ka nui o na mokukaua o na aupuni e iku mai ma Honolulu nei i 1869, 7.
O ka nui o na gulani aila kohala i laweia aku mai keia awa i 1869, 1,698, 189.
Na galani aila pama ( sperm oil ) 157,690.
Na paona iwi kohola, 627,770.
O na waiwai i hoopaeia mai ma ko kakou mau awa me ke dute ole 8249,649,63.
O ka nui o na galani aila kohola a na moku Hawaii i loaa ai a laweia i Amerkia, he 34,360.
Na galani aila pama ( sperm oil ) 5,850.
O ka nui o na galani aila kohola a na moku Hawaii i loaa ai a laweia i Blermana, he 119,375.
Na galani aila pama ( sperm oil ) 3,121.
Na paona iwi kohola 89,842.
O ka holoholo-olele ke kumu ku-e.
Luna o ke kuokoa; Aloha oe :
Ua ike nui ia kein i waena o na lahui kanaka pau, o na ano wai hooluu like ole e noho ana maluna o ka ilihualala o ka honua holookoa; aole kekahi o na lahui kanaka i nele i keia mea o ka " holoholo olele ". Ua lohe ia, a ua ikeia hoi i waena o ka poe i ao ole ia, a i hoonaauao ole ai ma na kula haahaa a me na kula nui. U a hamau ia, a ua paiakuliia na hai i waena o ka poe i ao ia a kuliu ka ike, aole nae no 'ia ike a me ia piha ana i ka naauao i nele ai kona " holoholo olelo " ana, e holoholo olelo ana no. Ua huai nui mai no hoi keia i waena o ka poe i kapain he poe Karistiano ; a pela wale aku.
Aka, o ka holoholo olelo, he kumu no ia o ke ku-e i waena o ka noho launa pu ana, a ia waena o ka noho launa pu ana, a i waena hoi o ka ohana, a i waena o ka ke kauwa me kona haku a pela aku a nui loa. Oia ka mea i oleloia mai ai e Iesu: Mat. 7: 3-5. Heaha kau e nana aku ai i ka pula iki iloko o ka maka o kou hoahanau, aole hoi oe i i ke kaola iloko o kou maka iho? Pehea la hoi oe e olelo aku ai i kou hoalauna. E ho-mai na'u e unuhi ka pula iki no loko mai o kou maka, a he kaola no ka hoi iloko o kou maka iho? E ka hookamakou maka iho, alaila oe i ke kaola maloko o ka maka o kou hoahanau.
E nana e na naipule oiaio, i kekahi o na pauka kuhikuhi, aia ma Pukaauia 6:41, 42; e hooia pu mai ana i ka mea i kakauin e Mataio.
Ma keia mau pauka, ke koi mai nei ke aloha o Karisto; mai au i ka " holoholo olelo, " oia hoi, mai ike i ko hai hewa a hele wale aku a kamailio ia hai, me ka ike no nae, he pauka laau nui no e kau ana i mua o kona maka; ke olelo nei o Iesu; e hookaawale i ka pauja laau nui mai kou maka aku, alaila, e lanakila auanei oe, aole ou mea e kulia ai. A he mea pono no hoi ia oukou e na haipule, ka poe i kapaia ma kona inoa, e no aku i kou hoahanau ma ke kino; oiai. o olua wale no ma ka hale, a ma ke alanui paha, a ma kahi paha e loaa ai kou hoalauna hoi iloko o Karisto Iesu.
O ka holoholo olele oia kekahi o na hua awahia loa iloko o ke kanaka, ke ole e loaa. I kou manao, hooia pu mai ana no oukou a paul, me ka olelo, he kumu ia o ke ku-e". Ina oukou noho ohana ana. e ike no oukou, aole a oukou noho ohana ana. e ike no oukou, aole a oukou , aole a oukou mea e hoole mai ana. Eia hoi; o ka noho ana ma ia hope iho, aole he oluolu iki o ka manao, a lilo laua i mau mea hoopalai maka, a o ka lilo iho la no ia i mea ku=u i waena o ka noho like ana. Aloha wale no keia wale no; aka, he wahi lala wale no keia. He pono i na haipule io ke hoonaauao i ke leau i ao mai ai.
Ladora Kapanui.
Waihee, Feb.9, 1870.
Kumumanao.
O ka hooluia ana o kekahi ekalesia a mau ekalesia paha iloko o na waiwai kipe. He kohu pono aneu ia ike auo Karistiano? Ma ko'u ike a me kuu hoomaopopo i na kumu e hiioa ai a hoole paha, a o ka holo i na kumu e hooia ai a hoole paha, a o ka holo i kuu manao. oia keia, aole, oiai ua olelo mua mai waiwai, aka, me ka maalea, e like no me kaua i olelo mai ai, e maalea e like me ka Nahesa, me na manu Nunu hoi ka noho malie. Aole hoi me na dala. a mau apa lolo, e hooulu ai i ka ekalesia, o aha hoi o like ole ka makemakeia. o ka hooulu ia ana o ka ekalesia, me na waiwai kipe, aole he aoo Karistoano ia.
Ina me ka waiwai e hoolului ka ekalesia; he mea maopopo aole lakou i manao ao ka pono a me ke ola o ka uhane. aka, i makemake no lakou no ka waiwai, a ina a nele aku a haawai ole ia on a lole a mau dala, o ko ia la haalele mai no ia, a hele hou e auaaa. Ikii aku kou hana, eia mai ka ia la e olelo hoohepa mai ai, aole wau makemake ia oe, aole makana wau i dala, me on a lole wau pilikia loa, nolaila. o ka houluia ana o ka ekalesia me ka waiwai, aole i ku i ke Karistiano, aka, ku i ka pepehi uhane. Ina me ka waiwai e hoolu ekalesia ai, ua maopopo o oe kekahi kahunapule pepehi uhane, me kou ike ho hoi he lua ia e make ai, hoalakai oe malaila, pili mai ai ia olelo, alakai ka maka po i ka maka po, haule pu laua i ka lua ia e make ai hoalakai oe malaila, pili mai ai ia olelo, alakai ka maka po i ka maka po, haule pu laua i ka lua hookahi.
Ina me ka waiwai e hoolu ekalesia, oia ka'u e olelo nei, aole i pono,
O na manao keia a'u i manao ai la, o ka oukou mai koe e kekahi poe kalai waa.
S.P.K. Nawaa.
Halaula, Wailuku, Feb.1, 1870.
Ua Lilo ka Hooponopono ana o ka
Ohana na ka wahine, o ke kane hoi he Moe wale iho no i ka Hale.
E ka nupepa Kuokoa e, aloha oe, a me kou Luna Hooponopono, me na kaiki ulele hua hoi kahi aloha. E oluolu oe e hookomo iho ma kou kino nui i na hua e kau ae la maluna, a nau hoi e lei hele aku ma kela pea a pau i ka hana aloha ole a keia kane i kana wahine a me ka laua mau keiki.
Eia ma Wailuku nei kekahi kanaka, o ka pono o ka noho'na na ka wahine, O keia wahine, ua malama oia i keia kanaka a me ka laua mau keiki ma ka laua mau keiki ma kona hookaika ana i ka hana a ua kanaka nei, he moe wale no, aohe imi i mea e pono ai ka noho'oa.
Eia ka mea kupanaha-o ka hana nui a @@@ @@@@@@@ @@@ @@@@@@ @ @ @@@@ e loaa mai ai, no hea la. Eia nae ka mea hilo, o ke noi no i ka wahine i hapaha, me ka ike no hoi e hooikaika ana ka wahine, a haawai ole aku ka wahine, i mai kela, in a oe e aua, alaila, e make ana au; a o keia hua make, o ka ae no ia o ka wahine, a haawi aku la, me ko lakou ai like ole ia mea. He hewa ka ka lilo i ka pakele poi, he ai like me na keiki, o ka i ala no ka opiuma. He keu a ka hilajila!
Eia no hoi, o keia kanaka he opiopi no, aole i elemakule; o ka huinao na makahiki ma ko'u koho ana, aole i 30 ; ma ka nana no hoi iaia, he ui, a he kanaka ikaika; he nui knoa kino; aole no he mai ma kona kino; hookahi no mai, o ka molowa, a o ka hoa pili o kona poo o ka uluna. Akaaka no hoi ua pumaia, he nele o loko.
Ma kuu ike a me kuu lohe no i ka wahine a ua kanaka nei, oia ka'u e hoouna aku nei i ke kilohana. Auhea oukou, e kuu lahui, mai noho a hoohalike me kauee, ka hoolilu i kana wahine i mea hooikaika dala, i lona on a ai a me on a opiuma nona. He hana pono auei keia? Aole.
No ka ka oiaio, kke kau hookamakani ole nei au i kuu inoa.
S.P.K. Nawaa.
Wailuku, Feberuari 11, 1870.
Mea Hou! Mea Hou!! ma Wailuku!
E ka Nupepa Kuokoa; Aloha oe a me kou L. H. a me na keiki ulele hua kepau: Ma Kela mau hua e kau ae la mailuna, malaila kakou e ike ai a e manaoio iho, he mea hou io.
Eia ma ka pa hale Luakini o Kamalu he kuawa nei. Ua ikeia kekahi waki kupanuha i ano like no me he waki maoli la ne. A o ke ano o ua mea e olelo ia nei penei ka hana ia ana:
Aole no i pau loa ke kino o ka waki, ua hana hapaia oia hoi keia : ma na hora wal no o ke ao ka hoikeia ana, koe na hora o ka po. Penei ke ano, mai ka hora 6 kakahiaka, a hiki i ka hora 12, mai ka 12 a ka hora 6 ahiahi, oia ka palena. Penei ka hanaia ana: Ua hanaia kekahi wahi papa a ua poepoe hapa, a ua penaia i na ano pena elua, keokeo a me ka eleele. A ma kona mehele waena, he wahi papa huina-kolu,i pena keokeoia, a o kona aoao huina-lua, ua hookuponoia i ka hora 12, a o ka aoao huinakahi i ke kiko waena o ka hapa poepoe, a o ka aoao waena o ua wahi papa huiua-kolu nei, ua hookuponoia i kahi e hiki mai ai ka la, a me kahi e napoo ai. A na keia wahi papa huina-kolu e lawe mai i ke aka o ka la a hoike mai o ka hora 7 keia a pela aku.
Eia kekahi mea kupanaha, ua kau puia na hua helu hora a me na munute, a o ke kuhikuhi hora oia no kahi papa huina-kolu i olelo mua ia ae nei. A o ka pololei ana mai no @oi, me he waki maoli la no. Ina e nana i ka waki maoli. a ekeia hoi. u@ like a like, a i kahi wa ua oi aku ke@ mamua o ka waki maoli, pela no hoi ka waki maoli.
Eia no hoi. Aia malalo o u@ waki nei he papa kuhikuhi la, a ua kau puia me na mahina a me na la, mai Ianuari a hiki i Dekemaba, o ka A.D. 1870 ma ka la 28 kona kauia ana.
Ke ninau mai paha kekahi poe. Nawai la i hana? Na ka elemakule puniuniu o ka ike o ua malu kuawa nei, oia hoi o Rev.W. P. Alekanadero, ka mea nana e malama nei i ke kula kahunepule a ke hoike nei oia i keia hana naauao i kona , " he ino pahukamana he nui na mea hana." No kuu ike, he mea hou keia,, oia ka'u e hoouna nei i ke kilohana, aole au i ike a i lohe hoi, ua hana muaia. A in a ua hanaia ma ka mokupuni hea o ke aupuni Hawaii nei? Me ka L. H. kealoha.
Owau no me ke aloha.
S.P.K. Nawaa.
Halaula Wailuku Feb 1, 1870.
Pono ole ka poe Mai-Pake ke noho me ka poe okoa.
E ke Kuokoa; Aloha kaua:
E eluolu ne e ka Luna Hooponopono a me kou mau luna, e hookomo iho i keia wahi puolo ma kahi kaawale o kou mau kolainu. A nau ia e ahai ae ma na paiena o keia mau pae aina, mai hikina a komohaana. No kela mau hua nui ka lana o ko'u manao a me lakou nei ae e noho mai nei.
Ma ka la 7 o Feburauri aku nei, ia'u i naue koele wawae aku ai ma ke kula loa o Kahua, kamau aku ia wau i ko'u hele malihini ana ma ia wahi aku, a hiki aku la au ma kahi o ka hale pule e ku kiekie mai ana.O Kamoiliili ku ia wahi, pela aku ko;u hoomanawanui ana a pii aku la au i ke oioina e nana ai ma kela aoao o ke kaha o Waialae ma. Ninau aku la au i kekahi wahi kanaka e hoea ae ana maluna o ka lio mai ke kaha ae o Waialae. " Owai aku keia wahi?"
" O Waialae kela ulu niu. Wahi a ke kanaka kamaaina, pau ae la ka maua pa-oa kamailo ana, huli aku la kela he ala lio, koele wawae mai la au oia kula, a hoeia ana au i kahi o ka wai e lana ana, ninau aku la la au i kekahi wahine nui eleele, owai keia wahi? " O Waialae-punawai," pau ae la ka maua kamailio ana.
Huli mai la no au hele ana oia kula manienie, a hiki ana au i ka lihi o ka loko e naka elekule, ninau aku la au iaia, " Owai ka inoa o keia wahi?" " O Wailupe ka inoa." Ke ikaika la no na ami o ko'u mau wawae no ka hele ana, kaalo ana au ma waho o kekahi hale nui e ku ana ma ka welau hema, a o ke alanui hoi ma ke homohana akau. Ia'u e ku ana ma ke alanui no ka maloeloe o ko'u mau ami wawae, ma ia manawa, lohe aku ia au i ka leo o kekahi poe kanaka e olelo ana no na Mai-Pake e noho ana ma Wailupe he paapu wale; nole ka o lakou makemake e noho huikau me ka poe ola, no ka mea, aole i aeia e ke aupuni a me ka Papa Ola e kukulu i hale Mai-Pake ma Wailupe.
Aole ka ia o kahi i aeia e ke aupuni e noho na mai ino ma ia wahi. Ua aeia ma Kalihi e noho ai no ka la hookahi a noho aku i Kalawao ma Molokai; ( ke nalu wale ia no au no ia lohe ana o'u he Mai-Pake ma Wailupe) Ke ku nei no au no ka hora hoohahi, hoea ana he wahi kaikamahine makai mai, ninaninanau pono loa aku la au iaia e like me kela lohe o'u i lohe ai, hai maopopo mai la kela ia u. Ae he Mai-Pake hoi paha ko makou nei wahi, aole hoi no Wailupe nei no kahi e mai hoi ka nui e hele mai nei, hookahi no mea o anei i loaa iho nei o HOlokahiki, a he wahine ka lua. O ke kahuna e hana nei o Kaaiai, he wahine. Pau ae la ke kamailio ana me ke kaikamahine.
Hoomanawanui loa aku la au o ka hiki aku i ka home o ko'u mau makamaka ma Keawawa, ke hele ia no au me ka pono ole o kou manao. Hiki ana au i kalii o kamaaina, i ea aku ka hana, ua hala ka puulena ai i Hilo, huli hoi mai la ka malihini me ka hoa-a i ka makamaka e noho ana mai Hawaii a Kauai, ke hai aku nei au ia kakou, e hookanaka, mai noho huikau ka noho ana me ka pue i loaa ia mai a ka poe o Kina mai, eia ia he mai ana ole mai, wahi a ka Pake mai ka olelo. Aole kahuna akamai e ola'i, e ola ana no a mahope puka mai no. Ua pau keia, ke hoi nei ko Kaukeano keiki ua ahiahi. Na'u na B.S. Ikemaka.
No ka Waiwai o ke Kula Sabati.
I ke kaapunia ana i ke ao holo okoa a pau, ma na aina puni ole nui, a me na mokupuni liilii e luliuli ana ma ka ili moana, e ike no auanei ka mea kaapuni honua i na kanaka o kela a me keia ano e hana ana i na hana a lakou i iini nui ai; aka, o ka hope o kela a me keia hana ka mea i manao nui ia e na kanaka a pau e noho nei ma ka ili honua.
Era keia o ka ike i loaa i na haumana kula Sabati, he une ia nana o hoolana i ko lakou mau manao, he maha io ko lakou ma kela ao. Ma na aina a pau i laha aku ai ka hoomana Kristiano oiaio, e hilinai ana hoi maluna o ka Babala ke kahua luliluli ole o ka hoomana ana, ua ikeia ua nui a mahuahua na kula Sabati, kahi e hoomaamaaia ai i na mea e pono ai ko lakou mau uh@@@ ma kela ao, ka waiwai makamae i kuai@@@@ ke koko o Iesu Kristo, ka hiwahiwa lua ole a ke Akua.
Aole no hoi i like na mea hoonaauao i aoia ma na kula maoli a me ma kula Sabati. Ma oa kula Sabati kahi e aoia ai i na mea e pono ai ka uhane ma kela wahi maha mau loa-a una na kula maoli kahi e hookulia ai i na ike a pau o keia ao. i mea e oluolu ai kou noho ana maluna o ka hooua. a hiki i ka hio ana o kou mau la.
Ma na aina naauao Ua iia. "He poe ake akamai o na mea like ia." Ua kaulana no hoi kekahi i ke ana aina, loio, holoholo moku a me ka nana aku i na hoku hele ma ke aouli o ka lani. O keia mau ike a pau i loaa ma na kula maoli. I hele hoi a lewa ka honua a me ka moana, a lilo hoi na mea ma ke aouli i opala, no keia no wale iho no ia; a o ke kanaka e hilinai noi ana maluna o keia mau ike. ua lilo e kona uhane no ka lua ahi o Gehena, kahi e u we a a-la-la mau ai i na kau a kau. Auw! aloha ino ke kanaka nona ka ike ana i na mea a pau o I kona mea nana i hana. Ke hawanawana mai nei o Solomona . penei:
Ehoomanao oe i kou Mea nana i hana,
I na la o kou noho opiopio ana.
Oi hiki ole mai na la @@@
A hookokoke ole ia mai na makahiki
Au e olelo ai .
Aohe o'u oluolu i keia mau mea .
Ke i hou mai nei no, Lapuwale o na Iapuwale, wahi a ke kahuna ; lapulewale o na lapuwale, pau loa na mea o keia ao i ka lapuwale. Eia hoi ka Iesu. Heaha ka pomaikai o ke kanaka ke loaa mia iaia na mea a pau o keia ao, a lilo aku hoi kona uhane no Gehena?
Elike me kekahi laau nui i i hoohua mai i kona mau hua momona. pela no ke kula Sabati e hoohua maiai i kona hua nani i like ole me na hua o keia ao.
Noloaila e na makamaka aloha o ka ike a me ka naauao i loaa ma ke kula Sabati. He momi ano e loa ia, in a e hoohalikea ae na nani hinuhinu a lilelile, i like ole na waihooluu, i hele hoi a noho ke aka ke luha aku aohe wahi mea a pilipili ai@@ aku. Oiai, ua lana ka manao, ua holaholaia a pau kou pohihihi o kou naau no na mea o kela ao, ua akaka lea i kou manao ko Iehova Akuna oiaio ana, a me kana hana ana i na mea a pau loa a me ke kanaka, a me kona haule ana iloko o ka hewa.
Eia hou, ua mohala laelae loa no hoi kou mauao i ka hana a ka Uhane Hemolele, nana e kipopo a wawahi liilii i na a-la paa o Kaueleau iloko o kou naau hoomaloka; a hoomaluleia kou manao, pau no hoi ka au ana i kela ino a me keia ino pelapela o keia ao, a hoolanaia ka manao i ko luna wale no.
Eia hou keia, olioli no hoi ka manao i ka lohe ana ma ke kula Sabati i ka inoa o Iesu Kristo, ke kamakahi a ke Akua, ka mea i lilo i kalahala no ke ao nei. A ma ke kahe ana o kona koko makamae, e kalaia ai na hewa, a e uhiia ai na hewa, o ka poe a pau e kalele aku ana maluna on a. Eia kekahi, ma na Kula Sabati no kahi i hoowalea ia o na makua a me na keiki i ka hoike ana i ko lakou aloha ia Iesu Karisto. Ma ka haawi manawalea ana i na wahi apana dala liilii i mea e kokua ai i ka ka hoolaha ana i kona Aupuni ma na aina Pegana o ke ao nei.
Eia hoi, o ka poe i naauao ma na kula maoli, a hui pu hoi me ka ike i loaa ma ke Kula Sabati me ka naau haahaa a me ke akahai o ka manao. Ua lilo lakou i mau elele maikai ; a mau Alihikaua ikaika, koa a kaulana hoi ma ko Iesu aoao, a na lakou e hoomalama i ko ke ao nei a pau, ma na Aina Puniole a me na mokupuni i ke kai, a hoauhee i ka pouli o Satana, a hoolanakila i ka oiaio o Iesu Karisto ma ka honua nei a pau.
O Rev.A. Katina, H. Binamu ma kekahi mau haumana Kula Sabati ma Amerika Huipuia, i hoounaia mai e ka Ahahui Misionari ma Bosetona, e hele mai e ao i keia lahui naaupo. Nolaila, i keia wa la, , ua lanakila ko Iesu mau Alihikaua, a ua auhee ko Satana poe ma na kuono liilii o Hawaii nei. A o keia mau elele a pau mai Amerika mai, he mau hoku lilelile loa lakou e kaapuni nei i keia lahui, i haahaa wale iho hoi ka ui o na hoku-hele ma ka lewa lani.
Oka lakou mau pulapula, ua like no ia me na Hokuwelowelo puapua moa, e kikaha lua nei i waena o keia lahui opiopi, e hapai ana kekahi hapa i ka hana a ko lakou mau makua. Aia no hoi makua. Aia no hoi ma ka Paeaina o Maikonisia a me Nuuhiva, he mau haumana Kula Sabati ili ulaula o Hawaii nei, ua lilo i mau elele, a i mau kenelala wiwo ole no ko Iesu Aupuni, no ka mea, penei; ka Iesu olelo i mua o kana mau haumana.
19. E hele ae oukou e hoohaumana aku i na lahuikanaka a pau, e bapetizo ana ia lakou iloko o ka inoa o ka Makua, a o ke keiki, a o ka Uhane Hemolele.
20. E ao aku ana ia lakou e malama i na mea a pau a'u e kauoha aku nei ia ia oukou. Aia hoi, owau no me oukou i na manawa a pau, a hiki i ka hopena o keia ao. Amene.
Nolaila e na pokii, e hoolana i ka manao me ka haahaa imua o ka Makua nui ma ka lani. No ka me, aia no ma ka pae aina o Maikonisia a me Nuuhiva na kuaana Lahainaluna o kakou e hooikaika mau ana imua i ka hana a ka Haku. Ua lilo lakou he mau lamaku no ka malama i waena o na mokupuni liilii o ka pakipika Hema.
Nolaila, e hookanaka e na kula Sabati, mai ka wai nauke poo o Waiohinu, a pulelo aku i ka wai kuauhoe o Kapaa. E liuliu, a hoomakaukau i na mea kaua o ke Iesu aoao.
Ma ke kulanakauhale o Moscow, Rosia, komo aku la ke alii o Rusia a me kona mau hoaloha eha maloko o kekahi hotele paina, a ai iho la lakou i ae ia e puka aku, e hele me ka ike oleia. O ka uku no ia ai ana, he ehiku haneri dala.
Palu-elo i ke Aloha a ke kokoolu.
Ka Nupepa kuokoa; Aloha oe:
Ma ke Sabati la 30 o Ianuari, hora 4 o ke ahiahi. lalau mai la na lima menemene iole o ka make i ka'u wahine mare, oia oia o Mrs. Lilia Kamahana ma Laie. Oahu.
Ua hanau ia oia ma Waimea, Hawaii. i ka la 27 o Maraki 1844. a make aku la i ka iwakaluakumalima makahiki me umi malama o kona ola ana ma keia honua. Ua hoohui pu ia maua i ka berita mare i ka la 15.Feb. 1861 ma Holualoa. Kona Hawaii he eiwa makahiki, he umikumakahi malama ko maua pili ana me ka lualele ole ia e na kikiao makani a ka hoowalewale. A no la, ua moku ka alihi o ke kaula gula o kuu puuwai, ua naha hoi ke kiaha dala o kuu mau galani wa@@naka.
Pomaikai ka poe make ke make iloko o ka Haku. A ua haku iho au i wahi kanaenae aloha nona. He kanikau aloha nou e Mrs.L. Kamehana, Kuu wahine mai ka ua apuupuu o Waimea, Mai ka hau ana]u la e Maunakea, Akea ka pili a kaua ua hele oe, Ke mokumokuahua nei ke aloha i kuu manawa,
Auwe! kuu wahine e !!
E unmi iho ana i ko aloha aole e nalo, Aole e paa i ke koi ia e ka waimaku, A po hewa ana au i ko kino wailua,Hoano mai ana oe ia'u, Ua ku pouli au i ke aloha nou e noho nei,
Auwe! kuu wahine hoi- e!!
Noho ana au me ka minamina ia oe, Me ke kaumaha luuluu i ko aloha, Ku'u wahine mai ka la wela o Nanualele, Mai ka makani kuehu lepo la e Lihue, Hu-e anei ke aloha haina e ka waimaka, Auwe! kuu wahine - e!!
Aohe wahine he hon pili no ka ua me ka ia, He hoa haihai olelo no ke kuluaumoe, Moe ana au hoolono i ku leo, Kakli aku oka pane ia mai, Ma kuu poli ae oe ma kahi mehana,
Auwe! auwe kuu wahine -- !!
Kuu wahine mai ke kai hawanawana e kawaihae,
Mai na ale hanupanupa la o Alenuihaha, Mai ka la kikiki e ka Maolaea, E-a mai ana ko aloha ma Laeahi, Halialia wale mai ana i o'u nei,
Auwe! kuu wahine--e!!
Kuu wahine mai ka wai au o Waikane, He kane au he wahine oe, I lilo ai kaua i hookahi io, I suea pu ia ai au me ko aloha. Ke molohai wale mai nei no i kuu kino, Auwe! kuu wahine--e!!
Kuu wahine mai ka aina makamaka ole, Akaua e alo ai i ka wela o Laie, Olu aku kaua i ka wai o Kapuna, O ke ahe mekani o Lunihuli ka'u aloha, kani a kaua e luana ai me na lei he keiki,
Auwe! kuu wahine--e!!
Kuu wahine mai ka malu hale o Pianarosc, Oia Meeting House a kaua e noho ai, E hoolohe ai i ka pono o ke Akua, Ekuka pu ai me na makua o kaua, Me na kini makamaka o ua aina malihini la e aloha,
Ke paiauma nei o Pa-pa in oe, Ke uwe helu mai nei o Mama, Ke ku nei ka makena ou hoahanau ia ou, Pau ka ikena ka lohe ana i ko leo, Ke noho la oe ma ka Paresa@@o nani mau loa,
Auwe! kuu wahine--e!!
Ka hua nioi pala e wela ai o kuu naau--e.
Lyons B. Nainoa. Laiewai, Koolauloa, O., Feb. 11, 1870.
N Buke
Hoolahala E Ka Papa Hawaii.
Baihala Hemolele Nui ili gula nani me
na kuhikuhi ma na aoao.- - - - $12.00
""Nui ili eleele kaekae wai gula, 7. 00
"" nuku iki iho." " " " " 8.00
"" Pananaiki iho ili eleele, " " 5.00
Kauoha Houili gula nani me na kuhikuhi 3.00
" " " eleele kaekae wai gula, " 1.50
" "" " "" " "" "-------------------- 1.00
Kauoha Hou Hapa Haole, - - - - - - 75
Lina Hawaii 18-48 me ke kanawei, - - 25
" " " 1855, - - - - - - 25
Kumu Leo Mele ili manoanoa me ke ka-
nawai, - - - - - - - - 25
" " " " " lahilahi, - - -- --- --10
Moolelo Ekalesia, - - - - - - - - - - - - - - -50
Haiao, - - - - - - - - - - 25
Hele Malihini ana, - - - - - - 25
No ko ke Akua ano, - - - - - - 25
Lira Kamalii, - - - - - - - - - - 25
Hoike Palapala Hemolele, - - - - - 25
Moolelo o Heneri Opukahaia, - - 25
Hoike Akua, - - - - - - - - - 25
Wehewehehala, - - - - - - - - - 25
Ninau Hoike ili manoanoa, - - - - - 25
" " " " lahilahi, - - - - - - 10
Ui Kamalii Kula Sabati, - - - - - - 10
Kumumua Kula Sabati, - - - - - - 10
Haawina Kamalii Buke 2, - - - - - 10
Buke Lawe Lima, - - - - - - - - 10
He Buke no ka Pope, - - - - - - - 10
Ui Kula Sabati Helu 3, - - - - - - - 25
" " " @ - - - - - - - - -05
Buke Euanelio a Ioane, - - - - - 10
Himeni, - - - - - - - - - - - - 50
Himeni ili nani, - - - - - - - - - 1.00
Na Keuoha Hou Pakeke.
Ili Gula nani - - - - - - - - - - - 1.50
Ili elele kaekae nani - - - - - - - - 50
Ili eleele - - - - - - - - - - - - - - 35
Keuoha Hou Pakeke me na Halelu.
Ili Gula nani - - - - - - - - - 1. 75
Ili elele kaekae wai gula - - - - - 60
Ili eleele - - - - - - - - - - - - - 50
Na Halelu Pakeke.
Ili Gula nani - - - - - - - - - 50
Ili eleele kaekae wai gula - - - - 30
Ili eleele - - - - - - - - - - - - - 20
Eia na buke hamoi wale.
Palapala Liilii-----
Helu 4- Makemake anei oe i ke ola?
Helu 6- E hele i o Kristo la.
Helu 7- Ka hoi ana mai o ke Keiki Uhauha.
Helu 11- No ka hoohiki wahahee i ke Keiki Uhauha.
Helu 16- Ka Eehia ana o ka Ahaaina a ka Haku a me ka Papekikp ana.
Helu 17- Mai hana ino i na Holoholona.
Helu 18- No ka mahi ana, kauai ana, a me ka inu ana i ka Awa.
Ka Davida Malo kumumanao.
Ka Moolelo o Batimea Puaaiki.
L.H. Klika.
Kakanolelo o ka Papa Hooko o ka Ahahui Euanu lio o lo Hawaii Pae Aina.