Ka Nupepa Kuokoa, Volume IX, Number 17, 23 April 1870 — He manao hoakaka no ke dala dime. [ARTICLE]

He manao hoakaka no ke dala dime.

E hoomanao oukou e ka poe ike ole i keia hoakaka ana no ke ano o na daia dirne ; a penei no ia : He 10 dime, 1 da!a, 5 dime he hapalu, 2£ dime he hapaha. He 10 keneta, hookahi ia dime, aka, he hapawalu nae ia ma ka kakou olelo ana i keia mau la. He kuhihewd nui keia o kakou. Penei inai ka oiaio pololei loa ina ke kuai aku a kuai mai: Ina he moa ka'u, a o ke kumukuai o ua moa nei, he hapaha no ia ; a makemake hoi kekahi e kuai mai a lilo nona, haawi mai la kela ia'u elua hapawalu dime, oia hoi he 20 keneta wale no, aka, aōle nae i piha ka hapaha ia mau keneta he 20, aia a haawi hou mai eia i hapaumi dime, oia hoi 5 keneta, a hui pu me na keneta he 20, alaiia, piha pono ka hapaha, oia hoi he 25 keneta, alaila lilo kuu moa iaia. Pela no hoi, iua-he mau hapawalu dime eha Jre haawiia mai no ka hapalua, aole i lawa iho la ilaila, aia a hui hou ia mai me hookahi hapawalu dime i koe, oia hoi he kanalima keneta., Ina hoi oe e makemake e inu ti, i hapaumi no ke bola, a haawi oe i hapaha, hoihoi mai la ka pake dime=ls kenela, a pokeokeo aku la ka pake i na keneta he 10. He naaupo nui no keia no kakou. Eia wale no ka pololei, i elua hapawalu dime ke koe mai. Eia nae, e hoonalo loa iho kakou raa ka ka olelo ana i ka hapawalu me ka hapaumi, a e hapai nui ae kakou i ka 10 a me ka 5 keneta, i mea e maa ai kakou ma ke ano o ke dala dime, a e poho ole aku ai kekahi mau keneta a kakou i ka poe ike i ke apuka ma ka imi loaa ma ka hoopunipuni. Oia na.pake. Eia hou; ina he puu amaama kupono i ka 10 keneta, e ninau no au ia oe> " Heaha ko ktla puu S-a ?" Eia kau pane kupono

malaila, "He 10 keneta." Ina he puu hapaumi, e pane mai i ka mea kuai aku, "elima keneta." Pela e pono ai ka haina kupono 0 kela ame keia mea kuai. Oka hapalua a me ka hapaha paa, aohe pohihihi malaila ke kuai pau, aka, ina oe e kuai liilii e nihomole ana no. Aole no au i manao e hoakaka i keia meu, aka, i niea hoi e pau ai ka pohihihi o kekahi poe ma keia. Owau no kekahi i kuia ma keia mea, oka alunu ia mai. Oiai hoi, ia'u 1 hoao ai e komo ma kekahi hale inu ti ma Aienui, haawi aku la au he hapaha, e hoihoi mai ana kahi pake nona ua hale inu ti la, he dime, oia hoi he 15 keneta. Ninau au iaia, " O ka pololei anei keia ?" Kunana iho la kela me ka manao iho ua ikeia kana apuka ana. Haawi hou- mai la oia 5 keneta. Akahi no a lawe iho la ko'u koi ana iaia. " Me ke aioha no. P. M. Kailiponi. Malulauniu, Aper. 18, 1870. s