Ka Nupepa Kuokoa, Volume IX, Number 18, 30 April 1870 — Heaha la na hana a na makaainana e hana aku ai i na Lunamakaainana. [ARTICLE]

Heaha la na hana a na makaainana e hana aku ai i na Lunamakaainana.

E ke Kuokoa e ; Aloha oe : E oluolu oe a me kou kapena e hookomo iho ma kahi kaawale o kou kino holookoa, i keia mau hua e kau ae la maluna. 41 Heaha la na hana a na makaainana e hana aku ai i na Lunamakaainana ?" He mea kupono ke-

ia na na makaainana e huli mai ai a e nana, oiai ke kokoke mai nei ka wa a na alihikaua e komo poo aku ai i ke kahua kaua, a malaila lakou e kaua ai kekahi me kekahi,a akaka ka mea lanakila mai ke kahua kaua rrai, nolaila, e nana inai e na makaainana o kela apana keia apana o keia aupuni Hawaii kahi i kohoia,ai na Lunamakaainana,e akaka ana e kokua ana mamuli o ko ka io ponoi, aole mamuli o ka hoopilimeaai mamua o na eUla a me na onoonouia inai e noho ma kekahi oihana o ke aupuni, nolaila, o ka wa kupono keia e imi ai i na kumuhana a lakou e hana aku ai, oiai, mai manao kakou aia wale no ia lakou na hana, aole pela, ua like lakou me na kauwa, a o kakou na haku mea hana, ma kahi a kakou e olelo aku ai e hana, malaila lakou e hana ai, pela kakou e pono ai ma ka imi ana i na kumu kupono; nolaila, eia ka ninau ? Heaha Ia na hana a na makaaina* na e hana aku ai i na Lunamakaainana. J. O ka hoole lokahi o na Lunamakaainana i ku ma ko na makaainana, aole me ka hoopae mai i na lima hana ma ko kakou nei pae moku, 2. Aole hoi make ae e hoolilo i kekahi mau dala ma ke ano kuai, e like me ke kuai ana i na kauwa kuapaa, 3. O ka hoo* lilo ana o kekahi mau dala o ke aupuni ma ke kukulu ana i halekula e ae ia ai na ano hana a pau, he mea ia e hoomahuahuaia ai ka loaa o ke aupuni, a e waiwai no hoi, 4. O ka hoolilo ana o na Oihana Kuhina maluna o ka mea hookahi, koe nae ka hookaawale ana i na kupakako pakahi, e like me ka nui o na oihana iaia, 5. O ka hoemi ana iho i na uku o na Luna aupuni, o kela ano oihana keia oihana, 6. O ka hoemi mai i ka auhau o ka poe ilihune ma keia ano auhau keia ano auhau i kauia malunao lakou, 7. Aole me ka hoopaahao i kekahi kanaka a raau kanaka paha i aie malalo o kona haku hana i paa ia i kaaelike, e like me kekahi olelo a ka pauku o ke Kanawai Kivila. Nolaila, oia iho la na hana a na Lunamakaainana i ku ma ko ka makaainana, a oia ka oukou mau mea e hooikaik* ai, a malaila e ike aku ai makou i ka alihikaua ikaika i ke kaua ana me na enemi, oiai, ke aa pono mai nei lakou la me he mau maka Liona la, e uwalu mai ana i na maiuu, e komo aku iloko o ko lakou poli, alaila, kani ka lakou la aka. Ea ? E ahonui oukou mai pauaho koke, imua no a make, e like me ka hana a ko oukou mau haku i kau aku ai maluna o oukou, a he mea hoi e nani ai kou inoa i na

kau a knu ke oi aku kou ikaika imua o kot> j enemi, nolaila, i na Lunamakaainana i ku ma | ko'u io ponoi, oia iho la nn hnna a oukou e . hana ai, aole make hoohalike e like me ke Kau Ahaolelo mua, na manaoia aole e holo ka Laina mokuahi tnawaena o Hawaii nei me Kaleponi, ma ka hooikaika ana a kekahi mau io ponoi o kakou, eia nae ua loli lua ka manao mamuli o ka Moi, a o ka lilo loa no ia o ka manaopaa i mea ole, a ina pela i keia Kau Ahaoleloe hiki mai ana, he meae aku ka imi ana i ka pepehi i kou Inhui ponoi a manao nui aku oe mamuli o ka mea pau wale, nolaila, o na kumu a pau i wnihoia imua o ke akea, a he mea ia nana trakaai* nana e imi hou ai i kekahi mau kuinu e boo« ona aku ai i kolakou mau Lunamakaainana, a pela na apana a pau, alaila, i ka nana aku ua makaukan na Lunamakaainana iloko o keia Kau Ahaolelo, oiai ke kokoke mai nei na la, ua hala ka hooilo, ua hiki i ke Kau, nolaila, mai noho palaleha mai kakou e na makaainana, mai ka puka ana a ka la i Haehae, a ka napoo ana a ka la i Kumukahi, e ala mai hiamoe, o hiki aku auanei na auhau kaumaha maluna o oukou, he puni ka noonoo iho i ka pilikia, nolaila, ke haawiia nei ka wa no oukou, aole kali ke Au a me ka Alanawa, ke holo nei laua a elua i ka wa hookahi, nolaila, oia iho la na hana makaainana e hana ai i na Lunamakaainana iloko o ka la i oleloia e kaua me na enemi a lana» kila ia mai, alaila, makepono ka hooikaika ana o ka hou o ka lae, ua ko ka mea i makemakeia, nolnila, me kou Kapena ke aloha a me na Keiki hoonohonoho hua. D. M. Kalaihoa. Honolulu, Maraki 21. 1870.