Ka Nupepa Kuokoa, Volume IX, Number 22, 28 May 1870 — Na Palapala mai i ke Kuokoa. [ARTICLE]

Na Palapala mai i ke Kuokoa.

Ua loaa mai ia makou kekahi palapala mai ka lima kakau mai o D. Kauauakiukiu nona ke poo "Kalohi ana o na manawa" no ke akakaa ole o ka waiwai o ka lehulehu maia palapala, no laila, ua kapae ia. Aia ma ko makou keena kekahi palapala mai ka lima kakau mai o John A. Kaaialii, nona ke poo enaena mai e ka Ahaolelo i ke noi a ka mea lawe leta mai Hana a i Haiku, no ko makou manao aohe i kupono ia hana ia makou, ke waiho aku nei makou. O ka palapala a S.W. Kaiwi nona ke poo "Kapena aloha ole," e hoopuka aku ana no makou ma keia mua aku. O kekahi palapala i loaa mai ia makou ma ka lima mai o G. M. K. Ikemaka o ke Ehukai nona keia poo "Mea hou o ka Ehukai," e hoopuka aku ana no makou, ke loaa kekahi wahi kaawale o ko kakou pepa. Ua hoouna mai o B. L. Kakaalani o Wailupe, he palapala e hoike mai ana no ka pili kia ona Alae elua i ka wai ole, e hoolaha aku ana no makou i kau palapala. O kau palapala e K. P. Namanu e hai mai ana no ka wehe ia ana o kekahi alanui hou ma Puna Hawaii, e hoomanawanui iki oe, e hoopuka aku ana no makou. Ua hoouna mai o M. Piilani he palapala i ko makou nei keena hana, e hoike ana i ke ano o ka Hoomaua Molemona ma Haena Kauai, e kali iki oe a puka aku. O kau palapala e G. Ikemaka i hoouna mai nei e ninau ana i na poo aupuni, e hoopuka aku ana no makou ma hope aku. O kekahi palapala e waiho nei ma ko makou keena, kekahi mea e haalele ana i ka Ekalesia Kakorita nona ke poo "He hipa auwana wau" e hoopuka aku ana no makou, i na palapala i loaa mai mai ka lima kakau mai o V. Keliiaukai o Kupohua Puna. Ua loaa mai ia makou kau palapala e K. P. Puniki e hoike ana i ka hana pono ole a na haole haku hana ina kauwa hana ma Kau, e hoopuka aku ana no makou. O kau palapala e B. O. Kealawai i hoouna mai nei nona ke poo "Na hana lapuale a na makua i ka lakou mau keiki" no ko makou manao ua lawa no na leo i pae mua iho nei, e ao aku i na makua, ke waiho nei makou.