Ka Nupepa Kuokoa, Volume IX, Number 27, 2 July 1870 — Page 4
| This text was transcribed by: | Akili Kealohaikanaheleikala'akea Gray |
| This work is dedicated to: | kumu Lilinoe Kaahanui |
Ka Nupepa Kuokoa
KE KILOHANA POOKELA NO KA LAHUI HAWAII.
1. Ina he hauoli koo,
Mele, mele;
Mele me he manu no,
Mele oli ae.
Mele aki ia Iesu,
Mele a hoomaikai pu,
Mele oli ae.
Hui- Mele mele oli ae,
Nani e ka pomaikia
No na leo mele mai;
Mele oli ae.
2. Ina he kaumaha kou,
Mele, mele,
Na ke mele e hoopeu,
Mele oli ae;
He kaumaha ko Iesu,
Mele nae, a oli pu;
Mele i holo ka luuluu,
Mele oli ne.
Hui- Mele, mele oli ae, &c.,
3. Ina he omaikai kou,
Mele, mele;
Nui no na pono ou,
Mele oli ae,
No ke Kula Sabati,
No ka Papa Pa-ko-li,
No na leo himeni,
Mele oli ae.
Hui- Mele, mele oli ae, &c.,
4. Ina no he waiwai kou,
Mele, mele,
Mele ika Haku ou,
Mele oli ae;
Mele aku ia Iesu,
Nona mai ka waiwai ou,
Nona hoi ka waiwai mau,
Mele oli ae.
Hui- Mele, mele oli ae, &c.,
Hawaii.
-------------------------
La lubile ma Waimea Hawaii.
Nani ka La lubile ma Waimea nei, oia
hoi ka la 15 o Iune nei. Mai haule nae no
ka loho e ole. Ma ka Poakahi, la 13, ka lo-
he ana, ka la 15 ka la e Iubile, ai ma ke ku-
lanakauhale Alii. A he aina alii no o Wai-
mea, he aina kaulaua loa ia ma ka Moolelo
Hawaii. He mua hoi ia ma ka lohe ana i
ka ke Akua olelo, he hope o Honolulu. Ma
kona kahakai, oia hoi o Kawaihae, ke ku
mua ana on a Misionari Makua o Binamu
ma, a lohe Kawaihae a me Waimea i ka nu
hou, i ke akua hou ia Iehova, ke Akua oia-
io malli ma ka waha o Hopu, he kanaka
Hawaii i holo pu mai me Binamu ma. A
mahope lohe Kailua, a mahope iki iho lobe
Honolulu. Nolaila, ua kupono ia Waimea
nei ka malama hauoliana i ka la 15: ka la
lubile nui---Ua pau pono na makahiki he 50
mai ka lohe mua a hiki ia la.
O ko Waimea Programme lubile, he loihi
lauana ole, 3 paha kapuai a oi ae ka loihi.
Aole make e houuku i keia la nui akahi no
a hoea mai.
1. Ke kani hone ana o ka bele o Imiola
ma ke kakahiaka nui.
2. Ka akoakoa ana o na Kula Sabati me
kahi põe e ne ma ka hale kula, a kai a hua-
kai nani me ke kani ou ou ana o na pahu me
na ohe, me he poe koa la, malalo iho o ka
Hae Hawaii. Ia manawa hoi e welo nani
anaka Hae Amerika maluna iho o Imiola
me ke kani pu ana o kona bele.
Komo hauoli ka huakai iloko o ka luakini
a oho iho---Aia hoi! ua piha ka hale.
3. Ka himeni ana i mele i hakuia---
"Hamau! ke kani nei
Ka bele Iubile,
E oli, oli e,
La oli nei la Iubile,
E oli ko Waimea nei, &c."
4. Ka pule hoomaikai ana.
5. Hoike manao, ia Z. Paakiki--Kumu-
manao. Ka Oihana Alii kahiko, na Kana-
wai kahiko, &c. a me na Kanawai hou &c.-
6. Ka himeni ana i leo haole. Huro, hu-
ro, we bring the Jubilee-
7. Hoike manao, ia S. Mahuka---Kumu-
manao. Na kula kahunapule, aole nae he mau ku-
la naauao keia. Pau ka hoike ana i na ku-
la kahiko. Ua heikeia na kula hou.
8. Ke mele Iubile!
"Ka Iubile, ka Iubile!
Ua poha oli mai," &c.
9. Hoike manao, ia B. Kealoha--Kumu-
manao ka hoomana kahiko.
10. Himeni 310. "Hamau! he leo kani,"
&c.
11. Ke ano o na haole mua, Kapena Kuke
ma---(Lono)---Vanekouva ma---Na mea a
lakou i lawe mai ai, la J. G. Davis Olohana.
12. Himeni 5. "Aubea ka pono mau" &c.
13. Ka holo ana mai o na Misionari mua,
Binamu ma--ke ku ana mai---ke kanelua
ana o na Lii mamua, a makope, ae i ko la-
kou noho ana---anoho kekahi ma Kailua, a
o kekahi ma Honuaula, a o kekahi ma Kau-
ai. la S. Mabuka.
14. Mele Himeni 297. "Nani na wawae
o lakou," &c.
15. Na hua o ka noho ana o na Misionari
i loko o na makahiki he 50. la Laiana.
16. Himeni 259. "Mahalo nui ae,"&c.
17. He kana kau no ka make ana o Bina-
mu ma---ma ka leo Hawaii no. la S. Mahu-
ka ma.
18. Himeni 288. "Mele i ka Iubile," &c.
20. Pule hookuu. HAWAII.
Ka Moolelo o ka Ahahai Enanelio
HAWAII, I AKOAKOA MA HONO-
lulu, i ka malama o Iune A. D. 1870.
-----------
La hana 3. ---Iune 8 1870.
Halawai ka Ababoi Euanelio ma ka hona
9, A.M., e like me ka hoopanee ana, ia Rev.
A. Pali ka pule. Kaheaia na inoa o na lala
o ka Aba.
Heluheluia na Moolelelo elua, ma ka olelo
haole, a me ka olelo Hawaii. A hoaponoia.
Heluheluia ke koeoa o na Hoike Kibapai.
Heluhelu mai o S. Waiwaiole i ka pala-
pale hoike no ka Ekalesia o Waimanalo.
Heluhelu mai o Rev. A. Pali i ka palapala
hoike no ka Ekalesia o Waioli.
Heluhelu mai o J. S. Lono, he haiolelo i
ka hoike no ka Ekalesia o Anahola me Koo-
lau. Waihoia ka Papa helu Ekalesia e hoo-
ponopono pu me E. Helekunihi.
Koho ka Aba i ka mea Hanohano Paulo
Kanoa, i hoa kuka.
Heluhelu mai o Rev. E. Helekunihi i ka
palapala hoike no ka Ekalesia o Koloa.
Heluhelu mai o Rev. J. W. Kamika. i ka
Hoike Makahiki o ka Ahahui Ekalesia o ka
mokipuni o Kauai.
Heluhelu mai o Rev. H. H. Pareka i ka-
na Palapala hoike no ha Ekalesia o Kawai-
Heluhelu mai o Rev. E. Helekinihi, i ka
Palapala hoike o ka Ekalesia o Kohala Akau
mai a Rev. E. Bona mai, a he Palapala Ho-
ike no ka Ekalesia o Waimea, Hawaii. Noi
ia mai, e noi haahaa aku keia Aha ia H. M.
Wini, e paiia ma ke Keokoua.
Heluhelu mai o Rev. D. V. Laimana i ka
Palapala hoike no ke Kilahanai o Hilo, a
noiia mai, e waiho aku e paiia keia palepala
ma ka nupepa Kupka, ke ae mai o Wini.
Heluhelu mai o Rev. H. H. Pareka, i ka
Palapala a Rev. E. Kowina, no ka Ahanui
mai o Kaliponia, a kohoia o Rev. H. H. Pa-
reka e pane aku i keia palapala.
Noi mai o Rev. H. H. Pareka, e heluhelu
ia mai ka hoike a ka Puuku a me ka ka Lu-
na Kakau Leta o ka Papa Hawaii, ma ka
hora I o ke ahiahi o ka la apopo, a e hoo-
kaawale i ka hora 9 A. M. no ke koho ana
i na Luna o ka Papa Hawaii a me ke Ka-
kau Leta.
Malama iho la ka Aha i ka hapalua hora
haipula.
Hoopanee, a ka hora 1 P. M. halawai hou,
ia Rev. D. Puhi ka pule.
Halawai hou ka Aha i ka hora I o ke ahi-
ahí, e like me ka hoopanee ana. Ia Rev.
A. Kaoliko ka pule.
Hoike mai o Mr. E. O. Holo, ka Puuku, i
kana hoike no na dala i waihoia i kona lima,
ma ka olelo Hawaii. A kohoia, e lilo keia ho-
ike a ka Puuku, ma ka lima o kekahi Ko-
mite.
Rev. A. O. Polepe,
Eia na Komite. { " J. Manuela,
" A. Pali.
Heluhelu maia o Rev. B. W. Pareka i ka
Hoike a ke Kakau Leta, no na Oihana Ku-
loko a Kuwaho. Mahalo mai ka Aha a wa-
iho ia ma ka lima o ke Komite. Eia ke
Komite: Rev. D. B. Laimana, J. H. Paiho,
E. Kekoa.
Kohoia i Komike e hoike mai i na inoa o
na kanaka kupono no ka Oihana Puuku, a
me ke Kakau Leta, a me na lala o ka Papa
Hawaii e puka ana. Eia keia Komite. Rev.
Dr. J. W. Kamika, Maj. Moehonua, Rev. A.
Kaoliko.
Hoopanee a popo i ka hora 9, ia Rev. D. B.
Laimana ka pule.
La hana Poaha , Iune 9, 1870.
Halawai ka Aha ma ka hora 9 A. M. e li-
ke me ka hoopanee ana ia Rev. J. M. Kea-
loha ka pule. Heluhelu ia na moolelo elua
ma ka olelo haole a me ka olelo Hawaii.
A hoapono ia.
Hapai ia ka noonoo i ke koho ana i na
kanaka kupono, no ka Papa Hawaii.
Hoike mai o Dr. J. M. Smith, ka Luna
Hoomalu o ke Komite no ka imi i na kana-
ka no ia wahi---waiho mai ka inoa o Re. J.
F. Pogue i Luna Kakau Leta, a o Rev. E.
O. Hall i Puuku.
Ma ka Paloka ana, ua koho ia o E. O.
Hall i Puuku a o Rev. J. F. Pogue i Luna
Kakau Leta.
Hoike mai la o REv. G. N. Kalaka i kona
mau manao paipai i mua o keia Aha. ma-
muli o ka unuhi ana mai o Rev. H. H. Pa-
leka. Koho iho la ka Aha ia Rev. M. Ku-
aea e pane aku i keia haiolelo.
A hai mai no hoi o Rev. Loomis i kona
manao paipai i mua o ka Aha.
Hoike mai o Rev. A. O. Polepe i kona
pilikia no ka hoomakaukau ana i ka hooki-
pa i na malihini; nolaila, aole e hiki ia ia
ke noho i Luna Haomalu no ke Komite Ho-
ike Makahiki. Aole nae i hookuu ka Aha
ia ia.
Lilo iho la ka Aha e malama i ka hapa-
lua hora haipule.
Ahiahi hora 1 P. M.
Halawai hou ka Aha ma ka hora 1 P. M.
Kahea ia o Rev. N. Pali e pule.
Heluhelu ia ke koena o na hoike Kihapai.
Heluhelu mai o Rev. E. Kekoa i ka Pa-
lapala Hoike Kihapai, no ka Ekalesia o Ka-
hana, a me ka Palapala Hoike makahiki o
ka Ahanui Euenelio, Mokupuni o Oahu.
Heluhelu mai o Rev. H. Kauaihilo i ka
Palapala Hoike no ka Ekalesia o Hauula.
Heluhelu mai o Kamai i ka Palapala Ho-
ike no ka Ekalesia o Ewa.
Heluhelu mai o W. P. Kahale i ka Pala-
pala Hoike no ka Ekalesia o Wailuku.
Heluhelu mai o Rev. S. P. Heulu i ka
Palapala Hoike no ka Ekalesia o na ma le-
pela (oia o Siloama.)
Koho ia iho la o B. W. Paleka i Luna
Hoomalu no ke Komite o ka Palapal Hoi-
ke makahiki.
Kuka iho la ka Aha no ke Kula Kaika-
mahine o Waialua, kohoia i Komite e kuka
pu ai me Rev. G. N. Kalaka.
Rev. D. B. Laimana,
Eia na Komite,{ " M. Kuaea,
" W. P. Kahale.
Heluhelu mai o Rev. J. W. SMith, he ole-
lo hoalohaloha a keia Aha no Mr. A. Willi-
koki ma---Hooholoia. No ka mea, iloko o
ka makahiki i hala aku nei, ua lawe 'ku ke
Akua i kekahi hoa o keia Aha Hui, o Mr.
A. Wilikoke a me kana wahine no hoi, he
mau hoa hana laua ma keia Kihapai, no na
makahiki he kanakolu a keu, e hooikaika
ana ma ka Oihana Kmouao; a nui na hau-
mana i ao ia, a i alakai ia ma ka pono.
A nolaila, ke kulou haahaa nei makou
i mua o ke kahuhipa nui, me ka uwe aloha
aku, a me ka hoomanao i ka leo mai ka lani
mai, e i mai ana "Pomaikai ka poe make
ke make ilk o ka Haku."
Hoopanee a popo hore 9 A. M. ia Rev. N.
Pali ka pule.
La hana Poalima Iune 10, 1870.
Halawai ma ka hora 9 A. M. Pule o Rev.
J. Hanaloa.
Heluhelu ia na moolelo elua ma ka olelo
haole a me ka olelo Hawaii Hoaponoia.
Heluhelu mai o Rev. E. Helekunihi i ka
Palapala Hoike o ka Ekalesia o Lihue Kau-
ai, mai a Rev. H. Waiamau mai, a me ka Pala-
pala Hoike no ka Ekalesia o Kahana Maui.
Heluhelu mai o Kaimana i ka Palapala
Hoike no ka Ekalesia o Honokohau Maui.
Heluhelu mai o Rev. J. H. Moku i ka
Palapala Hoike no ka Ekalesia o Lahaina
Maui.
O Rev. S. E. Bihopa i ka hoike no La-
hainaluna.
Rev. J, Kikiakoi i ka hoike no ka Ekale-
sia o Olowalu Maui.
O Rev. H. Manase no ka Ekalesia o Ho-
nuiula Maui.
Heluhelu mai o Rev. J. H. Moku i ka
Palapala Hoike makahiki o ka Ahahui Lu-
nakahiko o Maui.
A o Rev. J. W. Hanu i ka Palapala o ka
Ahahui Euenelio o Hawaii Hikina.
Heluhelu mai o Rev. N. Pali i ka Papa
Helu o kona Ekalesia.
Kuka ka hale no ka Nupepa Kuokoa---a
kohoia i Komite. Rev. J. H. Moku, Rev.
L. SMith, Rev. H. Kauaihilo.
Malama ka Aha i ka haipule. Hoopa-
nee hora 1 P. M.
Ahiahi hora 1 P.M. pule o Papee.
Halawai ka Aha ma ka hora 1 P. M.
Hapai mai ka Luna Hoomalu i ka noonoo
ana i kekahi o na kumu hana i waihoia i ke
Komite imi hana.
Kuka ka hale no ke Kula Kaika
mahine o Waialua, mahope o ke kua ana,
ua waihoia i ke Komite no ke Kula o
Waialua, a na
lakou e kuka pu me Rev. G. N. Kalaka.
Rev. D. B. Laimana,
Eia na Komite,{ " M. Kuaea,
" W. P. Kahale.
A na keia Komite no hoi e kuka pu me
na Kahu o ke Kula o Waialua, a mamuli o
ke noi ana mai a B. W. Paleka, ua hookuu
ia 'ku oia mai ka Luna Hoomalu o ke Ko-
mite no ka hoike makahiki o ka Ekalesia.
A kohoia iho la o Bev. L. Smith D. D. Rev.
W. P. Kahali, REv. M. Kuaea.
Kuka iho la ka hale no"Na kahuahale
a me ka hale no ke Kahu Ekalesia." Ma-
hope o ke kuka ana, ua waihoia ma ka lima
o ke Komite.
Rev. B. W. Paleka.
Eia na Komite,{ " J. N. Paikuli;
" S. Kauwealoha.
Hoopanee apopo hora 9 A. M. pule o Rev.
J. Bikanele.
La hana Poaono Iune 11, 1870.
Halawai ka Aha ma ka hora 9 A. M. pule
o Rev. J. W. Hanu.
Heluheluia ka moolelo ma ka olelo haole
a me ka olelo Hawaii. Hoaponoia.
Heluhelu mai o Rev. A. O. Polepe, i ka
hoike a ke Komite no ka Hoike Makahiki a
ka Puuku o ka Ahahui Euenelio.
Hoike mai ke Komite no ka Hoike Maka-
hiki a ka Puuku o ka Ahahui Euenelio mai
1869 a i 1870.
Ke hoapono 'ku nei makou i keia hoike,
ua maikui, pololei, ukaka. Ke hoomaikai
aku nei ohi makou i ka malama pono e ka
Puuku. Rev. B. W. Paleka,
{ " J. Manuela,
" A. Pali.
Koena o na hoike Kihapai - Na Rev. A.
O. Polepe i heluhelu mai i ka hoike o ka
Ekalesia o Kaumakapili, na Rev. S. Kana-
kahiki i heluhelu mai no ke Kihapai o Ha-
na Maui.
Kuka iho la ka hale no ke kumumanao.
No ka hehi Sabati, mahope o ke kuka ana,
ua heluhelu mai o Rev. J. Bikanele, he ole-
lo hooholo.
Olelo Hooholo.---Ke paipai ia nei na Ka-
hu Ekalesia a pau e pili ana i keia Aha. E
hooikaika e like me ka mea hiki ia lakou mau
Kihapai.
Heluhelu mai o S. Kanuha i ka hoike o
ka Ekalesia o Waiohinu Kau. O ke Ka-
kauolelo i ka hoike no ka Ekalesia o Kipa-
liiuka Kau, mai a Rev. J. Kauhane mai.
Hoopanee a Poakahi hora 10 A. M.
Malama ia ka hapalua hora haipule.
La hana 7, Poakahi, Iune 13, 1870.
Halawai ka Ahahui ma ka hora 10 A. M.
Elike me ka hoopanee ana. Pule o W. P.
Kahale.
Heluhelu ia ka moolelo a hoaponoia. He-
luhelu mai ke Kakauolelo i ka Pulapala hoi-
ke Kihapai o Wailupe, a me ka Palapala
Heike u ka Ekalesia o Kalapana Puna Ha-
waii, mai a Rev. B. Palenapa mai.
Kuka iho la ka Aha no keia kumuhana.
Inu awa, puhi paka, puhi opiuma, iou ra-
ma.
Mahope o ke kuka ana, ua hooholoia.
Ke ae oiaio 'ku nei makou, na lala a pau
o keia Aha. E hooikaika mawaena o na
kahu a me na kanaka. Ekinai i na mea
on a a pau.
Malama iho la ka Aha i ka hapalua hora
haipule.
Hoopanee a ka hora 1 P. M. halawai hou.
Halawai ka Aha ma ka hora 1 P. M. ia
Kalawaia ka pule.
Noi mai o Makaike, e hookou ia 'ku oia,
no kona pilikia--Ua hookuu ia oia. Ua ku-
ka ka hale no ka olelo hooholo a Rev. N.
Pali i waiho mai ai; a waihoia ma ka lima
o ke Komite Kuloko, a waihoia i ka Papa
Hawaii, na lakou e nooneo, a ua hooholoia.
Heluhelu mai o Rev. D. B. Laimana ka
Lunahoomalu o ke Komite, no ka hoike ma-
kahiki o ka Papa Hawaii.
Kuka a hoaponoia ka hoike a ke Komite.
Heluhelu mai o Rev. J. H. Moku, he ole-
lo hooholo.
Hooholoia.---Ke manao nei keia Aha, e
noi aku ka Papa Hawaii, e imi keia Papa i
mea e hiki ai ke hoolimalima ia S. P. Ahio
on a, e lawelawe i ka Oihana Misionari iwa-
ena o na pake ma keia Pae Aina.
Kamailio nui mai ka Aha no keia mea, e
hoopanee loa i ka olelo hooholo. Ninauia
ka hoopanee loa, a haule.
Hoapono mai o Rev. H. H. Pareka i ka
olelo hooholo me ka hoololi, a pakui mai o
Rev. B. W. Pareka, me na hua olelo, "Ke-
khi misionari e ae."
Ninauia a hoole ia ka pakui.
Noiia mai, e hoopanee i ka noonoo ana i
ka olelo hooholo apopo i ka hora 9 A. M.
Hoopanee apopo hora 9 kakahiaka.
Ia Rev. J. N. Paikuli ka pule.
La Hana S---Poalua, Iune 14.
Halawai ka Aha ma ka hora 9 A. M.
Pule o Rev. J. Manuela.
Heluheluia ka moolelo ma ka olelo haole
a me ka olelo Hawaii, a hoaponoia.
Hapaiia ka noonoo ana no ka Oihana Mi-
sionari Kuloko, e pili ana ia Mr. Ahiona.
Noi mai ka Lunahoomalu, he pono e pai
ia kekahi hapa o ka Moolelo i keia pule ma
ke Knoka. Ae mai ka Aha.
Kuka ka Aha no Mr. Ahiona, a heluhelu
mai o Rev. H. H. Pareka, he olelo hooholo:
Hooholoia.---Ke manao neia keia Aha, e
noi aku i ka Papa Hawaii, e imi ia Papa i
mea e hiki ai ke hoolimalima hou iu S. P.
Ahiona, e lawelawe i ka Oihana Misionari
iwaena o na pake ma keia Pae Aina, in a
mai ka Papa mai o Bosetona kona ola.
Ninauia ka olelo hooholo a H. H. Pareka,
a hooleia.
Heluhelu mai ka Luna hoomalu he pala-
pala mai a H. M. Wini mai, e kono ana i
na hoa o keia Aha, e hele e inu ki pu me ia
ma kona wahi, ma ke ahiahi Poaha hora 7.
Ninauiaa ae ia.
Heluhelu mai o B.W. Pareka, ka Luna-
hoomalu o ke Komite no na kahua hale a
me na hale noho o ke Kahu.
Ma ke noi a Mr. Kuaea, ua heluhelu pa-
kahiia na pauku, a hoaponoia.
Heluhelu mai o A. Kaoliko he olelo hoo-
holo,
Hooholoia.---O na pauku a me na hapa
pauku e pili ana i na kahua hale a me na
hale noho o ke Kahu, i hoopaaia mahope ne
nei, e hoopau loa ia.
Kuka ka Hal, a hoomoe loa ia ka olelo
hooholo.
Heluhelu mai o Mr. Kaonohimaka, he olelo
hooholo, e uku pau loa ia na lilo kupono o
na Lala o keia Aha-Kuka. Hoomoeia.
Heluhelu mai ke Kakau olelo,he palapala
mai ka Ekalesia mai o Ewa, e noi ana i keia
Aha e kakau ia ka inoa o Rev. A. Bihopa,
a me Bihopa wahine, ma ka palapala kuai i
ke kahua hale no na dala elua haneri i lilo
ai ia laua. Kuka a waihoia i ka Aha Mo-
kupuni o Oahu nei. Na Rev. M. Kuaea e
pane aku ia lakou.
Hoopanee a Poahaa hora 9. Malama ia
ka hapalua hora kaipule. (Aole i pau.)
Pii makaikai i Haleakala.
_____
E KE KUOKOA E; Aloha kauai:---
I ka la 31 o Marati i hala iho nei, ku mai
la kekahi wahi moku kuna ma ka awa o Ma-
liko mai Hilo mai, maluna olaila i kau mai
ai o R. Tinker, a me kona kokoelua. I ka
hiki anamai ma kahi o Mr. Goodale, ua
haawi aku kela i ka lio no kona kokoolua.
a me kekahi kanaka pu. nana e alukai i ko
laua pii ana ma ka mauna o Haleakala. Ua
hoomaka koke no lakou i ka pii maia la no.
O ke kanaka malunao ka lio me kekahi hao-
le a o ua R. T. neu, ua hele wawae ia mai
kai mai o Maliko, a hiki ma kahi o J. S. Ge-
rina, ua haawi aku kela i ka lio, aole oi ala
lawe. A mahope iho pii aku a hiki ma kahi
o J. P. Gerina, ua hookip ke la me ka oluolu
me ka haawi pu aku no hoi i ka lio e pii ai,
aole no oi'la makemake, hooluolu iki malai-
la no kekahi mau minute a pau pii aku no.
Oia paha ka hora 1 me 45 minute. A ua
hiki aku oia maluna pono o ka mauna i ka
hora 5 me kona mau hoa hele., a moe ma ka
mauna maia po, a i ke kakahiaka hora 6 1/2
hoi mai a hiki ma kahi o J. P. Gerina, hora
10. Malaila i haalele mai ai kona mau hoa
hele ia ia (R. T.) O ka loa mai ko lakou
wahi i hoomaka mai ai ka pii a hiki i ka
mauna, he 19 mile.
Ma ka oluolu o ka makua o na keiki na
na i hookipa aku i ka malihini hele makai-
kai e moe ma kona wahi. A i ka Poaha ae
oia ka la 2 o keia malama, haalele mai la
oia i ka "Ua ukiu," me ka haawi pu mai
i na mahalo no ka mea aana i hookipa me
ka oluolu. A niau aku la oia i ke kula we-
la o Kamaomao, me ka piina aku o na pali
a, aia paha oia ma ka malu Ulu o Lele, e
nanea ana i ka pa a ka Maaa.
O keia Robert Tinker, he keiki oia na ke-
kahi o na kumu hai ola mua i hiki ma Ha-
waii nei, oia hoi o Mr. Tinker, a na hanau
ia no hoi ma Hawaii nei, a i kona mauawa i
nui ai ua hoi aku u ike i ke one hanau o na
makua. A mahoe ua hele loa aku u kaapu-
ni, i ka aina nui o Europa e hoomau ana i
kon hele wauwe aan, a hik kon manawa
e huli hoi hou mai ai i kona one hanau, e
makikai ana i ua puu uliuli na kualono a
me na wahi pana o kona pukoa Hawaii nei.
No ka malihini hele ke aloha.
JOHN KAWEKAU.
Makawao, Iune 1, 1870.
------------
Mai Kaleponi mai.
------
No makou nei. Eia no makou a pau na
kanaka e noho akoakoa ana maanei. a me
elua mau wahine Hawaii, a me ka makou
mau keiki i loaa ma nei aina malihini, he
oluolu like no na ola kino a pau, a he ehae-
ha ma kekahi, ke hooikaika like nei makou
i ka huli ana i ke gula malalo o ka lep, ao-
le nae he loaa no ka mea, ua huli ae ke alo
o Kaleponi i lalo ke hapapa wale nei makou
ma ka hokua o ka puupa hoehoe, okahi hu-
nahuna ke loaa ia makou o ka la, pela mau
e hoiliili ai a hala ka hehedoma hui pau iho
la ian ua lawa keia no ka paiki Falara wale
no, alaila, ua nele kahiko a me kahi i-o bipi
u-a-u-a.
No ka wai ole, E like me ka wi ma Kula
Maui no ka ua ole wahi a P. Nakookoo, pe
la makou nei i loaa no ke dala i ka wai, ala-
ila, pau na wahi hana i ka hookuu loa ka-
hi dala me kaole paha, a no keia nele i ka
wai ole iho nei i neia anu, ke palu hou nei
makou i na mea kai a me na pahoehoe i ku-
eke kahiko, (Old bad rock.)
Na mea kuai. Ua emi iki iho nei ke ku-
ai o na mea ai i keia makahiki. No ka mea
i na makahiki i aui ae nei, eha dala me ha-
palua o ka haneri paona Falaoa hookahi, a
i keia wa ua haule aku hookahi, koe ekolu
me hapalua, a he elua dala ka haule o ka
Falaoa i-no, ko kahi i-o bipi u-a-u-a hoi, mai
ka S-10-12 1/2 a me 14 ceneta o ka paona, ko
ka Puaa hoi i kau ia i ka u-wahi. (Hame)
mai ka @S-20-25 ceneta o ka paona, ko ke
ko hoi mai Honolulu mai, he 25 ceneta o ka
paona, ko ke Coge hoi he 33 ceneta o ka pao-
na, ko ka Raiti hoi he 33 ceneta o ka paona,
ko ke Ti hoi 125 ceneta o ka paona, ko ka
Paakai hoi 22 1/2 o ka paona. O keia ka emi
ona mea kuai o keia makahiki, a he hapaha
o ka hua hookahi, eono hua hookahi ia dala
ma ke kuai nui e hia la hui ma Honolulu?
ke hic pu mai nei me na hua nui, ekolu hua
bui, hookahi dala.
He Nupepa aea, ua hiki ae ma West Ru-
kte. Sukter co Cal. kekahi owilil Nupepa Kuo-
koa, i kau ia ma ka inoa o G. B. Kahinano,
a no ka nele o ia kanaka malaila, ua hooili
hou mai ko laila poe ia nei, me ka leta pu
mai o W. D. K. Paniani, ua hooili loa ia
aku nei e a'u iuka o Pierce city I. T. me ka
lana no o ka manao, e loaa pono aku i ka
mea nona ka waiwai.
He wahi kuhihewa, ua loaa hoi mai nei
ka'u mau "Nupepa Au Okoa," na Helu o
keia makahiki. A he kuhihew nui ko'u
ke uhi nei wau ua ano hou ae kona kii, ao-
le ka! oia mau no ka o ka hapalua, aole ilike
me ka "Nupepa Kuokoa," he kaawale kahi
on a nu hou kuloko a kewaho, kela a me ke-
ia mea like, a no ka paa loa hoi kahi o na
kolamu i na opala kaao kua hewahewa.
Mile ku-i Pohaku ke kukulu nei ka mile
ku-i pohaku dala ma Cottonwood nei, e hoao
ia ana i na i nui ka loaa o ke dala gula māi
loko mai o ka pohaku keokeo, alaila, kukulu
hou i mile ahi, oia kekahi mea nui o ko ma-
kou ahi nei, o ka hele o na haole i ka hoao
e huli i ka pohaku keokoe ma na pali, i na e
loaa, o ke kau iho la noia i ka palapala Claim,
he hana hiki no keia ia makou na kana-
ka Hawaii o ka huli pohaku dala, hookahi
no hewa o ka hao wale ia, no ka mea, aole
epaa ka makou mau Claim, ke lawe wale@
aia no a he Claim, kuai, oia ke puu, a piki
maoli kakou i ka hookae ia e ka haole o Ma-
reka nei, he eono @ keia kau Ahaolelo e
hana ; Auikahi like mawaena o Mareka a
me ka lahui Hawaii, i ole ia e hoopilikia nui
ia keia mau makaainana o o ka Moi Kameha-
meha V. Eia no kekahi, ke hookaa nei no
makou i ka Auhau o ke kino, a hana hoi elua
la hana alanui i ka makahiki. Aka, ke koe
nei no ka awahua iloko o ka lahui keokeo.
He haoli i hou ia i ka pahi a make loa.
ma ka auina la Sabati, oia ka la 8 o Mei, ua
make iho la o John. Todhunter i hou ia i ka
pahi e Williams, no kekahi kumu enemi ka-
hiko loa, a ua hopu koke ia keia haole powa,
a ua kahea koke ia ka Liamuku maloko o ka
waea Talegarapa e kii mai, a ma ka hora 10
o ka po ua hiki mai ka Liamuku, a ma ka
hoi ana mai a ke kaa keiki mai Jacksonville,
ua kau pu aku ka Liamuku me ka haole po-
wa maluna o ke kaa, me ka paa o na lima a
me na wawae i ka hao, aia oia i ka Hale-
paahao i keia wa, e kali ana no ke kau Kiu-
re nui ae nei o Iune, me kona hoolewa ia aku
iluna o ka amana, ua waiho iho ka mea i
make he wahine a me na keiki ehiku, eha
aku la o ka mea i make ilalo o ka lua, ha-
nau ihola o Mrs. Todhunter he keikikane i
pain no ka mea i make, hui awalu a laua
keiki, he haole keia i aloha nui ia e ka lehu-
lehu, a he hoa aloha pu hou no makou na
kanaka Hawaii.
DANIELA MASONA.
----------------------
He wahi kauoha i na Kaliu Ekalesia
MAI HAWAII, A KAUAI O MANO.
-------------
E KA NUPEPA KUOKA E; Aloha kaua:
He wahi polo makemae ka'u e hooili
iho maluna o kou kino nolookoa, i ike mai
ai na makamaka o kaua i ua wahi puolo
nei, a me ka ukana iloko, he mau ukana
weluwelu, a pelapela no, oia hoi keia:
Ke nonoi aku nei au i ka lokomaikai o na
Kahu Ekalesia. mai Hawaii a Kauai. ma-
hoouna mai oukoui ka poe a oukou i make-
make ai e hookomo mai i ke Kula Kahuna-
pule, i na a kukulu ia ana ma WAiluku nei
a i ole ia, ma kahi paha a ka Papa Hawaii
e manao ai he pono. O ke kumu nui o ka i
kauoha ana ia oukou e na kahu, ua ike ma-
ka iho makou i kekahi o na hoahanau o Wa.
luku nei, i ka pono ole o keakhi mau hoi-
mana o ke Kula Kahuna, he ano hookiae
he paakiki i na mahina-hou, aole e haawi
ka lakou mau hapawalu no ke akua, a @
mau inoa haumia. pelapela wale no kekia
o lakou. oia no hoi kekahi poe e pono @@
ka lawelawe ana i ka Oihana Kahuna, e
ka me ka pono ole o ka lakou mau ha@i
kinohi, pela e pono ole aku ai ko lakou @
ana a lilo i kahunapule, aole no hoi au e ha
inoa aku i na haumana o keia Kula Kaha-
napule. no ka pono ole o ko lakou noho ana.
aia paha a ike iho i keia mau wahi kui a
houhou aku ana, anoai o pane mai kekahi
o lakou. alaila e kuu pau aku au i na @
pono ole a ua mau keiki nei la. Oia iha@
ka'u wahi ukana. Me ka mahalo aku no i
ka Kuna Hooponopono Kuokoa.. a me na
keiki o ka Hale Pai. J. IKEMAKA.
Wailuku, Maui Iune 16, 1870.
---------------------
He kanikau aloha no H. K. Haahee,
-------------
Kanikau la he aloha,
No H. K. Haaheo,
Kuu hoa o ka ailana,
O ka lai o Bakers,
Ai lao pu iho ai.
I ka nani o Anemanu,
Anemanu aku nei oe,
Wehe mai nei i ka pili,
I ka pili a kaua,
OI ka lai o Keawalua,
Elua no kaua,
O ke kai o Saeau,
Au aku ko'u manao,
Ehui pu kaua,
Hai ia mai e ka lohe,
Ua hala e aku oe,
I ke ala hoi ole mai,
Kaumaha luuluu au,
Pono ole mai ka manao,
Ke kanikau nei au,
Me ka eha o ka manao.
I kuu ike ole aku,
I ko kino wailua,
Elua no kaua,
O ka lai o Honolulu,
I ka wela o ke Kaona,
Nana aku o ka lipo,
O ka lipo o Kamanako
Komo aku no kaua,
O ka olu lai o Makaaho,
Pauaho mai nei oe,
I ka pili a kaua,
A-o keia noho ana,
A-o na ailana nei,
Mai ka lai o Mc. Keans.
A ka olu o Howlands,
Noho hookahi no au,
I ka olu o Ulukou,
Elua hoi olua,
I ka lai o Bakers.
U ki ia mai kakou,
E ka kai mawaena,
Auw! kuu minamina,
Kuu aikane ua hele,
Auhea wale ana oe,
E H. K. Haaheo,