Ka Nupepa Kuokoa, Volume IX, Number 43, 22 October 1870 — Oia iho Ia anei ka hana? [ARTICLE]

Oia iho Ia anei ka hana?

Eia la kakou ma ke au hea o ka manawa 1 Ma ke au ike makamaka anei, ama ke au paha ika malihini ka ike ? Oiai, o ko kakou mau nupepa aupuni, na waha olelo o na makaainaka nana lakou e hanai nei, i ka wa i aneane ai e hoolewaia kekahi Alii Wahine o keia aupuui, ka Moiwahine a Ka» mehameha 111., Ka Maikai i make, aohe no i hoolaha mai keia mau nupepa, i ka papa hoonohonoho o ka huakai hoolewa o ka Moiwahine i aloha nuiia, i mea e ike mai ai na makaainana mai Hawaii a Kauai, i ka manawa e hoolewaia ai ko lakou alii.

He mea oiaio, o ka hanaia a neia mau nupepa i kukuluia ai, o ka hoolaha mai i na mea e pili ana i ka ohana alii a me na mea a pau e pili ana i ke aupuni ; aka, i ka wa i hoomakaukauia ai e lawe aku, a hunn īho i ke kino kupapau o keia Moiwahine, ua kapae ae la na nupepa aupuni, i ka hoolaha ana i ka papa hoonohonoho o ka huakai, a ua hoopihaia laua ma na mea e loa, i anoniia me kekahi o ko kakou nei mau hunahuna.

Ke manao nei inakou. ina e hoolaha ia ka manawa e hoolewaia ai o keia alii e keia mau nupepa, ke kanalua ole nei makou i ka hoopuka ae, e hiki mai ana kekahi mau Elele mai na mokupuni e mai o kakou, e ukali aku i kana huakai hope.

Ke konoia mai nei makou e manao aku, aia he inana e ae ma kahi e, nana e upoi nei no kekahi mea e pili ana i keia wahine alii o ke aupuni makee alii o Hawaii nei.

O ka hana ino hope loa i ike ia iho nei mahope o kona nalo ana aku maloko o kela lua kupapau, o ka hakihakiia ana o na kahili e ku ana mawaho o ka ipufka, i kukuluia i mea hoohiehie nona. Ena kanaka makee alii o ka aina ! Heaha keia hana ino a oukou, i na mea hoohiehie o ko oukou alii i make ? Na oukou nnei eka lopa, ka hu, ka I a me ka poe ua i hana i keia hoomainoino ? Eaa anei oukou e komo aku iloko o kela paa ihiihi, e lalau na lima e hoohina a hakihaki iho ? Ke kanalua nei makou i ka hai aku ika haina. Oka makou e koi aku ai, e imi like kakou i keia kolohe ; a ina e loaa, e lawe mai iaia imua o ke ao holookoa a e hoopai. He pono ike aupuni e hoolaha ae e imi i ke kolohe, no ka mea, he poe makee alii makou, a aole o makou makemake, e ikeia na hana ino e like me keia, ma kahi o na iwi o ko makou mau alii i hoahuia ai.