Ka Nupepa Kuokoa, Volume IX, Number 43, 22 October 1870 — Nalowale ke ala ma ka Arimatika. [ARTICLE]

Nalowale ke ala ma ka Arimatika.

E KA Nupepa Kuokoa e ; Maha oe: No kekahi pilikia i hiki ole ia'u ke alo ae ma ko ka Arirnatika hou mau kulana, nolaila, l:e iioi aku nei au i ko oukou lokomaikai nui, e ka poe i komo ma n;i Kula nui a me ka poe noonoo e ae e noho mai nei, i maa ma na kahua o ka Arimatika, e ahonui e kokua mai, ma ka wehewehe moakaka ana, i ke 89 o na Ninau Huikauma ka aoa» 390 o ka Arimatika hou. Mamua o ko'u hoouna ana aku i keia noi (mahaoi pahn) i ko kakeu nupepa Kuokoa, ua heie makaikai e aku la au ma kona mau kahua, i hoomaopopo e au i ke ala a'u e alakai aku ai, i ka'u mau wahi keiki ma ka'u kula, ke hiki aku i ka manawa pono; a ia'u i hiki mai ai ma ua ninau ia, hoao pinepine loa aku la au e loaa mai ke ala e hiki aku ai i ka haina o ua ninau la, aka, aole nae he wahi meā meheu iki o ke ala i loaa aku, ua nalowale loa, aka nae, o kekahi mau hoa kumu o'u, (ua ao ia lakou ma ka Hoailonahelu) i mai la lakou ia'u, ua pololi no ka hnina o ua ninau la, "Elima eke a ke kekake, a 7 hoi eke a ka hoki; i na e hooiaio aku ka hana, like io no hoi, i aku la nae au ia lakou, he maalahi wale no ka hooiaio ana aku nei, aka, o ka hana ana, i loaa aku ai ka haina, oia ka mea pohihi loa ia'u eia mai ka lakou la, "ma ka Hoailonahelu e loaa ai me ka hikiwawe loa," aka, no ko'u ao ole ia ma ia mea he Hoailonahelu, nolaila, aole pau iki o ko'u pohihi ma ke ano hana o keia ninau; he makemake loa au, e hana a e wehewehe ia me ka moakaka loa, mamuli o na rula Arimatika, aole ma ke ano Hoailonahelu a'u i hoomaopopo ole ai, nolaila ko'u noi aku ia ookou e ka poe i ike i na kulana, ma ka Arimatika e wehewehe mai. i ' Eia hoi kekahi kumu o keia noi ana, ua makemake loa au e ike i na hooia e mao- | popo ai ka oiaio o na manao hoakaka, o ka mea nana i haku keia buke; (oia hoi o I James B. Thomson,) e nana iho roa ka ha- | pa hope loa o kona manao 2, malalo iho | o na olelo mua aoao 3, penei no ia : U A ua : komo na hana a pau iloko o ka rula, alaila, ke haohao nei au no ka loaa ole ia'u o kona rula maloko o keia buke, e oluolu iho | oukou e hoike mai i kahi i kau ai o ka ruta o keia ninau maloko o keia Arimatika hou,

no ka mea, pela wale no e maopopo ai he oiaio kona maii manao hai, a pela aku. A eia hoi ka hope loa, he hopepe loa iho ko makou hookele (Luna Kula) ma na mea hoonaauao mamua o makou; pela maoli ka oiaio, a pehea la e hiki ai i ka makapo ke alakai pono i na mea maka kaakaa ? He mea pono ole keia, nolaila, he pono hou wale aku no nei; aia paha makou "i Kalaiau puna a ka hewahewa kahi i hele ai," o ka mea nana e ike ole mai." Ika nana aku he mea kupono loa e hoonohoia i poe makaukau ma na mea hoonaauao, a ano hoopono hoi, e hoonohoia ma na kulana Luna Kula, i hiki ia lakou ke ao pono, a e wehewehe, a e kuhikuhi pono aku i na kumu kula o ko ]akou apana iho, j na mea a pau e holo pono ai ka hoonaauao aoa i ka poe opiopio ma keia pae aina. Frank Kumuao. Hawaii, Okatoba 15, M. H. 1570.