Ka Nupepa Kuokoa, Volume IX, Number 53, 31 December 1870 — Hoike Kula Sabati o Waikane. [ARTICLE]

Hoike Kula Sabati o Waikane.

E ka Nupepa Kūokoa ; Aloha oe Ma ka la 23 o Dekemaba nei, ua hoike ke Kula Sabati o Waikane, he nui no na mea a ka naau i hauoli ai, a he nui no na mea a ka naau e hauoli ole ai, ma ka hoo« makaukau ana i na mea ai o kela Kula Sa> bati. Eha wale no poe nana i hoomakaukau i na mea pnina e olu ai ka puuwai, eia na inoa : S. E. K. Papaai, a me kana mau haumana elua, na lakou ka bipi a me na puaa. S. Puuweuweu, a me kana mau haumana, ua make ka lakou bipi ame ka puna. Rev. P. Kaawa a me kana wahine, ua make ka laua bipi a me na puaa. O ka Ekalesia holookoa aole a lakou hana, a na keia poe eha i hoolawa i ka lehulehu o na wahi i hele mai, a na na malihini no i uhi i ka lanai. Ma na mea Hoike a ke Kula Sabati. Ma ka hora 11£ a. m., ua hoike ia na mea a lakou i hoopaanaau ai. Ka mua, Himeni, na Haawina. Ua nui na mea aka naau e hauoli oi, ua ku no i ka naauao na enea i ao ia, a me na himeni ī haku ia, ua loaa no nae ia'u ka inoa o kekahi Himeni Haku» JSa ulu-laau o ka wao. A ma ka hora 2£ p. m., lulu dala lakou no ka lualeini, penei ka lulu ana: Wailupe $1.00, Waimanalo $5.50, Kahana $31.12, Hauula $4.00, Kahuku $3.25, Waialua $1.75, no Ewa $10.00, Waikane iho no $28.85, Ka huina pau $86.65. Oia na hua i lulu ia e na manu hulu like. iMe ke aloha ike Kula Sabati o Waikane, a i ka poe nana i hapai i keia hana nui. Ke paipai aku r»ei au i na Kula Sabati e ae, mai hoohalike me ko Waikane, i eha wale no poe nana e hapai i keia hana nui. Eia ka mea i olelo ia, "Mai hoopalaleha i ka hana maikni, no ka mea, i ka wa pono e ohi auanei," e hoolohe ku pono, a e lokahi ka manao mai nana niaka ka Ekalesia holookoa. Ua pau me ke aloha ikaL. H. G. M. K. Kaiahamauleo. Keena Kuokoa, Dekemaba 16, 1870.