Ka Nupepa Kuokoa, Volume X, Number 1, 7 January 1871 — "Hape Nuia" Oukou. [ARTICLE]

"Hape Nuia" Oukou.

Me keia pepa mua no ka 1871, ke " Hape Nuia " aku nei makou i ko makou poe heluhelu. Ame ka manao e hoopomaikaiia ko lakou ola kino, e hana mau, e ike i ko oukou poe hoa kanaka, a e hoomaikai aku i ke Akua. Mai ka la mua mai oka makahiki i hala a hiki i keia, ua hala aku la he lehulehu o ko kakou mau hoaloha i kela aiipuni Uhane. He pokole ka manawa, a e hiki koke mai ana na makahiki. No īa mea,e makaala kakou e noho me ka makaukau, i makau ole ai kakou ke hiki mai ka hooilo no kakou e hahai aku ai mahope o lakou.