Ka Nupepa Kuokoa, Volume X, Number 2, 14 January 1871 — Ka hora Ehia keia? [ARTICLE]

Ka hora Ehia keia?

Ua maopopo ka mahele ana o ka la iloko ona hora iwakalua kumamaha. Elua hoi mahele nui o keia mau hora, ka mahele ao, ka mahele po. Aua 12 hora- ma ke ao, a, ua 12 hoi hura ina ka po. Ua kapaia ke ao. be manawa hana, he monawa luhi, a o ka po, he manawn moe, he manawa maha. He hoailona hoi ke ao no ka malamalama 0 ka uhane, a no ka hana pono ana. A o ka po hoi, he hoaiionuia uo ka pouli o ka uhaee, a no ka hana hewa ana. Eia hoi kekahi mau mahele o ke ao, ke kakahiaka, ke awakea, ke ahiahi. A, ona mahele hoi o ka po, ka po, ke aumoe, ke alaula. He mnn mahele liilii e ae, o keia mau mahele hope. Aka, e waihoia. E nana ika ninau maluna, ka hora ehia keia ? Ma ka mahele po e nana mua'i. Ka hon ehia keia oka po ? E kapaia ka wa e hoomakaia'i ka po, ka hora 1. Elua hoopili ana o keia hora. Pili mua i keia Lahuikanaka—oia hoi kanaka Hawaii. Ka wa i hoouiaka'i keia lahui e haaiele i ke Akua a e hoomana liiiii i na akua kii. Ehia la makahiki mamua aku ? He mau kauaani paha. Malaila ka hoomaka ana ka hora 1 o ka |>o, oia hoi ka hooinaka ana e komo iloko o ka pouli o ka uhane, iloko o ka naaupo maoli. Pili elua, ina keiki. Ka wa e hoomaka'i ke keiki e hana hewa, oia ka hora 1 o ka po. Nolaila, ka hora akahi keia o ka po ia oukou e na keiki e komo a noho ana iioko o ka hewa, iloko o ka hookuli, ka huhu, ke kue i na makua. Aole nae i oolea loa oukou, aole i komo iloko oka pouii ioa. Ka wa pooo loa keia e hooikaika'i na makua e pule no na keiki, a e imi iko lakou huli ana mai. He wa palupalu keia a hiki ke hoopololei a heokupono i ka ulu ana o na keiki, e iike me na laau ulu. Aia kupu mai ke kumu a pii ae 1 iuna, aiaiia, hiki ke hoopue i ka lepo a hookupono i ke kumu i ulu pono me ke hee ole ame ka hio ole. Ua palupaiu kekumu, me na lala a hiki ke peiu a hoohuii, a hoopoloiei. Aka ina waiho waie ia ke kumu, me na iaia. me ka malama ole ia, ulu kekee a pono ole ka iaau, a m&hope oolea loa a ane hiki ole ke hoopololei. Pela no na keiki. E malama pono na makua i na keiki iiilii e omo waiu ana, e hiipoiia'na. E hoopololei i ka ulu ana, i ulu pono, i maikai, i poiolei, i mahaloia, i hoola'i. Mai waiho a nui, o oolea, a pouli ioa. Ka hora akahi waie no keia aka po. E vciki e hana e kii, e hoohuli, o komo lakou iloko oka hora 2, 3, 4,5, 6, a naiowaie iloko o ka pouli aumoe. r. —: ———

Oukou hoi, e na keiki liilii, eia oukou ma j ke kae, ma ka waha oka lua pouli—e inakau i ke komo )oa ana iloko a puni loa i ka pouli. E haalele i ke kae, i ka waha o ka lua, oiai ua ikeia kahi e holo ai, a e komo iloko o ka oke ao. Mai kali a komo loa iloko o ka po, a akaka ole ke ala e holo ai i loaa ke ao. Aole i pau.