Ka Nupepa Kuokoa, Volume X, Number 2, 14 January 1871 — Pule Ohana. [ARTICLE]

Pule Ohana.

(Ja hoomaikai pinepine ke Akua i ka pule ohana, i mea e ola ai ka uhane o kanaka. I kona wa e ola ana, olelo mai o Dr. James HamiUon penei; u 1 kekahi mau makahiki i hala ae nei, ua hele kekahi haole Beritania i Amerika, a hookipa i kekahi mau la me ka hoalauna haipule. He haole naauao no ia a maikai kona helehelena, aka, ua hoomaloka no ia. . A hala na makahiki eha, ua launa hou oia ma ia hale hookahi, .he mea manaoio ia Kristo no nae. Kahaha na kamaaina i kona ano hou. 1 mai la oia ia lakou penei : " I ko'u launa ana i ka oukou pule ohana i kela makahiki mamua ; a pau ka heluhelu ana i ka mokuna tna ka Baibala, ua kulou oukou a pau i lalo e pule ; ua hoomnnao koke no au, pela ka hana ana ma ka hale o ko'u makua ina makahiki i hala ae nei. Oia ka inea i paipai nui mai ia'u e noonoo, a no ko'u noonoo nui ana ma keia mea, ua haalele au i ka ululaau o ka hoomaloka, a loaa mai ka malu ma o iesu Kristo la. Eia hoi kekahi. kt 1 kekahi maumakahiki i hala ae nei, he haole Irelani e auwana ana me kana wahine, a me kona kaikuwahine; a ua noi aku oia i Uekahi kumu kula haipule e hookipa ia lakou i kekahi po. Ua ae oluolu aku oia e hookipa ia lakou. A hiki mai ka hora pule ohana ia po, heluhelu akahele ke kumukula ina ka inokuna elua o Epeso. Ika lohe ana oka inalihini ina lalani, a make i na hala a me na hewa"—&he poe keiki no ka inaina ia " e.hele ana ma ka aoao o keia ao, " ua kahaha no kona naau, no ka mea, he mea hou ia mau huaolelo ia ia. Nolaila, ninau oia ike ano oia mau pauku. 1 aku la ke kumukuia ; " pela ko ke Akua manao ina kanaka o keia ao." Pane hou mai kela, " pela io no ko'u hele ana, inai ko'u wa kamalii mai. Ma ka hana o ko keia ao aku ua hele mai makou iloko o kou ha* Ie. M E hele ana oia i kahi kuai waiwai, me ka manao e kuai me kekahi mau dala maikai ole. Aka, ua loaa ka olelo a ke Akua ia ia, ua hoike oia i konu mau dala ino, a noi aku i ka mea hookipa ia ia, e hoolei ia lakou iloko oke ahi; a ninau aku oia penei; u aole hiki anei ia'u ke loaa mai i Baibala na'u iho ?" Ua loaa no. Alaila, pau ko Jakou makemake e hele a kuai i ko ke ao nei waiwai, me na daia hoopunipuni; a kakahiaka ae, ua hoi nui lakou i ko lakou wahi home, me ka waiwai e pono ai ka uhane." E ka mea e heluhelu ann, ina e malama oe i' ka pule ohana ma kou hale, e hlo auanei paha ia he mea olakai i kekahi mea e auwana ana i ke alanui e hiki aku ai i ka lani. O ka pule ohana kekahi mea e pono ai, a e hiki no i ke Akua ke hoomaikai ia mea, e ola'i kau mau keiki a me na ohua a pau.