Ka Nupepa Kuokoa, Volume X, Number 5, 4 February 1871 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

me Dellamart, ua noho ia aku la e na Perusia; a o ua pu o ua wahi papu la; ua hoohuli@a mai la e ki aku i na pu o na papu Farani.  Aohe wahi helehelena o ka oehu kaua mai a loko a Parisa.   O na poino o na Perusia, he mea ole loa.

            Ua hoouna mai kekahi mea kakau nupepa ma Vaseille ma ka la 7, ma ka waea olelo, e hoike ana, o ke ki poka pahuia ana o na papu ma ka hema, ua hoomauia me ka ikaika lua ole; a no ia mea, ua ike ia aku ka nawaliwali o na pu a ka Farani, a ua manaoia aku, ua pau kekahi mau pu o na papu i ka weheweheia.  Ua maikai ka ea o ka poe kaua hoopuni aku.

            Vaseile, Ian 8 – Ke hoomauia nei no ke ki poka pahuia ana o na papu o Parisa, a na ka ula o ke ahi a na poka pahu a na Geremania i ulupa iho i na mea keakea mainua o kekahi o na papu.

            Ua hoike ia mai, ua haule aku kekahi mau poka pahu maloko o ka Pa Mala Pua o Luxemburg.

            Ke hoike mai nei na lono malu mai kahi hoomoana mai o ka Moi, he manao ko lakou, aole e ku mai ana na papu o Parisa e aa imua o na poka a na Germania, koe wale no paha ka papu o Mont Valerien.

 

NA LONO H@IKAU

            Ladana, Ian 8 – O na koa Farani malalo o Gen. Bourbaki, ma ka hikina, ke nee la imua o Nancy a me Belfort.  Ua komo hou ae la na Perusia a noho iho la @a Aux@nne.

            Ua hoea mai nein a koa kaua lio Perusia Hulana, malalo o na pa o ke kulakauhale o Lille.

            Ke manaoia aku nei, e hoouka ana he kaua mawaena o na puali koa Farani hui o Gen. Bourbaki a me Garibaladi, me ka eueu o Saraboro ke Gen. Werder.

            Ua paipai hou ia ae nei ka puali kaua o ka Akau, a he hoehu kaua aku koe.

            Ke hoike mai nei na leta o Parisa, o ka la 4, he haunaele maloko o Parisa.

            Vaseile, Ian 8 – O ka waiho@a buke nui o ke Kula Koa o Sana Cyr, ua lilo mai i na Perusia, a ua laweia aku iloko o Geremania.

            Ladana, Ian 8 – O na lono mai Frankfort-on-Maine mai, ke hoike mai nei, ua hoounaia mai he mau hoopii i ka Moi Uilama ma Vaseile, e noi ana, e kau ia kona inoa hoohanohano, a e ae ia kela kulanakauhale, i wahi e hoa@ia ai i Emepera.

            O na lono waea mai kahi hoomoana mai o ka Moi, i ka nupepa Manawa i keia la, ke hoike mai nei, ua ae ia aku ke Kauikela Amerika e haalele ia Parisa, a @a hiki mai oia maanei.

            Havre, Ian 8 – He 10,000 Geremania, o ka hapa nui o lakou, mai Rouen mai, ua pau aku i ka hoauheeia inehinei e ke Gen. Roy, ma kahi kokoke Ji@miegas.  Mai ia manawa mai, ua noho ae la na Farani ia Bouchragehard, a hooweliweli aku la e hoemu i na Perusia mai A@d@er aku.

            Brussel, Belegiuma, Ian 8 – He ewalu mau kanaka i hopu ia ma ka okana nina o Saone a me na wahi e ae e hoopaipai @a i mau Luna Bonepate.  E hookolokolia ana lakou ma ka oihana koa.  Ke hoomaka mai nei ka noho ahi ana a ke Kipikipi.

            Ua hoahewa o Gen. Trochu, i na koa kia@ o ka papu o Avron, a kapa aku la ia lakou, he “hohe wale.”

 

KAIEHUIA A PAU I KOA

            Ladana, Ian. 9. – Ua hoop@ka ae na Luna Aupuni a pau ma Parisa he olelo kuahaua, e kono a@a i na kanaka kino puipui a pau a me na ahahui kukulu koa, e komo ae e hui me ka puali ku mau no ke pale ana’ku I ke kulanakauhale.  Ua kohoia he komi@e nana e hooko aku i keia noi a ke aupuni, oia na lala o ke aupuni maloko o Parisa, ka Peresidena, na Luna nui o na Papu, na poe ana kahua kaua, a me ka poe kipu kuniahi.

 

KA PALAPALA A BISIMAKA IA ENELANI.

 

            Ladana. Ian. 9. – Ua loaa mai i ke Kuhina noho o Perusia maanei, he lono waea olelo mai ke poo noonoo mai o Perusia, oia o Bisimaka, a penei no ia:

            „Vaseile, Ian. 8. – O ka hoike a ka Alihikaua nui o na koa Perusia ma Rouen e pili ana i ka hoopihoia ana o na moku Beritania ma ka muliwai Seine, aole i hiki mai nei, aka o na ano ua ikea.  E hai aku oe ia Haku Granville, (Kuhina o ko na Aina e o Beritania) ua mamina makou a ua kaumaha i ka hauhiliia ana mai o ka pilikia e ko makou mau koa, ma ka apo ana’ku i na moku Beritania.  Ke ae aku nei makou no ka hoopaiia mai, ina ua hana io ia me na kumu kupono ole.  E ae aku no makou e hoopaiia ka hewa.

 

(Kakau inoa ia) BISIMAKA.“

 

            Ke hoike mai nei kekahi mau lono hou, o ke kumu i hopuia ai kela mau moku, no ka makau o hoolilo mai ua Farani ia mau moku i mea aolo koa.

 

HE HAKAKA IKAIKA MA @A HIKINA.

 

            Balina, Ian. 9. – I ke kaua i lilo mai ai o Donges ma ke kaua hahana, ua hoikeia mai he weliweli ka make ma na aoao@elua.

            Ua hoopuipui ia aku la o Gen. Werder me na koa Perusia hou.  Ke houluulu la na Perusia ma Joigny ma ke alanui kaa ahi e holo ai mai Parisa a Liona.  Ua hiki aku na koa kokua ilaila mai Geremania aku.

 

HE KAUA O KA P@ALI O LOIRE.

 

            Ladana, Ian. 9. – Ua hoike pau mai nei ka mea kakau o ka nupepa Manawa ma ka puali o Loire, he kaua ma na kap@ o ka muliwai o Loire a mawaena o ka ululaau o Vendome a me Montoire ma ka la 6.  Ua auhee aku na Farani i ke komohana, a ke alualu aku la no na Perusia mahope.

            Bodeau, Ian. 9. – O ka moolelo o ke kaua ma ka Poalima, la 6, ua loaa mai nei.  Ma ka hora 11 o ke awakea, ua lele e mai na Perusia maluna o Gen. C. Cyrville ma Parcher, Ville Thauve (?)  Ua auhee aku na Farani a hiki i Neville.  Alaila, ia manawa, lawe mai la ka Alihikaua Farani i kona mau koa ku i ka wa iloko o ka hoouka kaua, a pau hou mai la na kulana mua i lilo aku i na Perusia, i ka hoi hou mai, me ka hoauhee aku i na Perusia a hala ma o aku o Sanite Romaine, kahi a na Farani i komo hou aku ai i ka po.  He nui loa ka make o na Perusia a he weliweli loa hoi ko na Farani.

            Vaseile, Ian. 9. [Aumoe.] – O na kolamu koa o na Geremania i nee mua mai ma Le Mans ua halawai mai me na wahi hoomaauwea a na Farani.

            O na koa o Geremania e hele mai nei imua ma ke awawa o Loire, ua hiki ae la i Nogent Savigny.  Ua paluluia mai lakou e na wahi keakea palaueka a na Farani.

            O ka papa koa Geremania hoi e hoopuni ana ia Belfort, ua hapapa ae la lakou i kekahi kauhale ma ia okana ma ka Paono, a lawe mai la he 700 pio.

 

LAPALAPA KE AHI I NA PAPU.

 

            Balina, Ian. 9. – Ua teleparapa mai ka Moi i ka Moiwahine a penei no ia:

            “Wahi hooinoana, Vaseile, Ian. 8. – Ke hoomau la ke Keiki Alii Federika Kale i ke alualu mahope o ka enemi ma Le Mans me ka piha i ka olioli o kana mau lanakila.  Aohe oehuehu kaua ma ka Akau mahope iho o ka la 3.  Ke holo nei ka hana o ke ki poka pahu ana’ku i na papu.  O na olokea maloko o na papu, ke lapalapa mai la ke ahi.

 

(Kakau inoaia) UILAMA.“

 

            Vaseile, Ian. O [Aumoe]. – I ka ponei, ua pii ne ka ikaika o ke ahi a na papa pu Germania.  I keia la, ua nee mai ka noe a paapu, a aole hoi ikaika loa ke kipu ana aku e like me ko nehinei, aka, o na kipu mai a na Farani, he onawali e wale no.  He 25 koa ka poino o na Geremania ma ka la Sabati aku nei.

 

KA “POE ULAULA” HOOHAUNAELE O PARISA.

 

Vaseile, Ian. 10. – Ua paapu ka aina i ka ohu.  O na lono o ka la 6 mai Parisa mai maluna mai o ka baluna, ke hoike mai nei he haunaele maloko na ka “poe ulaula”, a ua kapili ae lakou i na olelo kuakaua hoohaunaele, aka, haehae kokeia e na agena o ke aupuni.  O ke ano, e hoahewa ana i ke aupuni, no ka hoopunahele i ka hanaiia a maona o na koa, a o na kamaaina e hoopololiia.

 

HE LANAKILA NA “FARANI A NA KA RIPUBALIKA.”

 

            Bodeau, Ian. 10, Rougemont, (Okana aina o Doube) Ian. 9. – He kaua kai hoouka ia ma ka akau ae o keia wahi, i keia la, e pau ana i ka hora 7 or keia ahiahi, me ka lanakila na ko kakou puali kaua.  Na ka poeleele i hooki mai i ka holo lea ana o ka kakou lanakila.  Ua ku wati ka Alihikaua nui mawaenakonu o ke kahua kaua, a o na kulana a pau, ua noho wale ia aku no e ko kakou mau puali.  Ua lilo mai ia kakou o Villers, ke ki o ke kahua kaua o ke ahiahi, me na leo huro, “e ola mau loa ka Ripubalika a me Farani.”

 

HE UMIKUMAWALU LA PAU KA LAKO KAUA O PARISA.

 

            Vaseile, Ian. 10. – [Ma ka waea olelo a ka Elele.] – O na lako kaua a na Farani, e pau e ana iloko o na la he 18 mai keia la aku, a o ka haawi pio mai o Parisa, ua maopopo, e haawi e ia mai ana mamua ae oia manawa.

 

HOHE WALE UA FARANI NEI.

 

            Ia Generala Vinoi e paikau ana i kona mau koa i kekahi la, hooho mai la na koa, „e pau ke kaua,“ pane aku la o Generala Vinoi, „ua kue au ia, no ka mea, ua koho au e komo kino iloko o ke ahi e hakaka ai.“

            Barusela, Ian. 10. – O na poka pahu a na Geremania ma ka la 5, ke oleloia mai nei ua pau kekahi mau wahi o Parisa, a o ka haawi pio wale mai no koe.

 

KA AUHEE ANA O NA FARANI MA KA LOIRE.

 

            Vaseile, Ian. 10. – O ka Puali o Gen. Chanzy o ka muliwai o Loire, ke auhee la ma na wahi a pau o ka laina.  Ke alualu la na Geremania mahope, a ua lilo pio e mai nei, he mau tausani o lakou.

 

KA LANAKILA O NA GEREMANIA MA KA HIKINA.

 

            Ua loaa mai ia kakou (Geremania) he nu hou hauoli mai ka hikina mai.  Ua halawai ko kakou mau mahele koa me na koa Garibaladi ma ka la 8, ma Mont-Bard, ma ka okana aina Cote d’Or, a malaila, i hooukaia ai he kaua.  Ua lanakila ko kakou mau koa.

            Inehinei, hele wikiwiki mai la o Gen. Werder (ka eueu o Saraboro) i Villiers a lawe ae la ia wahi me ka ikaika.  O ka puali Farani helu 20 holookoa kai komo i ke kaua a poino he 2 mau alii ukali, 14 mau alii e ae, 600 koa a me 2 pukuniahi.  Ua hoao mai na Farani e lawe hou aku i ke kulana, aohe nae hiki.

 

OLELO HOOLAHA!

 

            HE mea hoike @ manao e hoomau aku i ka hoopuka ana i ka „NUPEPA KUOKOA,“ no ka makahiki 1871.  E hoona@a ana ka pepa me na wehewehe manao maikai ana, a e hoonui ia ae hoi kona maikai ma kekahi mau ano e ae.  O ka uku-pepa, e mau ana no ia e like me ko keia wa;

 

ELUA DALA ($2,00) O KA MAKAHIKI MA KE KUIKE.

 

            E hooiliia’ku no ke „KUOKOA“ i kela pule keia pule, me ka hookaawale ana i kela a me keia pepa iloko o ka wahi, ma ka inoa o ka mea nona ka pepa, ina ua kaa e mai na Dala Elua, ($2.00,) no ka makahiki okoa.  Aole loa e ae ia ka hookaa hapa ana.

            E ukuia na Luna e like me ka hoike malalo nei: O ka mea e loaa na inoa he umi a oi aku, me ka makaala i ka ohi mua ana mai i ko lakou mau uku pepa, e ukuia oia, he Umi keneta no ke dala, a hookahi pepa e haawi wale ia nana.  Penei ka hoonohonoho ana:

 

            No 10 inoa a oi aku, he 10 keneta uku

            “  50     “     “   15    “

            “  100    “       “   20    “

      “  200    “     “   25    “

 

            Hookahi wale no pepa e haawi wale ia na ka Luna me ka uku ole.

           

                                                                                                H. M. WINI,

                                                                                        Luna Hoopuka.

            Honolulu, Dek. 10. 1870.

 

Ahaaina Kuokoa.

 

            No ka nui loa o na aiele i keia mau pule, mamuli o ka hooponopono ana i kela a me keia mau kauoha mai na wahi e mai, no ka alapine mai nei hoi o na pakuikui ana o na hana no ka hoomakaukau nui i keia uluaoa iho nei o na mea hou, @olaila, ke hoikeia’ku nei ia na Lala o ka Ahahui Kuokoa, na Luna Lawe Nupepa a me ka poe i hookaa i na DALA ELUA, no ke Kuokoa o ka makahiki 1871, ua hoopaneeia, o

 

            KA POAHA LA 9 O FEBERUARI, oia ka la e malamaia ai ka Ahaaina Kuokoa ma Koleaka, Honolulu.  O ka poe a pau e hookau ana i ka lakou mau dala elua mamua ae o ka Poakolu, la 8, e loaa no ia lakou na palapala ae e komo e paina, me ka hui pu ana o na wahine a kela a me keia mea pakahi, i uku mua i na Dala Elua, koe na kamalii, aole e laweia mai.  Nolaila, mai hookuemi i ko oukou mau manaolana, aka, e ala a e hookaa pau i na dala elua no ka makahiki i kuleana ai iloko o ka ahaaina hoohiala’i a ke Kuokoa.

 

Ka Nupepa Kuokoa.

 

HONOLULU , FEBERUARI 4, 1871.

 

No na Hokuwelowelo.

 

            UA hooweliweli ae kekahi mau nupepa o keia kulanakauhale, ma ka hoolaha ana ae, e ike koke ia ana he Hokuwelowelo, e hele mai ana a pili i ka honua nei, oiai malia paha, o wawahi ae ua hoku la ia kakou a lilo i @ ole! Aohe oiaio iki o keia wanana ana, a aole no he maopopo loa e ikeia ana he Hokuwelowelo i keia manawa koke, ma kahi e ike ia aku ana e ka honua.

            Ua nana kekahi kilo-hoku o Geremania, o Winneke kona inoa, me kana ohenana nui, a ua ike oia i kahi mamao loa aku, he wahi mea poepoe uuku, i maepopo pono ole iaia ke ano, he Hokuwelowelo paha, a he hoku hou paha, a he mea e ae paha; aka, ina makou e hoike aku i ko makou poe heluhelu, aia ua wahi mea poepoe uuku la, he pa miliona ka mamao mai ka la aku, alaila, e manao iho oukou, ahohe keena o ka maka’u ana e naauauwa wale iho ai ia oukou.

            O ke kulana o na hokuwelowelo aohe paa i kahi hookahi, a aole no hoi mea ike pololei loa i kahi e nana aku ai ia lakou.  Ua houpuupuia a nui mamua no ko lakou puka mai, a i kekahi manawa puka mai, a i kekahi wa, aole puka mai.  Aka, aole nae he mea no kakou e maka’u ai, no ka mea, ua manao lahuiia he mau mea poepoe wale no ia a i ole he ao lewa paha, e hiki ole ai ke hoopoino mai ia kakou.  O ka huelo o ka hokuwelowelo, he aka malamalama ahiehie ia i loaa mai ka pa ana mai o ka malamalama maluna a komo pu paha iloko o ka hokuwelowelo.

            O na hokuwelowelo a pau, ke alakaiia nei lakou e ka Mea nana i hana malalo o kekahi mau rula ana i hookumu ai.  E like me ke ahikao a me ke ahi-lele a na kanaka e paani ai, pela no ka Mea nana i hana e hoike mai la i kona mana a me kona nani.  No ia mea, mai maka’u na mea kolo a pau malalo iho o ka lani no kekai hokuwelowelo @ ka mea, aole oia e ae i ka@ i hana ai e hoopoino ia ma kekahi ano e ne.

 

                                                                                                            Wailuku, Ian. 23, 1871.

I KA LUNA HOOPONOPONO KUOKOA; Aloha oe:

            E ae mai oe e hoikeike aku i ka hapa nui o keia anaina ma ka hoo@ ana iloko o ka nupepa Kuokoa, no na mea e pili ana i ke Kula Kaikamahine o Maui Hikina.

            Ke kokoke nei e paa ka pahale o ke Kula Kaikamahine ma Makawao, a ke @ nei ka manao e makaukau ana na kumu e hoomaka i ka hana, a e hookomo i na haumana i keia mau la kokoke.

            Eia ke ano o ka hale o ua kula nui nei – elua papahele o na rumi kiekie; he lua akea malalo, a he keena palahalaha a loihi maluna loa.  Ua maheleia ka hale penei – he @ nui a kiekie noi no ke kula, ekolu keena moe no na kaikamahine – he keena nui lakou; a i na he pilikia no ka piha oia mau keena, alaila, e moe kekahi ma na keena maluna loa; he keena ai’na no na haumana a he keena ai’na no na kumu; ekolu keena moe no na kumu, a me ke keena luana (parlor), he keena humuhumu, elua keena hale pa, he keena kuke, he keena kahi e ike ai i na makua, he keena heluhelu papa, a elua @ auau.  Elima lua wai – ua paa na auwai e komo ai ka wai maluna a pau oluna o @ hale.  He mau lanai akea a maikai.

            O ke kahua hale he kiekie, a he maikai ke makaikai aku i na kai elua, a me Maui Kemohana, a me Haleakala.  He wahi oluolu, aole nui ka wela, a he wahi maikai ke manao e hele no ka hoomaha ma o a ma o.

            Iwakalua eka a oi maloko o ka pa – i wahi no na kihapai, a i wahi kanu mea ai.

            E mahalo nui i ka poe lawehana, nana i kukulu i ka hale, no ka maikai; aole nae i manaoia e hoomaikai no ka ikeia, aka, no ke kupono wale no i na hana o ke kula.

            He 80,000 kapuai papa, a laau, a oi aku i komo iloko o ua mau hale nei, he 62 kaukani pili – a pela aku.  O na puka komo he 53, a he 56 na puka aniani.  He hale oluolu, aole ikiiki.

            O ka nui o na dala i lilo ma ua hale nei, mawaena o ke 6,000 a me 7,000.

            E pono nae makou e hoike aku ia oukou e na kanaka, i ka lako ole o ka hale, aohe he papakaukau a me na pa, bola, pahi, me na mea like, aole kapuahi me kona mau lako, aole papa, noho, a me ia mea aku, ia mea aku – he haole wale no – a me ke kau wahi mea uuku.

            Ua hanaia keia hale a pau i ke kokua wale ia mai – o ke aupuni kekahi i kokua.  O ka poe nana i kuai mai i na mea o ka hale, he ano lokomaikai ka nui; a pela ka poe lawelawe.

            O ka mano kokua, a me ke kakau pu i ko lakou mau inoa me ke dala, aole e nele ia; aka, o ka hooko i ko lakou mea hoohiki, aole i hooko kekahi poe.  Ke lana nei ka manao no lakou e hele mai lakou e ku i ka hakahaka, a e hoopiha i ke kowa.

            Ua aie makou no ka hale hookahi tausani dala, a no ia aie, a no ka hoolako ana i ka hale, ke ea nei makou e nana hou i na makamaka o ua kula la, me ka lan@ o ko makou manao, aole makou e pilikia hou, ke pau keia pilikia.

            Eia na Kumumanao a makou e manao ai e hooko ma na oihana o keia Kula:

1.         O ka manao nui oia kula, eia – e hoomakaukau i na haumana e hana i na hana e pili ana i ko lakou noho ana mahope aku, a walea lakou.

2.         E manao mua ia ke no ana i na mea pili i ka pono io.  O ka huli ana i ka Palapala Hemolele, a me ka hooko ana i kana mea e ao ai – oia kekahi hana e halama nui ia.

3.         Alaila aku, o ka hana nui o ke kula, oia ke ao ana ma ka hana lawelawe, i kela la i keia la, i ka humhumu lole, ke kuke, ka hoomaemae, holoi lole, aiana lole, a me na hana a pau e pili ana i ka malama hale.

4.         Eia na hana e pili ana i ke ao palapala, ka olelo Enelani, o na mea a pau e ao ia ma na kula maoli a holo maikai ia mau mea; a me na mea maikai e ae, e like me ka piha ole o ka manawa, a me ka lana o ka manao.

5.         Eia kekahi, o ka huli i ke ano o ke kino, i mea e @ ai na haumana i ka malama ana i ko lakou kino ino.  O ka hana o ka hale a me ka hoomama mawaho, oia kekahi mea e kaohi ia’i na la a pau; no ka mea, ua manao makou aole e ikaika pono ke kino a me ka uhane ke ole ia mea.

6.         Eia kekahi mea, e manao nui ia e hoomakaukau i na haumana e noho pono iwaena o ko lakou mau hoa.  E ao i ka hoomanawanui, ka manao i ko hai pono – no na hoalauna o kela la keia la, a me ka imi i ka pono o ka lehulehu.  E hooikaika I komo ka manao iloko o na haumana, he kauwa lawelawe kela mea keia mea o lakou na ka Mea Kiekie maluna, aka nae, ua lana ka manao, aole lakou e manao i lakou iho wale no, aka, e manao kela mea keia mea, he lala oia no ke kino lehulehu, a e hana oia i ka hana kupono o ia lala.

EIA NA KANAWAI KULOKO O KEIA KULA I HOOHOLOIA E KA PAPA KAHU:

1.       Hookahi Kumuluna maluna o na hana a pau o keia kula – malalo nae oia o ka Papa Kahu.

2.       E hookomoia na haumana kaikamahine a hiki i ke 50, mai ka 8 makahiki a hiki i ka 18.  E hiki i ke Kumuluna ke hoole i ke komo ana o kekahi.

3.       E hookaaia ka uku no ke komo ana i kela hapaha makahiki keia hapaha makahiki – e uku e mamua wale no i ka Luna malama waiwai, a i kona Hope paha.  No ka poe ai po me na kumu he $150.00 ka uku i ka makahiki, a no ka poe ai pu me ka lehulehu he $50.00 i ka makahiki hookahi.

4.       E hoolako na haumana ia lakou iho i ka moe, a me ke kapa moe, ko lakou @ole a pau, ka buke, pepa, papa-pohaku, peni, a me ia aku ia mea aku, a e uku i ko lakou kahuna lapaau.

5.       E kokua na haumana a pau lea ia na hana maloko o ka hale e like me ka makemake o ke Kumuluna.  E hana no hoi lakou mawaho, a i ole e holoholo, a pauni paha elua hora, a oi aku paha i kela la i keia la ke malie.

6.       Aole e puka wale aku kekahi haumana mawaho o ka pa – aia wale no i ka ae o ke Kumuluna; a i ole ia a hele pu me kekahi Kumunui.

7.       E komo na makamaka mamuli o ka manao o ke Kumuluna.

8.       E hana ka mea hoolako hale malalo o ke Kumuluna – malalo hoi o ka Luna malama waiwai.

9.       He 12 @ hoomaha i ka makahiki – aole e emi malalo – na ke Kumuluna e mahele, hui me ka Papa Kahu.

E. BAILEY.

                                                                                                No ka Papa Kahu.

 

Ua hala e mamua.

 

            Ma Honolulu, Ian. 24, make ako la o DEBORA KAMAILE, ka wahine aloha a T. Pahau o keia kulanakauhale.  He moolelo waiwai ka i waihoia mai e keia kauwa a ka Haku, a e o@lu ana paha ka poe heluhelu i ka nupepa Kuokoa ke lohe i kekahi mau mea e pili ana i kona ola me kona make ana.

            Ua hanauia o Kamaile ma Waikoloa, Waipio, i Hamakua, Hawaii, iloko paha o ka makahiki 1798, a ua hiki aku oia @ Kanahikukumamaloa o kona mau makahiki i kona wa i make ai.  Ua oleloia ua noho pu ia me kana kane hoao mua iloke o ka makahiki 1818.  Ua hoi pu oia me ke kane a i kona wahi i Kailua, Kona, Hawaii.  A oiai laua malaila, hiki mai la ka moku nana i lawe mai na Kumu mua i Hawaii nei; oia ka makahiki 1820.  O Kamaile pu kekahi maluna o ka waa i holo aku i ka moku, i ka la i ku mua ai ma Kailua, a ua hai mai oia i kona ike i ka uwe ana o na kumu wahine ia lakou i ike ai i na wahine Hawaii maluna o na waa.  Aole poina iki iaia ia la.  Malia paha ua hoomakaia ka hana a ka Uhane iloko o kona naau, ma ia la no i ku mua ai ka moku me na kumu ma Kailua.  Ua maopopo, he hua mua ia no ka Euanelio o Kristo ma keia pae aina.

            Iloko o ka makahiki 1829, ua make kana kane.  A i ka makahiki 1830, i ka la 2 o Mei, ua hookomoia oia iloko o ka ekalesia ma Kawaiahao o Rev. H. Binamu Makua; a ua bapetisoia, a kapaia kona inoa o Debora.  Mai ia wa mai, ua noho hihia ole oia iloko o ka ekalesia a hiki i kona la i make ni, he hanaka makahiki.  I ka makahiki 1331 mare hou oia i ke kane, aole nae liuliu a make aku ke kane.  Noho kane ole mai oia a hiki I ka makahiki 1835, mare ia oia me T. Pahau, a ke ola nei ia.  He wahine malama kane oia, a ma ka pono wale no oia a hiki i kona make ana.

            Ua hoomaka kona mai hope ana iloko o ka malama o Iune, 1869.  Iloko nae o kona nawaliwali kino no na manawa he nui, ua ikaika kona manaoio iloko o ka Haku, Paipai mau oia i kona ohana e huli ma ka pono.  He mau pule mamua o kona make ana, oia paha ka la 3 o Ianuari, kahea mai la oia i kona ohana e houluulu aku, no kona makemake o hooikaika ia lakou ma ka pono.  I kaakoakoa ana mai o kona ohana, pule mua oia i ke Akua.  A pau ia, haliu ae oia i kana keiki me ka i aku, “E kuu keiki, ke make nei au me ka nui o kuu kaumaha nou, no kuu ike ole ia oe e huli ana ma ka pono mamua o ko’u make ana.  Aohe no n’u mea e ae e hooili aku ai ia oe, no ka mea, ua ike no oe aohe a’u waiwai, o keia Baibala wale no, o ka’u waiwai ia – a e huli oe ma ka pono.”

            Huli ae la ia me ka waimaka, a i aku i kana mau keiki hanai me na moopuna, “E haulele ana au ia oukou iloko o ka ilihune, no ka mea, aohe a’u waiwai, aohe dala aohe aina, aohe he lako; aka, eia ka’u kauoha ia oukou, e huli e oukou i ke Aupuni o ke Akua a me kana pono; alaila, e pau ua mau mea la i ka haawiia ia oukou.”  Pela kona noho paipai mau i ka ohana.  I ka la mamua ae o kona make ana, kauoha oia i ke keiki e k@ i kana buke, a e heluhelu aku inia i ka Halelu 6.  A pau ia, kauoha hou oia e heluhelu i ka Halelu 23, a pau ia pule no oia a pau.  E kona wa nawaliwali loa no ia.  A i kekahi ia @ai, ua kokoke loa aku oia i ka muliwai, aole nae he kanalua, aohe hoopohopo o kona naau.  Hookahi hora mamua o kona make ana pule oia me ka hoomaopopo; e noi ana i ke Akua e ahonui mai iaia, a e kala i kona mau hala.  A pau pule ke kane, a me kekahi hoahanau wahine, a ia wa no hookuu maikaiia aku la kona uhane, mailoko aku o ka hale kino lepo, e hoi aku i kona maha, e noho pu me ka@a mea i aloha nui ai, me Iesu.

            Pomaikai ka poe make, ke make iloko o ka Haku.  Me ka mahalo.

            Honolulu, Ian. 31, 1871.

 

            MANUWA BERITANIA. – I ke ahiahi Poaha iho nei, komo mai ka manuwa Beritania Scylla ma keia awa, he 21 ma la mai Vanekouva mai.  Ma ke kakahiaka Poalima i kipu mai oia mamua ae o ka hookahakaha ana a ka poe Kiuai Ahi, aka, ke haupu e nei makou e kuhihewa paha auanei ka poe kinai ahi no lakou ia mau pu i kua ai.  Aole, no ke aupuni ia.

 

NU HOU KULOKO.

 

Oahu .

 

            Ua hookohuia o R. Mofita, Esq. o Kahuku, i Komisina no na Alanui L@ me na pono Wai, e ke Kuhina Kalaiaina no ka Apana o Koolauloa.

 

            E kamailio ana o W. L. Holokahiki Esq., a me kekahi poe e ae ma Kawaiahao i ka po o ke Sabati, Feb. 6, no ka hoole ona – E hele mai.

 

            HOPUIA NO KE KUAI KAMA. – Ua lohe mai makou, ua hopuia ka ona Hale kuai rama o Halehai, no ke kuai ana i ka rama i na kanaka Hawaii ma ka la Sabati iho nei.

 

            MOKU WAIWAI HOU. – Ma ka la Sabati iho nei, ku mai la ma Honolulu nei ka moku waiwai o J. T. Waterhouse (Halewai) me na lole i wae ia no keia makeke.

 

            KE DUKE O EDINEBORO. – Ma na lono hope mai na aupuni panalaau mai, aia no ke Duke o Edineboro me kona mokuahi ma ke kulanakauhale nui o Aukalana Nu Kilani kahi i hoonanea ai.

 

            KA MOKUAHI O KIKANE. – Ma ka hora aumoe o ka Poaha aku nei i hala, ua haalele iho ka mokuahi Kulanakauhale o Meleb na ia ka wapo o Ainahou, a ua huli hoi aku oia i na awa o Nu Kilani a me Kikane, me na wahi ukana a me na ohua.

 

            KA UA MA HONOLULU. – Me he mea la aohe i hoopau mai ka hooilo i kana hana o ka hookulukulu mai i na kulu wai lani, no ka mea, ma na la mua o keia hebedoma, ua hana ma ia e lik@ me ka haule ana o kona mau paka hiki ke kulu iho.

 

            HE OIAIO PAHA. – He nui loa na wawa mawaena o na kanaka Hawaii, e huuwalaau ana, ei ae no ka mawaho ae nei o ko kakou mau kai, kahi manuwa Farani e hakilo mai nei o ka puka aku o na @ o ka enemi, lalau lima mai.  Aole makou hilinai loa i keia lono.

 

            KA MEA KIEKIE R. KEELIKOLANI. – I ke ahiahi poluluhi ua o ka Poakahi iho nei, ma ka holo ana aku a ke Kilauea i Kona, ua hoi aku Ka Mea Kiekie Ruta Keelikolani a Kiaaina wahine o ka mokupuni o Hawaii maluna ona, e noho i ka lai o Ehu.

 

            KOKUA I KA POE KINAI AHI NELE. – Ma ka po P@ o ka hebedoma i hula, ua haawiia he po hana keaka lealea e C. Derby, a o na pomaikai i @ mai, he $192.00, ua @ ia aku ia ma ka waihona o ka poe nele o na lala o ka Oihana Kinai Ahi o Honolulu nei, e @ me na hou@ mamua ne.

 

            HANA INO KA ILIO. – Ua lono l@ahea mai makou, ma Kohalaloa, ua loaa aku kekahi mau pipi a me na hipa iloko o ka pa, ua pau i ka make i na ilio, nolaila, ua hoolaha ae ka mea waiwai i hoopoinoia, i na e loaa kekahi ilio e hele wale ana ma kahi maluna ae, me ke kahu ole, alaila o ka hoopai he make no ia ilio.

           

            KE PUHI KOHOLA MA HAUULA. – Mai kekahi mai o na io ponoi o ke Kuokoa ma na pali hau@, i loaa mai ai ia makou ka lono, he puhi aila kohola ka hana a ko Hauula poe.  O ua aila la, ua loaa no ia maloko mai o ke kolola i pae make m@ila.

 

            PILIKINO. – Ma ka holo ana aku a ka mokuahi Mose Tela i ke ahiahi Ponono aku nei i hala, ua hoi aku o Rev. C. G. Makale kahunapule o Kaukeano no na malama eono i hala, ua holo pu aku hoi o H. A. P. Ka@ka, kana wahine, na keiki a me kekahi mau maka aloha e ae, no Amerika Huip@.

 

            HOONAHOA KA UKULII. – Ma ke ahiahi P@ono aku nei i hala, ua ikeia iho ka ho@ano ana ae o kahi waapa o Kale Olelo-ema, e huki i ke kuna Neti Mele.  Iaia nue i kolo mai ai, ua ikaika no, no ka mea, ua hele huluhulu o Neti Mele ma ka ia @ huki ana.

 

            KA AIHUE. – I ke awakea Poakolu iho nei, komo aku la kekahi keiki Hawaii e nihue iloko o ka Hale kuai o Aho, i ka wa o ka mea malama hale kuai ma kahi e aku.  I puka mai ka hana e @ ana ke kolohe, @lele hou ke ino a lelele mai la maluna o na pa hale, a loaa ia K@ pu o Kaumakapili, pupu ana i ka Halewai.

 

            HALAWAI EUANELIO MOKUPUNI. – Ma ka halawai ku i ka wa o na Kahu Ekalesia o keia Mokupuni, ua hooholoia, o ka halawai mau o ka Ahahui Euanelio o ka Mokupuni o Oahu, e malamaia ma ka luakini o Kawaiahao ke hiki aku i ka Poalua, la 14 o Feberuari ma ka hora 10 kakahiaka.  Nolaila, e makaala na kahu, na haiolelo, na @ a me ka poe kuleana iloko o ia Aha, e hele i laila, nole i Hauula.

 

            NA IOLE MALOKO O PARISA. – Ua @ iho maloko o kekahi nupepa he 20,000,000 ka nui o na iole i manaoia e holo ana maloko o Parisa mamua iho o ke kaua ana iho nei, @ ka i keia manawa, ua koho@ aku ua emi iho.  E ninau iho ke mea puni ninau pehea la i manaoia aku ai ua emi iho il@lo? Malia paha, ua pau i ka @.

 

            AHAHUI KUOKOA. – Ua makemakeia na lala a pau o ka AHAHUI KUOKOA e halawai mai me ka Luna Hoopuka a me ka Luna Hooponopono o ke Kuokoa ma ke Keena Oihana o ke Kuokoa, ma ka hora 2@ o @eia auina la no ka noonoo ana no ka Ahaaina.