Ka Nupepa Kuokoa, Volume X, Number 18, 6 May 1871 — Pule hoomau makepono. [ARTICLE]

Pule hoomau makepono.

Ua launa nui rnai ka Uhane Hemolele i kekahi ekalesia ma Brooklyn. Nu Yoka; o Rev. E. P. Ingersol ke kahu. Ua hoomaka ia ka hana i ka Hebedoma Haipule, oia hoi, ka hebedoma mua o lanuari. Ua ohiia mai kekahi hapa o na hua i maopopo, i ka la Sabati, Maraki 26. la la, hookahi haneri umi kumainakolu (113) ka nui o ka poe i komo iloko o ua ekalesia la; a he kanaiwa kumamawalu (98) o lakou, he poe hou ; akahi a hai &ku ī ko lakou manaoio ia Karisto. He halawai hoomakaukau i ka po elima, ia 24 o i\Jaraki; ia manawa, he 40 ka poe o lakou i bapetizoia ; kekahi o lakou he mau kane me na wahine oo ; a o kekahi poe, he elemakuie poohina; ka poe i noho loihi me ka «nanao m lakou iho wale no. He wahi hana maikai no ia ke nana'ku. Aka, ua oi aku ka hanohano o ka hana i ka la Snbati. Mamua o ka ahaaina a ka Haku, olelo ke kahu eka(esia i ka poe e komo ana, e ku pakahi iluna, iloko o na alanui o ka luakini, i kona kahea ana iko lakou inoa. He ialani loihi, kokoke kaupuniia ke ala iloko o kela rumi nui. E hauoli paha na anela oka lani, e nana i keia poe, e hoolaa ana ia lakou iho i ka hana a ko lakou Haku lokomaikai. i ko lakou ku ana, ua maikai na manao o ke kahu 1 hai aku ia lakou, e ae ana'ku īa lakou ma ka inoa o Karisto, a me koua ekalesia. e komo iloko o ia kihapai, e hapai pu i ka hana a ka Haku." N. Y. O.