Ka Nupepa Kuokoa, Volume X, Number 23, 10 June 1871 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

            Ua lonoia, e haalele ana o Farre a me Simon i ka noho ana Koh@na.

            Ua lawe ae la na kipi i ka halepule o Nortre dame, a hoolilo iho la i wahi no lakou e noho ai.

            Ua wae ia ka Akibinopa o Parisa, Abbes de Guerry a me C@@e e ka poe kipi i poe e pepehiia

            He @o@oahana no mawaen o na kipi.  Ke hoole ia kekahi i ka ikaika a me ka mana o kekahi, a pela no hoi kekahi.  He elua @0@0 mawaena o lakou iho e poe nei.

            Ua hiki hou ae o B simaka ma ka aoao o ke aupuni Empera o Geremania a me Favre ma ka aoao o Farani ma ke kulanakauhale o Frankfort no ka hooholo loa ana i ka lakou kuikahi i hana ai.  Ua hoapono mai na aupuni pakahi o lakou iho.  Ua kahiko mai na hale nui a me na hale hanohano i na wai hoolau o ko lakou mau kahakahana iho (hae) no ka hoomanao a hoohanohao ana i keia la nui.

            Ua ae a hooholo lokahi mai la ka Ahaolelo o Germania i ka Bila, e hoohui ana ia A@@@ce a me Lo@rame no Germania mau loa aku.

NA LONO O KA LA 21.

            Ua haalele aku na kipi ia luna o na pa o waho o ke kulanakauhale.  Ke holo ino mai nei na koa iloko o ka pupuahulu a huikau.  Ua hui e mai na Generala a ae a hookahi wale no Generala kipi i koe mawaho o ka pa o ke kulanakauhale, oia hoi o Gernerala D@mbrowski.  Aia ma Bois de Boulogne kona wahi e paa la.

            Ma ka hoike pili aupuna a Thiers, ua maopopo ma ka po Sabati, Mei 21, ua komo ae la na koa o ke aupuni o ke kulanakauhale ma ka puka nui mai Sana Ao.  I pakuikui mua ia e ko Gen. Dobai mau koa ka puka nui a i ka hemo ana, komo ino aku la lakou i loko.  Ke makaukau nei o Generala L ʻ Admirala a me Clenchamps, e hahai aku mahope ona.  I ko Gen. Douai komo ana aku, okioki ae la oia i na waea olelo e poai ana i ke kulanakauhale.

            Ua hoike pu mai hoi kekahi Generala aupuni, ua haalele wale ia o Malakoff a me Papa Mootrouge e na kimi, a he komo aku koe o kona mau koa a lawe ae.

            He ahulau nui a ka wi ma Parisa.  Ke oleloia mai nei, o kekahi mau alakai o na kipi, na nalowale hoopa.

NO LONO O KA LA 22.

            Ua hoi aku la ka mea nana i kakau ke kuikahi mawaena o geremania a me Farani mai ke kulanakauhale aku o Frankfort.

            Ke olelo mai naei na nupepe o Frankfort, ua olelo aku la o Bisimaka i ka poe kipi, e kipa aku ana lakou ia Parisa, ke nahaha ka hale o ke Kuhina Noho o Amerika.

            O ka hapalua o na koa o ke aupuni, eia iloko o Parisa.  Ua pau ae la na poka komo nui i ka paa ia e lakou.

            I ka lohe ana o Generala Makamahope i ka lanakila nui, mamuili o ke komo e ana o ka puali a Generala Douai, ua haawi ae la oia i kana kauoha, e nee na puali a pau i ka wa hookahi.

            Ua haule pu ka poe kipi.  He 50,000 koa aupuni i komo mai nei, e oi aku no ka nui ke komo mai la na puka nui eono.  he ekolu hapaha o ke kulanakauhale i komoia ae la a noho ia.

            Ke olelo mai nei na waea olelo, ke kani la no na pua, a ke luku la no ka elele a ka make.  Ke kaua mai la no o Montmartre.

            Iloko o ka Hale Ahaolelo ma Vaseile, ua waiho aku o Thiers he haiolelo hoalohaloha, no ka lanakila nui ana o ka ke aupuni mau mea kaua.  Aole oia i manao e komo kome ana lakou i Parisa, iloko o na la 4 hou aku i koe, a hoike mai la oia i ka hoonohonoho a me ka nee ana o na puali kaua ma ka la Sabati, a loaa ai ka lanakila ma kona hope.  Ua hoike mai oia, he manao ko ke aupuni e imi aku i na hoopai weliweli no na kipi hana Karaima ino loa.  Mahoope iho o kana olelo ana, ha haawiia ma ka bal@a he olelo mahalo ia Thiers.

NO LONO O KA LA 23.

            M ke awakea o ka la 23, ua ikeia aku la mai waho aku o na pa o ke kulanakauhale o Parisa, he hae o ke aupuni ma Vaseile, e welo mai ana maluna o ka puu o Montma@ire, ka punana hope loa o na kipi.  Nolaila, he mae maopopo, ua pau ke kaua ana o ka hoahanau i ka hoahanau.

            O ka uku hoopai no ka aea haukae ma Marysville, he kanaono la e hana ai ma ka hana oolea.

            Ua komo iho ke A ʻ o Alii Imeperiala o Rusia i ke Kanikau Eleele no na hebedoma elua no ka make ana o ke Keiki Alii Geoti o Oladenburg.

            Ma kekeahi o na kulanakauhale o Colorado, ua kuaiia a make ka paina wai hookahi me ka elua keneta.  he keu no ka hoi a ka nele wai loa.

            O na holoholona, ua makemake lakou e inu nui i ka wai e like me ka a@o o ka ai ana.  No ka lio, he ewalu galani wai no ka la, no ka pipi waiu, he 6 galani, a no ka hipa @ai, elua a ekolu galani; a no ka elepani he pahu hoiookoa.

            ke akena mai nei kekehai kanaka hana pahu kupapau o Terre Haute, mokuaina o Inediana Amerika Huipuia, ua kauaia e ia he 5,000 kanaka.  I maopopo paha me ka nui o kana mau pahu i kapili ai, a ua kanu maoli no paha ia mau kimo.  He keu hoi a kona manaopao ole ino he oiaio ua kanu maoli.

            O kela haku mele kaulana o Geremania, oia o Uilama, ka mea nana ke mele "The watch on the Rhine." nona na eono haneri tausani pepe mele i kuaiia ma Geremania wale no mai ka homoaka ana mai o ke kaua nui iho nei, ua make iho nei oia i kei mau pule aku nei i hala.

KA NUPEPA KUOKOA.

3,000 pepa palia.  Edition, 3,000 papers

PUBLISHED EVERY SATURDAY - $2.00 A YEAR.

HENRY M. WHITNEY

Publisher and Editor.

(Luna Hoopuka)

JOS. U. KAWAINUI.

Associate Editor.s

(Luna Hooponopono)

HONOLULU.  IUNE 10, 1871.

"Aohe Kipi e lanakila."

            He olelo kahiko mana ia e kaunei i na hanauna a i na mamo.  O kela kipi kuloko mai ka puuwa ae o Farani, a mailoko ae hoi o ke kulanakauhale nui o Parisa, ano ua hiki mai kona hopena. 

            O ka luku a me ka pepehi ana o ke kaikuaana i ke kaikaina, ka makua i ke keiki, ke kaikunana i ke kaikuahine, ka hunona i ka makuahonowai, ua kapaeia ae la mai ka maka aku o ka aina kipikipi o Farain no ka manawa.

            Ua komo aku la na koa o ke aupuni ma Vaseile iloko o ka puuwai ponoi o Parisa, a o ka hopena, ua luhi mai ke au o ka lanakila ma o ke aupuni kuloko la nono ka Ahaolelo e akoakoa nei e keia manawa ma Veseile.

            O ke kuikahi hoopau i ke kaua mawaena o Farani lelehewa a @ Geremania, Ua kakauia mai nei e na elele pakahi o ia mau aupuni, a ua waiho ia imua o na Ahaolelo o ia au aupuni no ko hooiaio ia mai e ka mana nui.  Ua pae koke mai ka lono mai ka Ahaolelo mai o Vaseile e apopo ana i ke kuikahi.

            Ua loaa hoi i na aupuna elua keia kuikahi me ka apono loa ia.  Ma ka aoao o Farani, ua loaa iaia ka maha ma ka hoemiia ana iho o na lilo o ke kaua malalo o ka huina mua.  Ma ka aoao hoi o Geremaniia, ua loaa iaia ka maalahi, mamuli o k auku paaia mai iloko o akahi makahiki.  O ke kuikahi nei koe ma Europa, ke hoopau loa ia ae no lono hoomakaukau kaua o Rusia.

Heaha la auanaei koe?

            Oiai, ua lawe mai na lono mai na aupuni mai o Europa a me Amerika no ka Pope paialawaia ana mai ka noho ana mai honua mai; a oiai no hoi, ke hoihoi ia mai la ka malama ana i kona ola iho maluna o kona dala ponoi me ka malama ole mai o ke aupuni, nolaila, ua hiki ia kakou ke nalu iho, a ninau, nawai la auanei e malama mai i ka nui o kona maui kahunapule e hono kauliilii mai nei ma na pea o ka honua?

            I na makahiki i hala aku nui, ua hoohenehene mai na kahuna Katolika Roma i ka aoaoa Euaneho, no ko lakou malimali a iini i ke ola mailoko mai o na kokua o na hoahanau.  Ua kapa mai hoi ma na huaolelo a makou i manao ole ai, he mea hiki i ka poe i hoolilo ia lakou iho i kauwa no ke Akua kiekie loa, ke amuamua a hailuli mai.  Aka, ke nee nei ke au imua, a ma kekahi mau aupuni katolika.  ke hoohene mai nei na manao koe i ko ke aupuni maluna ana aku i na kahunapule.  Ua manaoia, o ka mea hai i ka olelo maikai, e ola ia no ia hana.  Aka, o ka poe nei, ia lakou i hoomaka ai i ka hana, ua kau aku ko lako lakou maka i na kokua mai ka home loa mai, oiai e naauao ana na haumana a lakou.  Aia la!  Ina e hookaawaleia mai ka ekalesia a me ke aupuni, e ike iho auanei ua poe hiliili nei maanei, ua hoi mai ka lakou mau olelo e kipi ia lakou iho.

Ko Bisimaka naauao maoli.

            Ika wa i ikeia ai ka popilikia maluna o Paria mai na poka mai a na geremania, ua holo koke mai la o Jules Favre e hookaulua ia Bisimaka aole make kaua hou aku.  Ua hooloheia ke noi, a ua kauohaia i halewai e noonoo ai i kuikahi.  Maia halawai noonoo kuikahi ana e pau ke kaua, he ekolu o na kuhina o Geremania Hema i komo pu iloko o ia kukakuka ana.  I ka wa i akoakoa ai na lala o ua halawai la me Jules Favre a me Thiers na elele kuhina ma ka aoao o Farani ma kekahi keena hookipa akea, komo maila o Bisimaka iloko o ke keena me ka palapala aina, ma kona ano mau he maka hoihoi.  Huhuia ae la ia i ka palapala aina maluna o ke pakaukau, a pane mai la:  "E na Keonimana, eia ke ike nei oukou i na palena aina a makou e makemake nei, ano e hooholo kakou."

            E noho ana o Favre me ka lului ole, ua hele a kaumaha e eehia kona nanaina.  Ua ehaeha a e haloiloi aoa ko Thiers mau maka, alaila, hoomaka mai la o Thiers e kamailio hoonawele ano hoalohaloha kumakena no ka hora hookahi.  Iloko nae o ia manawa e kamailio ana, neenee aku la ua o Bisimaka me kona noho a pili i kuono, me he mea la, aole paha e hoolohe loa mai ana i ka Thiers hoonawele.  A mahope loa, unuhi ae la o Bisimaka i kana wati, lele ae la mai kona noho me ka wa@ i ka @.  hele mai la imua o ke pakukau kahi a ko ka hale e noho ana a kmailio mai la, "O ka hora 12 keia, iloko o umikumamalua hora e pau ai ke kapai kaua, aohe manawa i koe no ka mea kamailio.  E hana ia kakaou, no ka mea, i ka pau ana o ka hora hoope, e weheia ko makou papa pukuniahi e ki aku ai Parisa.  Ae, ua ahuna ka lahui i hoopakiki e lelel kaua mai maluna o kona makamaka e hiamoe ana, i loaa hoi na uku makana no ia hoopaakiki makehewa, e uku mai ma ka hoohanohano a me ke dala mamua o ka oukou pepa e ouou mai nei e kukakuka.  Ua hana mai ke Akua i ka Pololei, ka Honoho  a me ka Oiaio ma kona nui like ole ia, a mamuli o ko makou ikaikia mai a iaia mai, i hookueneia ai na kumu e malama ia Europa a puni.  E haalele ana au ia oukou ano, no ka mea he eono ou hora e moe ai, elua hora e ai ai; nolaila, koe wale no eha hora no oukou e hooholo ai no ke kaua a ao ke kuikahi paha.  Aohe au olelo hou aku; ua hooholo au e kali hoomanawanui ma ke kumu e hiki aku ai i na hana io."

            Hoopuka mai la hoi o Thiers i na olelo hoololoiahili, aole ka hiki iaia ke waiho aku imua o ka Hale Ahaolelo i kekahi kumu e hoolilo ana i kekahi okana aina , a i na e paaakikiia ana ka hoolilo i ka aina, e aho no iaia a me kona hoa e waiho aku i ka oihana na lakou e hana.  Eia ka Bisimake pane oolea:  "Ke waiho aku nei au i kau olelo hope me oukou.  Ua ahona nou e haawi aku ia Belfort aole nae hookahi iniha hou aku, mamua o ka hoololoiahili wale aku no i ke kamailio ana, me ka Farani hapa mana.  Aia iloko o ko oukou noonoo ka pakele i keia manawa.  Ia oukou ka hoohoolo e kaua a e kuikahi paha.  Ina e paakiki ana oukou e kaua, alaila, o ka ha keia o na manawa a oukou i makemake ai e kaua - o ka mua, i Iulai, nmahope iho i Sedana, mahope impua o Parisa, a o ka ha keia.  Hookahi au mea e waiho aku ai na oukou e noonoo.  Ina e makemake ana oukou e hoomau aku i ke kaui, e loaa ana ia oukou he kaua e ike ole ia ai oukou a e pau ai hou ka oukou kei ana he poe paani ahi oukou.  Aloha oukou!

            No ka paakiki a me ka hoonuinui o  keia mau olelo hope, nui wale ae la no na Elele Farani a kakau iho la i ka palapala i paa na hiki mua o ke kuikahi, me no lima haalulu a me na maka haloiloi e uwe.

Haiolelo a Hale (H.L. Sheldon) imua

O KE

ANAINA NUI MA KAWAIAHAO

I KA PO O IUNE 4.

            No ke noi ana mai iau e ka oukou kumu, nolaila, ke hele mai nei e kamailio iki i keia wa: aole au i maa i nei mea he haiolelo, nolaila, e kala paha oukou i kou mau hemahema.

            Ua lohe paha keia anaina no ka Hui Hoole Wai Ona o Honolulu nei i kapaaia ma ka olelo haole, ka poe "Good Templars." Owau kekahi iloko o ia Hui, a oia kau e wehewehe iki.  Ua nui na Hui hooki wau ona e ae i ikeia ma Honolulu nei iloko o na makahiki i hala, na Puali Inu Wai, a pela kau.  Aole nae mau ke ola oia mau Hui.  Ua ikaika no, no ka manawa pokole wale no.  Ua hoohuliia kekahi poe e haalele i ka inu rama, aole nae he liuliu, palaka no, a hele hou no i ka haumia o ka ona, nawaliwali ka Hui, a make no.  Aka, o keia Hui e noho nei, ke lana nui nei ko makou manao, e mau ana no, a elilo ana ia Hui he mea e pomaikai nui ai keia lahui okoa.  Ua hala na makahiki elua wale no mak ka hoomaka ana iwaena o na Haole na ke kulanakauhale Ahi o Honolulu, a i keia wa ke ulu nei na lala ma Waialua o keia mokupuni no a ma Wailuku, i @laui kekahi, a ua oleloia, e hookumuia ana ma Lahaina kekahi lala, a aia Hilo, a ma Kauai kekahi.

            Ua hoomakaia keia Hui ma kinohi ma Amerika Huipuia, aole i hala na makahiki he 20 mai ka hoomaka liilii ana, aia kekahi kulanakauhale uuku ma kahi kuaaina, e kekahi poe kananka aole he lehulehu, aole hoi he poe kaulana ia wa.  Aia ka!  i keia wa, ua laha nui; ua lilo ka Hui he mea nui iwaena o ka lehulehu, mai o a o.  Kakuikahi na apana ma Amerika Huipuia i nele i ka Aha Hui Hoole Wai Ona o keia ano.  Ua tausani a tausani, na Hui okoa, malalo o ke Kumukanawai Hookahi, a ua lokahi ka manao o kei lehulehu he nui wale, e hooikaika like  e kaua aku i ka enemi oia ka Ona,.  Aia iloko o ia Hui ka poe kaulana o ka naauao a ma ke hanohano o Amerika.  O ka Hope Peresidena oia aupuni, o Colfax, he Peresidena hoi o ka Ahaolelo Alii o ka aina, oia kekahi kanaka ikaika iloko o ka Hui Hooki Wai Ona.  Ma ka Panalaau o Califonia, ua hiki ka heluna o na Hui okaa, i ka 418 a pela no ma na wahi e ae o ka aina nui o Amerika, aina lua ole hoi o ke kaulana ma ke ke ao nei ma ka waiwa a ma ka naauao.  Ke laha nei no hoi ka Hui ma Beritania Nui.  A, mamuli o ka hoomahuahua ana mai o ka Hui ma kela wahi kei wahi, ua ikeia ua emi ka ona.  Ua hapa na ino, na haunaele, no ilihune, na pepehi kanaka, ua maluhia, ua oluolu, ua kuonoono ka noho ana, ma na wahi i kukuluia ka oihana o keia Hui.  No ka mea, e like me ka olelo o Solomona, "He mea henehene ka waina, he walaau nui hoi ka mea e onaʻi; o na mea a pau i puni malaila, aole i naauao."  Ua ike lea kakou ka oiaio o kela olelo a keʻlii Haku Mele O Iseraela.  E like me kana ike, pela no ko kakou i keia wa.  Ehia la na kanaka Hawaii, ka poe maikai, ka poe ikaika, hanohano ka poe alii kiekie no hoi i hooliloia he lapowale nawaliwali hoowahawahiia, @, a ka@ iloko o ka make hanohano ole mamuli o keia mea he inu rama. O ka ona ua papaia ma ke kanawai o ke Akua, a me ke kanawai o ka aina; ua ike poono ia e na mea a pau, i ka ino launa ole o ka inu wai ona; aka nai ke mau nei a ke hoomahuahua nei ka inu iwaena o keia lahui holookoa.  Hopuia ke kanaka, hoohilahilaia ma ka lawe ana imua o ka lehulehu a hoopaaia ma ka Halewai - inu hou no ia.  Hookolokolo a hoopai dala ia, a hoopaahaoia paha ma ka hana oolea o ke aupuni, a i ka hemo ana i waho - inu hou no ia.  Ike maopopo oia, ua nele kahi pakeke i ke dala ole, ua inoino kahi aahu, ua lako ole ka ohana i na mea e ola ai ke kino a e pono ai hoi ka noho ana - inu hou no.  Ike aku la oia - ua kananka nei i meaa i ka inu, e lilo ana kona waiwai ia hai, kona wahi pupupu hale, kahi e malu ai i ka oa a me ka la, me kona wahi aina hoi, kahi e hooulu ai na mea e maona ai ka opu, e hele aku ana ia mau mea, me he wai kahe la - inu hou no.  A, ike aku la hoi oia me ka maopopo lea, e hele koke aku ana kona kino i ka lua kupapau a o kona uhane make ole, e hele aku ana imua o ka Mea nana ia i hana, e niele ia no na hana o ke kino, - inu hou no.  Makau ole ke kanaka inu rama, i keia mau mea weliweli!  He mea e, ke ikaika o keia enemi nui o ka pono! Aole anei i hui nui kakou e kinai a e hoopau loa i keia ino nui?

            Oia no ke kumu o ka hoohui ana o keia poe Hui i kapaia lakou ka poe "Goodd Templars." Ua makemake lakou e huli na kanaka o na aina e mai a me na kanaka kupa o ka aina, e hui a e kokua like me keia oiahana kinai ahi.

            Auhea oukou!  e ke kahunapule a me na hoahanau o ka ekalesia o Kawaiahao!  Aole anei e apono mai oukou i ka makou hana maikai i hapai aenei?  Ae, ua ike no au, ua apono no.  Ua haawi ka hoa aloha, ua olelo ae oukou, "Na ke Akua oukou e kokua," a pela aku.  A, oia iho la no.  Nolaila, he hoohalahala ko makou.  Aohe i lawa ka oukou kokua ana mai, ma ke apono wale ana.  E hapai maoli oukou i keia hana; e lalau lima maoli oukou, a e lawelawe pu me makou, oia ka mea e pono ai.  O ke ku kaawale ma kahi mamao, a kunou ke poo, a e i mai, "he maikai, he maikai." aole ia o ka makou i makemake ai.  Eia wale no ka pono, e komo maoli mai iloko o ka Hui, e hana pu i keia hana hoopomaikai i ko kakou lahui Hawaii.  Aole anei ua ke Akua mai keia hana a makou e hooikaika nei?  No ke Diabolo anei?  Aole loa e hiki ia oukou ke kulanalana mawaenakonu o na aoao a elua ma keia kaua.  Ina he oiaio, na ke Akua mai keia hana a ka poe "Good Templars."  alaila, e malama oukou, o oleloia mai e like me kia mau pauku ma Hoikeana, "Ua ike no au i kuu hana ana, aole oe i anu, aole hoi i wela.  Ua makemake au ia oe i anu, a i ole, i wela hoi."

            "Aka, no ka mea, ua pumehana wale no oe, aole i anu, aole hoi i wela, nolaila, e luai aku auanei au ia oe, mai kou waha aku."  He mea nui keia e noonoo ai oukou.

            Ke olelo nei au,, me ke kanalua ole, ina e komo nui na hoahanau o kei ekalesia iloko o ka Hui Hooki Wai Ona a kukulu i lala okoa maanei, elilo koke ana ia he mea e pono nui ai ka ekalesia a me ka lahui holokoa, ae hoopomaikaiia mai e ke Akua.

            [Mamua o ka pau ana o kela maluna ae, ua hiki mai ka lono mai Amerika Hui mai, ma ka la 23 mai o Mei, ua hui na elele o na Ahahui Hoole Wai Ona mai ka hikina a ke komohana o ia aupuni, mai Canada mai, a mai Enelani mai hoi, ma ke kulanakauhale o Balatimoa, e kukakuka no lakou iho.  O ka nui o naelele i akoakoa mai kela anaina, he 200.  Ua hoike mai na elele o kela a me keia Hui i ka lakou mau hana iho, no ka holo ana imua.  Ma ka houluulu ana i ka nui o na Hui Hoole Wai Ona, ua hiki aku no ia i ka 6,5000.  O ka nui o na lala i hoohuiia ma ia mau Hui, ua hiki aku i ka 400,000.  Aia la!  o ka luhi o na makahiki he iwakalua mai kona hookumuia ana mai, ua ukuia e ka 400,000 poe i makemake hou ole aku e hookauwaia e ka ona.]

E ala e Hawaii a Holo imua.

E KA NUPEPA KUOKOA E; Aloha oe:

            E oluolu oe e hookomo aku ma kahi kaawale o kou kino, i keia mau hua e kau la maluna, i ike mai ai na hoa o ka inea mai ka la puka i Haehae o Hawaii o ka moku nui o Keawe, a ka welona a ka la i Lehua.

            Mamuli o kou manao iini a ku hohonu ilokok o ka puuwai e kamailio aku imua o ke akea, malie ua ala like mai ko kakou manao a ua ae a hoopaa, no ka Nupepa Kuokoa ma ko kakou i kona ola makahiki, e ka poe i lawe mua, no ka mea, eia ia kakou kona hipuu e paa ai, oia kau e olelo ae nei,  e ala a holo imua mai hookuemi a pela hoi, e ala mai oukou e ka poe i koe, a e lawe nui i ka nupepa "Kuokoa," o ka lawe nui ana i keia pepa me ka hookaa pono i ka uku A.D, he mea ia e mau ai me kakou kona holo ana i keia hebedoma kei hebekoma, a pau o ka makahiki, me ka uku mua aku, apau na dala [$2.00] o ka A.D. a i ole paha e uku hapa o ka maikai loa nai o ka hoolele pau aku no, me ka uleu loa, mai hoololohili wale, a hoohalike me ke "Auokoa" no ka mea na ke Aupuni e uku mai kekahi a na kakou aku kahi, hawele kela kohu huelo no ke keko, (elua ona aoao.)

            Nolaila, e lawe nui oukou i keia nupepa "Kuokoa." I ike oukou i na mea hou, na manao paipai, na kumu manao, na mea o ka pae aina o Maikonisia, a pela oukou e aloha ai i ko oukou makamaka oiaio "Nupepa Kuokoa."

            E ike ia kakou hookanaka a o ke aloha no kou e ke "Kuokoa," ke huli hoi nei ke keiki o Kapunakane i ka malu inia.

                                                                                                                                                T.K. LALAKEA.

                                                                                                                                                Kapulena, Hamakua, Feb. 20, 1871.

NU HOU KULOKO.

Oahu

            A keia Poakahi ae, e holo hou ana ke "Kilauea" ma kona huakai akolu i Kona kai opua i ka lai."

            Ua hiki ke Keiki Alii ke Duke o Edineboro, ma Enelani ma ka la 19 o Mei, mahope o kona kaahele makaikai ana.

           

            HOLO KA HANA.  Ku mai ke Cometa i kela Poakolu aku nei, aka, i keiia Poakolu iho nei holo koke aku la no oia me ka piha i ka ukana.

            Maluna o ka Mose Tela i hoi mai nei, i kau mai ai he mau Kamaaina no Honolulu nei, oia o C.A. Williams J.C. Glade a me S.B. Dole.

            KA ONA O KE "KUOKOA," Ma ka lono hope, ua hiki aku ka ona o ka nupepa "Kuokoa" ma ka punana o na moremona, ma Loko Paakai ma kaau huakai holo i ka hikina.

            KULA KAIKAMAHINE A BINAMU.  A keia Poakolu ae la 14. (aole i ka Poalua elike me ka ke Kuokoa o Iune 3) e hoikeia ai keia Kula Kaikamahine kaulana o ke Alo Alii.  E hele ilaila ka poe makaikai.

            Ua haulehia iho o T. Sorenson o ka hui o Tibbetts ma, e kekahi mea kaumaha a ua pepe na wawae aku aole nae paha e pono aoa.  O kahi pilikia paha e loaa iaia, o ka hala o kahi mau manawa hana.

            HOOMAKA HOU KA HALAWAI.  Ua kuai hou iho nei ka Ekalesia o Kaumakapili i mau ipukukui hou, i pani no na lamalam i lilo i ka "piko pau i ka iole."  A nolaila, i ka hora 71/2 o ka la apoapo e hoomaka hou ai ka halawai ana.

            AHAHUI KULA SABATI.  Ma ka hora 3 o ka auina la Poalua ae ua weheia ka halawai o keia Ahahui hou.  O Peresidena C.J. Laiana ma ka noho lunahoomalu.  Ma na po Poakolu a me Poaha, he halawai akea ka ia aha.

            HOOMAKA ANA O KA AHAHUI NUI EUENLIO.  Ma ka hora 10 o ka Poakahi iho nei, ua wehe mua ia ka halawai o keia Ahahui Nui Misionari.  Ua nui no na Kahu, haiolelo a me na Elele i hiki mai, ua noho no kahi poe.  Ma ke keena halawai kahi i hoomaka ai.

            HOIKE KULA HAOLE KEIKIKANE O KAWAIAHAO.   Ma ka Poalima ae e hiki mai ana, Iune 16, e hoikeia ana ke Kula Keikikane o Kawaiahao, malalo o ke ao ana a W.A. Kiha.  Nolaila, ua konoia na mea a pau e hele e nana i ka hoike.  Aia ma ke keena nui o Kawaiahao e hoike ai.

            HE MAU HOOLOLILOLI.  Ua lono wale ia, a pua ka hoike makahiki o Kehehuna, a haalelle ana ke Kumu nui o ia mau Kula, a e paniia ae ana e kekahi mea e.  Pomaikai loa nae, ina e hoihoiia ae ke kamaaina oia mau Kula ka mea i kapae wale ia ae a kiihou ia e ke Aupuna me ke kumu kupono ole, aka, ma ka manao hookei wale no o ka me i haalele wale iho i keia Aupuna a hoi aku me ka holo ole o kana hana.

            HOIKE HIMENI MA HAUULA.  Ua lohe mai makou no ka hoike maluna ae i malamaia maloko o ka luakini o Hauula i kekahi po o kela mau pule aku nei i hala.  ua minamina makou i ka lohe ana mai, ua malama a kela hana ahiki wale i ke kaa ana aku ma kela aoao o ka hapalua o ka po.  He hana anaina i ike ole ia ma na kuaaina i kei au.  he mau lono e ae no kekahi, aole e hiki ke mahalo aku ke ole e ike ole ia na aoao elua.

            NA MOKUAHI KU MAI.  Ma ke awakea Poakahi iho nei, ku mai la ma ke Awa o Honolulu nei ka mokuahi mua o ka laina o Uwepa, oia ka Nevada,"  mai ka huli hoi ana mai ma kana huakai mua i holo aku nei i na Aupuni panalaau

            Ma ka Poalua iho nei, ku mai la ka "Moses Tela" mai kapalakiko mai iloko o na la he 13 me ka poino.  Ua nanaia iho nei kona mau ipuhao a ua ikeia he maikai kupono noia ke holo me ka mahu ahiki i Ka palakiko.

            HOLO AKU.  Ma ka hora 6 o ka Poakula iho nei ua huli hoi hou aku ka "Nevada" i na panalaau o Nu Kilani a me Nu Holani.  O kona mau ohua a me kona mau eke leta, ua hooiliia mai maluna o ka "Mose Tela."  O ko "Mose Tela"  mau ohua hoi me na eke leta, ua laweia aku la e ka "Nevada"

            Ma ka Poalima iho nei, ua puka aku ka "Moses Tela" e hoi i Kapalkiko me kona mau ohua a me na ukana mai keia awa aku.

            HE IMI HALA.  Ma ka helu 21 o ko kakou Kilohana o ka la 27 o Mei i hala, ua ikeia malalo o kekakhi palapala he olelo na ka mea nona ka inoa O.H. Haluapo, e hapala ana maluna o ka inoa maikai o ke Kapena mua o Pilina (Prince P i ka wa i ili ma Keauhou.  Mamuli o ka hoike ana mai a kekahi poe ohua e ae ma ia moku, ua maopopo, aole i ona ke kapena i ka wa i ili ai ka moku.  E kuniia maluna o ke poo nona ka hapala wale ana aku i ka eleele ia hai kana olelo i kauhiuhi wale mai ai.

            He Ahaaina ka na kahu a me na ohua o ka kamalei haku Pauahi ma ke Ahihi Poaono aku nei i hala.  He kanaenae aloha no ka lakou hanai Alii e au la i ke kai.

            He huakai hele malihini ka na Katolika Roma o Honolulu nei ma ka Poaha o keia pule.  Aohe i ano hou ae ko keia i ko kela makahiki i hala aku, e hiki ai ke hoonui aku makou.

            Ma ka hora 10 onehinei, ua holo aku ka mokuahi "Moses Tela" no Kapalakiko.  O na ohua kaulana a makou i hoolaha aku ai i kela mau pule aku nei, ua hala aku la maluna ona.

            KE KULAHANAI O HILO.  I ka la 5 o Iulai, oia ka la e hoomaka hou ai ia kula.  A oia hoi ka la e komo hou ai na haumana hou.  Miss E. W. Lyons, Mr. Makaimoku, a me Mr. Nawahi, o lakou na kumu i hoomapopo ia no keia makahiki hou.  D.B. LYMAN

            NA KAUOHA HOU PAKEKE.  Ua loaa hou ma na Kauoha Hou Pakeke ma ku ana mai nei ka moku mahu Moses Tela mai Kapalakiko mai.  E loaa no na buke ma ke keena kuai buke o ka Papa Hawaii.

            KOHO LUNA NUI KINAI AHI.  Ma ke ahiahi Poakahi iho nei, ua koho na keiki o ke ahi i ka lakou mau luna nui no ka oihana Kinai Ahi holookoa, a penei ka hopena ua kohoia o.

C.N. SPENCER, Esq. i Luna Kinai Ahi nui

W. HUGHES, Esq. kokua mua,

J.S. LEMAN, Esq. Kokua alua.

            NA HAIOLELO MAKAHIKI EUANELIO.  Ma ka hora 10 1/2 o ka la apopo (Sabati Iune 11) ina aole e hiki mai o Rev. W.P. Kahale alaila, na Rev. P.W. Kaawa ka haiolelo no ke kumumanao no na hana misinari kuloko ma Kawaiahao, imua o ke anaina hui o na Ekalesia o Kaumakapili a me Kawaiahao

            I ka 7 1/2 o ka po, ina aole hiki mai o Rev. E. Helekunihi, alaila, na Rev. S.W. Nueku ka haiolelo, no ke kumumanao no na hana misionari kuwaho i mua o na anaina hui o Kawaiaho a me Kaumakapili, maloko o ka luakini Kaumakapili.  he mau lulu Aloha ko ia mau halawai.

            Ua lohe mai makou, ua komo kekahi kanaka paahao iloko o kekahi hale ma Pawaa i ka Poakahi iho nei, me kanaka ole o loko o ka hale.  I ka hoi ana aku nae o kekahi mea o ka hale e holo ana na maka o ka paahao ma o a maanei.  Mai lalama paha i kekahi mau mea e ae ina aole e hoi koke mai kanaka.

            KA NUPEPA "KUOKOA" MA AMERIKA A ME EUROPA.  Mai kekahi mea lawe i ka nupepa "Kuokoa"  i hele makaikai ma ka Repubalika o Amerika Hui a hiki loa aku la i Europa i keia wa, i loheia mai ai, ma na wahi a pau ana i kipa aku ai a hoikeike aku i ka nupepa "Kuokoa" i paiia ai ko kakkou hae Hawaii nani, ua aumeume a makemake loa mai lakou e loaa ona pepa meia ke ano.  No ka hookahi o kana wahi pepa o ka  lawe hele ana aku i hua hoikeike, ua oki pu wale na iini a ko lakou manao a ua paa hele aku la ka ona noho ia, i mea hoikeike i ko ka Hawaii hele ana i mua.  O na wahi nupepa hookahi la, ke pailewaia la e na @ a me ua maka o ka poe e kilohi mai ana i na wai hooluu o ke kahakahana Hawaii.  A oia e mahalo mai ana ko kakou mau Aupuni makamka i ka nani a me ka maikia o ka kakou pepa Hawaii, ua hapai loa ia mai makou e hooikaika a oi loa aku mamua o na mea i ikeia e kakou i ikeia mai ai ke nee nei no o Hai inoa, aole i haule i ka hope waa.

            PAU I KE AHI A PAKELE KE OLA.  Ma ke ahiahi o ka Poalua, la 6 o Iune nei, ua pau ka hale o Kauhale i ke ahi, penei: I ke ahiahi o ua la ʻal, olelo aku la o Kauhale i kana wahine.  "Kaapuiki e mama mai oe i awa noʻu."  Mama iho la kana wahine i ka awa a wali hooponopono i ka papaaina hana ka awa a kaapu hoomakaukau iho la no ka inu ana ; kalokalo ae la ua Kauhale nei i na aumakau ona ia (Kapoino) a me (Popilikia) a inu ae la i ka apuawa ona.  Ia manawa, aaku wai laka ona o ka awa i ua o Kauhale nei, olelo mai la i kana wahine "e moe kaua," ua ae mai kana wahine. Ua hooluolu  laua i ko laua mau kino.  Ia laua i hoomakukau ai e moe, ua hoi ka wahine ma ka lanai mawaho o ua Kauhale nei ma ke kino pono ia o ka hale.  Ia laua e hiolani ana, aia no ka ipukukui e a ana ma ke poo o ua o Kauhale, ua loaa mai kona kapa i ka ula o ke ahi ipukukui.  I puoho oe ka hana o Kauhale, e aa ia ana kona kapa e ke ahi,; ua hanini ka ipukukui, ua puni ka hale i ke ahi.  Ia manawa, puoho mai la ka wahine a lele aku la ia a huki mai la i ua Kauhale nei, mamuli o ka hooikaikia ana a ka wahine, ua pakele mahunehune mai laua.  I ka nana aku i ko laua mau kino he ano weliweli.  Nolaila, mai inu kakou i ka wa o lilo i ka ona, haalele i ka ipukukui, e like me Kauhale.  Me ka mahalo.

OWAU NO O IOELA KELIIPIO

Hawaii

            POHOLO A MAKE LOA.  Ma kekahi palapala mai Hilo mai a me ka lono no hoi i lauahea ae, ua konoia mai makou e hoike aku, ma ka huakai mua iho nei a ke Kate Lee i holo aku nei i Hilo, ua kau aku maluna ona o Hyland o ka hui o Hyland a me Hollister ma Alanui Nuuanu.  I ka holo ana aku nae o ke Kate Lee a maluna aku o Laupahoehoe, lele ua haole nei iloko o ke kai a poholo loa