Ka Nupepa Kuokoa, Volume X, Number 24, 17 June 1871 — Maona i ka Olelo a ke Akua. [ARTICLE]

Maona i ka Olelo a ke Akua.

I ka wa i hoowalewaleia ko kakou Haku ē hoolilo i keknhi mau pohaku i barena, no konu pilikia i ka pololi; i aku la oia penei: " Aole e ola ke kanaka i ka berena wale no, aka, ma na mea a pau mai ka waha mai o ke Akua." O ke ano o'ka Baibala, he mea ai momona no ia i ka mea e manaoio ana, e like me ka olelo ana a Davida, ma Haleiu 19: 10. *' Ua oi aku ko lakou one i ko ka mele, a me ka waihona mele." Aole pono ia kakou ke heluhelu wale i na hua olelo o keia Buke me ko kakou lehelehe; aole hoi e hoomaopopo wale ia lakou me ko kakou manao; aka, e hoomaona iko kakou mau uhane ia lakou. Hauoli pinepine kekahi poe i ka heluhelu ana i kekahi pauku, a makemake lakou e noonoo loihi ma ia mea. Pela ko'u manao i keia la, i ko'u kahea ana i ke Akua iloko o kahi mehaineha, e imi ana i mea e hemolele ai ko'u uhane.' Lele koke mai keia pauku io'u nei; " Aia ala hou au me kou ano, alaila au e maha io ai." Ua piha au ika hauoli ame ka maluhia ika inanaoio ana. Ua pololi a make wai au no ka pono, aka, m« keia pauku ua maona au, a ua pau ko'u poioli. O kekahi ano paha o keia pauku, no ke ola e hiki mai ana; ua pili no hoi i ke kristiano ma keia ao; no ka mea, aole mea eae e hoomaona ai i ke kakou mnkemake, o ke aloha o ke Akua wale no i paiia roa ko kakou mau uhane.