Ka Nupepa Kuokoa, Volume X, Number 26, 1 July 1871 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

 

lakou hana) hikilele ko kapena malama o na mitini i ka paa, i hele mai ka hana e nana, aole he ike ia o ke kumu a ka paa ana o ka hoila, aia i ka nui loa ana mai o ka wai, ikaika loa ke kaomi ana o ka wai i ka hui@a, hemo ako la ke keiki me ka pokopoko o ka iwi o ka uha akau, laweia aku la e ka wai maloko o ka honua, he 30 paha anana ka loa. Ike ia e kekahi kanaka ua keiki nei, kiii@ a hapaiia ilona. Iiaila ka ike pono ana iho o ka lehulehu i ua keiki nei ua mainoino, @ o ke kino--Kumakena ka makuakane me ke kup@nakane i ke aloha. Ua kii ia ke kauka Perusia i Wailuku, a ua okiia a moku kela uha i mainoino a kanuia i ka lepo. Ke koe nei ke ola iloko on a. He makahiapo keia na Kealoha @e Kaanaana na makua. J. KEALOALII.

Waihee, Maui, Iune 24, 1871.

 

Hawaii

 

HE PUA UA AKOIA.--Ma ka le 1 o Iune, ma Pahoehoe, Kona Hema, ua kiiia mai la e ka elele a ka make@ o Oliva, ke keikikane a ka mea kaulana K. W. Kuaimoku. Ma Waiohinu i Kau, mamua iki iho no, ua laweia aku la kana wahine mare. A nolaila, ma ka lawe papa@ia ana aku o na ohua makamae o kona ohana, nolaila, ua ili iho ke kaumaha maluna o ka mea hookahi @ hoono@oia iho e u aku mahope.

 

OLA MAHUNEHUNE.--O keia haole kamaaina i noho loihi ma Hawaii nei, a he ohana nui kona e noho nei i ka pohu lai o Kona, o Charles Hall kona inoa ; he kamaaina alakai oia i na haole malihini, maluna o na kuahiwi mauna o Hualalai, Maunaloa, a hiki aku i Maunakea ; ua ola mahunehune oia i na la i kaa hope aku la, penei ke kumu : Ma ke ahia hi o ka Poakolu, oia ka la 14 o Iune, hora 6 P. M., hele aku la oia i ka wahie, a iaia e oki wahie ana ma kekahi pali, ua lo@ ka wahie, a hoolei ilalo o ka pali i kekahi mau pauku wahie, a lalau hou aku la @ kekahi paukuwahie hou, iaia nae i hoolei aku ai @ ua pauku wahie nei, o ka lou ae la no ia o kekahi lala o ua pauku wahie nei mahope o ka palule, o ka lele pu aku la no ia i a pali me ka wahie--a haule ana ilalo me ka mainoino ; ua haki pu ka wawae maluna ae o ke kapuai, naha pu ka iwi o ka auwae, kahe a wai aku la ke koko me ka manaonao ; me ke kahea ana i kana keiki ia Henere, a me kekahi poe e ea. I ka lohe ana o Henere ma kahi mamao loa aku, a holo mai la me ka manao he leo uwo bipi, pela kona manao'i lohe ai ; eia ka o kona makuakane, e waiho a make ana. Ua ana ia ke kiekie o keia pali, he 24 kapuai; aia keia pali ma Laumaia, ma ka aoao Hikina o Maunakea. Ua noho oia malaila no ke ki bipi is mau la, me kana keiki, me A. Spencer, a loohia iho la i keia poino. O kona hale noho mau aia ma Kalaieha, e malama ai i na hipa o F. Spencer ;  @ ke waiho nei oia me ka maopopo ole o kona ola. He 60 kona mao makahiki i keia wa. S. H. M.

 

Ua hala pu ke keiki me ka makua.

 

I na makamaka o ka Hale Pai Kuokoa ; Aloha oukou: -- E oluolu mai@oukou ia'u e kamailio akea aku ma kahi kaawale o ko kakou @hilohana Pookela. i ike mai ai hoi na kin@ makamaka o na mea i haalele mai la i keia noho kino ana, a penei au e hoike aku ai.

 

O Samuel P. Koko, he keiki opiopio kino puipui a maikai ke nana aku, nona na Makahiki he 18 me na malama keu 6, a oi ae o kona noho ana ma keia honua. Ua noho pu oia me kona mau m@kua i kona wa opiopio, a loaa iaia na makahiki k@pono no ka hele ana i ke kula, a hele no ia ma na kula Apana a loaa iki kahi ike, ua hoouna aku kona nau makua iaia i ke kulahanai D. B. Laimana ma Hilo, a ua noho oia ma ia kula, a hala o@ A. D. ekolu, ua puka mai oia mai loko mai oia hale ao, me ka loaa no@o kana wahi @tarena, a ua hoi mai oia me kona mau makua i kekahi manawa ma Waimea nei, a i kekahi wa hoi, me kona mau kaikuaana hanau mua ma Hamakua. A no ka loaa ole o kahi oihana o ke  Aupuni ma ka hana kula, no@ai@a, ua hana oia malalo o kekahi haku hana, a @a ia hana oia i hana'i, a loaa iaia ka pilikia ulia wale, penei ke kumu i loaa'i o keia pilikia mainoino i kona kino nui.

 

Ma ke kakahiaka Poaha o Mei, ua makaukau oia no ka lawe ana @ku i ka ukana o kona haku ma Kawainae-kai no ke ku mai o ke Kilauea e hoi i Honolulu, a o ka makaukau iho la no ia o kona hele@ aole i inamao aku mai ka puka aku o ka hale o kona haku, o ka h@omaka aku la no ia o ka owala o kona @, a pa ka opea i ka okumu o ka noho paniolo, a lilo iho la kela i laila kahi i p@pue ai no ka eha, aole nae oia i haule, a i kona hoihoi ia ana a ka hale o kona mau Makua, o ka hoomaka loa mai la no ia o ka mahuahua o kona eha, e auwe-a-make ana, a pehu ka opea, a no ka ikiiki i ka eha, nolaila, he mau la mahope iho, ua kaha oia i hona eha, no ke oia, a i ole ia no ka make paha. Eia nae ka mea kupa@aha ma ke kaka@@ka Poaha ka eha ana, a hala na pule elua, ua make iho la ia ma ke kakahiaka Po@ha. Iune 8.

 

Oiai nae oia e waiho ana i kona eha mainoino, aia no kona makuakane hanai ke waiho mai la i kona mai, he pehu, a o ia ka mai mua a makou i ike ai, a i ko laua wa i pilikia loa, makemake lo@ o S. P. Koko e h@lawai pu o ia me kona Papa, no ka mea hoi, aole e hiki ia la@a ma ka hale hookahi kahi i waiho like ai i ka mai, kahea pinepine kana keiki penei, "Aloha oe e Nakai! "O wau paha o kaua ke hele e ana mamua! A pe@a wale no kana hana ana me ka uwe no ka eha, ma ke kakahiaka o ka Poaha, hora 7 paha, make e iho la o S. P. Koko, oiai, e uwe ia'na ia e ko ka hale,a elua hora mahope iho, make iho la o Nakai ma ka hora 9, maloko o ka hale hookahi, nui ke kaumaha no ko laua make like ana i ka wa hookahi. Noho ka ohana me ka mokumokuahua i ke aloha no ka make like ana o ka makua me ke keiki. Ma ka Poalima ae la 0, hora 12 awakea, ua laweia na kino kupapau o laua iloko o na pahu elua, a ua hookawaleia mai ka hale aku maluna o ke kaa hoki a F. Spencer, ua kau pu ae no hoi ka mama o ka mea i make a lawe ia'ku la maloko o o ka luakini o Imiola, ua uhi like ia na ohana o na mea i make i ke kanikau eleele o ke kumakena a waiho ia ka pahu elua maluna o kahi i hoomakaukau ia no laua.

 

Ua hoomaka ia ka hana me ka Himeni ana i ka Himeni kupapau, a ua haiolelo mai o Rev. L.  Laiana  Samuel 1: 17, 23, e pili ana no Saula , a me Ionatana, ka make like ana o ke keiki me ka makua, a ua hoopili@a mai ia ia, (S. P. Koko, a me Nakai.)  He mea maikai i ka haiolelo ana a Rev. L. Laiana, eehia, wahi  a ka  makua L. L.  "He mea hou keia i ko'u ike ana, ka laweia mai, elua mau mea make ma ka luakini nei, aole mai mua mai, akahi wale no, nole no ho@ au i ike ma Amerika!" A pau ka haiolelo ana, ua laweia na kiuo lepo ma ka lua hookahi; ma ka ilina, a nalo aku la. Nui no ke aloha, kaumaha a luuluu ka ohana. "Na ke Akua i haawi mai a nana no i lawe aku. E hoomaikai ia ka inoa o Iehova.  "Ua ikaika no o S. P. ma ka pule, Helelei hiolo ka pua o ka waimaka. Hiolo na wai naoa ke kehau I ua ka mea o ke aloha ia na hoa o ka aina mauna, na kupa hui o ka aina ua kipuupuu nei.

B. Kealoha.

Waimea, Iune 15, 1871.

 

Ke Kaikamahine i Hoike i ka Oiaio.

 

EKA NUPEPA KUOKOA E; Aloha oe:--

Ma Wailuku nei wau i neia la Poakahi, la 12 o Iune nei, no ke kula kumu ; a ia'u e noho ana maanei, ua hookolokolo ia o Kekua (k) me Wainee i waena o ka Lunakanawai Apana, no ka hewa moekolohe i hoopiiia e ka wahine mare ana, kokua la ma kana hopu oiaio ana ia laua.

 

Me keia kaikamahine a Kekua i hele pu ai ma kahi a Kekua me Wainee i hana ai i keia hewa hilahila, wahi a ka hoike oiaio a keia kaikamahine, me ka luli ole, hoi hope ole, no ke aloha makuakae, ma ka ninau ku hohon@u a ka Loio o ua Kekua nei.

 

He menemene a hilahila au ke hai aku i na ike maka a keia kaikamahine ia laua pu me ka wahine mare a ua Kekua nei, i ike aku ai ia laua e hana ana i ka hewa.

 

Ma ka hora 7 o ke kakahiaka nui, e kani ana ka bele halawai o Leonolo, ma ke kakahiaka Sabati, la 11 o Iune ; maia hoike oiaio a keia kaikamahine i ua wahi Kekua nei, ua hoopaiia e ka Lunakanawai Apana, he $50. ko laua hoopai, he $8. koina.

 

Aole nae o keia Kaikamahine wale no ka hoike no keia hihia, he poe e ae no kekahi, aka, o ka oiaio maoli a ke ku maka o keia kaikamahine no, oiai, @a keakea keia kaikamahine aole make hele i ka moekolohe, a haalele i kana wahine mare ponoi.

 

Oiai, ua pili paa ka manao o keia kaikamahine me kona makuahine, a he aloha makua oia ; a no ia aaloha makuahine oia i hoike oiaio ai imua@ o Mea i Mahalo ia, i kuleana e ike ai i ka makua, i ka pono ole o kana hana.

 

A ua ike io no, aka, aole kela i ana mai a minami@a i ka luhi me ka wahine mare, ua uku no ia ia Wainee he $24. mailoko ae o ko Kekua luhi me ka wahine i na loi kalo ekolu, i kuai ia no keia hihia a laua i hana ai.

 

Ua kipaku ia ua kaikamahine hoike oiaio nei, a hoohiki aku o Kekua, aia kahi ike o lalo. Oiai, ua huhu ino keia makua no ka hoike oiaio ana o keia kaikamahine, e like me kona ike kumak@, e hana maoli ana o Kekua me Wainee i ka hewa, oa lohe a lihaliha maoli i na olelo i hoopukaia imua o ka Aha Apana. Nolaila, ua pii ino ke kai o Kekua, me kona manao e kipaku ino i kana wahine a me kona ohana a pau i huli mahope o kana wahine mare, a e ki i ka puka o ka hale a paa, i ole e komo kekahi iloko.

 

A no kuu manao, e ike akea ka lehulehu, i ka hana uko ole a keia makuakane imua o kana kaikamahine a me kana wahine, i ka la a me ka hora i oleloia maluna--mai hana oukou e like me Kekua, oiai he wahine maikai no kana, a he kuonoono no hoi ka noho ana.

 

Ala ae la ua Kekua nei a hele ma kela kapa me ke kanalua ole, a hana iho la i ka hana haumia me Wainee. Ia hora no, kuku ana laua nei, a he holina ka hana. I mai o Solomona, "E inu oe i kou punawai o oe wale iho no, aole me ka malihini ma kou hale, a hu aku kou loko Wai ma na alanui."

D. H. L. KULAKUMU.

Wailuku, Iune 19, 1871.

 

O Ka hiki ana mai o na haole i Hawa-

II NEI, HE MEA ANEI IA E EMI

ai keia Lahui, aole paha?

 

NUPEPA KUOKOA; Aloha oe:

 Aia ma ke aniani kilohi o kou la hookahakaha, o ka la 10 o Iune nei, ua ike an i na hua e kau ae la maluna a me na a kahi keiki kukahekahe o Waiahole, e haanui ana, o ka hiki ana mai ka o na haole i Hawaii nei, oia ka ka mea e emi hiki wawe nei keia lahui i ka make. Pela paha, aole paha. Ke hai nei nae au i ko'u manao maoli, aole ia he kumu e emi ai keia lahui. Aka, ma ka wehewehe hoi a kuu hoa, no na moku mua i ku ae ma Kawaihae, a lele na haole iuka a launa me na wahine, he puolo uku a me na mai pala kai loaa mai. Ua hooia iho ua wahi kaaka nei, oia kekahi kumu i emi ai keia lahui. Ke hoole nei no au, aole! E hoo@a  mai ana no anei oukou e o'u hoa ili ulaula, oia ke kumu i emi ai? Ina oia, e ninau ka pono, "I emi io anei keia lahui i na haole?" Aole! Aole loa!

 

Ke i hou mai nei kuu hoa, o ka mare ka me na haole, oia kekai mea e emi ai keia lahui. Ka! kai no o ka mare, oia ka mea i apono ia e ka Baibala, e loaa mai he mau keiki maemae, he mau hapahaole, a nou no hoi ia kuleana e Hawaii, a ua l@lo hoi ia he koko a he io ponoi loa nou e Hawaii ; eia ka oia kekahi kumu i emi ai o ka lahui o kaua ; kai no he ulu ana ia, oioi ua komo aku o Hawaii iloko a ka haole, a hoonui ia ae, a loaa hou ia inoa ou e Hawaii, he hapa haole. Mamua aku nei, aole ou inoa e Hawaii e li ke me ko keia wa. Nolaila, aohe o kou mare ana e Hawaii me ka haole, oia kou mea i emi ai, aka, o kou kumu ia i ulu iki ae ai.

 

Ke ninau nei o Kameo, me ka i ana, "I ka hana@ ana mai o ke keiki a ka haole i mare ia oe e Hawaii, no wai ia lahui?" Ke i nei a@, nou no e Hawaii, oiai ua hanau ia i Hawaii nei, a ua lilo he kupa, he kamaaaina a he kanaka nou e Hawaii. Ke i mai nei hoi oe, kai no hoi ua lolo, ua pono no hoi ka lolo, a ka hehena ana kou hewa.

 

Ke i hou mai nei oe, o ka pono loa ka mare, o ka mare no me Hawaii pohoi, a oia ke kumu e ulu ai ka lahui. E manao a@a ka paha kuu hoa, aohe i mare o Hawaii me Hawaii? Ka i no o Hawaii ka nui o ka mare me ia iho no, a he mau wahi hua helu uuku wale no kai na ilikeokeo; a o keaha ke kumu o ka ulu ole ana wahi au, oiai ua nui hoi ka poe i mare me ia ponoi iho no (Hawaii.) Hu oe i kulakula e ua hoa nei--aia a mare o Hawaii me Hawaii ponoi, alila, ulu ka lahui. Akahi no au a ike, a me ka lahui holookoa o kaua. E ole no oe e hai mai nei, ike ia ai. Aohe io ka he mare o Hawaii me ia Hawaii no, eia ka me na haoole o Hawaii okoa e mare nei, oiai o ke kumu i emi ai o Hawaii, ole wale.

 

Eia hoi; ua nui loa na mea i mare o Hawaii me ia iho no, a ke noho mai nei kekahi poe me ka malama pono i na rula, me ke akamai ma ka noho pono ana; a o kekahi poe, aohe malama, ua mare nae me ia iho no, a ua hanau mai ka kekahi a ua hanau ole ka kekahi; ua malama kekahi i kona kino na ka mea hookahi, a ua lu wale aku hoi kekahi i kona kino na ka lehulehu, ua mare ia nae na ka mea hookahi. Nowai la ia hemahema? Ke i nei au, nou no, aole no ka hiki ana mai o na haole i Hawaii nei a me ka mare ana me Hawaii, oia ke kumu e emi ai keia lahui. Aole loa!

 

Ma kou manao ekolu e kuu hoa, ua like ia me ka mea a ko'u puuwai i koii'i, a he oiaio ia manao ana ou, aohe a'@ mea e olelo ai he hooluu wale no.

 

Eia nae ka'u e ao ai ia kaua, a ia lakou nei ae, mai olelo, a mai pane ka waha, o ka hiki ana mai o na haole i Hawanei, oia ke kumu i emi ai keia lahui. Aole he oiaio o ia , no ka mea, anole ma ka lima a ka haole ka make ana a me ke ola, aole hoi i ko lakou mau lima ka mai, he ole loa no. aole no hoi he wahi o ka Baibala e olelo ana, he make ma ka lima o ka haole, aka, ke kuhikuhi nei ke panena nana e hookele nei o Hawaii, mai ka noho hupo ana a i ka naauao pookela, a mai olelo, he kumu ia nou e Hawaii i emi ai.

 

NA KUMU I EMI AI O HAWAII.

 

1.  O kou uhaki e Hawaii i na Kanawai o ka pono maoli. Iloko o kela hewa keia hewa au e kakala nei, oia! oia maoli no! Ke i mai nei ka Baibala, "O ka uku o ka hewa, he make ia." Ke i hou mai nei, "O ka mea hoopaakiki a hooolea i kona a-i ma na hana hewa, e kiko mai no na koraka o ke awawa, e make oia." O na Kanawai he Umi o ke Akua, e papa ana i kela hewa keia hewa. A o ua mau kanawai la, aohe i hooko pono ia e oe e Hawaii, a oia no ke kumu o kou emi ana e Hawaii, aohe no ka haole, wahi a kahi Fatuhiwa J. K. K. e manao kuhihewa auanei la e o'u mau hoa, o ka hiki ana mai o na haole, ka mea i make ai a i emi ai hoi keia lahui.

 

I mea e maopopo ai, no ka malama pono ole ana ou e Hawaii i na kanawai, oia ke kumu o kou emi ana. E nana aku i na kulanakauhale i piha i na hewa i ka wa kahiko, a i papa ia hoi ma ua mau Kanawai la, oia hoi o Sodoma a me Gomola, no ka nui o na hana hewa a me ka malama ole ana i na kanawai, nolaila, ua luku ia na kane, wahine a me na kamalii, a me na mea a pau ma ia mau kulanakauhale, a koe wale aku no Lota a me kana mau kaikamahine elua, oiai ua malama o Lota i na kanawai--a oia kou kumu e emi nei la e Hawaii, no ka malama ole i kou ola ma o na kanawai la he Umi. Pea no hoi i ka wa o Noa, pau loa na kanaka o ia wa i ka make, no ia kumu hookahi no he hewa, nolaila, ua uhi paapu ia ka honua e ka wai, a pau loa iho la na mea ola hanu i ka make, a pakele o Noa a me kona ohana.

 

Ke i mai nei hoi o Kekahuna, "Aia he wa ko na mea a pau." Ke hooia mai nei hoi o Iesu, e i ana, "O ka la o ka Haku, me he aihue la i ka po." Ke hooia hou mai nei, "E kiai oe i kou naau me ka malama loa." Ke i mai nei no hoi ka mea haku Halelu, "E auh@lihia ka poe hewa ilalo i ka po a me na lahui kanaka a pau i hoopoina i ke Akua a me kona mau kanawai" E nana a e kiei aku hoi ma Hoikeana 21:8, a e ike ia ka haawina no ka poe malama ole i na kanawai. A ke i @e nei au, Aole na ka haole ka make, uka, mai ke Akua mai no ia. Aohe kumu e ae o ka make a me ke emi ana ou e Hawaii, o na mea wale no i hahai mua ia ae la.

 

E na hoa Hawaii pono-i, na kakou no e wae a nana, oiai eia ke ola iloko o ka Baibala. E ku e Hawaii, a e hopu no li@ma i na hana pono, a e haalele loa aku i na hana hewa, oiai ua oleloia ae nei hoi, "O ka uku o ka hewa, he make." Nolaila, haalele ia ka hewa e Hawaii, malia ke paa wale nei no oe e Hawaii ma ka umiumi o ka Baibala a me na kanawai, aole nae ma ke kino ponoi. Me ke aloha.

SAMUEL P. K. NAWAA-OPIO.

Wailuku, Iune 23, 1871.

 

I NA LUNA KUOKOA!

 

Oiai, i ke komo ana mai iloko o keia makahiki hou, ua hoopaaia ko makou manao hauoli, i ka ike ana iho, ua hopu lokahi mai na kanaka Hawaii a me na haole, a ua hookipa aku la i ke kuokoa me ka olioli. Ua pai makou i na kope he nui loa i keia makahiki, a mamuli o ke kikoo ana mai o na lima makemake nupepa he nui, ua pau loa'ku na helu mua i ka laweia, a ua koe ka poe makemake. No keia kumu, ke kahea aku nei makou i na Luna a pau e waiho ana na nupepa aohe i pau i ka lilo, e hoihoi koke mai i ka pau ana o keia malama.

 

$20.00 Makana.

 

OIAI, ma ka po o ka Poaha iho nei, June 22, ua hakihaki maka welawelaia laau Monkey-pod. (laau hou malumalu i ke ao) e ulu ana mamua iho o Halehai, alanui Kalepa, Honolulu noialla, e haawiia ka uku makana maluna ae i ka mea e hoike mai i ke kolohe.

            RICHARD GILLAND. (L@ki)

Honolulu, June 23, 1871.                                                                                        499-2t@

 

KO RENNO & CLINT

 

Hoikeike Kii Panorama Nui

 

-- O KE --

 

KAUA FARANI--PERUSIA.

 

--A ME --

 

NA KII O NA PANALAAU HEMA.

 

E HOIKEIKEIA ANA

--MA KA--

 

BUFFUM'S HALL,

 

UKU KOMO,

50 keneta--No na noho pale, he $1.00

Na noho i hookaawaleia $1.50

E ikeia ke ano kii o na noho i hookaa-

waleia ma ka Hale Kuai Buke o Thos.

G. Thrum, a malaila no hoi e loaa

ai na Palapala Komo.

 

HALE KUAI WAIPUOLO!

 

NA MAKAMA O WAIALUA  a me KOOlauloa, Aloha oukou--Ua ku hou mai ka Hale kuai e lako ai oukou i na

MEA HAO,

Na Laka Puka, Ami Puka o kela ano keia ano.

Kui-wai. Helu 8 4,5,6,8,10,12,20

Kui i kuiia, Helu 4, 6, 8,

Kui-nao mia ka liilii a ke nui,

Koi-lipi, Koi liilii, Kai kakia aho,

Hamare maikai, Pahiolo, Makau lawaia.

NA LOLE,

Ahina-nao, ekolu ano,

Leponalo o kela ano keia ano,

Keokeo eha ano,

Lole Uwewahine,

Lole Kaleko Nu Hou.

NA MEA AI,

Palena paa, Mea Ono,

Ko Helu 1 & 2, Ko keokeo,

Kafe no Kona, Ti-lau,

Paakai hoohu palaoa.

NA LAAU O KAUKA JAYNIS.

Haale, Laau kunu, Laau hoomaemae koko,

Laau hamo, Carminative Balsam (laau hooapaa hi)

a me kekabi mau laau e ae he nui wale.

E hooikaika ana ko oukou makamaka, e lako kakou

i na MEA HANA MAIKAI, ma ke kumukuai emi!

S. N. Emerson.

Waialua, Iune 27, 1871                                                                                                       600 tf

 

Pane aku ia W. P. Boyd.

 

Ua ikeia ma ke Kuokoa o ka ia 3 o Iune nei, ka hoolaha a kuu kane mare, oia o W P BOYD, e papa ana i na mea a pau, aole e hoaie, aole hoi e hookipa mai i a'u ma kekahi ano e ae. Ke hai aku nei au imua o ke akea, Aole na'u iho ko'u hele ana e noho k@ewa, aka, na kuu kane no i pepehi mainoino, a kipaku mai la'u e hele. He nui na hoike i ike i keia hana ino a kuu kane, a nolaila, ke manao nei au, ua hiki no ia'u ke hele e aie a nui ma kona inoa. a nana no e hookaa, oiai aole i weheia ko maua berita mare. ANA F. BOYD.

Honolulu, Iune 1@, 1871.                                                                                      499 4t@

 

OLELO HOOLAHA.

 

E IKE auanei na kanaka a pau ke nana mai, eia ma kuu aina hoolimalima na Kaauwaeloa, Palolo, kekahi @o keokeo k, hulu hau@uli ma ka a i, a o ka hao kuni he K5 ma ka uha hema, a maluna ae he hao ano e. E kii mai hoi ka mea nona ka lio, ke ike ia i keia Olelo Hoolaha, e kii koke mai, a hala na ia he 15, lilo loa keia lio la'u, a e kuni no au i ko'u hao ponoi. Ina e kii mai, e lawe pu mai me na $12. E loaa no ma Wailupe nei ka mea nona ka aina hoolimalima ma Palolo a me ka mea nana e malama nei.

Iune 20, 1871.           (499 2t@)                  J. W. Z. KAIHE.

 

 

OLELO HOOLAHA.

 

EIA ma ka Pa Aupuni o Pauoa Apana o Honolulu, 5 mau lio hou i nei mau ia--Lio k ulauia hao @B akau--Lio kane lokia iaekea hao @ H hema--Lio k ulaula keokeo ma ka a-i ekolu wawae keokeo B ak M T hema--Lio eleele kua keokeo hookah. awawe keokeo AKIT okau--Lio w lokia lae kea 2 kapuai hao R J akau    P KAAIAIIUA, Luna Pa Aupnni.

Pauoa, Iune 23, 1871.                                                                                              499 1t*

 

OLELO HOOLAHA.

 

OWAU o ka mea nona ka inoa malalo iho, ke hoolahaaku nei au i na kauaka a pau, mai keia la aku, ua kapu ka ho-a a me ke kuni ana o na Bipi a me na Lio me ko'u ae ole aku, maluna o ka aina o Kamolamola, Keaha, Kapaa, Olohena a me Wailua mauka. O ka mea e hooko ole ana i keia Hoolaha, e hoopii no au iaia e like me ke Kauawai.

Kealia, Kauai, Iune 1, 1871.           (498 3ts)                    E. KRULL.

 

OLELO HOOLAHA.

 

O ka MALOLO ka hoomalu ma ke Ahupuaa o Kakanoni, ma Kipahulu, Maui, a o na I-a a pau malalo o ka I-a hoomalu, hookahi hapakolu @ ke konohiki--a o ka I-a kanawai hoi, he mahele hapalua. Pela ka mahele ana. E hiki no ia Wahineaea kuu @ope i hookohu pono ia, ke hana pono i na hana i haawiia iaia--o ka poe komo hewa, e hopu ia lakou a hoopiiia ma ke Kanawai.         K. PI.

Honolulu, Iune 10, 1871.                                                                                        498 4t*

 

OLELO HOOLAHA.

 

KE PAPA aku nei au i na mea a pau, mai hoale mai i kuu wahine, no ka mea, aole loa au e uku i kekahi aie i aie ia eia ma ko'u inoa.                 L. FARDEN.

Haiku, Mei 22, 1871.                                                                                               495-3ts

 

HALE PAI KII!

 

E WEHE ana ka mea nona ka moa malalo iho nei, i kekahi Hale Pai Kii, ma ka Apana o LAHAINA a me WAILUKU, Maui, ma ka la mua o Iune ae nei, nolaila, ke kahea aku nei au ia oukou e na Iwa o ia mau wai, I hele wale a hehelo i ka pua o ka Akolea, eia ka manawa e loaa ai na Kii Maikai Loa, no oukou, no ka mea, aole au e loihi loa ana malaila, e lele aku ma Hanalei, i ka mokupuni o Kauai.

495 2m*                                                                                             YATSING, (Pake) Pai Kii.

OLELO HOOLAHA!

HOOPAHEEHEE KAMAA HUILA.

WAHI

HOOPAHEEHEE KAMAA

O HONOLULU,

MA KA BUFFUM'S HALL.

 

E WEHEIA ANA NO KA HOOMAAMAA ANA O KA lehulehu mai keia la aku, penel:

I na po Poakahi, mai ka hora 8 1 i ka 11.

"  "  Poaha    "   "  "  "

"  "  Poaono    "   "  "  "

--PELA HOI--

I na auina la Poalua, Mai ka hora 4 a i ka 7.

"  "  Poakolu,    "   "  "

"  "  Poalima    "   "  "

 

E HOOMAUIA NO ka hooponopono ana me keia a hiki i ka loaa hou ana mai o na kamaa hoopaheehee hou mai Kapalakiko mai, alaila, e hoolahaia aku no ka papa hoonhonoho mau maloko o na nupepa a me ka poe i waeia no ka Hui. E hanaia no na Kanawai paa, aole hoi e nui wale ka lilo no ka poe e makemake mai ana. E loaa no na Palapala Ae Komo ma ka Halekuai Buke o Mr. THRUM, ma Alanui Kalepa, a i ole ma ka puka o ke Keena Hoopaheehee Kamaa.

Uku komo, 25 keneta--no ka hoopaheehee kamaa huila ana, he 25 keneta no ka hora hokahi.

--O ka Palapala komo hoopaheehee hookahi, he 25 keneta, oia hoi no ke komo ana iloko o ka hale a me ka hoopaheehee ana ma na mea hoepaheehee i hookahi hora.

                                                                        WILLIAMS & WALLACE,

498 tf                                                                                                  NA ONA.

 

HALE PUHI PALAOA.

CROWELL MA,

No ka mea, ua Hoolimalima Makou

I KEKAHI HAOLE AKAMAI LOA I KA

HANA PALAOA!

Nolaila, ua hoomaka hou ia ka Hana.

E LOAA NO MA KO MAKOU HALE, I

KELA ME KEIA LA NA MEA HOU.

PALAOA, PAI, MEA ONO, a pela aku.

E hanaia'na no na ano a pau o na Mea Ono,

MAMULI O KE KAUOHAIA.

E KIPA MAI I O MAKOU'LA

A NO, ke hoike nei makou i ke Aloha a me ka Mahalo i na makamaka a i kuai pu me makou iloko e ka wa i hala, a ke iana nei ka manao, e mau ana no ko oukou kuai mai, ke ike ia ko makou mikia@a ma ka oihana.

EIA KEKAIII--Na makou no e lawe aku ka PALAOA ma kauhale, iloko o ka mile hookahi mai ka Hale Puhi Palaoa aku.

                                                                                                CROWELL MA,

Iune 15, 1871. (498 1m)  Helu 76 Alanui Papu, Honolulu

 

PAPA KUHIKUHI MANAWA HOLO

--O KA--

MOKUAHI HAWAII

"KILAUEA."

 

HAALELE ia Honolulu i na Poakahi a pau--Hora 5 P. M.

         "               Laha@ i na Poalua a pau--hora 7 kakahiaka

         "              Maalaea       "          "                    10     "

         "              Makena        "          "                    12 awakea.

 

KA HUAKAI HOLO I HILO.

 

HAALELE ia Honolulu na Poakahi aha o ka malama.

          "         ia Kawaihae i ka Poalua ae hora 9 P. M., a me Mahukona 1 ka hora 11 o ia po.

 

HULI HOI ANA MAI HILO MAI.

 

HAALELE ia Hilo, Poakolu    -    Hora 5 P. M.

         "              Mahukona, Poaha,    "     4 A. M.

 

KA HUAKAI HOLO I KONA.

 

HAALELE ia Kawaihae i na Poaiua         Hora 9 P. M.

 

HULI HOI MAI KONA MAI.

 

HAALELE ia Kealakekua i na Poakolu   Hora 12 awakea

          "             Kailua i na Poakolu         "  6 P. M.

 

HULI HOI LOA ANA I HONOLULU.

"          Kawaihae i na Poaha a pau     "     12 awakea

"          Makena i na Poalima a pau Hora 6 A. M.

"               Maalaea         "          '                       "    9 "

"          Lahaina i na Poalima a pau        "             "    6 P. M.

 

SAMULE G. WILDER (WAILA),

491 tf                                                                                                  AGENA.

 

W. H. Davis (Uilama.)

Mea Unuhi a me ka Mahele Olelo.

 

E hana no au i na Palapala Hoo@lioa, Palapala Kuai, Hoolimalima, Aelike, a pela alu.

KEENA HANA--mauka iho o ka Ilaie Hookolokolo ma

Alanui Moiwahine, Honolulu.                                                                               490--3@s*

 

JUDD A ME LAYTON.

 

[ALANI KAUKA A ME LKITOKA.]

 

NA MEA KUAI MEA AI O NA LAKO AI A

a pau, na mea ulu a me na mea hoomomona ilo.

Halekuai malalo o ka Hale Nu, Alanui Papu, Honolulu.

                                                                                                                                    475 ly

 

KAUKA C. F. NICHOLS.

HE LAPAAU HOMEOPATHICA.

 

O KE ANO o ka haawi ana i ka laau kupono ne na mai

HUI,

RUMATIKA,

MAI PIVA.

a me na mai i kaa a loihi.

KEENA OIHANA.--Ma ke kihi Komohana o Alaui Papu a me Kalepa. E loaa no oia ma ka Hale Hana i ke Kakahiaka, mahope o ka hora 8; i ka auina la, mai ka hora 3

Honolulu, Dec. 24, 1870.                                                                                        374-6m*

 

HALE PAI KII.

 

UA MAKAUKAU KA MEA NONA KA

inoa malalo nei no ke pai ana i na

KII PEPA

 

me ka maikai loa. Aia kona Hale Pai Kii ma kahi o KINT Pai Kii mamua, maluna ae o ka liale Pai Nupepa "Kuokoa."

                                                                                                YATSING (Pake.)

470-6m                                                                                              Mea Pai Kii.

 

E. O HALL & SON.

 

[E. O. HALL A ME KE KEIKI].

 

NA MEA KUAI LAKO HAO, LOLE,

 

NA PENA, AILA & NA LAKO KALEPA.

 

Halekuai ma na huina o Alanui Moi a me Papa.                                     475 ly

 

J. HITCHINGS,

 

MEA AKO LAUONO A UMIUMI.

Hale Hana, malalo o ka Hale o ka "Ahahui Hooie Waiona o ka Moiwahine Emma, ma Alanui Alii, Honolulu. He 15 keneta no ka ako umiumi a lauoho ana. K nane mai i ike @ka.                                                                                                                             486 3@*

 

PAI KII ANO HOU!

 

OIAI, UA HANA HOU AE NEI AU

 

i na aniani malamalama o ko'u HALE PAI KII a maikai, ma

MONIKAHAAE, Honolulu,

Nolaila, ko iana nei ko'u manao, ua ku ia i ka hanohano o ke

PAI ANA I NA KII O NA ANO A PAU.

 

mai ke kii liilii loa e kupono ai i na kaula wate a me na lei a-i, a hiki i na kii nunui ku hale ma ke ano haahaa loa o ke kumukuai. E kuai pu ia aku no hoi na Kii Pepe o na wahi kaniana o Hawaii nei, na kii o na Moi kane, na Moiwhahine a me ka poe hanohano e ae.                                                            H. L HASE (Keki)

 

OLELO HOOLAHA.

 

Owau o ka mea nona ka inoa maia@o iho nei, ke kau oha aku nei au i na kanaka maoli, e hele nui mai ma ko'u Hale Humu Kainaa, ma

 

MA ALANUI NUUANU, HELU 70, HONOLULU.

 

E lawe mai no hoi i na kamaa kahiko o oukou, a na'u no e hana pku i na ano hila hou. He $.75 o ka hana ana, a i paa ole ka'u hana ana, e hoihoi aku no wau i ka oukou daia, me kun makana aku i hapaha, ke paa ole kuu hana ana. Eia no hoi, ina e makemake oukou e oki i ko oukou mau kamaa, e lawe mai no na'u e oki aku me ka uku haahaa loa, a i hemo, e lawe mai no na'u e hana hou aku me ka uku ole. Ke kaueha aku nei o hoi au i ka poe nona na kamaa e waiho ae nei, e kii koke mai, aka, ina e kali aku au a hala na mahina eha, e lawe ana au ma ka Hale Kudala, i hoi mai ai na poho o kuu hana ana i ko oukou mau kamaa.

A ke kauoha aku nei no hoi au ia oukou, @ hele mai ma ko'u Hale Humu Kamaa, e kuai ai i na

            NOHO-LIO hou maikai,

                        NA KAULA KEEHI,

                                    NA PALE KEEHI,

                                                KAULA OPU LIG,

A e loaa no au ia oukou ma ke Alanui Nuuanu, Hele

                                                                        ACIU (Pake).

Honolulu. Ianuari 7 1871.                                                                                       475 6m

 

OLELO HOOLAHA.

 

KE kahea aku nei au ia oukou, e hele mai ma ko'u hale hana

            Kula Pepeiao,

                        Komo Lima,

                                    Pine,

                                                Komo Lima Guia,

                                                            Komo Kala o @ @

a pau--Eia hoi, in a paha he mau dala keokeo a ulaula ka kekahi, e makemake ana e hana i komo, e lawe mai a na'u e hana nku, me ka noho pu mai no hoi o ka mea nona ia komo, e nana i ka'u hana, a@a a pau ka'ii hana ana, alaila, hoi ka mea komo. Ina he m@u komo kahiko ko oukou, e lawe mai no, a na'u e hana aku. Ina e apiki ka mea komo ma ka lawe ana aku i kekahi mea ike, e hoihoi mai i ke komo no'u, a e lawe aku i ka'u dala ulaula a keokeo paha. Ina hoi ke mau komo dala ko oukou, e makemake ana nae e hana i ka wai gula, e lawe mai na'u e hana, a ina e hemo ka wai guia a'u i hana ai iloko o na mahina he 11, e lawe mai no a na'u e hana hou aku me ka uku ole, a ina e pau na mahina he 12, aole au e hana ia komo. Aia ko'u hale hana ma Alanui Nuuanu.

Honolulu, Mei 12, 1871.     (493 6m*)                AKI (Pake)

 

HALE KUAI NU HOU!

 

E KUAI MAKEPONO LOA IA ANA

 

Na IPUKUKUI o na ano a pau,

   Na MEA KAMA o na ano a pau

      Na MEA PAAHANA o na ano a pau

         Na LAKO PAHU me na PUKA

            Na KOILPI na Koi Liilii.

               Na KOPALA MAHIAI nui a liilii.

                  Na PAHI-LOLE-BIPI a me na Kaulawah@.

                     Na KAULA kaohi a me na Kepa.

                        Na AILA-MAI@ a Aila maoli.

 

Na LAAU Noho-lio Paniolo.

   Na PAKAUKAU na Moe laau a me na ela.

      Na KAULA Opu-huiu lio a me na Keehi laau

         Na MEA hoohiehie Noho Lio.

            Na PENA a me na Aila makepono loa o na ano a pau

               Na IPUHAO, na Ipuki a me na Pa-palai.

                  Na IPUHAO liilii, na Ipuhao nunui hoomoa kao

                     Na ABI-KOE.

                        Na KUAINA hilo e na ano a pau.

 

O keia mau mea a pau, e kuaiia aku ana no ke kumukuai emi

loa ma ke ala kuike, e                                                          GOOKIM (Kukima Pake,

Ma ka Hale o Paiko, ma Alanui Nuuanu, Helu                                             490 3m

 

HALE KUAI BUKE HOU!

MA KA HALE LETA MUA,

A MA HONOLULU HALE.

MEA HOU A HALE KUAI MANUAHI.

Ua lawe ae nei o H. M. Wini, i ke Keena Nui i haaleleia iho nei e ka OIHANA LETA,

a ua hanaia iho ne a pea i

 

HALE KUAI BUKE,

 

e like me ka hana ana ma na aina e,

kahi e loaa ai i ke kuai, na

BUKE HAWAII ME KA NA HAOLE,

 

NA BUKE KULA HAWAII A HAOLE,

   NA PAPAPOHAKU me na BUKE kakau,

      Na KII NUI a liilii,

          Na ano PEPA kakau a pau,

              Na PENI me na INIKA,

                  Na POO LETA

a me na mea heluhelu a kakau maikai.

NO IA MEA, E HELE MAI A IKEMAKA I

kuu Hale Kuai Buke Hou, a kuai

iho i na Buke maloko olaila.

E LOAA NO NA POO LETA HAWAII MA-

loko o keia Hale Kuai.

Me ke aloha.

Henere M. Wini.