Ka Nupepa Kuokoa, Volume X, Number 26, 1 July 1871 — Page 4
| This text was transcribed by: | Jon Abraham |
| This work is dedicated to: | My Grandmother, Kachang Pangelinan |
Ka Nupepa Kuokoa
KE KILOHANA POOKELA NO KA LAHUI HAWAII.
He Mele Hoolana..
Nana i ke ao maluna,
E na hoa @ahi o'u,
Kahi e pua ai na pua,
Aole loa e mae hou-
Kahi e ao mau ai ka lani,
Aole uhi hou ka po-
Kahi lai i na hoku nani;
Malumalu hoi i mau.
2 Ole wela, ole anu
Ole loa e pa hou mai,
Na makani, me na nalu,
Me na ino o ke kai.
Kahi e olo ai na oli,
O na oli maikai @e;
Pau ka wi, me ka p@loli;
Pau pu hoi ka makewai.
3 Ma na pau, a ma na kula
O na oli kupinai;
Ole ane, ole lua
E pee ai ka hoka@
Olioli lua ole,-
Mililani mau lakou;
Pau ka hula @apuwale,
Pau na ino o ka po.
4 Ole loa he wa@kua,
Kahi anoano e;
Uli mau a mau na pua;
Manomano ka maikai.
Ole lo@ he k@maken@
Olo ma ko laila puu;-
Ole ahi enaena;
Pau loa ae la na luuluu.
5 Pau na uwe me ka waimake,
Na anoninoni e,
Pau ma hiaa aumoe
O poi mai ka enemi-
Oluola, malahia-
Pau ke ino, ka huh@,
Ka makau, ka eehia;
Pa a mau ka halelu.
6 Hui na makua pono.
Na keiki maikai nei,
Me na makamaka aloha,
Na auwana i hoi mai,
Hui oli ma ka lani
Me lesu ke 'Lii maikai,
Pau ka luhi, mau ka nani,
Maha pu a mau loa'e.
Hawaii.
Ka Oihana Kahunapule a Kahu Ekalesia.
Helu 7.
No ka hoomakaukau ana i ka haiolelo. E hoomanao he mea nui keia. Ma ke ano o ka haiolelo ana, ke kau nei ke ola, ka make.
Ke ola nae kau e imi nei no kanaka, aole o ka make. Aole ma kou akamai iho e ola'i lakou. E nana ia I Kor. 2:1-5, 12-13.
E imi ke kahuna i ke akamai mailuna, mai ka Uhane Hemolele mai.
Ua ike ke kahu i ke ano o kona kihapai; i ke ano o na kane, wahine, a kamalii.
E like me ke kauka haawi aku ana i ka lanu lapaau. Ua ike e oia ke ano o na mai, a noonoo oia i ka laau kupono i kela mai, i keia mai, heluhelu oia i na buke kauka, a kaupaona i na laau, a hui, a wahi, a hanai aku. Aole hookahi wale no laau i hoomakaukauia, no ka mea, he nui paha ke ano o na mai. Nolaila pono ke nui na laau.
Pela oe, e ke kahunapule, ke kahu ekalesia. Mamua o ka haiolelo ana, e komo oe iloko o kou keena huli palapala, i na he keena kou; ina @ole keena, e hana koke no i keena; e noi i ka Haku e kokua mai, e kuhikuhi mai i na pauku kupono—e wehe i ka Baibala, e huli, e imi, e niuau, heaha ka pauku kupono? aia mahea ia? ehia pauku? i hookahi, i elua, ekolu, umi? Aole make e lawe mau i hookahi wale no pauku, i elua paha—e lawe a nui i kekahi manawa, i mokuna okoa paha. Aole pau ka laau ma ka pepa hookahi. Aole hookahi wale no ano o na kanaka au e hanai ana, e lapaau. He poe wahahee kekahi, aole nae he poe wahahee lakou a pau. He poe ona kekahi, aole nae he ano ona lakou a pau. He poe hewa kekahi—aole nae lakou a pau he poe hewa. He poe pono kekahi, a ua loaa kekahi hapa o ka pono i kekahi; ua pau kekahi hapa o ka hewa. E like me ke keiki, ua loaa kekahi hapa o ka lole, ka palul@ paha, ua loaa kekahi palapala, a koe kekahi. Ua pau kekahi hapa o ka mai, a koe kekahi; ma kahi i koe e lapaau ai.
Mai noonoo wale ma ka naau—e kakau ma ka pepa, i na poolelo, na mahele nui, na mahele liilii, me na pauku pili, o poina, a nalowale. Aole make e kakau a lawe i ka luakini a heluhelu maoli aku, o hemahema auanei, a nele i ka mana, i ke @hi, a hiamoe kanaka. He mea kokua ke kakau ana i ka hoomanao ana, he mea paipai ke ikeia, e poina ana ka manao.
E huli i na pauku kupono i kela poe i keia poe e heluhelu ana ia oe, i ole e haule kekahi, a ohumu no ka loaa ole o ka apana ai kupono ia ia, a hanai ole ia kekahi i ka laau kupono i kona mai, a make oia no ka lapaau ole ia. E huli pono e huli a loihi—mai koho wale—aole koho wale na k@ka—naaupo ke kauka i lapaau ma ke koho wale i ka laau. Kainoa e nana e oia mamua a akaka ka mai, alaila e haawi i ka laau kupono ia mai. E nana i maopopo, ua hanaiia ka laau, ua ai, ua moni. Mai kuhikuhi wale aku i ka laau, i ka pauku; e lawe, e awili, e hoo iloko o ka waha me ka wai i moni ia'ku.
A mahope iho o ka hanai ana. E ninau oe, pehea, ua pau a@ei ka laau i ka ai ia? ua koe paha kekuhi hapa? ua lawa? ua kupono? ua maona? ua oluolu anei? ua pau ka hui? ka wela? heaha ka mai i koe? Pehea oe, e ka mea hiamoe, ua aia mai? o oe hoi ka mea mihi ole, ua mihi anei? ua pau ka hewa? ua huli mai? ua pule? ua manaoio anei ia Iesu? ua pau kou kaumaha? kou kanalua? ke hauoli nei? ke paa nei ka manao e malama i ke Akua? e nauwe aku i ka lani? Ma ke @la hea oe e hele nei? ma ke ala ololi? ma ke ala palahalaha? Mai hai wale aku i ka ke Akua olelo, me ka nana ole aku i ke kupono, i ke kupono ole, i ka hua mai, i ka hua ole mai, i ka paa, i ka paa ole, i ka huli, i ika hulo ole. Nana mau na kauka i ke ko, i ke ko ole o ka lapaau ana, i ke ola, i ke ola ole. A ola ole ka mai i kekahi laau, imi a ho@o i ka laau hou.
A paakiki ka mai a ola ole, kii ke kauka mua i kauka a mau kauka hou paha, e imi pu i ka laau e ola'i, no ka mea, ua minamina loa lakou i ka mea e mai ana, aole make e make.
Pela e hana'i ke kahunapule, a kahu ekalesia. E minamina loa i ke ola o'kanaka—a huli ole, a ola ole i kekahi mau haiolelo ana, e imi i na p@uku hou, e hoano hou i ka lapaau a@a—e hui pu me na hoa e imi p@, e pule pu, e nana'ku i ke Kahuna nui ia Iesu, Mai haalele a pau na hana e ola'i a pau i ka hooiaio, a pau ke ola o ke kino.
Mai ki wale aku i ka pu me ka hele ole e nana, ua make paha ka bipi, ka manu i kiia.
Mai kanu wale aku i ka ano@no, a hele ole e nana i ke kupu a ulu a hua ana—me ka hana ole hoi i ka mea e kapu a ulu a hua mai ai.—
Mai hai wale aku no i ka ke Akua olelo, me ka nana ole i ka hua, me ka ninau ole i ke kumu o ka hua ole—nowai ka hewa? no'u, ke kahu, anei? no na hoahanau? no ka mea i hewa?
(Aole i pau.)
Zakaio.
He kanaka o Zakaio i noho ma Ieriko;—he lunaauhau nui; a he nui hoi kona waiwai. Ua lohe oia i kekahi mau mea no Iesu, a nui kona makemake e ike maka ia ia.
He kanaka poupou o Zakaio; a no ka paapu o kanaka ma ke alanui, aole hiki ia ia ke ike i ka Haku; nolaila, ua holo e aku mamua, a pii ae la iluna i ka laau e ku ana ma ka aoao o ke alanui, e ike ia Iesu i kona hele ana'e malaila.
Ua mapopo ia Iesu ka poe makemake, a me ka poe makemake ole, e ike ia ia. A hiki oia ma ia wahi, nana ae la oia iluna, a ike ia Zakaio, a olelo oluolu ia ia penei: “E Zakaio, e iho koke mai oe ilalo, no ka mea, ua pono ia'u ke noho ma kou hale i keia la.” Iho koke mai la oia, a hookipa ia Iesu ma kona hale me ka olioli.
Oluolu o Iesu e ao aku i ka poe e launa, a hookipa ia ia.
He kanaka waiwai o Zakaio; aka, aole ona kaumaha i ke kauoha a Iesu, e like me ke kaumaha o kekahi alii waiwai, ka i launa mai ia ia, a ninnu ia ia penei: “E ke kumu maikini, heaha ka'u e hana'i i loaa mai ia'u ke ola pau ole?” I aku la o Iesu ia ia, “E kuai lilo aku i kou waiwai a pao, a e haawi i ka poe ilihune, a e loaa ia oe ka waiwai ma ka lani, alaila e hele mai a e hahai mai ia'u. A lohe ae la oia ia mea, minamina loa iho la ia, no ka mea, he nui loa kona waiwai. Luka 18: 18-23.
Aole pela o Zakaio, no ka @ea, ua mihi io oia i kona hewa, a ua manao nui oia i ke ola o kona uhane. Nolaila, ku oia imua o Iesu, a olelo aku, “Eia, a like a like o kuu waiwai, e ka Haku, o ka'u ia e haawi aku i ka poe ilihune; a ina i lawe au me ka hewa i ka kekahi, e pa ha ka'u mea e uku aku ai ia ia.”
Maikai ka mihi a me ka manaoio o Zakaio; ua aloha oia i kona hoalauna; ua hoihoi i na mea ana i lawe hewa aku ai; ua hua mai oia i na hua i kupono i ka mihi; nolaila, olelo aku la o Iesu ia ia penei: “I neia la ua hiki mai ke ola i keia hale, no ka mea, he mamo no oia nei no Aberahama, oia hoi, o Aberahama, ka makua no ka manaoio i ka ke Akua olelo; a o Zakaoi kana keiki no kona manaoio ana ia Iesu Kristo.
He la hauoli nui keia no Zakaio; kona la i hanau ia; ka la i kalaia kona hewa, a kakauia kona inoa ma ka palapala o ke ola.
Ina makemake kekahi i ka mea e pomaikai ai, pono ia ia ke hookipa ia Iesu ma kona hale, a ma kona naau hoi, e like me Zakaio; no ka mea, oia ko kakou kalahala e ola'i; no ka mea hoi, “aole inoa e ae i haawiia mai malalo iho o ka lani, iawena o na kanaka, i mea e ola'i kakou.” Eia hoi @ Iesu olelo: “Ina e aloha mai kekahi ia'u, e aloha mai ko'u Makua ia ia, a e hele mai @aua i o na la, a e noho pu me ia.”
Ka Baibala wale no ka rule oiaio no ka manaolo a me ka ha@a.
Helu 1.
“No ia hoi, ma ka lohe ana ka manaoio, a ma ka olelo a ke Akua ka lohe ana.” Roma, 10; 17.
“O ka Palapala Hemolele a pau, ua haawiia mai ia e ka Uhane oke Akua, be mea ia e pono ai, ko ke ao ana, no ka papa ana, no ka hoopololei ana, no ka hooaauao ana ma ka pono; I hemolele ai ke kanaka o ke Akua, i makaukau Iea ai ho@ in a hana maikai a pau.” 2 Timo. 3: 16-17.
Ka rula hemolele maoli keia no ka manaoio a me ka hana. Hookahi wale no rula oiaio. Oia hoi ka Baibala. O keia Palapala Hemolele a pau, ua haiia mai in e ka Uhane o ke Akua i rula viaio maoli hookahi wale no, i kumu paa no ko kakou manaoio, a me na hana maikai a pau. Nolaila, e nana kakou “Ma ke Kanawai a ma ka hoike ana hoi; Ina olelo ole lakou e like me ia olelo, aole e puka mai ke ao maluna o lakou.” Isaia, 8:20.
“Ua olelo ka aia iloko o kona naau, aohe Akua.” Halelu, 53: 1. Ua olelo mai ka Inikini, he Akua no, ka Uhane nui. I mai @a ka poe Pegana, e noho ana ma Kina a me Hinedu he mau Akua nui wale. Ke mau Akua nui, a he mau akua liilii. He mau Akua ike pono ia, a he mau akua ike maka ole ia. Keia mau haneri miliona kanaka, na “Lii a me na makaainana, ka poe naauao a me ka poe ike ole, ke hoomana 'ku lalakou i ka la, ka mahina, na hoku, ka moana, na muliwai, na mauna, ka makani, ke ahi, ka hekili, na pele, na holoholona nui, a me na mea liilii e kolo ana ma ka ili o ka honua, pau ole i ka helu ia.
Ke hoomana 'ku lakou na ia nui, a me na ia uuku maloko o na Moana, a me na muliwai, na manu o ka lewa, na uh@ne @, na kanaka ola, a me na kanaka i make; Na Kii lehulehu loa, kala gu@, pohaku, laau, keleawe, manomano keia mau akua! Nani hoi'ka like ole! Nolaila, ke ninau aku nei au ia oukou—auhea ka oiaio? Auhea la ke Akua oiaio? “Ke hooakaka mai nei na lani i ka nanio ke Akua. Ke hoike mai nei ke ao uli i kana hana io. Ke hai mai nei kela la keia la i ka olelo. Ke ao mai nei kela po keia poi ka ike. Aohe leo aohe olelo. Aohe i lohea ko lakou leo. Ua pae aku la ka lakou ao ana i na aina a pau. Ua hiki aku la ka la kou olelo i na welau o ka honua.” Halelu 19:1-4.
Aka, ua nana wale na kanaka i keia mau hana kupaianaha, me ka hoomaopopo ole i ke Akua. No ka mea, o kona mau mea i nana ole ia, mai ka hana ana mai o ke ao nui, ua maopopo lea ua mau mea la, aia o kona mana mau, a me kona Akua ana, ma na mea i hanaia; aole o lakou mea e hoaponoia'i. No ka mea, i ka wa i ike ai lakou i ke Akua, aole lakou i noonani aku ia ia i Akua, aole hoi i aloha aku; aka, ua lapuwale lakou i ko lakou manao ana, a ua hoopouli hoi ko lakou naau hawawa :—I ko lakou hoakamai ana, lilo lakou i poe naaupo; A hoolilo lakou i ka nani o ke Akua make ole, i kii e like me ke kanaka make, a me na manu, a me na holoholona wawae eha, a me na mea kolo Roma, 1:20-23. He oiaio maoli no keia @ ana.
Ua hooakaaka lea ia ka nani, a me ka mana, o ke Akua oiaio, ma kana mau hana. Aka nae, o ka lehulehu o na kanaka, ua 'halele lakou i ke Akua oiaio, no ka apaapa, a hoomana aku la lakou, a malama hoi i ka mea i hana ia, aole i ka mea nana i hanai oia ka mea hoomaikai loa ia, Roma, 1:25.
“Aole no ha mea i ike, aole hoi he mea i imi i ke Akua” oiaio. aole loa no! Aole huli mai na kanaka, mai ko lakou hoomana kii ana, a hiki aku keia Baibala, e ao ana, a e kuhikuhiana. Aole Akua e ae ma ka lani, a ma ka honua, hookahi wale no. Oia hoi ka Lunakanwai pookela, maluna o na mea a pou loa.
“O wau no o Iehova o kou Akua ka mea nana oe i lawe mai nei, mai ka aina o Ai gupita mai” Pukaana 20:2.
“Ke i mei nei ka Haku, Owau na ka Alepa a me ka Omega, ke kumu me ka welau, ka mea e noho ana no, o ka mea mua loa.” Hoikeana, 1:8
“O ka olelo a Iehova he oiaio no ia e ho onaauao ana i ka mea naaupo. O ke kanawai o Iehova, he hemelele no ia, e hoohul, @ i ka uhane—E hoomalamalama ana i na maka. Halelu, 19: 7-9.
O ka Baibala wale no ka mea e akaka lea ai ke Akua oiaio, a me kona ano. He Uhane no ke Akua, a o ka poe hooman ia ia, he pono lakou ke hoomana aku ia ia me ka uhane, a me ka oiaio. Ioane, 4:24 Tim, 6:16 I
(Aole i pau.)
He wahi manao kumu no na mea nui
MALOKO O KA KE AKUA OLELO.
Na Davida Malo.
“I iho la ka aia iloko o ku@ naau, Aole Akua.” Halelu 14:1.
Auhea oukou e ka poe hoomaloka, a me ka poe makemake ole i ka ke Akua olelo, a me ka poe manaoio ole malaila?
Ua lohe au, o oukou no ke olelo ana kekahi i kekahi, Aole uhane, he kino wale no,—aole he Akua,—aole e ala hou mai kino—aole he la nui haope. Alia oukoue manao pela, a mai olelo hoi oukou pela, a noonoo nui oukou a maopopo; no ka mea, aole kupono i ke kanaka nona ka noonoo, ke hookekee i koua manao iho a me kana hana ana iho.
He manao ninau ko'u ia oukou; e ninau aku au ia nukou ma ka oukou olelo ana.
1. Ua olelo iho oukou, Aole he uhane, he kino wale no.
Mahea la oukou e manao ai pela? Ina aole uhane o ke kanaka, ua like kona kino me ka pauku laau, a me ka pohaku. A ina i like oukou me ka pauku laau a me ka pohaku, mahea la i kupu mai ai ka manao, “Aohe uhane?” Ma ka manamanalima anei? Ma ke poo anei? Ma ka wawae anei? Ina aole uhane, nohea mai ka manao? Pehea la e hiki ai ia oukou ke olelo ae, Aohe uhane, he kino wale no. Ina e hiki ia oukou ke hoole me ka maopopo, Aole uhane, e hiki paha ke hoakaka mai i kahi i kupu mai ai ka manao; ina ma ke po@, e hoike mai, ina ma ka opu, e hoike mai, ina ma na lima a ma na wawae paha, e hoike mai, i ike au. Ua maopopo loa, he manao neo ko ke kanaka, aole pono ke hoole aku, a ina aole ona uhane, ma ka lala hea o ke kino i kupu mai ai ka manao?
Nohea mai Ia keia manao lapuwale? Ua ike no kakou a pau loa he uhane ko kanaka, nolaila, i hooliloia'i ke kanaka make i akua unihipili, a i ka make ana o ke alii, uko iho la na kahuna, a hoolei iho la i ka lei hulu manu i hiki aku ka uhane io Wakea la.
Auhea oukou, he ike a@ei a he naauae ia kakou i ka wa kahiko, a i keia wa hou ua naolwale anei, ea? A no ka nalowale o ka manao kahiko e hiki anei ia oukou ke olelo ae, aohe uhane? Auhea oukou, ea, mai hoomaloka o poino auanei oukou. Mai noho a hoole aku, Aole uhane, no ka mea, o Iehova ka uhane nui, nana oukou i hana, nana oukou i malama, a he uhane hoi ko oukou, he mea make ole, he mea ola loa, oia ko oukou mea e manao ai, a e noonoo ai' o ko oukou uhane, ea, oia ka oukou mea e hoole ai, aole uhane. Mai hoonaaupo iho.
Ua maopopo ma kela inea keia mea, he uhane ko kanaka; no ka mea, ua ike kakou i ke kupapau e waiho wale ana, aole pela ke ano i ka wa ola; nuhea kona mea i oni ai mamua? Ua akaka he uhane no.
Mai olelo hou ae aole uhane, no ka mea, o ka naaupo ke kumu, e imi e hoonaauao iho, e malama i ko oukou poe uhane.
2. Ua olelo iho oukou, Aole he Akua.
Alia oukou e olelo ae pela a e noonoo iho. Ke ninau aku nei au ia oukou; owai ka ou kou kumu i ao ai pela? “I iho la ka aia, Aohe Akua.” O ke kanaka aia, oia anei ka oukou kumu? Aole paha. Owai hoi ka mea i hiki ai ke hoomaopopo, Aole Akua?
Pehea la ouko@ i ike ai, aohe Akua? Ua holo anei oukou ma na wahi a pau o ka honua nei, a nana i kela wahi keia wahi a maopopo, aohe mea e hoike mai ai he Akua no? Ua pii anei oukou i ka lani e makaikai aku a m@opopo, aohe mea malaila e hoike mai ai i ke Akua? Mahea la oukou i ike pono ai aohe Akua? Ua makaikai anei oukou maluna a malalo, a ma o a ma o, a ua ike oukou i kela mea keia mea, aole anei he wahi mea e hoike mai ana, he hana ia na ke Akua?
Nawai oukou i hana, ea? Nawaii i hana i keia pae aina? O Wake anei? Ina na Wake i hana mai, ina he Akua mana no oia. Ina o Wakea i hana mai i ko oukou poe kino, ina he akua akamai loa ia. A ina na Wakea i hana mai i keia pae aina a me kanaka maluna iho, nawai i hana @ ka poe haole i holo mai la, mai na aina @ mai? O Wakea anei ke akua nui o na kanaka a pau? Ina pela, ua maopopo he Akua no.
Olelo mai paha oukou, aohe akua o Wakea, aohe akua o Iehova, aohe akua o Lono, aohe akua o Kaili, he mea ole lakou a pau loa.
E, auhea oukou? Ke ninau hou aku nei au ia oukou, Nawai oukou i hana, ea? Ua hiki paha ia oukou ke ekemu mai, na ko makou mau makuahine i hanau. A owai la kana mea i hana'i? E ekemu hou mai paha, na kona makuahine i hanau mai. Ae no paha; a nawai ke kanaka mua, mai ka lepo mai me he hua kou la? Ua ike anei oukou i ke kanaka e kupu wale ana pela? Aole. Ina aohe Akua, nawai na kanaka i hana? O ka mea nana lakou i hana, oia no ke Akua.
Ina i ike kakou i ka waa e waiho wale ana ma kahakai, a e olelo mai oukou ia'uanowai ia waa? E i aku au, aohe ona kahu, ua waiho wale iho no, aohe mea nana e malama. E olelo hou mai paha ukou ia'u, nawai i hana? E i aku au, aohe mea nana i hana, aole i hanaia e kekahi, ua waiho wale ia mai, mai ka po mao. Aole anei oukou i kahaha mai ia'u me ka i ana; “Aole paha e hiki, eia ae la ua kalai pono ia i ke koi, ua paa hoi ke ama, he waa maikai, ua maopopo no ua hanai e kekahi. Aole hoi i hiki i ka waa ke waiho wale inai, mai ka po mai, ke malama ole ia e kekahi; ina pela ina ua pau mamua loa i ka popopo. E, lapuwale ka manao o ia la i kana i i mai ai, Aohe mea nana i hana, aole i hanaia e kekahi, aohe mea nana e malama; eia ae na mea he nui loa e hoomaopopo ana ua hanaia no ia e kekahi. A ua malamaia no ia e kekahi.
Oia hoi hu, ua oiaio no, a pehea la e hiki ai ia oukou ke nana ia oukou iho, a e nana i ka honua nei, a i ko ka lani hoi, a e olelo ae, aohe Akua? Na ka mea manao anei e olelo pela? Oia anei ka noonoo ana o ke kanaka ike?
Auhea oukou, ea? Auhea ka manawa naauao, o keia manawa hou anei, o ka manawa kahiko paha? O ka olelo ana, aohe he Akua, ea, he olelo hou ia, no ka mea, o ka noho kahiko ana o na kanaka o keia pae aina o Hawaii nei, mai o Wakea mai, hookahi no olelo nui o ke akua, ua kapaia'ku kela mea keia mea he akua, oia ka hana nui ma keia pae aina. Ia oukou i noho ai me ka naaupo, hiki no ke olelo ae o ke Akua, a i keia wa hou, i keia wa malamalama, ia oukou i naauao ai, alaila, hiki no ia oukou ke hoole aku, aole he Akua. I ka ke Akua haawi ana mai i ka malamalama, hoole oukou, aole malamalama. I ko ke Akua hoike ana ia ia iho, a maopopo loa, alaila, hoole oukou, aole he Akua.
Ea, ko'u manao ia oukou, ea; mai olelo hou ae, aohe Akua, no ka mea, he Akua no. Ua maopopo ma na wahi a pau loa, a ma na mea a pau loa i hanaia, ke hookaakaa oukou i ko oukou mau maka a nana, a noonoo no hoi.
No na kumu pule hui.
Auhea oukou e ka poe heluhelu i ka nupepa Kuokoa? Ua maopopo anei ia oukou ke ano o keia mea hou, oia hoi ka Pule Hui ma ka malama?
Eia no ia; he mea kein e paipai ana ia kakou e haipule like i kela la keia la o ka malama, no kekahi mau mea e pono ai ko Iesu apuni.
Ua maopopo ia oukou ke ano o ko kakou pule mahina hou; he pule ia no na misionari i hala aku i na aina e, a me ka lakou oihana; i huli nui mai na pegana ma ka pono o Kristo.
Ua ike hoi oukou i ke ano o ka hookaawaleia ana o ka hebedoma mua o Ianuari, i kela makahiki heia makahiki; he manawa no ia e hookokoke like aku ai na haipule a pau ma ka honua nei i ka Haku, e nonoi iaia, e hooiho nui mai i kona Uhane He@olele maluna o na Ekalesia a pau; i lokahi hoi ka manao o na haipule, e hiki koke mai kona aupuni ma ka honua nei,
Iloko o ka halawai o ka Aha Euanello o Hawaii nei, i keia malama o Iune nei, ua kuka pu ka Aha, a ua hooholo i ka manao, e haipule pu i kela la keia la o ka malama, no keia mau mea i paiia, mai ka la 1 a hiki i ke 31—e hoomaka ana ma ka la 1 o Iulai 1871.
Ia Ia, ma ka pule ohana, a i ole, ma ka pule mehameha, e noi kakou i ka Haku, e kokua mai me ka Uhane Hemolele, i hiki mai kona aupuni ma ka honua nei.
A i ka la 2 o Iulai, e pule like kakou no ke aupuni o Hawaii nei, no ka Moi, no @a 'lii a me na kanaka. Pela aku no e like me ka papa ku@ikuhi.
A i ka la 12 o Iulai, e pule like kakou a pau no na paahao ma Hawaii nei.
A i ka la 25 o Iulai, e pule like no na ohana, na makua a me na keiki.
A hala ka malama o Iulai, alaila, e hoomaka hou no ka malama o Augate,—a pela aku a puni ka makahiki.
Pono i na Kahu a me na Luna Haiolelo, ke wehewehe i keia mea hou i ka lakou mau anaina, i maopopo ia lakou ke ano o ka hana ana.
E hua mai ana.
O kekahi wahine opio, ka mea i huli ma ka pono i ka hooilo i hala ae nei, ua hele e noho pu me kekahi ohana. He mau hoaanau palaka loa o ka makuakane, me kana wahine, ame ka laua keikikane.
Hoao no oia e hooala i ko lakou manao ma ka pono, e pule ohana, a e malama i ka la Sabati, aole nae lakou i launa mai ma ia mea, a hiki mai i kekahi po, olelo oia ia lakou penei: Ke makemake nei au e heluhelu i ka palapala; “He Alakai i ka Ilemolele,” ia oukou.
I mai la ka makuakane, “E hiki ia oe ke heluhelu ia mea, ma keia hope aku, ua pilikia au i keia po.” I aku la oia ia ia, “pono ia oe e ae mai ia'u e heluhelu uuku.” Ua hoomaka oia, a o ka Uhane Hemolele ka i hoopili mai ka olelo. Aole liuliu, a lohe ka makuakane i keia mau hua, “E hahai ma ke kuikahi me na kanaka a pau, a ma ka hemolele hoi; aole kanaka i nele ia mea e ike aku i ka Haku.” Oia ka olelo i hoowalania i kona naau; haule koke oia ma kona mau kuli, a hoomaka e pule i ke ola o kona uhane; pela kana wahine, a me ke keikikake, a ua hoolohe mai ke Akua ia lakou. Ua hapai hou lakou i na hana e pono ai ko lakou poe uhane; oia ka hoomaka ana o ka huli nui mai o na kanaka ma ka pono, ma kela kulanakauhale.
“Ka hewa e hoopilu mai ana.”
Ua kauohaia kakou e waiho aku i na mea kaumaha a pau, a me ka hewa e hoopili wale inai ana ia kakou, ina makemake kakou e hele auanei i ka lani.
Ma ka Baibala ua hoikeia mai na hewa he nui wale e hooke mai ana, i ole kakou e komo iloko o ke aupuni o ka lani. “Oia ka moekolohe, ka hookamakama, ka hoohaumia, ka makaleho, ka hoomanaki@, ka hoopiopio, ka inaina, ka hakaka, ka ukiuki, ka huhu, ka hoopaapaa, ka mokuahan@, ka manao ku e, ka huahuwa, ka pepehi kanaka, ka ona ana, ka uhauha ana, a me na mea like; o ka poe e hana i ua mau mea la, aole e hooihia no lakou ke aupuni o ke Akua.” Galatia 5:19-21.
E noonoo nui kakou a pau i keia mau enemi i ko kakou mau uhane, a e hoomaopopo i na mea e hoopili wale mai ana ia kakou; i hiki ia kakou ke mihi a haalele koke ia mau mea; a e hoole mau ia kakou iho i pakele kakou i ka inaina e kau mai ana.
O ka hewa i manao nui ia e ke kanaka, oia ka mea e hoopili wale mai ana ia ia; ka mua ia i ke kakahiaka—ka hope ia i ke ahiahi i ka moe ana ilalo, i ke ala ana iluna; i ka wa mehameha, a i ka wa puni i na kanaka; i ka wa mai, ai ka wa ole; ma ka aina, a ma ka moana; o ka i komo pinepine i ka naau, oia ka hewa e hoopili wale mai ana ia ia.
Oia hoi ka mea e alakai ana ia ia iloko o ka ino, a me ka make. Ua koko ia ia, ua minamina ia ia; e hiki ke haalele i na mea ano ino e ae, aka, @ole ona makemake e hualele i keia mea ano ino.
Oia ka hewa e hookaumaha mai ana i ka lunamanao i na wa popilikia e noho nei, i ka wa mai, ai ka wa e make ana. Kekahi m@awa ua manao ke kanaka e haalele i ua hewa @, aole nue haalele. Ke noho nei oia, he kauwa hooluhi malalo o kona mea ino.
I mai la o Iesu i kana poe haumana, “O ka mea makemake e hele mamuli o'u, e hoole kela ia ia iho, e hapai hoi ia i kona kea, a e hahai mai ia'u. No ka mea, o ka mea e manao ana e malama i kona ola, elili ana ia mea; aka, o k mea e haalele i kona ola no'u, e loaa ia ia ke @. Heaha ka pomaikai o ke kanaka ke loaa ia ia keia ao a pau, a lilo aku kona uhane? Heaha hoi ka ke kanaka e haawi aku ai i uku no kona uhane?”
KA NUPEPA KUOKOA,
HOOPUKA MAU IA MA HONOLULU
kela Poano keia Poano.
$2.00
No na mahina he Umikumamalua!
$1.00 no na mahina cono.
ME KA HOOKAA MUA MAI.
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.60; hookahi malama, $2.00 E uku mua ia mai ke dala o na olelo hoolaha a pau e hoounala ana mai e pai.
KANIKAU—he 4 keneta no ka lalani hookahi—panel: he 25 lalani, $1.00; 50 lalani, $2.00; a pela'ku.
KA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Iuna o ke Kuokoa, a i olelia, e hoouna mai ia Kauka Kulika.
NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoili paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auahu no keia nupepa.
AIA KE KEENA O KA NUPEPA KUOKOA—ma ke keena i noho mua ia iho nel e J.W. Aukina, maluna ae o Hale Leta. O na hora hana, mai ka eiwa o kakahiaka, a i ka ha o ke ahihi.
H.M. WIN. Luna Hoopuka.
“KA NUPEPA KUOKOA.”
is published in Honolulu
EVERY SATURDAY
$2.00 per annum, or $1.00 per six months, in advace.
ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line.
PAYMENTS FOR ADVERTISEMENTS, Subscriptions or Kanukaus, may be paid to any of the Agents of the Kuakoa, or may be enclosed in a letter to the Publisher.
ALL SUBSCRIPTIONS must be prepaid. No names, either of foreigners or natives, will be inserted on the subscription list until paid for. This rule must be strictly adhered to on account of the low subscription price.
The office of the Kuokoa over the Post Office. Office hours from 9 A.M. To 4 PM.
H.M. WHITNEY. Publisher
Bound Volumes of the KUOKOA, for sale at the @ over the Bookstore—$3.50 each.
Persons having complete sets of the above, can have hem bound by paying $2.00 each.
NA BUKE
HOOLAHAIA E KA PAPA HAWAII.
Baibala Hemolele Nul ill gula naul me na kuhikuhi ma na aoao $12 00
“ “ Nui ili eleele kaekae wai gula 5 00
“ “ uuku iki iho, “ “ 8 00
“ “ Pananaiki iho @ eleele 4 00
Kauoha Hou ili gula @ani me na kuhikuhi 3 00
“ “ eleele kaekae wai oula 1 00
“ “ “ 75
Kauoha Hou Hiapa Haole 75
Lira Hawaii 1848 me ke kanawal 25
“ “ 1855 25
Moolelo Ekalesia 50
Haiao ili iahilhai @
Hele Malihini a@ 25
No ko ke Akua auo 25
Lira Kamalil 25
Hoike Palapala Hemoleie 25
Moolelo o Heneri Opukahaia 25
Hoike Akua 25
Wehewehehala 25
Niuau Hoike ili manoanoa 25
“ “ lahilahi 10
Kumum@ Kula Sabait 10
Buke Lawe Lima 10
He Buke no ka Pope 10
Ui Kula Sabait Helu 3 25
“ “ “ 4 05
“ “ “ 5 25
Buke Euanelio a Ioane 10
Himeni 50
Himeni ili nani 1 00
Na Kauoha Hou Pakeke.
Ili Gala nani 1 50
Ili eleele kaekae nani 50
Ili eleele 35
Kouoha Hou Pakeke me na Halelu.
Ili Gala nani 1 75
Ili eleele kaekae nani 60
Ili eleele 50
Na Halelu Pakeke.
Ili Oula nani 60
Ili eleele kaekae wai gula 30
III eleele 20
Ka Hae Hoonani (Buke Mele) 25
Eia na buke haawi wale.
Palapala Liilii—
Helu 4 --Makemake anei oe I ka ola?
Helu 6--E hele i o Kristo ia.
Helu 7--Ka hoi ana mai o ke Keiki Uhauha.
Helu 11--No ka hoohiki wahahee i ke Akua.
Helu 16--Ka @ ana o ka Aha@ina a ka Haku a ma ka Bapetiso ana.
Helu 17--Mai hana ino i na holoholo@
Helu 18--No ka mahi ana, kuai ana a me ka @ ana i ka Awa.
Ka Davida Malo Kumumanao.
Ka Moolelo o Batimea Puaaiki.
J.F. Pokue,
Kakauolelo o ka Papa Hooko o ka Ahahui @ ko Hawaii Pae Aina.