Ka Nupepa Kuokoa, Volume X, Number 29, 22 July 1871 — Page 4
| This text was transcribed by: | Adrienne Saffery |
| This work is dedicated to: | Awaiaulu |
Ka Nupepa Kuokoa.
Over on the other side.
Bright Laurels. p-62.
1. Ma o oe o Ioredane.
Ma ke kahakai ma o.
Kahi o na kini lani
O na kini maemae no;
Kahi o na leo kani.
Me ka pau o na uwe;
Ma o ae o Ioredane
Maha no ka poe maikai.
Cho- Ma o ae o Ioredane
Maka pono na haipule.
Ma o ae o Ioredane.
Ma ke kahakai mao.
2. Ma o ne o Ioredane.
E ikea na hoahanau.
Maha no a malilani.
Hinu mai la me ka hau;
Hala e na ale make.
Pae a malu uo ma o;
Hai'ku la na kaumaha.
Maha lani me Iesu.
Cho- Ma o ae o Ioredane, &e.
3. Ma o ae o Ioredane
Ku na puu olino e.
Uli main a kula lani,
Oli iea ka poe maemae;
Pua mau na pua nani,
Kahe mau ko laila wai
Ma o ae o Ioredane
Ma ke kahakai aiai.
Cho- Ma o ae o Ioredane. &e.
4. Ma o ae o Ioredane
Na kahiko lani no.
Me na lira kani nani.
Na lei gula nani mau;-
Hui na puali lani.
Na haipule me Iesu
Ma o ae o Ioredane,
Mele a hoomaikai pu.
Cho.- Ma o ae o Ioredane, &e.
HAWAII
E hele mai io'u nei.
8, 8, 6.
1 Hamau! he leo akakou,
Ka leo hea o kuu Iesu,
Nee mai a pili ia'u;
E lawe ae i kuu waiwai,
A na'u e hoohauoli ae;
Nee mai a pili ia'u.
2 Nee mai ka luhi, mai makau.
Owau kou kuleana mau;
E maha iloko o'u;
Mai kuihe, e malu e,
Iloko o'u kou pomaikai;
Nee mai a pili ia'u.
3 Nee mai, ka mea uwe nei,
He bama ka'u e olu ai,
Nana a lele pau-
Ua ike au i kou luuluu,
A hiki ia'u la ke hoopau;-
Nee mai a pili ia'u.
4 Nee mai, ka mea kaumaha e,
Na'u e kai ae, a hoomaha'e;-
Nee mai, nee mai ano-
Iloko o'u e loaa ai
Ka ikaika me ka lama e;-
Nee mai a pili ia'u.
5 Nee mai la, e ka mea makau,
E pee ma na ehau o'u,
A noho malu no-
A hiki i kea o ma o,
E hee ka pouli me ka po –
Nee mai a pili ia'u. HAWAII.
I na Kahu, a me na Ekalesia Hawaii,
Mai Kau a Niihau:
ALOHA OUKOU:-
Ma ka nana'ku i ke Papa Hoike i na kokua o kela ano, keia ano, no ka makahiki i hala, oia hoi, mai Iune 1, 1870 a Iune 1, 1871, ua kupu mai iloko o'u ka manao e kakau no ke Kuokoa i kekahi mau mea e pili ana i ke kokua, i hoolaha ia'ku, i akaka hoi ke kulana o kela a o keia ekalesia.
1. He manao hauoli, a hoomaikia aku i ke Akua no ka nui o ke kokua.
Eia ka huina kokua i paiia ma ka Papa hoike $29 481.29.
Ua haule no nae ke kokua o na ekalesia ekolu, Waiohinu, Lahaina, Kaanapali.
No ke aha la ka haule ana? ua nalowale paha, aole paha he mea hoike mai.
He $2 000 paha i haule, a huiia me kela $31,481.29.
Ka nui o na ekalesia Hawaii, he 59 ia.
Ma ka avarika, ola hoi ka puunaue like ana i keia puu dala iwaena o na ekalesia 59, ua loaa no ka ekalesia pakahi $533,58.
He avarika hoolana manao keia.
Ka nui o na hoahanau a pau e noho pono nei, i paua ma ka Papa hoike 15,108.
Ua hauia nae na hoahanau o ua mau ekalesia ekolu,1,000 paha ka i haule, a huiia me
kela 16,108.
Ma ka puunmaue like ana ka puu dala a pau i kela, a i keia hoahanau, ane loaa $2,00.
Elua dala kokua o kela, keia hoahanau, no ka makahiki hookahi, ua like ia me ka hapalua no ka hapa hookahi, a me 16 kenela no ka malama hookahi.
He mea hoolana manao no hoi keia. He kumu noonoo no hoi ia no ke kokua o na hoahanau pakahi ma keia hope aku.
2. Ke makemake nei paha oukou, e na mokupuni e ike i ko oukou kulana, ko oukou helu ma na kokua.
Owai ke Pookela, ka heiu akahi, helu 2, 3, 4, 5, 6. 7?
1. Hawaii Ke Pookela ma ka puu dala.
oia hoi $12 615.88.
2. Oahu malalo iho 8,781.09
3. Maui “ “ 5,947.31
4. Molokai “ “ 2,785.74
1. 5. Kauai “ “ 970.60
2. 6. Lanai “ “ 72.75
3. 7. Niihau “ “ 5 00
Ma ka puu dala, o ae, e Hawaii ke Pookela. Aka, mai wikiwiki oe i ke kaena a huro ana. E haule ana ma ka avarika, a e hookiekiea'na.
Hoahanau Puu Dala Avarika
1. Molokai 1064 $ 2,785.74 278
2. Oahu 3138 8,781.09 244
3. Maui 2550 5,947.09 225
4. Hawaii 8000 12,615.88 157
5. Kauai 805 970.60 120
6. Lanai 113 72.75 64
7. Niihau 10 5.00 50
Molokai ka ke Pookela ma ka puunaue like ana i kona puu dala iwaena o kona mau
hoahanau, a haule o Hawaii i ka helu eha.
Mai nana i ko waho, i ka nui o ke kino.
Malia paha ua oi ke kino uuku i ke kino nui.
He mea paipai nae keia ia oe e Hawaii o Keawe, e hooikaika e pii ak a paio pu me Molokai a Hina, i lilo oe i Pookela io a haule kela i ka helu elua.
Aia a hiki kou puu dala i ka $22,240.00, alaila, like oe me Molokai! E hiki ana paha ilaila i keia makahiki e hiki mai ana. E eu i hiki. E pii hou ae hoi oukou e Molokai, Oahu, Maui, Kauai, e paio pu me Hawaii i pookela like.
3. Ke makemake nei hoi paha oukou, e na ekalesia, e ike i ke kulana, i ka helu o kela a o
kela a o keia iwaena o na puu kokua. Owai ka i oi? Ka inoa, owau o Kawaiahao ka i oi? He $3,292.20 ko'u puu dala, aole anei owau ke Pookela? Ae, ma ka puu dala, o oe ka i oi, aka, ma ka avarika ana, ua haule iho oe ilalo.
E NANA I KA HELU MA KA AVARIKA MALALO IHO:
HOAHANAU PUU DALA AVARIKA
1. Waihee Maui 165 $1,452.25 8.80
2. Waimanalo Oahu 115 726.00 6.36
3. Wailuku Maui 124 627.14 5.50
4. Kaneohe Oahu 113 857.05 4.30
5. Kaluaaha Molokai 449 2 014.74 4 23
6. Kohala Ak Hawaii 497 2 082 02 4 20
7. Opihikao Hawaii 210 782 50 3 72
8. Kawaiahao Oahu 948 3 292 20 3 47
9. Waimea Hawaii 91 347 50 3 38
10. Kailua Hawaii 261 870 67 3 31
11. Onomea “ 190 90 38 3 21
12. Waianae Oahu 135 388 72 2 81
13. Kaunakapili Oahu 504 1 341 29 2 66
14. Moanalua Oahu 291 471 90 2 62
15. Waikane Oahu 153 394 45 2 57
16. Kahana Oahu 68 271 99 2 52
17. Waikapu Maui 197 447 25 2 25
18. Hilo Hawaii 1487 2 681 22 2 16
19. Kaupo Maui 140 299 60 2 13
20. Olowalu Maui 76 161 00 2 10
21. Kapali-uka Hawaii 198 521 25 2 09
22. Waioli Kauai 121 249 85 2 06
23. Kohala H. Hawaii 186 349 37 1 87
24. Kekaha Hawaii 180 348 69 1 79
25. Halawa Molokai 441 747 50 1 60
26. Honokohau Maui 160 305 12 1 51
27. Hauula Oahu 125 189 75 1 50
28. Hamakua W. Haw., 192 283 25 1 47
29. Helani Hawaii 269 392 45 1 45
30. Hana Maui 459 608 38 1 32
31. Kipahulu Maui 192 247 91 1 25
31. Ewa Oahu 290 291 25 1 25
32. Kalapana Hawaii 205 224 72 1 09
33. Kona W. “ 118 124 50 1 05
33. Kohala K. “ 159 264 91 1 05
33. Waimea Kauai 100 115 50 1 05
34. Koha Kauai 183 258 00 1 03
35. Wailupe Oahu 164 170 12 1 00
35. Uamakua K. Haw., 224 226 00 1 00
36 Keanae Maui 318 322 47 98
39 Anahola Kauai 120 114 50 95
38 Moanalua Oahu 291 264 22 90
39 Kahuku Oahu 161 142 47 88
40 Hakalau Hawaii 172 143 35 85
40 Lihue Kauai 271 232 75 85
41 Honuaula Maui 187 232 54 84
42 Kapalilua Hawaii 435 310 99 68
43 Lanai 113 72 75 62
44 Laupahoehoe Hilo 123 64 50 53
45 Puula Hilo 390 156 00 52
46 Niihau 10 5 00 50
47 Siloama Molokai 124 53 40 43
48 Hamakua Hik Haw 324 100 60 33
49 Kealakekua Haw 1616 443 75 25
50 Lahainaluna Maui 108 34 25 22
Waihee no Maui ka ke poo, ke kumu Lahainaluna – no Maui hoi ka welau, oia hoi ka pokii. Ua haule o Waiohinu, Lahaina, Kaanapali, aole Akaka ko lakou mau helu.
Aole pau ka huli ana i na helu ma kekahi mau puu dala kokua.
Malama o haule Waihee malaila.
Pehea ko Parisa!
Ua heluhelu pinepine kakou i ka popilikia o ko laila lahui kanaka. Ua heluhelu kakou i ko lakou kaua po ana me ko Geremainia poe. A iloko o kela popilikia. Ua hooholoia ka manao kuikahi. Alaila, huli lakou a kaua ia lakou iho. Aloha ino lakou.
Eia paha ke kumu o ko lakou polilikia e noho nei. O ka hapa nui o lakou, he poe hoomaloka i ke Akua. “Olelo ka aia iloko o kona naau, Aole Akua.” O ka hoomaloka i ke Akua ola, oia paha ke umu nui o ko lakou popilikia, a me ka make nui o kanaka ma kela kulanakauhale nui, a nani hoi. No ka mea, wahi mai a ka Baibala, “O ka makau i ke Akua, oia ka hoomaka ana o ka ike.” Solomona 1:7. “O ka mole o ka naauao, oia ka makau ia Iehova. Solomon 9:10. “O ka makau alu a Oehova, oia ke kumu o ke Akamai; he naauao maikai ka poe a pau e hana malaila: e mau loa ana kon hoonaniia.” Halelu 111:10. Pela ka wanaua a na kaula.
Eia ka Iesu, Mataio 10: 32-39.
32. Nolaila, o ka mea nana au e hooia aku imua o no kanaka, na'u hoi ia e hooia aku imua o ko'u Makua iloko o ka lani.
33. A o ka mea naua au e hoole aku imua o na kanaka, na'u hoi ia e hoole aku imua o ko'u Makua iloko o ka lani.
34. @ Mai manao oukou i hele mai nei au e lawe mai i ke kuikahi ma ka honua; o ka pahi kaua ka'u i hele mai nei e lawe mai, aole ke kuikahi.
35. No ka mea, i hele mai nei au e hookuee i ke kanaka i kona makuakne. A i ke kaikamahine i kona makuahine. A i ka hononawahine i kona makuahonowaiwahine.
36. O na enemi o ke kanaka, no kona hale iho no lakou.
37. O ka mea hookela aku i ke aloha kona makuakane a i kona makuahine, aole no ia'u aole ia e pno no'u: a o ka mean hookeia aku i ke aloha i kana keikikani a i ke kaikamahine, aole ia'u, aole hoiia e pono uo'u.
38. A o ka mea kaikai ole i kona kea, a e hahai mai mamuli o'u, aole ia e pono ia'u.
39. O ka mea malama i kona ola, e lilo no kona ola; o ka mea haalele i kona ola no'u nei, e loaa ia ia ke ola.
Mai Ahulau.
Ke hoike mai nei kekahi mau Nupepa Amerika, i kekahi mai Ahulau ano e, ma Buenos Ayres, kekahi kulanakauhale nui na Amerika Hema.
I ka malama o Ianuari, A.D. 1871, elua haneri tausani, a me kanalima tausani (250,000) kanaka, e noho ana maloko o kela kulanakauhale nui.
A hiki mai ka malama o Aperila, ua lohia lakou i ka mai Ahulau, oia hoi, ka fiva lena, (yellow fever.) I ka la 10 o Aperila, ua haalele kelahi haoie ia Buenos Ayres, a hele i Balitomore, kokoke i Wasinetona. Oia ka i hoona mai i na lohe e mamua, i aku la, aole okana mai ka eha, ka poino, a me ka make, iwaena o ko laila poe kanaka; ina he poe waiwai, a ina he poe ilihune, ua like pu ka poino, a me ka make. Ua puiwa ka lehulehu, a e holo ana i o ianei, e pakele i ka make. Olelo oia, eha hapa lima o lakou, ua haalele i kela kuianakauhale; a hookahi hapa lima i koe ; a eono haneri (600) ka nui e make ana i kela la keia la.
Olelo mai hoi kekahi Nupepa, 25,000 ka nui o ka poe i pau i ka make, a 15,000 e moe ana i ka mai; a 600 ka nui o ka poe e make ana i kela la keia la.
Kupaianaha keia mai Ahulau! Nani ko ke Akua hoopai ana mai ia lakou!
Ka haule ana o Ierusalema.
Ua komo pinepine o Iesu, me kana poe haumana, iloko o ka luakini ma Ierusalema Hoike kekahi poe ia ia o ka nui, a me ka nani o k o lakou luakini, a me na hale e ae. I aku la o Iesu ia lakou, penei; “E hiki mai auanei na la e hoohioloia'i keia mau hale, a me keia mau pohaku nui, aole e waihoia kekahi pohaku maluna iho o kekahi pohaku, i ka hooliolo ole ia.” He wahi wanana weliweli loa keia.
NINAU. I ko Iesu noho ana ma ka mauna o Oliveta, nonoi aku la o Petero ma iaiai, penei; “E hai mai oe ia makou i ka manawa hea e hiki mai ai ia mau mea? Heaha hoi ka hoailona o kou hiki ana mai, a me ka hope o keia ao?”
Makemake lakou e ike e mamau i ka makahiki, a me ka la, e hiki mai ai la mau mea. Aole nae pane pololei aku o Iesu ia lakou; aka, ua hai e aku i kekahi mau hoailona no ka wa e hailukuia'i o Ierusalema, a me kona hiki ana mai i ka la mahope.
Ua ao aku o Iesu ia lakou e malama ia lakou iho, o hoopunipuniia lakou e na kaula wahahee.
I aku la hoi oia ia lakou. “E lohe auanei oukou i na kaua, a me na lono kaua; e kue auanei kekahi aina i kekakhi aina, a o kekahi aupuni hoi i kekahi aupuni; e hiki mai na olai ma kau wahi, a me ka wi, a me ka mai ahulau; oia na makamua o na popilikia”
Eia hoi kekahi olelo a Karisto ia lakou. “No ko oukou manaoio ana mai ia'u e hoomauia oukou, a e hoowiia oukou i na hale halawai, a iloko o na hale paahao; a e kama oukou imua o na lii, a me na kiaaina.”
Eia hoi kekahi. “E kumakaia ia'ku no oukou e na makua, a me na hoahanau, a me no makamaka; a o kekahi o oukou e pepehiia a make.”
A mahope, e hiki nui main a kaua kue ia Ierusalema. A ikeia lakou e ku poai ana ia oukou, alaila e holo koke oukou i na mauna. Mai kii aku i ke kapa aahu, a mekekahi waiwai e ae, aka, e holo koke oukou i ka mauna, a e pakele oukou. E hailukuia oae o Ierusalema, a me kona luakini nui, a me kona kulanakauhale; a o na kanaka maloko, e pau lakou i ka pepehiia; a i ole, e lawe pioia, a e hehiia auanei o Ierusalema ilalo e na kanaka e.
HOOKOIA. Aole liuliu, a o na mea a pau i wananaia no Ierusalema, ua pau i ka hookoia.
I ko Iesu hoi ana aku i ka lani, ua hiki mai kekahi kaula wahahee, e olelo ana penei; “Owau no ka Mesia,” a nui o na Iudaio ka i manaoio ia ia. He mau kaua ma kea ao nei ia wa, ame na pilikia o kela ano keia ano. He mau mea ano e, weliweli ke nana'ku , ua ikeia a Ierusalema. Ua manao o Petero ma, oia na hoailona o ka pilikia e hiki mai ana maluna o Ierusaema, no ka mea, ua hoomanao lakou i na mea a Iesu i olelo mai ai ia lakou; aka, aole maopopo ia mau mea i ka poe hoomaloka.
KO ROMA POE KAUA. Mahope, ua hiki mai ko Roma poe kaua, a ua hoopuni kue mai lokou i ke kulanakauhale o Ierusalema. Alaila hoomanao hou na haumana i na mea a Iesu i hai e aku ai ia lakou; a holo koke aku lakou i ka mauna o Gibada, i kekahi kauhale, o Pela kona inoa; a malaila ua maluhia lakou. Aole make kekahi o lakou. Aka, ua pilikia loa ka poe Iudaio iloko o Ierusalema ia wa. Ua puni lakou i ko lakou poe enemi: nui ka wi o loko; ua make kekahi poe o lka pololi; a ua ai kekahi owao makua i ka laku au keiki! Ua lawe pio ia kekahi poe, i kela la i keia la, a ua kau ia ma na kea! nui na kupanau maloko o ke kulanakauhale; a ua kahe auike koko mana alanui
LANAKILA KO KONA. Komo ananei ka poe kaua iloko o Ierusalema. Ua hoopau lakou i ka Luakini i ke ahi. Ua lawe aku i Roma na mea maikai i hoolakoia ka luakini; na kukui-na kiaha, na pa, &c., &c., Ua pepehiia kekahi poe ludaio a make loa; a o na mea e ae, ua hoopuehuia mai o a o a puni ka honua. Ua hoohioloia na pohaku nui o na paia o ka luaini, aole koe kekahi pohaku maluna o kekahi – a ua hoopalauia ke kahua o kela kulanakauhale a o na Helene ka i komo, a noho ma kela aina maikai.
KE KUMU. O ke kumu o keia mau popilikia a pau, ooa ka hewa o ka poe Iudaio; ko lakou holoe ana ia Iesu, a me ka pepehi ana ia ia ma ke kea.
Aka, aole kipaku loa ke Akua ia lakou. Eia ka wanana o kekahi kaula, o Ezekiela. 36:24-27 no lakou. “E lawe mai au ia oukou, mailoko mai o na lahuikanaka, a e lawe mai auaia oukou i ko oukou aina. He naau hou no hoi ka'u e haawi aku ai ia oukou; a he uhane hou no hoi ka'u e uhao ai iloko o oukou. A e hookomo hoi au i kuu Uhane iloko o oukou, a e hana aku au ia oukou e hele ma ko'u inau kanawai.” Nolaila, me ke kanalua oke, e pule nui kakou no ka poe Iseraela, oia hoi, no ka poe Iudaio, i hoopuehuia mai o a o a puni ka honua.
AKA WELIWELI. O ka hailuki ana ia Ierusalema, he aka ia o kekahi manawa weliweli loa e hiki mai auanei; oia hoi; ka la hope, ka la hoopai i ko kea o nei; ka la e hele hou mai ai o Iesu Karisto, mai ka lani mai. Aole akaka lea ia kakou kona wa e hele hou mai ai; aka, ua heluhelu kakou me Petero II. Mokuna 3:10, penei; “E hiki mai auanei ka la o ka Haku, me he aihue la i ka po; alaila e lilo no ka lani me ka haalulu nui, a e wela hoi na kumu mua, a hehee wale, a e pau no ka honua nei i kea hi, a me na mea a pau i hanaia maluna iho.” Oia ka la weliweli loa no ka poe makaukau ole; a he la nui, nani, e pomaikai ai ka poe makaukau; no ka mea, e hele ana ko Iesu poe e noho pu me ia, ma kona wahi e noho ai, i ke ao pau ole.
Nolaila, pono ia kakou a pau, e pule nui, a e pule mau, i makaukau kakou no kona hele hou ana mai, i holoua ko kakou mau hewa a pau i kona koko, a i hana hou ia ko kakou naau i ka Uhane Hemolele, alaila, me ka makau ole, e olelo kakou, “e hele mai, e Iesu ka Haku, e hele koke mai.”
KO HAWAII MAU KAHUNA LAPAAU,
e lapaau nei ma ka aoao kahiko
ME KA PUAA HIVA, KA MANU
KEOKEO, A ME NA MEA LIKE;
KOHU PONO ANEI IA HANA I KA
MEA MANALOIO IA IESU?
HELU 1.
He nui wale ka poe i kapaia mai he mau kahuna lapau ma keia Pae moku, mai ka wa kahiko mai, a hiki i keia manawa. A ke lapaau nei no hoi ua mau kahuna nei i ka poe mai. O kekahi mau kahuna, he mau kahuna uhau hui; a o kekahi mau kahuna, he mau kahuna maoli no; he mau kahuna anaana, pahiuhiu, hoopiopio, hoounauna, he pua, a pela no hoi na kahuna haha paaoao, a pela me na kahuna makani.
Aole ku like loa ka lakou mau oihana, a me ka lapaau ana. Okoa iki no ka oihana a ka mea uhau hui, a okoa iki no hoi ka oihana a kekahi mau kahuna e ae. Me ka okoa o na oihana, pela no ka okoa o na laau a ne ka lapaau ana. A ma kekahi mau mea nae ua ku like no,
A e hiki no ke nahako I kekahi mau kahuna o Hawaii nei; me ka olelo ana, he oiaio no ka lakou hana, a he ola ao no ka mea mai, aole hiki ke hooe; he hui no ka poe i manao like pu me ia manao.
A o kekahi mau kahuna, aole hiki ke mahalo aku. O kekahi mau kahuna, lapaau lakou me na laau maoli no; a o kekahi mau kahuna hoi, lapaau no me ka puaa hiwa, a me ka manu keokoe, a me na mea like. Pela no ma ka wa kahiko, a pela no i keia manawa, aole i pau aku ia mau hana; ke lohe ia nei no iloko o keia w aka le o no puaa hiwa e alala ana, a me ka leo o na loa lawa e pukoko ana. I mea aha? I mea lapaau i ka mai; no ka aumakua; i mea kala; i mea hooluoluia mau akua.
Kohu pono anei ia hana i ka mea manaoio ia Iesu? I ko'u manao, aole kohu pono, he ole io no.
HE HOOMANAKII.
He mau akua ko keia mau kahuna lapaau, e lapau nei me ka puaa hiwa, ka moa lawa, a me na mea like. Hookani akua o kekahi, elua o kekahi, elima o kekahi, a ua aneane kanalima akua o kekahi. Eia no inoa o kekahi mau akua o kekahi kahuna lapaau. Kahoalii, Kanehekili, Kanemilohai, Kanepuaa, Kuula, Kahaea, Kaiona, Kaikapu, Kaneikawaiola, Kaneikapohakaa, Kaneapua, Keawemakaloa, Kapilikoa, Kepanila, Kuhaimoana, Keawenuikauohilo, Kealo, Kauwaiwahine, Puhiula, Pehu, Papio; o Pele ma; o Kuamu ma; a me na akua e ae, aole pau i ka hai aku na inoa o na akua o kekahi kahuna hookahi. he nui no koe. A o kekahi o keia mau akua, oia no na akua o kekahi kahuna lapaau e ae.
O keia mau akua o lakou ka lakou i malama ai; eia ka i e hiki no i ke kana hookah ke malama i na akua he kanalima, lilo kiea mau akua he kanalima i mau Haku nona e malama aku ai. Olelo nae ka Palapala Hemolele. “Aole loa e hiki i ke kanaka ke malama i na haku elua.” aka, hiki nae i kekahi kahuna lapaau Hawaii hookahi ke malama i na Haku he kanalima, oia hoi na akua ona. Aole anei he hoomanakii? Heaha ka like ole o keia mau akua me na akua ma na aina hoomanakii e ae? Aole anei o na akua kahiko no keia o Hawaii nei? Ina o lakou no keia. heaha ia hoi ka mea i kanalua ai ko lakou hoomanaki ana? Hoomana lakou i na akua e ae, aole ia Iehova; nolailam he hoomanakii.
Ina pela, kohu pono ole keia hana i ka mea manaoio ia Iesu. No ka mea, o ka poe manaoio ia Iesu, ke malama nei lakou i na mea olelo ia iloko o ka Baibala; e like me ka mea i olelo ia, “Owau, Owau no ia, Aohe Akua e ae. Owau wale no.” Ma keia mau pauku, ua maopopo no o Iehova wale no ke Akua, aohe Akua e ae. “O Iehova no ke Akua oiaio, oia ke Akua ola, o ke Alii mau loa hoi.” A oia no ke Akua a ka poe manaoio ia Iesu i aloha ai, e like me kana i olelo mai ai. “E aloha aku oe ia Iehova I kou Akua me kou naau a pau, a me kou uhane a pau, a me kou manao a pau.”
A pehea la keia mau kahuna lapaau? Ke aloha aku nei anei lakou ia Iehova, me ko lakou naau a pau, a me ka manao a pau? Aole loa! Ke aloha aku nei no lakou I ko lakou mau akua, me ko lakou naau a pau, a me ka uhane a pau, a me ka manao a pau, Ina pela, he poe hoomanakii io no paha keia mau kahuna lapaau? Pela ko'u.
Ke pule aku nei no hoi keia mau kahuna lapaau i na akua o lakou; e like loa no me ka pule ana i ka wa aole i hiki nai na misionari ma keia Pae moku. Kulou iho no keia mau kahuna, a pule aku no, ek kahea ana kekahi. “Na aumakua i ka po, ia Kekueka i ka po, ia Kuahine i ka po, ia Kanakaokai i ka o, pale ka po, puka i kea o, Ia Wahia ke ao, ia Makakakene i ke ao, ia Kahoohalahala i ke ao, Owau nei o Mea, o ka ohi pule, o ka ohi mana, homai he po, homai he mana. E ola ia Mea, i keia mai nui, ua hooiloilo ia e Kahuna; e mana i ke kahuna i hooiloilo ai; aia ia ia ka oukou ai, e kii e make, e kinai, i ola ka mai; he mai nui keia, aole kahuna e aa mai i keia mai, ua hopo no kahuna a pau. E aloha mai oukou ia'u i keia la, i keia la kaulana au he kahuna, aka, i ola ole ka mai, pau ka hana ana oi ke kahuna lapaau.”
Pela iho la no ka pule a kekahi. Me he olioli la ka pule a kekahi. Pela no ka lakou hana ana i ka wa e lapaau ai i ka mai. Pole mua lakou a noa, alaila, haawi aku i ka laau. Oia mau pule no ka lakou e malama nei. Ma ka waha palia, olelo mai lakou, o Iehova, oia ke Akua; a ma ka pule ana i ka wa e lapaau ai, pule no o na akua kahiko.
Ahea la e ano hou ai? Ke malama nei no i ka mea i olelo ia he hoomanakii. E malama ana i na Akua e, a me ko lakou mau kapu, a me na pule.
Aole e lilo ne ka malo o ke kane a me ka pa-u o ka wahine; i lole wawae e uhi ai i ke olohelohe o kona mau iwi koele, a i holoku hoi e uhi ai kona mau wahi e waiho wale ana; Aole loa. Pela no, aole o ka olelo ana mai o na kahuna lapaau o Hawaii nei, e lapaau nei ma ka aoao kahiko, o Iehova oia ke Akua; he mea ia e nalo iho ai no puniu o na aumakua, a me na kaua hoounauna, e malamaia mai nei iloko o keia kau malamalama, aole, aole loa no. No ka mea, nolko mai o keia mau puniu o na aumakua, a me na akua e ne ka laau lapaau a kekahi mau kahuna o Hawaii nei.
A na keia mau akua no i kauoha ae i ko lakou mau haka, i puaa hiva, i moa lawa, i awa, i luau, a i mea, a i mea; a pela aku no. A heaha la auanei ke kumu e hoole iho ai i ka hoomanakii, ke pule io aku no ia mau akua, a me ka hoolohe ana i ka lakou olelo, me ka weliweli a me ka makau? Aole o ka nalo ana aku o na kaua kii laau, e hoomana ana nae i na uhane, he kumu ia e hoole ai, aole i hoomanakii, ke huli io no ia nau akua. Aole hoi i ka ike maka ole ana o ka poe haipule io ia Iehova, he kumu ia e hole ai i ko lakou hoomana ana ia ia ma ka pule, a me ka malama ana i kona mau kapu. Ea, he hoomanakii paha ua mau kahuna lapaau nei? (Aole i pau.)
HAAWINA KULA SABATI.
HELU XXXI. IULAI 30, 1871.
NA INOA I KAKAUIA MA KA LANI.
Puuku Baibala. Luka 10:17-24.
17 A hoi mai la ua poe kanahiku la me ka olioli, i aku la, E ka Haku, ua hoolohe mai na daimonio ia makou ma kou inoa.
18 A i mai la oia ia lakou, Ua ike au ia Satana e haule ana e like me ka uila mai ka lani mai.
19 Eia hoi, ke hawi aku nei au ia oukou i ka mana e hehi maluna iho o na nahesa; a me na moohueloawa, a maluna o ka mana a pau o ka enemi; aole loa he mea e eha ai oukou.
20 Mai olioli nae oukou i keia mea, i ka hoolohe ana o na uhane ia oukou, aka e olioli oukou, no ka mea, ua kakania ko oukou mau inoa iloko o ka lani.
21 Ia manwa, hauoli iho la o Iesu, ma ka Uhane, a olelo aku la, Ke hoomaikai nei au ia oe, e ka Makua, ke Haku o ka lani a me ka honua, no ka mea, ua huna oe i keia mau mea i ka poe naauao, a me ka poe akamai, a ua hoike mai nei oe ia i na keiki hou. Oiaio no, e ka Makua, no ka mea, o ka poe no no ia ia oe.
22 Ua haawiia mai nei ia'u na mea i pau e ko'u Makua; aole hoi mea i ike i ka keiki, o ka Makoa wale no, a I ka Makoa @ o ke Keiki wale no, a me ke kanaka a ke Keiki e makemake e home ai.
23 A haliu ae ia i ka poe haumana, @ malu mai la, Pomaikai na maka i ike i na mea a oukou e ike nei.
24 No ka mea, ke hai aku nei au ia oukou. He nui no ka poe kaula a me @ makemake e ike i na mea a oukou e ike nei aole hoi lakou i ike, a e lohe i na mea a oukou e lohe nei, aole hoi lakou i lohe.
Pauku Alakai. – E hauoli no ke kakauia ana o ko oukou mau inoa ma ka Lani. Luka10:20.
Kumu noonoo.-- Ka mana o Iesu Karisto maluna o na ino a pau.
Ninau ano nui.- Ua kakauia anei ko kakou mau inoa ma ka lani?
NINAU.- Owai ka i hoi mai? Owai keia poe he kanahiku? (Luka 10:1) Ua hauoli lakou no ke aha? Nawai keia mana ia lakou? Ua pono anei ia hauoli ana?
Inahea ko Iesu ike ana ia Satana e haule ana mai ka lani aku? Pane. Kahiko loa ka wa no i kipi ai o Satana, a kipakuia mai ka lani aku.
Heaha ka mana a Iesu i kawi ai ia lakou? He mea ala keia mana? Pane E hoike ai I ko Iesu mana, ko lakou Haku.
Heaha nae ka e oi aku ai ko lakou hauoli ana? Owai ia poe i kakauia ma ka lani? Aia anaei malaila ka poe haiolelo a pau?
No keaha ko Iesu hauoli ana? Owai kana i hoomaikai aku ai? Heaha ka i haawiia i ke Keiki e ka Makua? Owai ka mea i ike i ka Makua? Owai hoi kekahi? Iawai i hoike ai o Iesu i kona Makua.?
He mau uhane ino anei ma ka honua nei? Owai ke poo o lakou? Owai ka i kinai i ko lakou mana?
Pehea kakou e ike ai ua kakauia ko kakou mau inoa ma ka lani?
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono.
$2.00
No na mahina he UMIKUMAMALUA!
$1.00 no na mahina eono.
ME KA HOOKAA MUA MAI.
----------
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—ma ke keena i noho mua ia iho nei e J.W. Aukina, maluna ae o ka Hale Leta. O na hora hana, mai ka eiwa o kakahiaka, a i ka ha o ke ahiahi.
H.M. WINI Luna Hoopuka
KA "NUPEPA KUOKOA."
Is published in Honolulu
EVERY SATURDAY,
$2.00 per annum, or $1.00 per six
months, in advance.
ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line. PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is over the Post Office. Office hours from 9 A.M. to 4 P.M.
H.M. WHITNEY, Publisher
Bound Volumes of the KUOKOA, for sale, at the office over the Bookstore. - $3.50 each.
Persons having complete sets of the above, can have them bound by paying $2.00 each.
NA BUKE
HOOLAHAIA E KA PAPA HAWAII
Baibala Hemolele Nui ili eula nani me na kuhikuhi ma na a ao.....$12 00
" " Nui ili eleele kaekae wai gula.....5 00
" " uuku iki ihi " ".....8 00
" " Pananaiki iho ili eleele.....4.00
Kauoha Hou ili gula nani me na kuhikuhi.....3.00
" " eleele kaekae wai gula.....1.00
" " " ......75
Kauoha Hou Hapa Haole.....75
Lira Hawaii 1848 me ke kanawai......25
" " 1855.....25
Moolelo Ekalesia.....50
Haiao ili lahiahi.....10
Hele Malihini ana.....25
No ko ke Akua ano......25
Lira Kamalii......25
Hoike Palapala Hemolele.....25
Moolelo o Heneri Opukahaia.....25
Hoike Akua.....25
Weheweheia.....25
Ninau Hoike ili manoanoa.....25
" " " lahilahi....10
Kumumua Kula Sabati.....10
Buke Lawe Lima.....10
He Buke no ka Pope.....10
Ui Kula Sabati Helu 3.....25
" " " " 4......25
" " " " 5......25
Buke Euanelio a Ioane.....10
Himeni .....1.00
Himeni Ili nani.....1.75
Na Kauoha Hou Pakeke
Ili Gula nani.....1.50
Ili eleele kaekae nani......50
Ili eleele......35
Kauoha Hou Pakeke me na Halelu
Ili Gula nani.....1.75
Ili eleele kaekae wai gula.....50
Ili eleele......50
Na Halelu Pakeke
Ili Gula nani.....50
Ili eleele kaekae wai gula......30
Ili eleele.....20
Ka Hae Hoonani (Buke Mele)......25
Buke Wehewehe Huaolelo Baibala.....2.00
" " " Ili nani.....3.00
Eia na buke haawi wale
Palapala Liilii--
Helu 4--Makemake anei oe i ke ola
Helu 6--E hele i o Kristo la.
Helu 7--Ka hoi ana mai o ke Keiki Uhauha
Helu 11--No ka hoohiki wahahee i ke Akua
Helu 16--Ka Kehia ana o ka Ahaaina a ka Haku a ma ka Bapetiso ana.
Helu 17--Mai hana ino i na holoholona
Helu 18--No ka mahi ana, kuai ana a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
J. F. POKUE.
Kakauolelo o ka Papa Hooke o ka Ahahui Euanelio o ko Hawaii Pae Aina.