Ka Nupepa Kuokoa, Volume X, Number 33, 19 August 1871 — Ke ahi Pele maluna o Mauna Loa. [ARTICLE]

Ke ahi Pele maluna o Mauna Loa.

Ma ke ku ana mai a ka moku kona mai Hawaii mai, ua lohe ia ka pii ana o ka ula o ke ahi pele maluna o ka piko o Mauna Loa, mai Mokuaweweo ae. Na keia mau palapala elua malalo iho, i kakauia ma Kau a me Kona Hema, e hooiaio mai no keia mea: Keaiwa, Kau, Aug 8, 1871. J. U. KAWAINUI; Aloha oe: Ke hai aku nei au ia oe i kekahi mau mea hou o Kau a'u i ike ai; Ma ka po o ka la inehinei, mawaena o ka hora 7 a me ka 8 o ke ahiahi, ua ike ia aku ke ahi pele maluna o Mauna Loa, a ua piha loa ka mauna i ka malamalama. Ke manao nei na kamaaina kahiko o onei, e like aku ana no me kela kahe ana mamua aku nei, nona kela mau olai ikaika ma ka la 2 o Aperila 1868. Ma ke ahiahi o keia la (7) i oieloia maluna, ua ike ia aku ka pouli o ka mauna i ka uahi pele a me ka halulu ana e like me ka waikahe ikaika; a hala he mau hora, ua ike koke ia aku ke ahi maluna o ka mauna. Aloha no. G. H. KINIAKUA. Kealakekua, Aug 8, 1871. J. U. KAWAINUI ; Aloha oe: Ma ka po inehinei, la 7 o Augate nei, ua ike ia ka wena ana i ka lani e kekahi poe, a ma keia po iho nei o ka la 10, ua ike aku au a me ko'u ohana i ka hana a ua aiwaiwa la iluna o Mokuaweoweo. Ua puana ae ko'u wahi kokoolua i kekahi mau wahi hua mele no ka hoea rnua ana o ua ahi la iluna o Mokuaweoweo, i ka makahiki 1830 paha, "He uwiki ula wale no ka ka Pele iluna o Mokuaweweo i ke kuahiwi o Maunaloa, Uwiki ula ka lani i ka hoa ole lau." A ma ka huli maopopo ana aku o na maka i ka hikina, e makaikai lea i ka ia la hana mai, ua ikaika loa ka lele ana o kona malamalama i ke aouli, ke hele la ka wena a pa ke kooku Mauliola. A me au ana iho o ka manao iloko e nana; ina na paila loa kona ikaika i keia wa, alaila, aole no i akaka ka ia la wahi e hooihoiho ai, oiai aia kela maluna iho. E nana hou ae no makou i keia mau po i ka hana a ua wahine nei o ka lua. KAKAIOKONA.