Ka Nupepa Kuokoa, Volume X, Number 34, 26 August 1871 — E ukuia lakou ma ka Lani. [ARTICLE]

E ukuia lakou ma ka Lani.

Olelo hooholo «a D. N. K. Oiaio, no ke kumu paio o ka Aha o Kawela, Molokui, oia hoi keia : "Aole e pono ke uku ia na Luna Ekaleaia." 0 kona manao wehewehe ; ma ka lani e ukuia ai na Luna a me na Kahu Ekalesia, no ka uiea he hana pili uīiane ka lakou. Ma keia rnau wehewehe ana au a me -ka heakaka lea ana iniua o ka lehulehu, aole i kupo«10 kau olelo hooholo. 1 kou nana aoa ma Mataio 5: 3—12, no na Luna a me ka Knhunapule wale no anei ia uku ma ka lani ? Oka uku anei ana uhane e ohi ai, oia kau e puunnue like nei na na kino o na Luna a me na Kahunapule. Eia no keia wehewehe au; oka hana a na Kahunapule a me na Luna, he hana ku i ke aloha f e like me ke knuoha, " E aloha aku oe i kou hoalauna e like n>e kou aloha ia oe īho." Aole nae oke aloha aku me kn uku ia mai i ke «lala, Ke kuhikuhi hou nei no au ia oe ma Mataio 10: 9—14. He hiki anei ike aloha o ke Kahonapule a me ka Luna ke hanai iaia iho a hookipa i ko hai haie me ka makemake ole ia mai ? Olelo o iesu, " O ke kauhaie i hookipa ole ia oukou, e lulu aku i ka lepo o ko oukou mau wawae." Oka uku pono iho la anei ia i kou manao e kuu hoa? I hookahi ka au aoao e koi ai i ke aloha, o e lokoino nae oe ea ? Aole i makemake o le.su ika mohai. Ea !no lesu ia. Owai ke Kahunapule h Luna hoi o keia ao, e noho nei me ka ai ole a hala na la he kanaha, e like me lesu ? Nolaila, ua like ole kau hoohalike ana. Aole no i olelo o lesu, e hana wale kana poe kauwa. Penei kana :" He pono ika mea- hana ke loaa ka ai." Ua ku kau hana i ka lokoino maoli. He hoahanau anei oe? Ke manao nei au, he enemi paha na Luna a me ke Kahu o kou apana nou, ua hoike nae oe i kou inoa "Oiaio." "E hiki no i na Kahunapule a me na Lhna ke imi aku i ola kino no lakou," wahiau, iloko hoi o na wa kaawale, oia hoi ka wa i oleloia, " e kau ana ka la, a i ka hana o ka uhane oi kau ke ea." Kahaha loa ko'u manao ma keia mau wehewehe nna au. Jna lilo ke Kahunapule i ka mahiaia me kh lawaia i ka wa e kau ana ka 1», a i ka inanawa hea aku la e īmi ai i poolelo e hai mai aiia oe, a e hele aku ai e Uuna me na hoa lehulehu o ke kihapai ? I ka po anei? O ka wa hea e kau ai ke ea ? Ua makemake au e kuhikuhi mai oe ia'u i ka mokuna a me ka pnuku o ka Saibala, kahi i kau ai keia pauku, "E hana i ka'hana o ke kino oi kau ka ia, a i ka <hana hoi'o ka uhane oi kau ke ea." Ke hai nei a<4 i ko'u manao maoli; aole au i manaQ e pane, ina i weheweheia no na Luna wale no. Aole io no i maa ka uku ia o keia poe me kakou i keia wa, aka, i ko'u manao nne a me kn'u olelo hooholo, he pono no « uku īa. Aole nae au e wehewehe ana nona, no ke Kahu Ekalesia ka'u e hoakaka nei, mg ke kue i na wehewehe ana a kuu hoa, "Oiaio." Ke inanao nei au, ua oi paha oe mamua o ke Kuinu a me ka Luna ; nau e ao ako nei laua ma ka pauku' hope o kou kukulu manao ana. Mai lawe wale oe ika laua hana, eia no ka kaua, e hoolohe, a e malama i na olelo ao a ke e haawi aku i kau hanai kumu ma ka lima Q.kou luna apana. a e hanai hoi a hookipa, no ka mea, ma kahi a lakou e hele ai, aole lawe ka aa, aole elua aahu, aole kamaa, aole e hahao i dala ma ka pakeke. Ina ho hana pono oe, ma kou hale lakou e noho ai, ia oe ka ai a nie ka i-a, ka wai, kahi e moe ai, ke kapa a me ka uluna. Ooe ke haawilaku ike aioha a nui loa, a na ia la ia e puunaue pono mai i ua uku la ma ka lani no kou uhane, aole no ko kipo. Ooe ke mahjai a nui, ke lawaia, banai holoholona a imi i hana e ae, i loaa ona dala na ke Kahunapule. Mat noho wale oe me ko kino ikaika a puipoi, a mai lilo hoi ina ka hana kamalii e noho wale ai ma ka hale me ko wahine a me ka hai hoi, oka pepa iho la ka hana. Mai uhauha oe ike dala i h>aa no ka hana lapuwale. A pilikia oe ea, e hele ae i ke Kahunapule a me Luna, e hai aku, e hana ia imua o ka Aha hoahanau, mai wikiwiki oe e lawe imuaoka Lunnkanawai. Ina ola pono ke Kahu ea, alaila, e noho paa oia ma kona rumi hana, e ik« aku auanei oe, e puka mai ana ka momona o ka oleio a ke Akua mailoko mai ona, a e maona r

pono auanei na uhane o na lehulahu a pau e hoolohe »ku ana. Mai kuhihewa oe, ua like oia roe lesu. Aoie ! He pololi wale ke Kahunapule, he ono oia i ka i-a hou, he īnu ti oia, he ono i ke ko, maia, ipuhaole, poi a pela aku. E huhu loa aku nae oe iaia i ka; makemake nui loa ana 1 ka mahiai, mai kena e heie e lawai-a, o hemahema auanei oia ke hanai mai ina uhane o kaua. Ina i nui kona makemake, e ae iki aku no e naue kela i ka olu o ke kai a me ka lealea o na limn i ke kikiwi a ka i-a, hoomau loa kela. Ua ane pau ko'u inanao hoakaka a me ko'u ao ana ia kaua iho; mai kuhihewa aku kaua i ka ai o ka iani, no ka honua nei ia, e like me kau olelo hooholo; no kakou like a pau ia-uku, ke piha like ka honua i ka hau* oli a me ka olioli nui a me ka huli io ana i na oleio ao a na Kahunapule, a e hilinai nui mau loa malaila a pau keia ao. Aloha no. i v J. W. Kalawampoaimoku. I :