Ka Nupepa Kuokoa, Volume X, Number 37, 16 September 1871 — Page 3
| This text was transcribed by: | Kalani L. H. Ka?ana?ana |
| This work is dedicated to: | NO KUU LAHUI HAWAII A ME NA HANAUNA HOU |
Ka Nupepa Kuokoa
KE KILOHANA POOKELA NO KA LAHUI HAWAII.
aole e o ka loaa koke mai o kekahi oihana o ke aupuni, alaila, waiwai iho la ka hoouna ana aku nei i kau keiki i ka naauao. O ka ike no hoi i ka houluulu, hoolawe, hoonui, puunaue, he waiwai nui no ia i loaa i kau keiki. Ina aole e ike i keia mau mea i hai ia ae la, heaha ka waiwai, ina e manao ana ua keiki nei au e kalepa a me na mea like? Eia ka mea akaka, aohe e hiki iaia ke noonoo pono, a ke kakau i ka lilo a me ka loaa mai ; a pela wale aku. Nolaila, e na makua, mai a@a i na keiki a oukou e noho e mahiahi, e hookuu aku ia lakou e hele i na kula. "He mea nui ka naauao, i oi ae mamua o ke dala a me ke gula," wahi a Solomona.
Lipoikawao.
Hawaii, Sept 6, 1871.
Ko Lanai mau mea hou.
E ka nupepa kuokoa e; Aloha oe:
Eia malalo iho nei na mea hou o ka mokupuni o Kaululaau:
HE HOLOHOLONA ANO E. Ina la o na hebedoma i hala aku nei mamua, ua ikeia kekahi holoholona ano e; penei kona ano: He loloa kona hulu, e like me ka hulu o ka be@, he puipui kona kino a kiekie no hoi, he loihi kona huelo, a he maikai kona hulu ke nana'ku, o kona mau helehelena. he ku i ka hoomaka'uka'u. Elua mau kanaka nana i ike i keia holoholona ano e, o Analu a me Hol@ (pake), na laua i hai i ka lehulehu, a lohe ai ka mea e kakau nei. O kahi i loaa'i o keia holoholona ia laua, i Kahemano o uka ae olaila, e alualu ana ua holoholona ano e nei i ke kao, e puehu liilii ana ke kao i o ianei, a ua maka'u laua i ko laua ike ana.
LULU DALA. Ke hoomaka nei kela keia apana o ka ekalesia o Lanai nei e lulu i dla no ka luakini o Kihamaniania, i dala e hana hou ia ai a paa ia Betera o ke Akua. O ka haawina maluna o kela keia hoahanau kane, elua dala me ka hapalua ($2.50), a pela no hoi i kela a me keia hoahanau wahine, a pela no hoi me ka poe hoahanau ole, ua like ka auhau no lakou a pau. Ua lulu iho nei kekahi mau apana i ka lakou mau dala, aole nae i lawa ka makemake e paa'i k@ ke Akua Hale. Ke hapai malie nei no ke kahu a me na luna ekalasia. He manaolana ko'u, e kokua mai ana no ka Haku nona ke kihapai i keia hana nui, a Kona poe kanaka e hapai nei.
HE ONA I KA PANINI. Kehoomahui hou mai nei lakou nei i keia mea kupuino, o ka inu panini. I ka wa i pala ole ai o ka panini, aole i ikeia e ona ana na kanaka, hookahi a lakou hana o ka mahiai uala, aka, i ka wa i pala iho nei o ka panini, o ko lakou nei okalakala heu panini mai nei no ka keia, moe ole ia iho ka po i ka ua mea o ka lealea. Ua loha mai no hoi makou, he inu panini no i ka la 27 aku nei, ina pela, alaila, he Sabati ua la la.
E inu panini anei oukou i ka la Sabati? E ona anei oukou iloko o ia la me ka lealea? Kupanaha ko ke kanaka hoolilo ana i ko ke Akua la, i la e lealea ai nona; a he mea ino keia.
Ma keia mea, ke haohao nei au i ko na makai kiai ole ana ma ka lakou hana, e pono ia lakou i ka poe i kohoia e ke aupuni i poe nana e malama a kiai i ka maluhia o ka lehulehu, e kinai a hoopio i keai hana a ke Diabolo, aole make waiho a nui alaila kinai aku. Eia ka wa pono, o ka wa uuku o ke ahi, i hikiwawe ke pio ana.
D.A. KALEOALII.
Palawai, Lanai,
Ko Waialua mau Mea Hou.
Nani no ka oluolu a me ka maikai, o ko Waialua nei kulana i keia mau la. O na makani aheahe malie elua, mai ka welau akau mai, a mai ke komohana mai na mea e lai ai ka noho ana o keia aina malie o ka Ehukai. Nona keia puana leo nani:
"Aloha no oe e Waialua,
Aina kupolua i ka lai."
He aina a momona a kelekele o Waialua nei i keia mau la, ke huai mau mai nei ka honua i kona nani, piha pu no hoi na kula i ka momona o na holoholona.
KE KULANA O KA EKALESIA O KA EHUKAI.
Aole no ia e like me na ouli o na makahiki i hala ae, ka ulu hikiwawe me he kumulaau la i kanuia ma kahi koke i ke kiowai; a hiki mai na la kikiki o ka Makalii, paka-o a e la ka wai, na-ea-ka ka lepo, emoole a hikiwawe iho la ka emi ana o kona ulu nupanupa ana. Pela no; ma ka nana ana, a ma ka leha ana aku-i ka ekalesia o ke Ehukai i keia mau la, ke emi nei, a ke ano popopo nei na kaola. Heaha ka pono? E ala! e ala!! a e noi haahaa aku i ka mea nona ke kihapai, e ninini mai i kona Uhane Hemolele, i ulu a kupu ohaha na hua o kona kihapai.
NA OULI O KE KULA SABATI. - Nani no ke kiekie a me ke kaulana i ke Kula Sabati o Waialua nei ia mau la, oiai o Rev. O. H. Kulik@, e noho ana i Kahu Kula Sabati no ke Ehukai nei. Holo no ke kaulana aupuni @a aekai o keia pae aina, aku, i keia wa, pehea hoi? Eia no ke okuu aenei kahi panoo, ua kaalo aku la nae na la paapaana ma o, o na la pupu nei e luli malie nei. I ka wa o Rev. O. H. Kulika e noho ana ia nei, ua holo na hana pono a pau o ka Ehukai nei, holo mama na hana ekalesia, ulu no hoi ke Kula Sabati, pii ka mahina hou, luplupa no hoi ka ulu ana o ke Kula Kaikamahine ia mau la, aole he hana ulu ole. Pehea hoi a @o? Mimia@ a @mimi ka ulu ana, ke kali nei o ka haule mai o ke kuaua mua o ka Hooilo aenei, malia o pohala ae keia maloo la nui.
NA HIOHIONA O KE KULA KAIKAMAHINE.
O ka helu elua o k@ Kula Kaikamahine i kukuluia ma ka Ehukai nei, ma kapa wai lana malie o Anahulu, ma ka malu hale o Iwa. Aia no ia malalo o ke alakai maiau ana a Miss Mary E. Kilina, kumukula kaikamahine o ka ua Ukiukiu o Makawao, ma ka hale kiekie o Maunaolu, i na kau i kunewa aku la. O ka nui o na haumana i keia wa, ke nee aku nei i ke kanakolu a puehu Elua olelo e ao ia nei ma keia kula, he naauao Hawaii, a he naauao haole. Aole hoi pela i ka wa ia Rev. O. H. Kulika@ he waihi wale no na hana a pau. O maimai no hoi a mohala no hoi ke olu o na haumana i keia wa, aka, ke holo nei i ka ike, ke namu mai nei na haumana, ua kani na leo@i ka himeni. Ke holo nei na hana a pau ma ia kula. O Miss. Loisa Kaiaieawa ka haumana i ke au ia Kulika, i noho haumana hou i keia wa, malalo o ka Mary E. Creen alakai ana.
C. N. Kalama.
Puaena, Sepatemaba 12, 1871.
Owai ka haku o ka Palaualelo?
I ka poe noonoo a naauao e noho ana maluna o ka ili honua a puni mai Hawaii a Kauai, e huli kakou a noonoo i ke kahua o ka olelo, a malaila kakou e kamailio ai a ninau i ka haku o ka Palaualelo, i ke kumu a me ka welau o kahi i loaa mai ai.
Akahi. O ke kahua kahi i waiho ai, aia no ia loko o ka naau o ka mea hilahila ole; ua noho alii ka molowa maluna o kona mau lima a nana i alakai i kona kino holooka, e kaikai hele ai@ma ia wahi aku ia wahi aku, e kipa hewa ai i kauhale e kokoke mai ana, a pela no hoi e hele aku ai ia aina aku a ia aina aku, me na maka hilahila ole a me na olelo pahee ma kona waha, e hoopunipuni ai me ka pee malalo ae o kona akamai lua ole. A ma ka ninau ana i ka "haku o ka Palaualelo."
E pono no ia'u e kamailio i kekahi hunahuna i loaa mai ia'i, a o ka nui aku, ia oukou mai no ia: E huli kakou a nana aku i na aupuni maauao o ka honua a kakou e lohe nei ma na moolelo, aia malaila na hailoaa o ko kakou noho ana iloko o keia kau e naue nei, a pela no hoi i ko kakou wahi pukoa. Aka nae, aole i pili keia kamailio a'u i ka poe i hanau i ka wa o ko kakou mau kukupa; oiai lakou i ko lakou kau e hooikaika ana e imi i lanakila no ka lakou mau hana, pela no ko kakou mau moolelo kaulana e waiho nei. A no ka hiki ana mai nei o keia kau me kona nani nui a hanohano, i lawe ia mai e kona poe kanaka; a he mea makehewa wale no nae ia'u ke kamailio ma ia mea, oiai kakoua ua ike a kamaaina ma ia mau mea, a maloko hoi o ka Buke nui weliweli a ko kakou Hoola.
Alua. O kona huele, he lima holoi ole ia. E nana kakou, ina e moe wale ana ka palaualelo maloko o ka hale o kekahi mea, a makaukau ko lakou la wa e paina ai, o ko ia la ala mai la no ia me na lima i holoi ole ia a komo ana iloko o ka umeke a ka mea hana i ka pololei, poheoheo ana ka miki o ka poi a pela no hoi i ka ipukai, hoonuu ae kela ma ka io, a koe iho la ke kai a me ka iwi na ka mea hana pololei; maona ae la kela, hoi aku la no moe a i ole ia, kaikai hele aku la i kona kino i kekahi hale aku, a pela wale no a po ae ana keia la. o ka okuu no ka wahine a me na keiki i ka hale@ a hoi aku la ua kane nei, a ninau mai la ka wahine, "I hea aku nei oe?" "I kahi aku nei au o mea ma." "Ua ai nae paha oe?" "Ae, ua paina mai nei hoi au i kahi o mea ma." "Kupanaha no oe, aole ka hoi ou manao mai i wahi ai na'u." "Ka-ho-ho, kuhi oe-e he ai kekahi a kaua, he pono hele wale aku nei no i kauhale, kahea ia mai nei, he ai no paha ka'u; a pela aku a nui.
I ko'u haalele ana i na kapakai o ko'u aina, kau mai la au maluna o ka moku Kilauea, hui mai la me na makamaka o Hilo, hiki ma Kawaihae, loaa na lio, pii i Waimea, kipa ma kauhale kamaaina no ka maloeloe, a moe makou ma ia po a ao ae, haalelle maila ko'u mau hoa, hoi aku lakou i ka ua Kanilehua o Hilo. Hele aku la au i Kohala, i ko'u wahi makamaka hanau muli, hiki au malaila, i ka hora 2 o ke ahiahi. I kekahi la mai, lohe iho la au, he hookolokolo ka ka Lukakanawai Kaapuni, ma ka hale kula ma Halaula. Hiki au malaila, loaa ia'u ko'u hoa'loha, J. D. Halai, he kokoua oa no kekahi mau hihia olaila. A pau ka hana, iho aku la maua a ka hale kuai o ka Hui olaila. Ia manawa, ike aku la au i kekahi kanaka ano hanohano, e noho ana iloko o ka hale kuai, iwaena o na kanaka hana kumakahiki olaila, me ke kino ikaika, me na maka opiopio, me na manamana opikapika, i kahikoia me na komo@lima e alohilohi ana; a ninau aku la au, "owai kela kanaka?" Hai mai la kela, o "Naihe." Nohea ia? "Ka! lohe au, no Kohala nei no." E kamailio ana no maua, lohe mai la kekahi i ka maua olelo. I hou aku au iaia, Heaha ka ia la hana? Pane mai kela, "Aohe hana, he noho a palaualelo wale iho no; o ke kanaka hookahi kela e noho nei ma ka hui, he maka'u i ka hana, i ka eha o ka lima, a he ole loa no hoi ma kona wahi ponoi, aohe mahini, aole kela keia e pono ai ka noho ana. Oi noho iho nei a nonoi i ka L@na nui o makou nei, i wahi hana nana, a ke ao nei he kumu Himeni." He ano kanaka haaheo no. "Ae, o kana hana ia i makaukau, hele ma Waipio, i Hamakua, i Kohala nei no hoi-noho kumu-kula iho nei, a hoopauia e Kauka-Keokeo, kiola loa ia ae nei mai ka hoahanau ae e ka Makua Haiola o Kohala nei, a ke noho huikau nei maanei."
Hoi aku la au a ko'u wahi i noho mua ai, kamailo aku la au i ko'u mau kamaaina no keia kanaka, o Naihe ka inoa, a olelo mai la lakou, "Oka oi hookahi kela ma Kohala nei; o kona moolelo @a, he maka'u i ke koe, a ma ke olioli, malaila kela e hookauaheahe ai." A no ko'u ike pono ana i kona mau helehelena, noonoo nui au a hiki i ko'u hoi ana mai i ko'u aina nei. A no ka nui ana hoi o ka'u mea e kamailio ai, ke hooili aku nei au malalo o ka Nupepa Kuokoa, me lakou ko'u aloha. H.W. Kuwalau.
O ua moku kila ole, ke holopahua nei.
I KA LUNA HOOPONOPONO; Aloha oe:
Aia ma ke anuenue pipio o ka la 9 o Sepatemaba. Helu 36 o ke "Kuokoa," ka mea nona na wai hooluu ehiku i ike ia mamuli o na hokae hapala ana a kamalii uwe wale o Haleakala, oia poe kuu hoa kalai olelo o ke kahua kaua a ka makapeni, J. Kawelau. Ua ilihune i ka noonoo maikai, a hopu hewa i ka mea ku ole i ka oiaio, a hapala wale mai maluna o kona hoa kanaka J. Nakokoo. E akahele kaua e ke hoa, aole au i manao, ua ao ia oe ma halekala e hoike aku i mua o ka lehulehu i ka mea ku ole i ka oiaio, aka, ua ao ia no oe ie ka mea ku i ka oiaio, a ma kau kamailio hoi e pili ana ia'u, ua ku ole ia i ko'u noho ana naauao. -Ua halahu loa oe mawaho o ke kahua a kaua i hana ai, oiai, ua ike no oe, aole ou mea e pono ai ilaila.- Ke olelo mai nei oe ua puoho au. -Aole ia he puoho, aka, ua makaukau ka hamare e wehe ae i ke kui komohewa iloko o kau mau kakia ana, oiai, no ka lehulehu ka nupepa, aole hoi i manao ka lehulehu, he mea pono ia oe ka mea kakau, ke ike ole i ka hiki mua a me ka ukali o kau kamailio ana i pomaikai no lakou (poe heluhelu nupepa) oiai, he alakai hewa ana ia i ka lehulehu. - No laila, na wai ka hala? pane mai oe. Ma'u ka hala, i ka pa-o ana i ka huawai a ke kanaka. -Nolaila, haalele koa wass i koa kanaka.
A mai manao hoi oe nau wale no e hoopiha i ka nupepa, a e alakai hewa ia makou, me ka manao ana, ua pono wale no oe ma kau kamailio ana, a e nana maka wale aku no makou i kamalii uwe wale.
Ke olelo mai nei oe, ua halele ino au i ka hana a ke Aupuni.-Nani kou hapala ana i ka mea ku ole i ka oiaio, me kou manao ana o kou mea ia e pono ai o ka wahaee aku i mua o ka lehulehu i ka mea au i ike maka ole ai, mamuli o kuu hopu ana i ka hamare i mea wahe i ke kui komo hewa au i kakia ai ma ka Helu 29 o ke Kuokoa aka, ua ilihune ke hoa, hopu hewa i ka laau a ke Kuokalani, a hapala wale mai, ua haalele ino i ka hana a ke Aupuni. -E ke hoa e- aole au i haalele i ka hana a ke Aupuni, oiai, aole ia o ka pono o kou noonoo, e hoowahawaha wale i ka hana a ke Aupuni, oiai, he kanaka au malalo o kona maluhia, a e hookauwa no ia'u iho malalo o kana mau kauoha ana e pili ana ua hana 'la, aka, aia ma ka la 17 o Mei, A.D., 1871, ua hoopau ia mai au e ka mana elua hapakolu o ka Papa Kula (L. Kula a L. Kanawai A) ma ka hale hookolokolo i ka Waapae. - Ua lohe pu no o J.D. Havecost a me J.W. Uk@mea i keia olelo hoopau a ua mapa elua hapakolu 'la o ka Papa Kula, he mau loio laua i mau i ka apana o Makawao. -Mahope iho ua noi aku au e noho hou aku au pela, a hiki i ka la 2 o Iune, ua holo au i Honolulu no ka manao e hoihoi aku i ka Palapala Kumu i ke Kahukula nui.- Nolaila, e akahele loa oe e ka makamaka, maka'u ole i ka wahahee i mua o ka lehulehu. - Haalele hoi oe i ke kahua, a pii wale i ka pali e lalama ai e imi i pono nou iho ma kau kamailio ana. "Ke uwe ae la ke hoa i ka mea a ka puuwai i anoi ai, aole e loaa, no ka mea, aia ka pono i ka makuahonawai," J. Kawelau.
E ole io no oe e, J. Kawelau loaa ai na anoi a ka puuwai, a ka poe mea hou e noho mai nei, loaa no na lipine hoohiehie au, iloko o ko mau hale kuai e ku 'la i ka Makawao.
"Ulakalae loa i ka lepo a ka makani." Pau ole ko'u hoohihi ana iluna o ka puuwai nui i loaa ai ona mau lipine no kou wahi hoa. -Me he la ua manao nui loa aku la oe i ka ilipuakea o Amerika, ka mea i olelo ia, aia a ekeeke, alaila, malaila ka hilinai ena o na wahine o Amerika. E haalele oe i kou mau manao kuhihewa, na ke au o ka manawa e hoike mai. Ke kamailio nei oe me he lau ua noho pu kaua. Eha o'u makahiki i noho ai i ka ai@a makamaka ole, aole na ka makuahoowai i malama ia'u, aka, he mea mau no i keia lahui he noho aloha no ka hunona, a o oe no ke manao ana e hoowahawaha i ka makuahonowai, a e hilinai no oe i ko mau hale kuai. A i ole e hookauwa no oe na kou makuahonowai, o mai-maiau anei oe, nele kaua i ka ilipuakea. O na hokae ana au i hapala mai ai, aole au e lawe ana i mea oiaio, oiai, he puaa lee pa oe, a pela iho la no kau hana mau.-Aole au e kamailio hou aku ia oe no keai mea, e pono oe ke ike i ka pono a me ka hewa. Me ke Aloha.
J. Nakokoo.
Moolelo o ka Ahahui Euanelio Kui-
KAWA O HAWAII KOMOHANA.
Halawai ka Ahahui Euanelio Kuikawa ma ka luakini Hoolepope o Nawawa, Kona Hema, Hawaii, Poakahi, la 4 o Sepatemaba, hora 10 o ke kakahiaka A. D. 1871, me ka like o na manao o na lala. Ua kohoia o D. S. Kupahu i Luna Hoomalu, pela no hoi o J. W. Kaapu, i Kakauolelo. Pule iho la ka Luna Hoomalu.
Elele. Na Kahu. Lala.
Kekaha
Kailua
Helani, D. S. Kupahu, hia kuka Kaili,
Kona waena J. D. Paris Kahoomainoino,
Kealakekua, J. A. Kahookaumaha, Kaapu,
Pukaana, H. Maua@e, Waiau,
Kpaliena,
Waiohinu, Kau,
Ma ke noi a J.D. Paris, e hapaiia ka noonoo ana ma keia Aha ma ka hoike a ke Komite i kohoia ma ka hui ana o ka Ahahui ma Helani, no ka palapala hoopii a D.H. Kahinu, no ke Kahu o ka Ekalesia o Pukaana, oia o Rev. H. Manase, a ua kukakuaka me ka noonoonui me ka manao maopapa loa. A hooholoia ka olelo penei:
Hooholoia.- Ma ka noonoo like o keia Aha. Ke ao ikaika nei keia Ahahui ia Rev. H Manase me kana wahine, e like me ko laua aloha ia laua iho a me ko laua aloha ia Karisto ka mea i make ma ke Kea no laua a me ko laua aloha i na uhane o kanaka, e haalele i keia hana; ua oki loa ka hakaka ana, a e hooko ke Kanawai o Iesu Karisto ma 1 Petero 3: 1-7, a pela no hoi ma Ioane 13: 34, 35.
Hookuuia ka Aha me ka pule a J.D. Paris. D.S. Kupahu, L.H.,
J.W. Kaapu, kaKAUOLELO.
Napoopoo, S. Kona, Sept. 5, 1871
KA HAAWINA O NA KAHU.
1. Mahea la ka noho ana o ka uhane o ke kanaka, mai ka make ana o ke kino, a hiki i ka hoala hou ia ana mai ka make mai?
Na G.W. Pilipo.
2. Ka hoike ana ia Iesu Karisto wale no, a me kona make ana ma ke Kea, heahaia?
Na J.A. Kahookaumaha.
3. Ka pule mehameha, heaha ia?
Na G.P. Kaonohimaka.
4. Ka mihi oiaio e ola'i, heaha ia?
Na H. Manase
5. E wehewehe i keia, Ua huipu anei na Kanawai o ke Akua me ke Kauoha, a pehea la i hui ai? Ia J. Kahuila.
6. Owai la ka inoa o ke aloo oi loa, a no ka ohana hea ia a Noa?
Na S.W. Papaula.
7. He pono anei i kekahi Kahu ekalesia e hoole i ka ana a kona poe hoahanau i kona wa e hele ai e malama i kekahi ekalesia Kahu ole malalo o ke kauoha a ka Ahahui?
Na D.S. Kupahu.
Hoopaheehee Kamaa Huila!
MA KEIA PO POAONO,
SEPATEMABA 16.
Mai ka hora 7 a hiki i ka hora 10 P.M.
610 @@@
HALE KUAI LOLE HOU!
E WEHEIA ANA I KEIA POAONO,
SEPATEMABA 16.
NO
KAMAKI A ME PEREDA,
HAYSELDEN BROTHERS.
Na Keiki ma ka Hale Kuai o Ake mamua.
Ke kono aku nei laua i na kanaka o
Honolulu,
A me ka Lehulehu a pau, me ke kukala
aku, ua lilo aenei ia laua kela wahi
maikai ma ke
Kihi akau o na huina o na Alanui
Papu a me Alii!
ME KA MANAO E HOOLILO I
Hale Hoahu a Kuai Lole
MALOKO.
Ke oleloia mai nei, ua piha pu ke Kaona i
na Hale Kuai, aka, ke hilinai nei laua, mamuli o ka hoo-
manawanui loihi ana i awili pu ia mai me ka oluolu a me ka hoolohe a me
KA MAIKAI O KA LOLE
E Kuai ia aku ana!
Ka mea e loaa mai ai ke kokua, a hoohuliia mai ka lehulehu, i ka wa a lakou e ike ai.
IA OUKOU
E NA WAHINE!
KA MAUA E KAU NUI AKU
NEI, E KOMO MAI
510 @@@
"KILAUEA" NO KAUAI!
E HAALELE ana ka mokuahi "KILAUEA" ia Honolulu nei, ma ka Poaha, Okatoba 12, ma ka hora 3 auina la , no Kauai. E ku ana ma Hanalei, Waimea, Koloa a me Nawiliwili.
SAMUEL G WAILA,
Honolulu, Sept 14, 1871. (519 3ts) Agena.
KUAI HOEMI LOA!
Ke Kuai nei ma ka Hale Kamana o
Mr. WILLIAMS,
NA MOE,
PAPAKAUKAU,
OLEPELEPE,
PUKA ANIANI,
a me na mea o ia ano, ma na kumukuai EMI LOA. E naue mai
C.E. WILLIAMS.
Honolulu, Sept 12, 1871 510 3@@
$5.00 MAKANA!
Ua nalowale he lio kane ulaula, hao kuni ma ka uha hema o hope, N O O Manoa kahi holo mau o keia lio. E ukuia keia uku makana, ke loaa a hoihoi mai i ka lio ia. KEOKI Kuai Bipi.
Alanui Nuuanu, Honolulu, Sept. 7, 1871 510-2t@
OLELO HOOLAHA.
E ike auanei na kanaka a pau owau o ka mea nona ka inoa malalo iho, ke papa aku nei au i ka poe waiwai, na haole, na pake a me na kanaka a pau o kela ano keia ano, mai hoaie mai oukou i kuu wahine mare ia Mrs, MAULILI,
no ka mea, ua haalele kumu ole mai kela ia'u, a ina e hoaie mai oukou iaia, maluna no ona ko oukou poho, aole au e hookaa i kana aie. JOHN KAEO.
Kahanui, Wailuku, Sept. 1, 1871 510 2t@
OLELO HOOLAHA PAPA!
MAI keia la aku, ke papa aku nei au i na kanaka a pau, aole e hopuhopu a hooholo wale i ko'u mau lio a me na lio e ae malalo o ka'u malama ana, me ko'u ae ole aku, no ka mea, aia ka malama o na lio malalo o MAHALO ko'u kanaka, mai keia la aku.
SAMUEL ANA@U
Kailua, Oahu, Sept 6, 1871 510 6m
HONOLULU DISPENSARY
LAAU LAPAAU HAAWI WALE, no na mai a pau o kela ano keia ano, ma ka Hale Kauka o
G.P. JUDD.
elu 31, Alanui Papu, Honolulu. 509 2ms
OLELO HOOLAHA.
E IKE auanei na kanaka a pau ke nana mai i keia, ke papa ia aku nei na mea holohona, Lio, Bipi. Hoki, kekake, a pela aku, aole e hookuu wale a nakii maluna o kuu aina hoolimalima, e waiho ia ma Waikiki waena, i kapaia KAMOKU 2, KAPUNA a me kuu aina kuai e pili ana me ko Kawainui. Aole hoi e lawaia na kane, wahine a kamalii ma na loi o na mauaina la. O ka mea kue i keia mau olelo, e hopu ae au a hoouk@ iaia i Elima Dala, ($5.00). HAE (Pake).
Sepatemaba, 1, 1871. 5094t@
OLELO HOOLAHA.
UA NALOWALE HE KI HALE NUI. Ua manaoia ua haule mawaena o ke Alanui Papu a Beritania paha. Ina ua loaa ae i kekahi poe a hoihoi mai i ka mea nona ka inoa malalo iho, e loaa no ka uku.
W. HUMPHREYS.
Alanui Papu, Honolulu, Aug 23, 1871. 508 .f
OLELO HOOLAHA
E IKE auaneu na kanaka a pau, o keia kanaka i Kekumu ka inoa, he makuakane no Mrs. KAHALEHILI, ka'u wahine mare, ua kii pinepine mai e hoowalewale i ka'u wahine, e hoi ma ka hale o ka makua ma Pauea e imi waiwai ai. Ua haalele mai i ko maua wahi moe, nolaila ke papaia aku nei na haole, pake, pukiki, kanaka, laka, aole loa e hoaie iaia, mamuli poho oukou, no ka mea, aole au e hookaa i kona mau aie. AHIONA (Pake)
Honolulu, Aug 24, 1871. 508 4t@
HE HOOLAHA HOU!
E WEHEIA ANA KA
HOOPAHEEHEE HUILA O HONOLULU,
NO KA LEHULEHU, I NA PO A PAU,
Koe na o Sabati a me ka Poalua, e hoomaka ana mai ka hora 7 a hiki i ka hora 10 P.M.
Palapala Komo 25 keneta
Palapala Hoopaheehee 25 keneta 1 hora.
24 Palapala Hopaheehee $4.50
12 Palapala Hoopaheehee 2@50
NO KA POE UI
He uku haahaa ke kau ia maluna o ka poe Hui o na Lede a me na Keonimana, ma ka la, ka hehedoma a me ka malama, me ka haawi pu ia aku ia lakou o na pono o ka Hale, kukui a me ka hoopaheehee ana a me ke kono ana aku I ko lakou mau hoaloha.
NA MANAWA HOOPAHEEHEE.
No na Lede a me na Kaikamahine, I na la a pau, mai ka hora 4 a hiki i ka horra 6 o ke ahiahi. Aohe makaikai e ae ia e komo. O ke komo ana, aohe uku, a o ka hoopaheehee ana, he 25 keneta.
E malama pono loa ia ka maluhia, aole hoi he mea e hopohopo ai ko makou poe hoopaheehee.
WILLIAMS & WALLACE
Aug. 19 1871. 508tf
JUDD A ME LAYTON
@ ALANI KAUKA A ME LEITONA.@
NA MEA KUAI MEA AI O NA LAKO AI A
a pau, na mea ulu a me na mea hoomomona lio.
Halekuai malalo o ka Hale mU, Alanui Papu, Honolulu.
475 @y
E. O. HALL & SON
[E. O. HALL A ME KE KEIKI].
NA MEA KUAI LAKO HAO, LOLE, NA PENA, AILA & NA LAKO KALEPA.
Halekuai ma na huina o Alanui Moi a me Papu. 475 @@
HALE KUAI NU HOU!
HALE KUAI O UILAMA MAUKA O MAEMAE, MA Laila na mea a pau e kuaiia'i.
501-6m
OLELO HOOLAHA.
KE kahea aku nei au ia oukou, e hele mai ma ko'u hale hana. Kula Pepeiao, Komo Lima, Pine, Komo Lima Gula. Komo Dala o na ano a pau- Eia hoi, ina paha he mau dala keokeo a ulaula ka kekahi, e makemake ana e hana i komo, e lawe mai a na'u e hana aku, me ka noho pu mai no hoi o ka mea nona ia komo, e nana i ka'u hana, aia a pau ka'u hana ana, alaila, hoi ka mea komo. ina he mau komo kahiko ko oukou, e lawe mai no, a na'u e hana aku. Ina e apiki ka mea komo ma ka lawe ana aku i kekahi mea ike, e hoihoi mai i ke komo no'u, a e lawe aku i ka'u dala ulaula a keokeo paha. Ina hoi he mau komo dala ko oukou e makemake ana nae e hana i ka wai gula, e lawe mai na'u e hana, a ina e hemo ka wai gula a'u i hana ai iloko o na mahina he 11, e lawe mai no a na'u e hanahou aku me ka uku ole, a ina e pau na mahina he 12, aole @@ e hana ia komo. Aia ko'u hale hana ma Alanui Nuuanu.
Honolulu, Mei 12, 1871. (493 6m*) AKI (Pake)
OLELO HOOLAHA
KE papa aku nei ai i na mea Lio, Bipi, @@@@, Miula a holoholona e ae paha, mai hookuu i ka lakou mau holoholona e hele e ai i na mea ulu maluna o na apana aina o Maalani ma, i haawiia mai ai ia'u ka malama, e waiho ia ma ka Apana o Hamakua, mokupuni o Hawii, no lakou na inoa, KUILEI, na A'U elua, na PAPAKE elua. O keia mau aina elima, ke waiho akunei au ia mau aina ia KALILI ko'u Hope, a'u i hookohu ai i ka 1870, iaia ka malama a me ke kiai no na mea komohewa a pau, a oia hoi ko'u Hope ma ke Kanawai. He mana kona e hopu aku i na komohewa a pau maluma o ua mau aina la, a e koi aku i ka uku no ke poo hookahi o na holoholona i haiia maluna. Pakahi Hapalua ke uku koke mai ka mea holoholona, a i ole e uku mai, e lawe koke ia i ka Pa Aupuni, i Hookahi Dala no ke poo hookahi. Oia ka uku no ke poho o ka aina, a o na holoholona e ae, he hapawalu no ke poo hookahi. E lilo @ei i Kanawai, mai kona la e puka ai ma ke KUOKOA. E.P. KAMAIPELEKANE
Honolulu, Iulai 22, 187@ 503 4t*
E NA KANAKA A PAU
E maliu mai, ke poloai aku nei au ia oukou a pau e na kanaka e lawe mai i ko oukou mau kamaa buti na'u e hana hou a aulii a oki paha i na he loihi, no ka hana hou ana i na kamaa i ano kahiko e hana no wau me na ili pipi Palani paa maikai, eia kekahi aole i maopopo ia'u ka manawa @ hemo hou ia mai aole wau e hana ana ia kamaa. Eia kekahi na'u e hana i puu aulii maikai i 75ct ka uku ina hala na malama elua a ekolu paha a ano kahuli iki e hoihoi hou aku i ka 75ct oia a me a'u hele pu maua ma ka hale Hotele aina na'u e uku 50ct. Eia kekahi e malama oukou ina pepa e haawiia aku ana ia oukou. Eia kekahi ine he mau noho paniolo kahiko ko oukou e lawe mai na'u e hana me ka uku oluolu. Eia kekahi he nui na lala noho lio maanei mau kaula keehi-a pela aku.
Eia kekahi ina wau e kali a hala na malama ekolu, alaila e lawe no wau i ke kamaa, o oukou i ka hale kudala no ke mea he haiki ko'u hale humu kamaa.
O wau no me ke aloha
AGIU (Pake).
July 1st A.D. 1871 50t-6r@
PAPA KUHIKUHI MANAWA HOLO O KA MOKUAHI HAWAII "KILAUEA"
HAALELE ia Honolulu i ua Poakahi a pau-Hora 5 P. M.
" Lahaina i na Poalua a pau - hora 7 kakahiaka
" Maalaea " " 10 "
" Makena " " 12 awakea.
KA HUAKAI HOLO I HILO.
HAALELE ia Honolulu i na Poakahi aha o ka malama.
" ia Kawaihae i ka Poalua ae hora 9 P. M., a me Mahukona i ka hora 11 o ia po.
HULI HOI ANA MAI HILO MAI.
HAALELE ia Hilo, Poakolu Hora 5 P.M.
" Mahukona, Poaha, " 4 A. M.
KA HUAKAI HOLO I KONA.
HAALELE ia Kealakekua i na Poakolu Hora 12 awakea
" Kailua i na Poakolu " 6 P. M.
HULI HOI LOA ANA I HONOLULU.
" Kawaihae i na Poaha a pau " 12 Awakea
" Makena i na Poalima a pau Hora 6 A .M.
" Maalaea " " " 9 "
" Lahaina i na Poalima a pau " 6 P. M.
SAMULE G WILDER (WAILA),
HALE KUAI WAIPUOLO!
NA MAKAMA O WAIALUA a me KOOlauloa, Aloha oukou- Ua ku kou mai ka Hale kuai e lako ai oukou i na MEA HAO, Na Laka Puka, Ami Puka o kela ano keia ano. Kui-wai, Helu 3, 4, 5, 6, 8, 10, 12, 20 Kui i kuiia, Helu 4, 6, 8, Kui-nao mai ka liilii a ke nui, Koi-lipi, Koi liilii, Koi kakia aho, Hamare maikai, Pahiolo, Makau lawaia.
NA LOLE, Ahina-nao, ekolu ano, Leponalo o kela ano keia ano, Keokeo eha ano, Lole Uwewahine, Lole Kaleko Nu Hou.
NA MEA AI, Palena pau, Mea Ono, Ko Helu 1 & 2, Ko keokeo, Kafe no Kona, Ti=lau, Paakai hoohu palaoa.
NA LAAU O KAUKA JAYNES.
Huale, Laau kunu, Laau hoomaemae koko, Laau hamo, Carminative Balsam (laau hooapaa hi) a me kekahi mau laau e ae he nui wale.
E hooikaika ana ko oukou makamaka, e lako kakou i na MEA HANA MAIKAI, ma ke kumukuai emi!
S. N. EMERSON.
Waialua, Iune 27, 1871. 500tf*
HALE KUAI BUKE HOU! MA KA HALE LETA MUA, A MA HONOLULU HALE, MEA HOU A HALE KUAI MANUAHI.
Ua lawe ae nei o H. M. Wini, i ke Keena Nui i haaleleia iho nei e ka OIHANA LETA, a ua hanaia iho nei a paa i HALE KUAI BUKE, e like me ka hana ana ma na aina e, kahi e loaa ai i ke kuai, na BUKE HAWAII ME KA NA HAOLE. NA BUKE KULA HAWAII A HAOLE, NA PAPAPOHAKU me na BUKE kakau, Na KII NUI a liilii, Na ano PEPA kakau a pau, Na PENI me na INIKA, Na POO LETA a me na mea heluhelu a kakau maikai. NO IA MEA, E HELE MAI A IKEMAKA I kuu Hale Kuai Buke Hou, a kuai iho i na Puke maloko olaila. E LOAA NO NA POO LETA HAWAII MALOKO i keia Hale Kuai. Me ke aloha. HENERE M. WINI.