Ka Nupepa Kuokoa, Volume X, Number 39, 30 September 1871 — Untitled [ARTICLE]

He Hawaii ma Kapalakiko.—Da waihoia mai imua o makou kekahi kope o ka nupepa haole puka malama, nona ka inoa " The Demosthenic Monthly," i paiiX ma ke kulanakauhale o Kapalakiko, ma ka la 1 o keia malama. īka nana ana iho ma kona aoao mua, e kau ana he wahi mele no Puuahi, he lua pele kahiko loa e kokoke mai ana i keia kuiaoakauhale. Ua hakuia a paiia ma ka olelo haole. Ma ka aoao elua ae, loaa iho la ia makou ka inoa o E. G. Makapolena (MacfarJane) kaikaina o Hanale a me Geoti Makapolena o keia kulanakauhale, be poo oia no ka puali Luna Hooponopono, He wnhi nupepa pananaiki keia, a o ka mua no hoi ia o kona puka ana ma ka papa pai. Ua kukuluia keia nupepa e kekahi Ahahui o na kanaka ui, a e hoomauia aku ana i ka hoopuka ana pela. Ua olioli makou i ko ka Hawtjii haule ole ma na mea a pau, ma na wahi a ko lakou mau kapuai e hebi aku ai. O ka makou e kalokalo aenei, imua nku e ka Hawaii ilikeokeo.