Ka Nupepa Kuokoa, Volume X, Number 39, 30 September 1871 — I ko Makou poe Heluhelu. [ARTICLE]

I ko Makou poe Heluhelu.

(Ja hoolaha aku makou momua iho nei, e .pai aku ana makou i kekahi kii ma ka pepa o ka pule mua o Okatoba, malalo o na hooiaio i loaa mai mamua iho nei. Ma ke ku ana mai oka mokuahi Mase Tda, ua loaa mai ia makou he pepa me na kii maloko, i hoouna loa ia mai ianei mai Nu loka mai. Oia pepa kii, oia na kii i laweia mai mailoko mai o na kii laau i kahakahnia a pai iho ka pepa. He mau hoikeike keia no makou.

Aia me keia mau kii he palapala e kauoha mai ana, eia mai na kii ke lawe ia aku la e ka mokuahi o ka la 13 o Sepatemaba mai Kaleponi aku. Oke kapena oke Kuokoa, aia no oia ma Nu loka i ka manawa i palapala mai ai. 1 ke ku ana mai nei ona mokuahi elua, aohe i hooiliia mni e ko Kaleponi poe, a nolaila, ua noho hope aku, aole i hiki mai.

Ma keia haule hope ana, ua kono ia mai kakou e kali hou i manawa. Ano ko makou manao e hoi mai ana ka Luna Hoopuka, ma ka mokuahi o ka la.ll o Okatoba, nolaila, aole paha kakou e hoohokaia ana. Aka, o ka mea nae i maopopo, ua hoouna e ia mai na kii iloko o ka pahu, a no na Agena ma Kapalakiko ka hemahema. E kala mai ana no paha ka poe heluhelu no keia.