Ka Nupepa Kuokoa, Volume X, Number 41, 14 October 1871 — Palapala Misionari. [ARTICLE]

Palapala Misionari.

Mile. iMorch 20, 1871. I KUU MAKUA OIAIO REV. J. F. PoGDE ; Aloha oe:— Me ka malu mai ko kakou Haku iesu Krifto, j ke hoouna nei au i keia leta ma ka moku no Sydney, Capt. Eury, ho ka men, ua I ike au, he lnina mokuahi inawaena o' Sydney a me Honolulu, a he pomaikai loa hoi i na e loaa aku ana keia leta ia oe. Ma -keia leta, ke hoike aku nei maua i ko maua aloha i na lala a pau o ka Papa Hawaii, a pela no i ko kakou Moi Kamehameha V., na pua Alii, a me na Ekalesia o Kristo ma ko Hawaii Pae Aina. I Mahope iho o ka hoi ana'ku o ke kuna Anne a hiki i keia wa, he oluoiu maikai ko maua mau ola kino, aole hoi he onawaliwali. Eia hoi, o ke alii nui o keia aina, ke mau nei no kona noho pegana ana, he alii oluolu ■ keia ma na kamaiiio ana, aka, ma ka huli mai a lilo i ano Keristiano, aoie ikē in, oiai, aia a ao ia'ku ; he ae mai no, aka, hana ino no nae. Mahope koke iho o ka hoi ana'ku 0 ke kuna Anne, nui maoli no kona huhu ia'u, aole launa oluolumai; nui kona hula ana, a me kona hehi Sabati ana ; a no kuu ao pinepine, i keia manowa, aole hoi hula iki i keia mau mahina. Aia hoi, a olelo aku e hele mai i ke ao kula, "juonran'' wahiana, oia keia ma ka olelo Hawaii, uhookahi la," a oia mau no a hiki i keia wa. 0 NA HANA A KA HAKU MA KEIA KIHAPAI. Aole no i holo pahee nui, aka, pupu no, nui no na trrea e keakea ai, e like no me kela leta mua, a he nui no hoi ke kaumaha o ka paau no ka nui o na uhane, aole nae i huli mai, paa mau no iloko o ka pouli. Pehea la ka pono o ko lakou mau uhane? Pono no ia kakou ke pule nui i ka Haku nona ke kihapai, e hoouna mai i ka ua o ka Uhane Hemolele ; a e hai leo nui aku oe i na Ekalesia o Kristo, mai Hawaii a Kauoi, e hui pu mai ma kein hana nui. Aka, e na hoa paaua o keia hana nui, aole no i poho loa ka manao o ua wah) paahana nei; he mau hua no. 1 kuu helu pono ana 1 na haumana, ua hiki i ka haneri, aole nae keia o ka huina pau o kuu iini' a e hooko pono la ai*o kuu manao, (a o oukou pu no hoi paha kekahi). āka, aia no ka iini o kuu naau, e pau keia lahui no Kristo. Aole no nae au e manaka, a paupauaho hoi, a hiki i ka wa e lanakila ai ko Kristo nupuni, oiai he ao hana nui keia. Aka, o ka Haku wale no ka i ike i na kau a me na wa. Ke hoomau ia nei no ke kula i na la a me na po a pau o ka hebedoma. A ke kukulu nei no hoi maua i na halawai iloko o na la noa, a me na po na ka poe imi j nui no ia | poe, ua oi aku mamua o ke kanalima. Ma ka malama o Feb. iho nei, hoomaka iho la maua e kukuiu i ka mahina hou, a ua haawi mai na haumana ma ia mahina, he 10 galani aila niu, a ina kēia mahina hoi, he 9 galani a me 1 kuat4 ; a ke hoomakaukau mai nei no hoi na haumana i aila no keia mahma ae. Mn kela leta mua, ua hoike aku au, ua 58 galani ailu no na Buke, a i keia manawa, ua piha hou he 62 na galani mahope iho o ka hoi ana'ku o ke kuna Anne. A i keia manawa, ua pau na buke, Mataio, Oihana, Himeni, Ninau Palapala Honua, na Helukamalii, Papa-pohaku, Penl-pohaku, Penikala, uuku loa na buke i koe. La palapala aku au i Hev. D. Kapali, e hoouna mai i mau buke, i pau ai keia hemahema, aole nae i hoouna ia mai, malia ua nele paha lakou i ka buke ole. A pehea la ka pono ? A peliea e pau ai keia hemahema ? Lohe mai ipaua no Ebon, oia mau no, aole hoi hope. 'Oluolu no hoi ko maua manao no ka S. P. Kaaia ma hoi ana i Namrik, e kokua i ka bana ma ia kihapai kahu ole, aole nae o maua lohe i ko laila mau hana. Elua mai nei a J. D. Ahin leta ia maua, oluolu pont> no ko laua ola kino; ua pau hoi ka haunaele nui. Elua mai nei no hoi ieta a J. W. Kanoa o Butaritari, wahi ana, ua holo ka hana, elua 0 lakou halepule, ua 40 a oi ae na hoahanau 1 ma ia Ekaleaia. j Hookahi hana ino e ike ia ae nei a na haole ino ; oia keia, ka aihue kanaka. I keIa mau mahina aku nei, hiki mai kekahi moku, hoowalewale ia 9 kaoe a 1 wahine e

na haole e moe ma ka moku; ia po no, moe iho la»ia poe ma ka moku; a pau lakou ika hiamoe, ia manawa, huki ka heleuma, a me nn pea, a o ka holo no fa ; kakphiaka ae ua hala ua moku nei. Ma ko Gilibati poe kn aihue nui ia. Ke ike nei au, ina pela ka Fapa Hoopae Lima Hana o Honoiulu e hana ai, aohe hana ino a koe aku, ua like me ka aihue a pepehi uhane, e akahele mai kakou ma la hana ino. Hui let* pinepine no maua me Rev. H Aea. Mai make iho nei oia ; nui na kanaka imi hala ia ia, nolaila, imi lakon i mau i-a make ai o Aea, a me kona ohana ; pau lakou i ka ona, a waiho a make oia no na hora 2, a ia pohala ana ne, inu paakai, a nolaila mai kona ola kino. Hai mai oia, aole lakou makau iki i ka manuwa, o na pu o ka manuwa, he hio ia wahi a lakou, Ma keia po au e kakau nei i keia lefa, lohe mai makou, mai make keia Capt. Eury i ka pepehiia e lakoa (ko Mejoro poe), a nolaila, i keia wa ; aole maua i ike i ko Mr. Aea ola i keia wa, ua make paha, aole paha. Ma keia po au e kakau nei i keia leta, ke kula nei no maua, a ua hoike aku au i keia leta no Hawaii, a ke olelo mai nei lakou, "e aloha aku ia lakou." A ke aloha pu aku nei maua ia oe a me kou ohana, na lala o ka Papa Hawaii, Aloha oukou a pau iloko o Kristo. Kau keiki iloko o Kristo, S. Kahelemaona. P. S. Ke kakau nei au i keia hapa leta maluna o ka moku o Capt. Eury, mai Mejoro mai, a ke hai aku nei au i ka mea a'u i lohe ai mai ia'aina mai. Mai make kekahi poe o keia inoku ia lakou, a me na haole kuai aila niu, e ole o Mr. H. Aea, pakele ai na haole, a ua pau loa mai na haole i ka ee maluna o keia moku. fiia ke kumu, ua aie na alii i ka waiwai o ka haole kuai aila, koi mai na haole e haawi aku i ka uku, hoole mai na alii, alaila, wehewehe aku o Mr. Aea i na nlii i ka pono o ka haawi i ka uku o ka 1/ikou mea i nie ai, alaila, o ka huhu no ia e kona alii ia ia, a mai make o Mr. Aea iua alii nei. O ke kolu keia o kona loohia i na pilikia, aka, ua hoopakele mai no ke I keia manawa, aia no ke noho la ma Mejoro, aole nae oia i hai mai ia'u i ko laua noho ana, aka, na ke Capt. Eury i hai mai i keia lohe. Aloha oe:S. Kahelemauna.