Ka Nupepa Kuokoa, Volume X, Number 42, 21 October 1871 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Kekahi mau mea ino e pilikia

AI KA LEHULEHU.

 

E KA NUPEPA KUOKOA E; Aloha oe:

            Ke weaiho aku nei au i kuu i kuu ike maka i mua ou, a nau ia e uleu aku, i ka bai ana aku i mua o ka poe maiau, a ke akamai o ka naauao, e noho ana mai Hawaii o Keawe a Kauai o Mano, a eia ua mau mea ino wale nei.

            Ka mua; He hale hana ili no L. E. S., Kokoke loa ma ka auwai, a o ka wai hoi ua lilo ia ia ala a pilikia iho la ka lehulehu i ka wai ole, i kekahi manwa a i kekahi mana wa hoi loaa iki mai la hoi kahi wai, a aole nae i ka mahuahua loa aku, a o keia auwai, he auwai kahiko loa keia, a o kahi wai wale iho la no keia o keia wahi e noho ia nei, a  he wah: ho-oluolu ea no hoi keia no ka poe ano kino ikaika, a o ua wai nauke poo ‘la o Waiohinu nei, he wahi wai no i aloha ia e na keiki kupa o keia Ua Haao.  Ua lilo e nei ia haole hana ili e nokea mai ai a kuaken, ia ino pelapela man, a pilikia iho la ka lehulehu, i ke kapulu ia i na okaoka ili, a o ua wai ‘la ua hooliloia ae la ma kahi o ka wili’ e ku ana, a e hana i na hemahema o L. Kimo a me aloha ole, o ko ia-la pomaikai no ka ia-la e hana ‘la.

            Ka elua; O kekahi mau mea ino e noho nei, o ka poe i loohia i na mai lepera, oin kekahi mau mea ino i ike ia ma keia apana, aia no na hale oia poe ma kahi kokoke i ua auwai ‘la, e like me ke kapulu o keia, a pela no hoi kela poe, e hana e like pu ai me ka pono ole, a eia paha kahi ninau e ninau iho ai, no ke aha la ka mea e lawe ole ia nei keia poe i loaa i na mai lepera i Molokai? E i mai paha au anei kahi poe; no ka makaala ole o Hope Makai Nui a me Makai ma, no ka mea, nalakou ponoi no ia hana, maia Aupuni mai a me Papa Ola, a ke manao mai nei paha o Pepa-Ola, ua neie loa keia apana ia ano mai, ke hai nei au, makena wale; nuinui loa ma waihi nei aole he makaala o Hope Makai, he palaka paha! Molowa paha i ka hele huli i kau hale o na mea mai.

Me ka mahalo.  W.K. KUAANA.

Hoikaolu, Kau, Hawaii, Okatoba 7, 1871

 

Kula Ao Kumu ma Waimea, Hawaii.

 

Sepatemaba 28, 29, 30, 1871

            Ua hoomakaia ke kula ana o na kumu i ka hora 9 kakahiaka, ma ka akoakoa ana mai o na kumu kula o na Apana 3, mai Hamakua a hiki i Kohala Akau.  Ua hoomakaia ka hana ma ka himeni a me ka pule a S. H. Mahuka.  A pau ia, kaheaia na inoa o na kumukula i hiki mai a me ka poe i hiki ole mai:

NO HAMAKUA.

            Na kumu i hiki mai—J. Waiohinu, no Maunahoano; Ben. Kaleo, no Paahuhau; S. Kamelamela, no Honokaa; Hoopiiaina, no Koauka; Palau, no Waimanu.

            Na kumu i hiki ole mai—Evaliko, no Kaala; T. Kauamu, no Kapulena; Paakaula, no Napoopoo; Kamahana, no Naalapa.

NO KOHALA HEMA.

            Na kumu i hiki mai---S. H. Mahuka a me Miss Keliinohola, no Waikoloa; Nainoa, no Waiaka ; Keoni, no Makeal ; Paniani, no Puuhonua; Makia, no Kawaihae-kai ; Iosepa, no Puako ; Kahou, no Kapalaoa.

NO KOHALA AKAU.

Na kumu i hiki mai—Timoteo, no Kaipuhaa ; S. Haaheo, no Haena ; J.K. Kaailau, no Honoipu ; Kanealai, no Kahei ; Kapela, no Ainakea ; S. Molale, no Halaula ; S. Keoloewa, no Makapala ; Zepetaio, no Niulii ; Liu, no Waiapuka ; S.S. Kamaka, no Pololu.

            Na kumu i hiki ole mai—Kapiko, no Kokio ; Kapaona, no Honomakau ; Paahana, no Halwa.

            Sept. 28, hora 9 kakahiaka, ua hoomaka ke kula ana ma ka Helunaau, a ma ke ahiahi ka Arimatika.  Hookuuia na hana ma ka himeni a me ka pule a S. Kamelamela.

            Sept. 29, hora 9 kakahiaka, akoakoa hou mai ma kumu.  Hoomaka hou ka hana ma ka himeni a me ka pule ana a Palau.  Hoomaka hou ke kula ana I ke koena o ka Helunaau, a ma ke ahiahi ka Alimatika.  Hoopau ia ke kula, ma ka himeni a me ka pule a S. Molale.

            Sept. 30. Hora 8 kakahiaka, akoakoa hou main a kumu.  Hoomaka ka hana ma ka himeni a me ka pule a S. Haaheo.  Hoomaka ke kula ana ma ka Arimatika, Palapala Aina a me ke Kakaulima.  O ka pau no ia o na mea I kulaia imua o na kumukula.

HAAWIIA NA KUMUMANAO I NA KUMU.

1.       1.   Pehea la e ike ai na kumukula i ko lekou pomaikai, ma ka lakou oihana nui?            S. Haaheo a me Hoopii.

2.       2.   He mea pono anei i na kumukula ke lawe pu i ka ipu-paka iloko o na halekula e puhi ai?  J. Waihohinu a me Lui.

3.       3.   He mea pono anei i ke kumu kulak e hoapai aku i ka haumana heu e komo mai ana iloko o na kula?  Kaailau a me Palau.

4.       4.   O ka heluhelu maikai ana, he mea nui anei ia?  Kamaka a me Iosepa.

5.       5.   He mea pono anei i na kumu kulak e bookome i na kaumana i ka Helunaau, ke ole e maopopo ka Helukamalii?  Zepetaio a me Makia.

6.       6.   E hiki anei i na kumu kulak e no i ka lakou mau haumana, mai ka Helukamalii aku a i ka Palapala Aina?  Kahou a me Nainoa.

7.       7.   Pono anei i na wahine a na kumu kula, ke kokua i na kuea a lahou?              Melale a me Paniani.

8.       8.   Pono anei i na kumu kulak e hele ma na hana a ae a waiho aku i ke kula ia hai?  Kalehanohano a me Kapela.

9.       9.   Heaha la ka mea e holo pono ai kea o ana i ka Buke Arimatika?  Keoni a me Kanealai.

10.   10. Ehia haawina kupono na ka haumana i ka bebedoma hookahi?  Kamelamela a me Keoloewa.

11.   11. He pono anei ke hookuu wale aku i na keiki haalele kula, aole e hoopii ia lakou? 

S.H. Mahuka a me Timoteo.

SAMUELA,

Kakauolelo.

 

Mai ka ua Kanilehua mai.

MR. LUNA HOOPONOPONO; Aloha oe:

            1 ka la 23 o Sepatemaba, hora 10 A.M., ua haimu ae I Haaheo na manu hulu like o ke kaona me na popo lehua a ke aloha ; e hoopau I’ka pilikia o “Ziona hou.”

            Ua eleu like mai la na iwa me na puukani o Hilo, ua hele wale a onaona I ke ala o ka hala o Upeloa.

            Na Rev. T. Coana ka pule hoolaa, I ka hora I olelo ia maluna, he kau aheahe wale no ka Rev. Kamikana o ka luakini haole ma ka aoao.  Mele ka papa himeni o Miss. K. Pilipo, e pili ana I ka hoolaa luakini.  Pau ka hoelaa lulu dala, na malihini mamua, na kamaaina iho ; na keiki o ka mahi ko a F. Hailasi opio, ke huiia na mea palahaku I loaa ma keia lulu ana, he $180.40, ua kaa ka aie, a lawa hoi ka bele, aole nae ia o ka pau o ka manawalea ana a ka poe malihini, no ka pono ole o ka paina ana, ua koe no ka lakou la I na pakeke ; a hoi aku la.

KA PAINA ANA.

            Ua makaukau na mea paina no ka poe i  na ue mai, a ma ka manao o na Komite i waiho ia ai na mea ai, ua lawa, a koe ; hoonuuana.  Aia ma ka makaukau ana o ka papa ahaaina, ua noho kekahi poe e paina, a o kekahi poe malihini hoi, ke aumeume la i ka puaa okoa, a pulolo hoi ku ae no holo ana, nele iho la kekahi aoe, olelo he ai paa’kai; aole, un hana ‘ pono ole ka makamaka, ua alunu me he la hoi e nele ana i kahi hoi ana.

            Nolaila, nele kekahi poe, hoihoi hou ka makana i lawe mai ai, me ka manao no ko makou pilikia.

            No na puuku malama kekahi, no ka a-e wale aku i ke koi mai a na makamaka, “homai ka’u homai ka’u,” a nele au la, “o ka hoi wale no keia la” huki no holo ana.  Nolaila, hoowahawaha ka hapa nui i keia paina.

NA KEIKI KA PAPA HANA A HAILASI.

            Ua hookuuia ka hana a na keiki o F. Hailasi i ka hora 12, no ka naue ana e paina i ka mea i hoomakaukau ia no lakou.

            Na Mr. Kukila ka hanai ana me ka makana i na pai ai, a na E. G. Hikikoke ka haawi ana mai i ka balota dala, e like me ka makemake o kela keiki keia keiki i kana mea e haawi ai.  A ua kokua pu mai o E.G. Hikikoki $6.00, no ka luakini.

KA HANA IA ANA O KEIA ZIONA HOU.

            Elua makahiki ka hooikaika ana o na hoahanau uuku o Haaheo nei i keia luakini, o ka paa no ia, he laau wale no a pau, aole a pulu Hawaii iluoa, o kona ku ana, ua ku iluana o ke ahua, aole nalowale ma na wahi a pau ke nana aku.  Ma ke komo kino ana i ka hana a E.G. Hikikoki na kane me na wahine, ua nui mai ke dala, oia no ke kumu o ka paa koke ana, a ua pau ka pilikia a ke la’i nei; me na keiki hoomanawanui hoonoho hua kekahi aloha.  J,P. Iwa.

            Haaheo, Hilo, H, Sepatemapa 30, 1871.

 

No Hanalei.

 

E oluolu ana no pa’ha ka poe e ike ana in a mea hou o ka ua lokuloku nei, ke ike iho ma ko kakou “Kilohana Pookelu,” i kona wa e pulelo aku ai imua o ka lehulehu, a e ike iho auanei lakoa in a mea hou o ka ailana komohana nei.

 

PALI HANEE.

 

Maka la 5 o Oct. nei, ua hanee kekahi pali mawaena o Hanakapiai a me Kalalau, e Uma-u ka inoa o ia pali; a ua lilo i mokupuni okoa i kaawale i ke kai, aole i Akaka ke kumu o ka hanee ana, ma ka hoike mai Paamaui, he halulu a me ka nakeke ana kana i lohe , oiai oia e mahiai ana i Hanakapiai me kana wahine; i ke awakea o ka la i hanee ai, a ia laua i hoi a ii kai o Haena, ia wa i ike ai laua i ka pal ii hanee; a mai a laua ma ii lohe ia ai keia mea hou.  O kahi i hanee ai, aole he noho ia o ia wahi e na kanaka.  O ka loihi mai Hanalei aku nei ma ke komohana, ua oi aku i ka umi mile.

 

POHAKU HAULE.

 

Ma ka po o ka la 3 o Oct. nei, ua haule hia kekahi pohaku oui i oi aku kona kaumaha mamua o 20 paona kona nui; mailuna iho o kekahi pali a pa i kekahi hale-laau e pili koke ana, a puka iloko o ka hale, a pa lihilihi kekahi kanaka o Kalwaia ka inoa ma ka uha a eha lon, @ ka mahiko o Prince-Ville keia poino.

 

HE HUAKAI MOREMONA.

 

           

Ma ke kakahiaka o ka la 6 o Oct. nei, ua kai huakai ae na Moremona a puni keia mokupuni, mai Kalualaoohe a hiki i Kalihiwai kahi o ko lakou punana.  He la nui ia no lakou, wahi a lakou.  Ma ka olelo mai o kekahi o lakou, o ka la ia i pii nui loa ai kekahi poe i Laie, nolaila lakou i hoomanao a ii ua la ‘la—Ma ia la no, ua kono aku lakou i ka poe puhi ohe, o ua aina ua nui nei, e lilo i mea hoolealea no ko lakou huakai, a o lakou no hoi ka makamua o ka huakai, a mahope aku o lakou na kane a me na wahine mare a hahi poe, a he manuahi hoi na kahi poe, a mahope aku l lakou o Puweu. Weu me ka hae keokeo o lakou, oia ko lakou paa hae ; he hoakuka hoi oia no Kahelekulu ka Peresidena nui, wahi no a ua Peresidena la—Eia ka mea kupanaha i ua Puweuweu la, o kona akau a ia i ka paa i ka hae a ke diabolo, oia ka wahine manuahi.  Ua aahu like ia lakou me ka aahu keokeo wale no, i like loa me ka aahu o ka Hui a Kaona.  Ekolu la ko lakou halawai ana ma Kalihiwai, a ua hooluu ia kekahi poe.  A ma ke Sabati ae, ike aku la au iwaena o ia poe e haiolelo ana, o G. B. Palohau a Anahola, he hoahanau no ka Ekalesia o Anahola, ma ka aoao Kalwina.  A i ko’u ike ana, e haiolelo ana iwaena o lakou me ka ikaika ; a he mea hou ia i ko’u manao.  No ka mea, he lala ikaika oia no ka Ekalesia o Anahola, a mahope iho emoole a hoi hou e ai i kona luai.  I ko makou Iohe mai, i hele oia e hookamani imun o na hoahanau Moremona, i koho lakou iaia i Lunamakaainana no ke kau e hiki mai ana.  Ina pela, alaila, e makaala oukou e na hoahanau Moremona, o kuaiia ko oukou pono koho me keia hookamani nui.  No ka mea, ua ao pono mai ka Baibala, “O ke kanaka i lolelua i kona nanu, ua lauwili oia i kona mau aoao a pau.”  Ma ka nana ana iwaena o lakou na hoahanau Moremona, aia pu me lakou ka manuahi, a o ka hapanui no ia o lakou, a o ua mau noho kapae la no kekahi iloko o ia huakai nui ia la.

 

KA MALUHIA O KA APANA.

 

Iloko o keia mau la, ua maluhia ka Apana, aole i ikeia ka ona ; a ua makau loa ka poe puhi wai ona—Ua hilinai ia no ka maluhia, maluna o ka makaala a na makai a me ka hooko pono ana a ka Lunakanaw@i hou.  Nolaila, ua emi loa ka ona iloko o keia apana.  Aole no hoi he ikeia, a he mea no hoi ia e nani ai ka aina.

 

KE “KILAUEA.”

I keia kakahiaka ke kue kaiue mai nei ia i ke kai o kawaikini, a e haalele ana no i keia hora—A mai keia awa i kau aku ai kekahi poe ohua—Elua’ ano o na ohua i holo aku—o kekahi poe e holo loa ana i Honolulu—a o kekahi poe e holo makaikai ana in a pali kaulana o Nualolo a me Milolii, i ike ae hoi i ka haka lewa i ke kai, a me na wahi e ne a hiki i Lihue hoi mai—Mawaena o na ohua i holo aku no Honolulu, @ ka Luna Paahao o Kawa kekahi, o D. K. Fyfe.  Aole i ku lohi ke Kilauea i keia awa, no ka mea, aole he nui o ka ukana o keia awa, nolaila ka holo koke.  Me ke aloha no.

R.P. KIHIKIHI.

Hanalei-uka, Kauai, Oct. 13 A.D. 1871

 

He kanikau no M. Holi.

 

He wahine i aloha nuiia e kona mau ohana a me na aikane a pau loa.

 

He kanikau aloha keia,

Nou hoi la e M. Holi,

Kuu aikane ka hoi ka mea aloha,

I ka nalo ana iho nei, iuiu ;

Palanehe ole ia i hele iho nei,

Ke au nei makou o kahi e ike ai,

E i aku nei paha oe,

Me Hiku i kanahele ;

I ke kui pua Ahihi,

I lei no ka uhane ;

Auwe! Kuu aikane ea!

 

He kanikau aloha kei,

Nou hoi la e M. Holi,

Kuu mea minamina e noho nei,

Ke au nei makou,

Me ou ohana a pua;

Aole oe e loaa, a i la oe i hea ;

Kuu aikane o ka wai huihui o Hanauaka,

Oia wai a kakou e auau ai,

Auwe! Kuu mea aloha e!

 

He kanikau aloha keia,

Nou hoi la e M. Holi,

Kuu hoa mai ka lai o Pauoa,

Mai ka pali huli l@a la e Haili,

Ilihia iho nei makou,

Kaumaha luuluu i ko aloha,

Aia paha ka ohane

I ka lai o ke kaona ;

Auwe! Kuu Nikane e!

 

He kanikau aloha keia,

Nou hoi la e M. Holi,

Kuu aikane mai ka pono a ka Haku,

I ke kahiko mai no a maikai,

Hoolohe aku o ke kani mai o ka pele o Haohao iho nei au ia oe, [Waiahao,

E i aku nei paha oe

I kea he a ku makani ;

Auwe! Kuu aikane ea!

 

He kanikau aloha keia,

Nou hoi la e M. Holi,

Kuu aikane mai ka ua liilii la e Manon,

Mai ka nahele loloa pa-o-a i ke ala o ke

Kupukupu,

Kupu mai ka manao nui ia oe,

O oe ka ia i niau iho nei,

I ka hele hookahi aohe lua,

Auwe! Kuu aikane ea!

 

Kanikau la he aloha,

Nou no la e Mareta,

Kuu aikane mai ka lepo ula o Ewa,

Mai ke kula loa la e Puunahawele,

Mai ka piina wela la e Kipapa,

Mai ka wai huihui la e Kaukonahua,

Mai ka holo a ka lio i ka uka o Kemoe,

Aloha ia wahi a kakou e holo ai,

Ku nana ka uhane, i ka lai o Waialua,

I ka hale palauhulu, paia e ke onaona,

Ei aku nei paha oe, i ke kai o Puaena,

O ka waiho nani mai, a Lauhulu i ka lai,

Auwe kuu aikane—e.

 

Kuu aikane mai ka makani anu o Kahuku

Mai ka wai noho i ka malu pohaku,

Aloha in wahi a kakou e noho ai,

Pa mai ka makani o Keae,

Halihali pu ma ii ke ala o ka hala,

Kuu aikane mai ke kula oneanea e Laie,

Mai ka wai awili pu no me kai o Kahana,

O ke aloha ka hana a loko e noho nei,

E loku ana i ka puuwai me he ua la,

Auwe kuu aikane—e.

 

Kanikau la he aloha,

Nou no e Mareta,

Ke au wale nei au,

O kahi e ike ai,

I ke kino wailua,

Aia paha ka uhane,

I kea o opua makani,

He hoa aloha no oe,

No ka ulu nahele o Kualoa,

Hiki aku la i Hakipuu,

Auwe kuu aikane—e.

 

Ai aku la ka ohane,

I ka hala o Kekele,

Hele aku hoi kaua,

O ka nahele paoa i ke ala,

Kuu aikane mai ka hale makuaole,

Hookahi no makua o ka haole,

Ke kuleana o keia wahi i nohoia ai,

Hele aku la oe ka makamakao ka lehule-

Aohe ai, aohe i-a,  [hu,

Auwe kuu aikane—e.

 

Kanikau la he aloha,

Nou no la e Mareta,

Kuu aikane mai ka piha kanaka o Aina-

Mai ka huikau lua la e Ulakoheo,  [hou,

Kahiko mai no a maikai,

Hele haaheo iho no i ke Kaona,

U alai no,

Auwe kuu aikane—e.

 

Honi hoomau ka uhane,

I ka pua Kamakahala,

Hala aku nei oe,

Noho iho nei makou,

Me ka u me ka minamina,

Eiaku nei paha oe.

I ka hana a ka haole,

I@aila no hoi oe,

Ka niniu a ka huila,

Ka hana a ko lima,

Auwe kuu aikane—e.

 

Kanikau la he aloha,

Nou no la e Mareta,

Ehia mea aloha,

O ka noho ana o ka hale,

O ka pilina me ke kane,

Me na kaikamahine hoi a kaua,

Aloha o Kalokohonu,

Kahi a kakou e luana ai,

Nana aku o ka luna i Puoina,

O ke kani kui lua mai a ka pu,

Auwe kuu aikane—e.

 

Kanikau la he aloha,

Nou no la e Mareta,

Aloha o Kalaekao,

Kahi a kakou e luaana ai,

Nana aku kakou,

O ka holo mai a ka moku,

Hookomo i Mamala,

Kau i ka ohenana,

No Mareta ke aloha,

I ka haalele ana mai nei,

I ka noho ana o ka like,

Mai kahi ai uuku.

A nui mai hoi ka ai,

Hoolawa i ka lehulehu,

Auwe kuu aikane—e.

 

Kanikau la he aloha,

Nou no la e Maleka,

Kuu aikane mai ka wai kaulana la e

Kapena,

Mai ka wai huihui la e Alekoko,

Aloha ia wahi a kaua e hele ai,

Ku nana ka ohane,

I ka wai i Waipiula ;

Au we! Kuu aikane e!

 

Kuu aikane mai ka ohu halii ma ii ka-

Ke kahiko mai la i Nuuanu,  [nahele,

I ka maka wale o ka opua,

I walea paha ka uhane,

I ke kui pua Ahihi;

I lei no ka wahine,

Auwe! Kuu aikane e—

LUISA KEOHOKALOLE.

Pauoa, Oahu, Oct. 17, 1871

 

OLELO HOOLAHA.

 

E IKE auanei na kanaka a pau, owau o ka mea nona ka inoa malalo nei, ke hai aku nei au ma kea kea, ua kuai aku au me Mr. OPUNUI (K) i na apana nina ona e waiho nei ma Aiea, Ewea, Oahu, oia hol o WAIHILUNA a me KALUAOPUU, a ua lilo mai ia’u no na $10 00, ma kea no kuai lilo loa a hiki i ka hopena.  Ke papa a ke hookapu aku nei au i ua mau aina kuleana la o’u, aoie e hele kekahi kuuaka, wahine, keiki, haole, pake, pukiki, pipi, Ilo, hoki, piula, a puaa, a me kekahi mau mea e @e a hoopoino i na mea ulu o ua muu aina kuleana la o’u.  E hoomaka ana ke kapu ma ka la e puka ai ma ka Nupepa Kuokoa.

NAWEHEKAPU.

Kalauao, Ewa, Oct 5, 1871   515 2t*

 

OLELO HOOLAHA.

 

EIA ma ko’u lima kekahi lio wahine keokeo, i kunila i ka hao  T ma ka uha hope akau.  Ae elua a’u makahiki i uku a ii ka auhau o keia lio.  Ke kahea ia @ku nei ka mea nona keia lio, e kii mai, me ka uku mai he $10 00.  E loaa no au ma Kailua, Koolaupoko.  Ina e kii ole mai a halana la he 15, e kuni no au i ko’u hao.

J.R. KAILIAHI.

Kailua, Okat 7, 1871  515 2t*

 

OELLO HOOLAHA.

 

ONA MEA A PAU I AIE MAI IA kialoa (k) i make, no Kailua, Kona Akau, Hawaii, a me na mea a pau ana i aie aku ai, a me ka poe a pau he kuieana waiwai ko lakou iloko o kona mau waiwai, e hele mai lakou e hoike mai imua o’u. ma Kaiiua, Kona Akan, Hawaii.  E wiki!  LAENUI.

Lunahooponoponowaiwai.

‘Septemaba 25, 1871  514 4t

 

OLELO HOOLAHA.

 

EIKE auanei na kanaka a pau, Haole, Pukiki, o na ano Kanaka a pau ke naua mai, owau o ka mea nona ka inoa malalo iho, ke kahea aku nei au i ka poe mea lio, bipi, hook, kekake, e hele nei maloko o ka pa aina mahi kalo o ke konoliki, ma MOKAUEA, Kalihi-waena.  E kii koke mai iloko o na la he umi kumamalima.  Ina e kii ole mai iloko o na la i hai ia ae la malona, e hopu no au, a e uku ia no $1.00 no ke poo hookahi, a ina aole e uku mai, e lawe no au i ka pa aupuni.

S. KAUWENE, Luua Malama Aina.

Mokauea, Kalihi-waena, Okat 5, 1871.  514 3t*

 

PAPA KUHIKUHI MANAWA HOLO

 

O KA

 

MOKUAHI HAWAII

 

“KILAUEA.”

 

HAALELE ia Honolulu in a Poakahi a pau—Hora 5 P.M.

“Lahaina I na Poaiua a pan—hora 7 kakahiaka

“ Maalaea “   “   10   “

“ Makeana  “  “ 12 awakea.

 

KA HUAKAI HOLO I HILO.

HAALELE ia Honolulu in a Poakahi aha o ka maiama.

“   ia Kawaihae i ka Poai@a ae hora 9 P.M., a me Ma hukona i ka hora 11 o ia po.

 

HULI HOI ANA MAI HILO MAI.

 

HAALELE ia Hilo, Poakolu  -  Hora 5 P.M.

“   Makukona, Poaha,  “4 A.M.

 

KA HUA KAI HOLO I KONA.

 

HAALELE ia Kawaihae na Poaiua Hora 9 P.M.

 

HULI HOI MAI KONA MAI.

HAALELE ia Kealakekua in a Poakolu Hora 12 awakea

“  Kailua in a Poakolu  “ 6 P.M.

 

HULI HOI LOA ANA I HONOLULU.

“  Kawaihae in a Poaha a pau  “ 12 awakea

“  Makeana in a Poalima a pan  Hora 6 A.M.

“  Maalaea  “   “   “  9  “

“  Lahaina in a Poalima a pan  “  “  6 P.M.

 

SAMULE G. WILDER (WAILA),

514 tf  AGENA

 

HALE KUAI LOLE

 

NA LAKO HAO,

PENA,  AILA, na mca

KALEPA.  HALEKUAI makepono loa.

Alanui Nuuanu.  (514 6m*)  GOOKIN

 

E.O. HALL & SON.

{E.O. HALL A ME K@ KEIKI}.

 

NA MEA KUAI LAKO HAO, LOLE,

NA PENA, AILA & NA LAKO KALEPA.

Halekuai ma na huina o Alanui Moi a me Papu.  475 ly

 

I KA POE AIE LOLE.

 

ENA KANAKA, PAKE. @ HAOLE, a me ka poe a a pau i aie ma ii na waiwai mailoko aku o kuu HALE KUAI LOLE ma Hanalei, Kauai, ke kahea aku nei au ia oukou e hele mai e hookaa ia’u iloko na MALAMA ELUA ina Hanalei, Kauai, a e oooponopono pu hoi.  Ina aole e hookaa koke mai, mamua o huu holo ana i Kina, alaila e waiho ia no ka ohi aku in a aie kaluna o Apoe kuu kaikaina ma ka hale kuai

M4t*  KOKA, (Pake.)

Hanalei, Kauai, Sept. 16, 1871

 

OLELO HOOLAHA PAPA!

 

MAI keia la aku, ke papa aku nei au in a kanaka a pau, aole e hopuhopu a hooholo wale i ko’u mau lio a me na lio e ae malalo o ka’u malaama ana, me ko’u ae ole aku, no ka mea, aia ka malawa o na lio malalo o MAHALO ko’u kanaka, mai keia la aku.

SAMUEL ANARU.

Kailua, Oahu, Sept 6, 1871.  510 6m

 

HONOLULU DISPENSARY

 

LAAU LAPAAU HAAWIWALE, no na mai a pau o kela ano keia ano, ma ka Hale Kauka o

G.P. JUDD.

Helu 31, Alanui Papu, Honolulu.  509 2ms

 

$5.00 MAKANA!

Ua LAWE koloheia kekahi Pahu Panana i uhiia i ka il @anoanoa, e waiho ana ma Kulaokahua, i ke ahiahi Po aha iho nei.  Ina e h@ihoi pono ia mai ia’u me na mea hili o loko aole e ninauia ka mea nana i lawe.  Ina hoi aole, ke haawila nei Elima Daia no ka hoomaopopo ana a me ka ha pono ana in a makai i keia aihue.  C.J. LALANA.

515 tf  Helu 30, Alanni Puowaina.

 

E NA KANAKA A PAU

E maliu mai, ke poloai aku nei au ia oukou a pau e na kanaka e lawe mai i ko oukou mau kamaa huti n’au e hana hou a aulii a oki paha in a he loihi, no ka hana hou ana in a kamaa i ano kahiko e hana no wau me na ili pipi Palani paa maikai eia kekahi aole i maopoopo ia’u ka Manawa e Hemo hou ia mai aole wau e hana ana fa kamaa.  Ena kekahi na’u e hana i puu aulii maikai i 75ct ka uku ma hala na malama elua a ekolu paha a ano kahuli iki e hoihoi hou aku i ka 75ct oia a me a’u hele pu maua ma ka hale Hotele aina na’n e uku .50ct.  Eia kekahi e malama oukou ina pepa e haawiia aku ana ia oukou.  Eia kekahi ina he mau noho paniolo kahiko ko oukou e lawe mai na’u e hana me ka uku oluolu.  Eia kekahi he nui na lala noho lio maanei mau kaula keehi—a pela aku.

            Eia kekahi ina wau e kali a hala na malama ekolu, aiaila e lawe no wau i ke kamaa, o oukou i ka hale kudaia no ka mea he haiki k’u hale humu kamaa.

            O wau no me ke aloha

AGIU (Pake).

July 1 ^st A.D. 1871  501-6m.

 

OLELO HOOLAHA.

E IKE AUANEI na kanaka a pau, haole, pukiki, a me na pake. Ke nana ma ii keia, owau o ka mea nona ka inoa malalo ih@, aia ma ka aina Konohiki o MAKAU@A, kekahi lio kane lokia lae keokeo, elua wawae keokeo mahope, akahi mamua, hao kuni J-P ma ka aoao hema mahope, ina e ike mai ka mea nona keia Ilo, e kii ko ke mai me na dala $5.00 no ke komo hewa a hoopoino in a mea kanu.  Ina e kii ole mai a hala na la he 15, lilo loa keia lio ia’u, e kuni no wau i ko’u hao ponoi.  KAHOLOAA.

Makauea, Kalihi-waena, O., Sept. 27, 1871  513-8ts*

 

OLELO HOOLAHA.

E IKE auanei na kakaka o na ano a pau 1@. Owau o ka mea nona ka inoa malalo nei, ke papa aku nei au ia oukou, mai hoaie mai oukou i kuu’ wahine mare ia

Mrs. ULAULA KAPUA,

no ka mea, ua haalele kumu ole mai @ia ia’u, a ua hele aku oia mamuli o kona makemake, a ua imi au iaia ma na hale makamaka, aohe nae he Io@@.  Eia la oia ihea kahi in oho ai?  A ina oia e luaa ma kekahi hale aku a me kekahi mea e aku paha, a ua laweia aku paha maluna o kekahi moku i ka aina e aku, e hopuia kekahi o ia poe e a’u, a i ole, e kekahi makai paha a’u e hoouna aku ai, a e hoopiia ma ke Kan@wai o ka aina.  Me ke aloha no.                       J. PEA.

Wahiawa, Waialua, Oahu, Sept. 27, 1871  513 4t*

 

HALE KUAI LOLE HOU!

E WEHEIA ANA I KEIA POAONO,

SEPATEMABA 16.

NO

KAMAKI A ME PEREDA,

HAYSELDEN BROTHERS,

Na Keiki ma ka Hale Kuai o Ake mamua.

Ke kono aku nei laua in a kanaka o

Honolulu,

A me ka Lehulehu a pau, me ke kukala

Aku, ua lilo aenei ia laua kela wahi

maikai ma ke

Kihi akau o na huina o na Alanui

Papu a me Alii!

ME KA MANAO E HOOLILO I

Hale Hoahu a Kuai Lole

MALOKO.

Ke oleloia mai nei, ua piha pu ke Kaona i

Na Hale Kuai, aka, ke hilinai nei

Laua, mamuli o ka hoo-

Manawanui loihi ana i awili pu ia mai me

Ka oluolu a me ka heolohe a me

KA MAIKAI O KA LOLE

E Kuai ia aku ana!

Kamea e loaa mai ai ke kokua, a hoohuliia

Mai ka lehulehu, i ka wa a lakou e ike ai.

IA OUKOU

E NA WAHINE!

KA MAUA E KAU NUI AKU

NEI, E KOMO MAI

105.   105          3ms

 

 

HALE KUAI NU HOU!

HALE KUAI

0

UILAMA

MAUKA o MAEMAE,

Malaila na mea a pau e kuaiia’i.

501-6m

 

JUDD A ME LAYTON.

[ALANI KAUKA A ME LEI@ONA.]

NA MEA KUAI MEA AIONA LAKO AIA

A pau, na mea ulu a me na mea hoomomona lio.  Halekuai malalo o ka Hale Mu, Alanui Papu, Honolulu.

475 1y

 

OLELO HOOLAHA.

KE kahea aku nei au ia oukou, e hele mai ma ko’u ha le hana.

Kula Pepeiao,

Komo Lima,

Pine,

Komo Lima Gula,

Komo Dala o na ano

A pau—Eia hoi, ina paha he maku dala keokeo a ulaula ka kekahi, e nukemake ana e hana i komo, e lawe mai a na’u e hana aku, me ka noho pu mai no hoi o ka mea nona ia komo, e nana i ka’u hana, aia a pau ka’u kaua ana, alaila, hoi ka mea komo.  Ina he mau komo kahiko ko oukou, e lawe mai no, a na’u e hana aku.  Ina e apiki ka mea komo ma ka lawe ana aku i kekahi mea ike, e hoihoi ma ii ke komo no’u, a e lawe aku i ka’u @aia ulaula a keokeo paha.  Ina hei he mau komo dala ko oukou, e makemake ana nae e hana i ka wai gula, e lawe mai na’u e hana, a ina e hemo ka wai gula a’u i hana ai iloko o na mahine he Ii, e lawe mai no a na’u e hana hou aku me ka uku ole. A’ina e pau na mahina he 12, aole au e hana ia komo.  Aia ko’u hale hana ma Alanui Nuuanu.

Honolulu, Mei 12, 1871  (493 6m*)  AKI (Pake)

 

T. A. LLOYD.

MA ALANUI PAPU, HELU 76

AUHEA OUKOU E KA POE MAI

Kaokao,

Kaokao ai iwi,

Hano a Hui,

Koko ino,

Kikala haneenee,

Puha,

Alaala,

Poohuai.

A me ka mai wahine o kela ano keia ano.

E LOAA NO IA OUKOU NA LAAU MAIKAI

Loa, e ola ai o na ano ma ii haiia ae la

Maluna, ke kipa mai oukou ma ka

Halekuai o ka mea nona ka

Inoa maluna, ma Alanui

Papu, Helu 76, ma ka

Aoao ma Ewa o

Ka Hale Aupuni, ma Honolulu Hale.

He Laau Hou Loa Mai Kaleponi mai.

O ka haole nana i hana i keia laau, oia o

B. H. LYON,

A ua kupono loa no na ma ii haiia maluna;

Ua ola no kekahi poe iaia, i kona ma-

Nawa e lapaau ana ma Honolulu nei.

Ewiki mai oukou e na kanaka Hawaii, i lona i keia ano mai, i ulu hou ka lahui Hawaii, o ko auanei ka olelo a na poe akeakamai.  Me ke aloha nui.  613 8m

 

OLELO HOOLAHA.

T. A. LLOYD.

Oia hoi o Kamaki.

HALE KUAI MEA AI O NA ANO A PAU.

 

E loaa no in a mea a pau loan a mea a ko lakou naau i iini

Nui ai o na

Mea ai o kela ano keia ano,

Ke kipa mai lakou ma ka hale kuai o ka mea noaa ka inoa @a luna ma ALANUI PAPU, Helu 76, ma ka aoao ma Ewa, e kupono ana i ka Hale Aupuni ma Honolulu Hale, me ke kumukuai oluoiu loa i ko kanaka makemake.

Na Berena paa, Palaoa wela,

Ko, Laiki, Kulina ai a ka moa,

Na Mea Hoomomena lio o kela ano keia ano,

Na Waiu bata,

Waiu paa o Kaleponia,

Me na mea ai a pau loa a na Haole

O kela ano keia ano.

            Ina he poe ma kahi loihi e makemake ana i

Mau mea e kupono ai no ka lua o ka inaina,

Pono no ke kauoha mai, a e hooili koke aku

No ma ka moku.

            Honolulu, Sept. 21, 1871

512.   512    3ms.

 

HALE KUAI BUKE HOU!

MA KA HALE LETA MUA,

A MA HONOLULU HALE,

MEA HOU A HALE KUAI MANUAHI.

Ua lawe ae nei o H. M. Wini, i ke Keena Nui i haaleleia iho nei e ka OIHANA LETA,

A ua hanaia iho nei a paa i

HALE KUAI BUKE,

E like me ka hana ana ma na aina e,

Kahi e loaa a ii ke kuai, na

BUKE HAWAII ME KA NA HAOLE.

NA BUKE KULA HAWAII A HAOLE,

Na PAPAPOHAKU me na BUKE kakau,

Na KII NUI a liilii,

Na ano PEPA kakau a pau,

Na PENI me na INIKA,

Na POO LETA

a me na mea heluhelu a kakau maikai.

NO IA MEA, E HELE MAI A IKEMAKAI

Kuu Hale Kuai Buke Hou, a kuai

Iho in a Buke maloko olaila.

E LOAA NO NA POO LETA HAWAII MA-

Loko o keia Hale Kuai.

Me ke aloha.

HENERE M. WINI.