Ka Nupepa Kuokoa, Volume X, Number 44, 4 November 1871 — Ua hanau hou ia mai anei oe? [ARTICLE]

Ua hanau hou ia mai anei oe?

Ina e hanau hou ole iu ke kanaka, aoie e hiki iaia ke ike i ke Aupuni o ke Akua, wahi a ke kumu maikai, a naauao. Pehea In oe, e kuu hoaaloha e. Ua hanau hou ia mai nei anei oe ? Ina pela ua palekana oe, a i ole, aole. Aole oe e ike aku ai i ke Aupuni o ke Akua. Ke pane mai nei paba oe, ae. Ua hanau hou ia mai nei au, no ka mea, " Da bapetiso ia mai au. Ke hele nei au i ka luakini ma ka la Sabdti, a me na halawai liilii. Aole haule iho la kekahi. Kokua aku la hoi i ka Mahinahou, a me ka hanai kfemu. Aole a'u hihia i ke konawai o ke aupuni." Maikai, ka, kau, ea. Aohe nae he haina ia o ka ninau. Penei; Ua hanau | hou ia mai nei anei kou naau ? Ua loaa mai nei anei ia oe ka naau hou? Mai pale mai i ka niele. Mai kuhikuhi aku i kekahi mau hana mnikai; hiki i ka poe aia ke hana, no ka mea, ina i loaa oie mai ia oe ka naau hou, makehewa kau mau hana maikai a pau. Aole he mau mea lakou e hoolaulea aku ai ia oe me ke Akua, a komo ae iloko o ka pomaikai i hoomakaukauia mai no ka poe i hoomaemaeia ka naau. Pohihihi, ka, keia, wahi a ke kanaka Hawaii! Pela no paha. Pohihihi maoli no i ka poe ike ole. Aia nae ma ka buke i haawiia mai e ke kumu nui i hoomaopopo paka ia na hoailona o ka poe, nona keia ano kupaianaha. Ke ninau mai nei anei oe, heaha la kekahi o ia mau hoailona ? He ninau kupono keia. A hiki ia loane, ka haumana i aloha nui ia e lesu e pane aku. Penei kana, " 0 ka mea i hoohanauia mai e ke Akua, aole ia e hana, hewa." 1 loane 3: 9. «5: 18. Pau ae la na kanaka a pau i ka hana hewa. Ae, oia no. Aka, o kekahi poe, hana aku Ia lakou ka hewa me ka i ini nui; he mea oluolu keia ia lakou. Me ka momona o ka manago i ke keiki Hawaii, nona ka hoao ana i keia hua haole momona, peia no ka hewa ia poe. Aole he mea e ae a lakou i ake ai, e iike me ko keia mea awaawa. Aole pela na kanaka a pau. O kekahi poe, hana aku la iakou i ka hewa, aofe nae roe ka makemake. He nawaliwali ke kino. Ikaika ke kuko ino; ke ano kino iloko o lakou, a hoowalewale ia lakou, O ka ae koke aku ia mamuli o ka hoowalewale. a lilo i ka hana hewa, a liuliu iki, ike lea iho la ka awahia o ua mea ono la, a o ka haalele loa no ia me L'a hoopailua. Nolaila, eia ka ninau. E ka makamaka e. Ke hana nei anei oe i ka hewa me kn makemake ? Ono loa anei keia hua awaawa ia oe ? O kou mea anei ia i iini ia, e iike me ko ka puaa makemake i ke kio-lepo ? Ina pela, Mai hoopunipuni oe ia oe iho. Mai manao mai ua palekana oe. Ke hai aloha aku

nei au ia oe, Aole ou wahi kuleana, aole ou wahi lihi īki iloko o ke Aupuni o ke Akua. Aole pili iki keia hoailona mua okahanau hou ia niai ia oe. Ua nele oe i kamea hookahi e makaukau ai ke kanaka no ke komo ana iloko oka pomaikai mau loa. Auwe ! Aole palekana. Ke kau mai nei ika inaina oke Akua maluna iho ou !! He nui na hoailona e ae i hoikeia e loane, a ma keia hope aku, e ike auanei paha i ka lua o na hoailona o ka poe i hoohanau hou ia mai.