Ka Nupepa Kuokoa, Volume X, Number 44, 4 November 1871 — Rula Sabati o Kawela, Molokai. [ARTICLE]

Rula Sabati o Kawela, Molokai.

E ka Nupepa Kūokoa e ; Kaoha nui oe:— E hoakaka pono mai e na Kula Sabati a pau mai Hawaii o Keawe a Kauai o Mano. I pau ae ka pohihihi o na mau pokii o ke Kuia Sabati o Kawela, Molokai. Ma Keia Sabati iho nei, la 29 o Oct., 1871. Ua ulu hou mai no na hoopaapaa he nui o na haumana o keia Kula Sabati, no kekahi pauku oka Baibala. Penei e heluhelu ai ua pauku la : " Ke olelo aku nei hoi au ia oe, O oe no o Petero, a maluna o keia pohaku e kukulu ana au i ko'u Ekaiesia, aole hoi e lanakila mai na ipuka o ka po maluna ona." Matai# 16: 18. Eia ka ninau a kekahi Papa Kula Sabati i kekahi Papa : "Owai la ka inoa oka pohaku a lesu Kristo i kukulu ai i kona Ekalesia ?" Haina likē ole a na Papa Kula Sabati, • O lesu īho no ua pohaku la." Pela ka haina a kekahi papa. Eia hoi ka ko makou papa haina, "O na luna olelo—oia hoi na hnumana he 32 a fesu." A ma keia mau haina like ole elua, ua ulu mai ka hoopaapaa iwaena o na Papa Kula Sabati elua. Olelo Hooholo a ke Kahu Kula Sabati, e kokua ana ika haina mua, oia keia: "0 Kristo iho no ua pohaku la ana i kukulu iho ai i kona Ekalesia." A no ka pau ole o ko makou pohihihi no keia ninau ano nui. Nolaila, imua o ke akea, na lakou e kokua mai i keia, Auhea la ka haina kupono o keia mau haina elua no keia ninau ? Na oukou e hoopiha mai a hu ma ka nihoinole. J. M. Kanoa. Kawela, Molokai, Oct. 30, A. D. 1871.