Ka Nupepa Kuokoa, Volume X, Number 44, 4 November 1871 — Komo Halepule ma Puueo. [ARTICLE]

Komo Halepule ma Puueo.

£ ka Nupepa Kūokoa e ; Aloha oe Aia ma ka la 21 o Okatoba, hora 10 o ke kakahiaka, ua wehe ia ke komo ana o ia halepule ma ia la. Ua hoomakaukau ka Papa Kula Himeni, maialo o ke alakai ana a £. P. Hoaai e kii aku ia Rev. T. Coana a me na hoahanau, ma ke kai huakai ana me na mea kani, oia hoi ka bila a na keiki puhi ohe a me na pahu e hoohakui lua ana me na leo nahenahe maikai, me he leo la no na manu o ka uka iuiu, ma na huina alanui o k« kulanakauhale o Hilo. Ma ka hora 10 i olelpia, ua hoomaka na hana maloko o keia luakini hou—ua hele oioko a piha pono. Ma ka hora 12 o ke awakea, ua hookuuia na hana. Ma ia hora no hoi, ua hoomaka ka paina ana, oiai ua hoomakaukauia 3 papaaina, 2 papaaina na na haole, 1 na na hoahanau, 1 hoi na L. W. Kaainoa. Ua kahea na hoahanau o keia halepule, e hele mai ka poe e makemake ana e ai i na mea i hoolakoia, me na lau oliva ma ko lakou mau ini pakeke. Ua hele mai no kekahi poe me ka makaokao, a o kekah

poe, ua nele, a hoi aku no me ka nele o ka aoao mua—O na dala i loaa ma ka lulu ana a na hoahanau no ka halepule, he $70.00; o na dala hoi a ka Papa Kula Himeni, i loaa mai na papaaina 2 mai na haole a na kanaka, he $114.17; no ka L. W. Kaainoa papaaina, he $51.00 ; no ka papaaina a na hoahanau, he $ 13.75 O ka nui o na dala a ka Papa Kula Himeni, no na himeni i haku ia e lakou a me kekahi mau hana e ae i hoikeia, ma ka po o ka la 21 o Okatoba, nora 7 oke ahiahi, maloko o ka helepule o Haili, me na mea kani, he $51.96. O ka huina o na dala a pau, he $300.88. A ma ia po i haiia #e la maluna, ua noho mai o Miss Hariata Coana ma ka noho, a hookani mai la i ka piana ma na himeni haole, a o G. Kaahiki a me E. P. Hoaai nā mea mele ma na himeni haole ia po, me he leo la no ka "o hulupala o ka mauna, ke hele la oloko o Haili a piha i ka olioli. A pau ka himeni ana, ku m&i la elua keiki no ka Papa Kula Himeni, e hoike i ka laua hana, oia hoi ka hele ana iwaena o ke anaina, e noi ai i ko lakou mau lo-

komaikai, rne na huaolelo, penei ke ano : . "Lu ia mai a pau loa, mai kakaii ae oukou, haalele ke pi ine ka aua"—ua hanaia e keia mau keiki ma na leo mele, me ka*hele ana iwaena o ke anaina, ine na papale ma ko laua mau lima. Oke nno o kela mau huaolelo i haiia ae la maluna, "Lu ia inai a pau loa, mai kakaii ae ou* kou, liaalele ke pi me ka aua," e noi ana ia i wahi kenikeni, kohaka, lepelua, po-haku-nui a pela aku. Me ka mahalo. J. A. Kealohanui.