Ka Nupepa Kuokoa, Volume X, Number 45, 11 November 1871 — He Kanaenae Aloha no Keoni Loe. [ARTICLE]

He Kanaenae Aloha no Keoni Loe.

Ma ka la 31 o Okatoba, ina Kamanuwai Honolulu, make iho la o Keoni Loe. He 15 ka nui o kona mau makahiki o ku noho ana iloko o ka berita mare, a laweia aku la e ka make. No ka nui aloha, ua haku iho makou i wahi kanaenae aloha nona malalo ih«: Kanikau aloha keia nau e Keoni Loe, Kuu kane mai ke Kuīa loa o Kahua, Kuu hoa hele o ke kuluaumoe, Kuu kane mai ka ua liilii la o Manoa, Aloha ia wahi a kaua e hele ai, Kuu kane mai ka wai luupoo o Kalehua, Kuu kane mai ka maiu hale a ke aloha, Kuu kanemai ka pihe kanaka la o Kalehua, Kuu kane mai ka ua halii lua i na pali, Aloha ia wahi a kaua e noho ai, Auwe ! Kuu kane ho-i, Kanikau aloha keia nou e Keoni Loe, Kuu kane mai ka malu a ka hala, Hala aku oe me ke aloha, Noho iho makou me ke kaumaha, Pili ia e kaua ke anu a me ke koekoe, Ka po a me ke ao, [u(»mua, Kuu kane mai ka makani wehe kapa o KaKuu kane mai ka wai e Kahoiwai, Oia wai lana mai i ke pili, Auwe! Kuu kane ho-i. Kanikau aloha keia nou e Keoni Loe, Kuu kane mai ka hale hoopili wale, Pili ia e kaua ke Kau a me ka Hooilo, I keia Hooilo hoi haalele mai oe ia'u. Kuu kane ma na pali hauliuli o Koolau, Mai ke koa mokumoku la o Heeia, Aloha ia wahi a kaua e noho ai, Kuu kane mai ka ua nihi pali o Ahuimanu, Huli aenei au aohe oe, Auwe ! Kuu kane ho-i. . Kuu makuiakane raai na ale kawahawaha o Pailolo, Kuu makunkane o na ale hulilua o ka moana, Kuu makunkane mai ka pihe kanaka o Hanalei, Mai ka iimu kaha kanaka o Manuakepa, Kuu makuakane mai ka pihe kanaka o Kikiula,

Aloha au o ka huikau lua o na kao, Kuu makuakane mai ke one kani o Noohili, Mai na hulilua o Polihale, Mai ka pihe kanaka o ke ahi o a Kamaile, Auwe! Kuu makuakane ho-i. Kuu makuakane mai ka malu o Haleela, Mai ka malu inia o Kalimukele, Heleaku kaua o ke kula o Hoi, Oia kula a kaua e hele ai, Kuu makuakane i ka lai o Kaneohe, Hiki aku kaua i ka wai o Auwewahine, Oia wai awili pu no me ke aloha, Hele aku kaua o ka hala o Kekele, Ka moani mai a ka hinano, Auwe! Kuu makuakane ho-i. Sera Kanaha.