Ka Nupepa Kuokoa, Volume X, Number 46, 18 November 1871 — Ala hou ana. [ARTICLE]

Ala hou ana.

Ua hoike pinepine o lesu i na kanaka, ei make auanei oia, a e ala hou i ka la ekolu. Aka, aole manao na ludaio he oiaio ia ; a he mea maopopo ole no hoi ia i kana poe haumana. Ua hoomaoao nae na kahuna nui a me na P«risaio ia olelo ana ; a heie lakou io Pilato la, a olelo ia ia, penei; " £ ka Haku, ke hoomanao nei makou i olelo mai ua kanaka hoopunipuni la i kona wa e ola ana, " A po ekolu ae, e ala hou mai ana au." Makau no makou, n hele malu kana poe hau-! mana i ka po, a aihue i kona kupapau, alaila e olelo aku lakou, ua ala hou ia mai ka make mai. Nolaila, e kauoha aku oe, i kiai pono ia'i ka hale kupapau a hiki i ka po ekolu." I mai la o Pilato ia lakou, " aia ia oukou ka poe kiai, e haeie oukou, e hoopaa loa i ka hale kupapau." Hele aku la lakou, hoopaa iho la i ka hale kupapau, hoailona iho la ka pohaku, a hoonoho iho 1« ka poe kiai. Manao lakou ua paa ke kino o lesu iloko 0 ka hale kupapau. Oa kuhihewa nae lakou, no ka mea, a hala ka Sabati, i ke kakahiaka nui, ekolu wahine, o Maria Magedaiene a me kekahi Maria e ae, a me Salome, hele mai iakou rne na mea ala, e ialoa 1 kona kino. I ko lakou hele ana, olelo lakou kekahi i kekahi, penei; he pohaku nui raa ka puka o ka hale kupapau, a nawai la e olokaa aeia mea ? A kokoke lakou, ike aku ia, aia la, ua olokaaia ae no, a ua hamama ka puka. Pehea keia 1 Owai ka mea 1 olokaa aku i keia pohaku nui loa ? Eia. i ka wanaao o

ka la ekolu, mamua ae o ka hiki ana mai o na wahine i ka luakupapau, "he olai nui, a ua iho mai ia kn anela mai ka iani mai, a oia ka mea i olokaa ae ka pohaku, mai ka puka ae, a noho maluna iho enu. Ua like kona helehelena me ka uila, a ua huali kona kapa e like me ka hau." Pehea ka poe kiai ia manawa ? •' Haalulu iho la ka poe kiai i ka makau ia ia, a ua like lakou me na kanaka make." Ua ala mai 0 lesu ia manawa e like me kana olelo ana ; a malaila ua hookoia ka wanana ; " Aole hoi oe e waiho iho i kou mea hoano e ike i ka palaho." Halelu 16: 10. Kahaha nui o Maria Magedalene, a holo aku la e hai aku i ka poe haumana. Aka, ua kaii iki o Salome, a me kekahi Maria. a komo laua iloko oka iuakupapau. Olelo ka anela ia laua, u mai makauolua, no ka mea, ua ike au, e imi ana olua ia lesu, i ka nieai kaulia ma ke Kea. Aole ia maanei, no ka mea, ua ala ae ia e like me kana olelo ana ; e haele mai olua e nana i kahi i waiho ai ka Haku. E haele koke olua, e hai aku i kana poe haumaua, ua ala ae ia, mai ka make mai. I ko laua hele ana'ku e hai i na haumana, halawai mai la o lesu me laua, i mai la, Aloka olua. ī mai la o lesu ia laua, mai makau olua, ou hele, e i aku i ko'u poe hoahanau, e hele aku lakou i Gali.'aia, malaila lakou e ike ai ia'u. Ua hala e aku no o Maria Magedalene io Petero ame loane. A ike oia ia laua, i aku la oia, 44 ua lawe aku lakou i ka Haku mawaho o ka hale kupapau, nole maopopo kahi 1 waiho ai lakou ia ia." Alaila holo pu o Petero laua o loane—a mama loa o loane, a hiki mua i ka hale kupapau ; kulou oia a ike i ka lole olona, aole nae komo iloko. A hiki mai o Petero, komo koke oia iloko o ka hale kupapau, a ike oia i ka lole olona e waiho ana ma kau wahi, a me ka hainaka i kaeiia'i kona poo, ua opeopeia ma kahi e. Aole ia he ano haunaele e like me ka hapa wikiwiki o ka poe aihue. A noonoo iki laua, alaila komo o loane iloko, ike pono aku i kela a me keia, a manaoio iho la. Alaila hoi aku laua iko laua home. Ua kali nae o Maria Magedalene kokoke ika hale kupapau, e uwe ana. Aole liuiiu kulou oia, a nana iloko, a ike oia i ria anela elua i kahikoia i ke kapa keokeoenoho ana, ma ke poo kekahi, a ma ka wawae kekahi, ma kahi i waihoia'i ke kino o lesu. Ninau na anela ia ia penei; "E ka wahine, no keaha la oe e uwe ai ? " Pane aku la oia, " no ka mea, ua lawe aku lakou i kuu Haku, aole au i ike i kahi i waiho ai lakou ia ia." Alaila huli ae oia, a ike i kekuhi mea e ku ana ilaila. O lesu no la ; aole nae maopopo ia ia,o lesu ia. I mui la oia ia Maria, 11 E ka wahine, heaha la ke kumu o kou uwe ana ?ia wai la oe e imi nei ? " Hoohewahewa ae la o Maria ia ia, manao no, oia ka mea nana e malama i ka niala, a olelo oia, " E ka Haku, ina ua lawe aku oe ia ia, e hai mai hoi ia'u i kahi i waiho ai oe ia ia, a na'u no iu e lawe aku." Alaila, olelo hou o lesu ia ia, " E Maria!" Akahi no a hoomaopopo i kona leo; a huli ae la, a ike, o lesu no ka ! Mui kona hauoli ana e ike maka ia ia e ola ana ; nolaila manao e moe koke i kona mau wawae, a hoomana ia ia. Olelo o lesu ia ia, mai heopa mai ia'u, oia hoi, mai hoomana mai ia'u i keia manawa ; aka, e hele i ko'u mau hoahanau, a e hai aku ia lakou i ka Nu hou—" E i aku ia lakou, e pii ana au i ko'u Makua, a i ko oukou Makua ; a i ko'u Akua, a i ko oukou Akua." Alaila hele koke aku o Maria e hai aku i kana poe haumana i keia Nu hou—ke ala hou ana o lesu mai ka make inai. Ua maopopo lea ia ia, no ka mea, ua halawai pu me ia, he maka he maka. A i kona hele ana, ua halawai me Salome, a me kekahi Maria ; a i ko lakou kamailio pu ana, launa mai o lesu, a i mai la, " Aloha oukou." Moe koke lakou īlalo, apo ae la i kona mau wawae, a hoemana ia ia. I mai la o iesu, mai makau, o hele e i aku i ko'u poe hoahanau, e hele aku l&kou i Galilaia, a malaila e ike mai lakou ia'u. Hele aku la lakou, a hana e like me ka lesu kauoha ia lakou. A hala aku la lakou, ua hele kekahi o ka poe kiai iloko a ke kulanakauhnle, a hai aku i keia mau hana kupaianaha, i ka wanaao j ai, ika poe kahuna nui. Kahaha nui lakou i keia mau mea ano e I Akoakoa koke lakou me na lunakahiko, kukakuka iho la lakou ma na hana e pono ai, i ole e manao na ludaio, ua ala maoli mai o lesu mai ka make mai. Nolaila ua hooholo lakou i ka manno, e haawi i na dala kipe he nui ika poe koa—i hoopunipuni lakou, a olelo aku mai oa o penei; "Na kana poe haumana no i kii mai i kn po, a lawe malu aku la ia ia i ko makou wa e hiamoe ana. A ina e hiki aku keia hooponipuni ana i ka pepeiao o ke Kiaaina, na makou ia e hoolealea aku, 8 e hoopakele ia oukou." Heaha la ka pilikia o na koa, ke lohe ke Kiaaina, ua hiamoe lakou i ka wati kiai ? Eia. He kanawai weliweli ia manawa, u e make ka mea kiai, ke hiamoe oia i kona ioati kia\. %> Aka, aole lakou pilikia no ka hiamoe ; aole hiamoe. Ua makaala no. Aka, kokoke mai ka wanaao, he olai nui! aia wa, ua iho mai la kekahi anela a ka Haku, mai ka lani mai, a olokaa ae la ka pohaku mai ka puka ae, a noho iho la ia maluna oia mea. Ua like kona helehelena me ka uila, a ua huali kona kapa e like me ka hau. Nolaila ua makau, a haalulu ka poe kiai, a ua like me na kanaka make. Aole lakou hihia, a pilikia no ka hiamoe—aole loa.

O na kahuna nui, a mena lunakahiko, (ko lesu poe enemi,) oia ka poe pilikia ; —nolaila ka lakou hana apiki, hoopunipuni, a hoowalewale lakou i ka poe kiai me ka mooi nui kipe, i ole e maopopo auanei i na luelaio, ua ala hou niai lesu, mai ka make mai. Ua puni na koa ia lakou, a ua lawe lakou ia mau dala nui kipe ; a ua kokua i na kahuna nui e hoolaha i keia olelo hoopunipuni mai o a o, a o ka hapa nui o na fudaio ua manaoio i keia olelo wahahee a hiki i keia manawa. Ua ala nae o lesu ia wa ; a ua hoi aku no i kona Makua i ka lani; a ia ia hoi ka mana hooala mai i na kanaka a pau, mai ka make mai.