Ka Nupepa Kuokoa, Volume X, Number 46, 18 November 1871 — Manawalea. [ARTICLE]

Manawalea.

Noho iho la o lesu ma ke alo o ka waihona dala, a nana ae la i kanaka e hoolei ana i ke dala iloko o ka waihona dala. O ka poe e manawalea ana, he poe waiwai kekahi, a he poe ilihune kekahi. O kekahi poe waiwai ua haawi nui no; a haawi ole kekahi poe waiwai. CJa ike ka Haku ina mea i hooleiia iloko, a me na mea i koe, hoolei ole ia iloko oka waihona. Ua ike hoi oia ike ano o na manao o ka poe e manawalea ana. Ua haawi kekahi poe me ke aloha nui i ka Haku, a me ka makemake e hiki mai kona aupuni. He ano pi—a aua—a minamina kekahi poe i ko lakou mau dala—aok oluolu e kokua i ke aupuni o ka Haku. Kekahi wahine kanemake hu»e, hoolei mai la i hookahi keneta. Ua maopopo ia lesu kona hune, a me kona manao aloha, a olelo koke oia i kana poe haumana, penei; " O keia wahine kanemake hune, ua oi aku kona inea i hooiei iho ai, mamua & ko lakou a pau ; no ka mea, hoolei iho la lakou a pau, no loko o ko lakou waiwai nui j aka, o keia mea hune, ua hoolei mai la i kana mea a pau. Malaila ua ike o lesu, ua oi aku ko ia nei aloha ia ia, a me kona aupuni, mamua o kela poe waiwai. Nolaila, iko kakou manawaleaana no ko lesu aupuni, ina no Kuloko, a ina no Kuwaho—pono ia kakou ke noonoo, a hoomaopopo, ua akaka lea i ka Haku, ke ano o ko kakou manao : he aloha a minamina paha i kona aupuni j a i ole, he pi, he aua, a he makemake ole i kona aupuni.