Ka Nupepa Kuokoa, Volume X, Number 47, 25 November 1871 — Ka Aha Hookolokolo Kaapuni ma Waimea, Hawaii. [ARTICLE]

Ka Aha Hookolokolo Kaapuni ma Waimea, Hawaii.

Ma ka la 8 o Novemaba, ua hoomakaia na hihia imua oka Aha Kaapuni. O ka [ Mea Hanohano A. S. Hartwell ka PeresideIna a me C. F. Hart ka Lunakanawai Kaapuni ma ka noho. Oka Hope Loio Kuhina L. Makale Esq„ me ka Mea Kaulana Aeto, J. D. Halai, J. K. Kaunamano. O. R. Lindsey a me Napela na hoa o ka Papa Loio. Ua kahea ia na hihia ma ka )a mua. Moi kue ia Peni (k) me Ainahawele (k) no ka aihue; hoole mamua a mahope ae. Hoopaiia o Peni elua makahiki me eono malama; o Kaainahawele hookahi makahiki me eono malama. Poaha, Nov. 9. Moi kue ia Kolomoku, Waahia (k) a me Kekualiilii (k) no ke puhi wai ona, mai ka Apana mai o Hilo. Hoopau wale ia. Moi kue ia Kahele (k) no ka wawahi hale. Hoopaiia elua makahiki. Poalima, Nov. 10, Moi kue ia Kamakini, aihue leta. Hookuuia. Moi kue ia John Kalama no ka aihue. Hoopaiia ekolu makahiki. Moi kue ia Kawai (k) me Keai (w) no ke puhi wai ona. Hookuuia. Poaono, Nov. 11. Moi kue ia Kekaula, no na mea ino wale, mai ka Apuna mai o Kau. Hoopau wale ia. Moi kue ia Nawahine (k), no na mea ino wale, he kuamuamu. Hoopaiia he $25.00 me nc dala koina he $22.00 Moi kue ia Keoua, no ka hoike wahahee. Hoopauia. Moi kue ia Kalani, he ai pepeiao, mai ka Apana mai o Hilo. Hoopaiia 1 makahiki me na dala he 25.00. Naaikauna kue ia J. K. Kaunamano, he uhai ika Olelo Ae-like. Waihoia no ke Kau Kiure o Hilo. Hookuuia na Jiure. Poakahi, Nov. 13. Moi kue ia John Jones no ke ki pu. Hoahewaia 3 malama me na pohaku $100.00. Moi kue ia Manuela, he laipila. Hoopau wale ia. Moi kue ia Maka, no ke puhi wai ona, no ka Apana mai o Hilo. Hoopauia. Moi kue ia Alapai,—Hoopauia. Moi kue ia Hila Likeke, no ka hoeha. Hookuuia. J. Y. Davis kue ī ka Hui o Waimea ; hoopau wale ka mea hoopii a uku i na koina $103.00; luuluu no. Nuholas George kue ia Kaulia, noi mai ka mea pale e hoopau. Nuholas George kue ia Kekaula,—Waiho ia no Hilo. Kemhall (k) he hoopau mare,—Waiho ia no Hpnolulu. J. K. Kaunamano kue ia P. Kaaekuahiwi Lunakanawai Apana o Hamakua, no ka hoopau ana i ka Oihana Loio imua o kana Aha Hookolokolo. Aia i Honolulu. Oia iho ia ka nui o na hihia i laweia mai, ame ke ano ona hana ma ia mau la. He mau la omamalu me ka ua. He ma'u ia. Z. P. Kauapuupou. Waimea, Hawaii, Novemaba 15, 1871. [Ke mahalo aku nei makou i ka mea kakau ik» moolelo maluna ae. L. HJ.