Ka Nupepa Kuokoa, Volume X, Number 47, 25 November 1871 — Kupaianaha. [ARTICLE]

Kupaianaha.

Nui na mea kupaianaha, weliweli, ano e i keia mau makahiki. A ke ninau mai nei kekahi poe, penei j •' Heaha la ke kumu ; a heaha la hoi ka hope o keia mau mea ?" Ua manao kekahi poe, e neenee ana kakou i ka hope o keia ao. Pono no i ka poe akamai e kiai, a e hooponopono i na hoailona o neia manawa. No ka niea, ua akaka no, aole oluolu ke Akua i ka hana ana o kekahi mau lahui kanaka i keia wa. Ua manao kekahi poe, o ka hewa pookeia ma ka honua nei i keia wa, oia ku hookiekie ana o ka Pope ia ia iho maluna o na mea a pau i kapaia he Akua, a me ka mea i hoomanaia. Ua hiki mai ka lono o ka hana ana, 0 ka Pope, a ene kana poe Bihopa ma Roma, 1 ka makahiki i hala aenei. Ua hoakoakoa ka Pope i kana poe Bihopa Katolika ma Koma, a kuka loihi lakou—a, o ka hapa nui o lakou, ua hooholo i ka manao, penei; " Ua Hemolele loa ka Pope—aole hewa iki kana hana ana." A i ko lakou manao, ia ia ka ike, a ine ka noiau, a me ka mana, e hooponopono i na ekalesia a pau ma ka honua nei ; o na mea i aponoia e ia, ua pono ia ; a o na mea ī ahewaia e ia, ua hewa no ia. la ia hoi ka mana e alii ai maluna o na aupuni a pau ma ka honua nei. Oia kekahi mau manao i hooholoia e ka hapa nui o na Bihopa ma Koma i ka makahiki i hala aenei. Aka, nani ko lakou lalau, a me ko lakou kuhihewa. No ka mea, aole pela ko ke Akua manao. Eia kona manao. Aole kanaka hewa ole e ola ana ma ke ao nei. E heluhelu kakou' ma na Lii I. 8: 46. 14 No ka mea, aole kanaka hana hewa ole." Halelu 19: 12. 4> Owai ka mea i helu pono i kona lalau ana ?" Halelu, 130: 3. " Ina ma ka hala oe e haka pono mai ai, e lehova ; owai ia ka mea e ku ?" Halelu, 143: 2. " Mai hookolokolo mai oe i kau kauwa; no ka mea, aole e nponoia kekahi mea ola imua ou." Koma, 3: 22. " No ka mea, ua lawehala na mea a pau, ua neie hoi i ka nani o ke Akua." loane I. 1: B—lo. " Ina e olelo kakou, aole o kakou hewa, ua kuhihewa kakou, aole he oiaio iloko o kakou. lna e oielo kakou, aole kakou i hnna hewa, ua hoolilo kakou ia ia i mea wahahee, aole hoi kana olelo iioko 0 kakou." Pela ka olelo ma ka Baibala, aole hookoe ia ka a me kana poe Bihopa ; aole ! 1 Aole kanaka lawehala ole ma ka hooua nei. | He kanaka no ka Pope, a imua o ke Akua,

he kanaka hewa no ia ; a, ipa e ola auanei | kona uhane ma ka lani, e ola no ia ma o le-| su Rnristo la. Pela kona poe Bihopa a pau,j a me ka lakou poe haumana a pau, ma o leso la ke ola, aole ma kahi e. " Aole loa he ola maloko o,.ka mea e ae ; no ka mea, aolē inoa e ae i haawiia mai malalo iho o ka lani, iwaena o na kanaka, i mea e ola'i kakou." Oihana 4: 12.

Auhea oukou> ka poe e manaoio ana i ka Eaihala—ka poe noiau—ka poe*hoi e kiai ana i na hoailona o keia manawa ? Owai " ua kanaka hewa la, ke keiki o ka make ?" ka mea a Paulo i hai mai na Tesalonike 11. 2: 3, 4. u O ka mea i kue mai, a hookiekie ae la ia ia iho maluna o na mea a pau i kapaia he Akua, a me ka mea i hoomanaia, oia hoi, me he akua la, e noho ana ia iloko o ka luakini o ke Akua, e hoike ana ia ia iho oia ke Akua'.'' E pili ana keia wanana ia wai, ke ole i ka Pope ? A e hiki anei i ke Akua ke nana oluolu mai i ka mea e hana ana pela ? E haawi anei oia i kona nani, ame kona mana, a me kooa Akua ana i ka Pope? Aole ! aole loa !! Pehea ? Ua pomaikai ka Pope, a me kana pee Bihopa i keia wa e neho.nei? No ka mea, ua haalele kekahi mau Bihopa Katolika naauao i kela aoao; a nui na haumana Katolika e hoole ana, a e haalele ana, a e huli mai ana i ka aoao hoole pope. Auhea ke Aupuni malalo iho ona i keia wa ?

Eia ka lesu olelo i kana poe haumana, Mat. 23: Sr—l2. " Aka, o oukou, mai kapaia oukou he Rabi, 'no ka mea, hookahi a

oukou Kumu, o ka Mesia, a he poe hoahanau oukou a pau. Aole hoi e hoomakua aku oukou i kekahi kanaka ma ka hohua nei; hookahi o oukou Makua, aia ī ka lani. Aole hoi oukou e kapaia mai he Haku, hookahi o oukou Haku, oka Mesia. Oka mea nui iwaena o oukou, he pono e lilo ia i kauwa na oukou. Oha mea hookiekie ae ia iaiho, e hoohaahaaia iho no ia." Pela ka lesu ma Mataio. Eia hoi kana olelo ma Luka 18: 4. " 0 ka meā i haokiekie ia ia iho, oia ke hoohaakaaia." Penei hoi ma ka waha o Davida, Halelu 138: 6. "Ua kiekie loa o lehova, ua nana mai nei i ka poe haahaa, aka, ua ike no oia i ka poe hookiekie ma kahi loihi." Eia ka olelo ma lakobo 4: 6. «« Ua kue aku la ke Akua i ka poe haaheo Penei hoi ma Petero l, 5: 5. " Ua kue ke Akua i ka poe hookiekie.

E hoomaopopo kakou i ke ano o ka ke Akua olelo, a me kana hana ana, a me kona hakaka ana me, kela lahui, keia lahui kanaka, i keia wa e noho nei. E hoopaanaau i kana olelo—«' Pomaikai ka poe i haahaa ka naau, no ka mea, no lakou ke aupuni o ka lani." Aka, •« ua kue no ke Akua, a hakaka hoi me ka poe hookano, haaheo, a hookiekie ia lakou iho imua o kona alo."