Ka Nupepa Kuokoa, Volume X, Number 47, 25 November 1871 — He pilikia! He pilikia! [ARTICLE]

He pilikia! He pilikia!

E ka Nupepa Kuokoa e; Aloha oe:— Eia ma ko makou apana o Mana nei. Ua uhi paapu ia e ka lepo a ka wai, ua hoomaka mai keia ua nui, mai ka la 15 maio Okatoba, ahiki i ka la 13, oia ka mnlie ana o ka ua. Alaila, o ka pililikia i loaa iloko o keia ua nuiana; Oia ka uhi paapu ia o na aina; mai Kekapa, a Kolo ; eono ka nuio na ahupuaa maloko o keia apana, i uhi ia e ka lepo. Eia na inoa pakahi o lakou a puu o Kekaha, ka aina ma ka hikina hema o Pokii, o Waiawa, Kahelunui, o Kaheluiki, o Kalo, oia ka aina ma ke komohana akau. Oia iho la na mea hou ma keia apana, a ke ano pilikia nei,ka ia wahi. No ka bipi mai keia pilikiii ana, ua pau ka weuweu a waiho oneanea ka aina, a i ka wa e ua mai oka hele okoa mai la no ia oka lepo. O keia bipi nae aole na makou, nana haku aina no; Ua pau me ke Aloha i na keiki o ka hale pai, a me ka Luna Hooponopono o ka nupepa "Kuokoa." Kalanamahiki. Mana, Kauai, Novemaba 1861.