Ka Nupepa Kuokoa, Volume X, Number 47, 25 November 1871 — Ia Hawaii Ponoi. [ARTICLE]

Ia Hawaii Ponoi.

E ka Nupepa Kuokoa e ; Aloha kaaa:— Akahi no a launa mai me a'u na manao walohia, i awili pu ia me ka waimaka e loku nei i ka iwi aoao, oia hoi ka pepa o keia makahiki, e pau ana i ka pule hope o Dekemaba, o keia makahiki 1871, a hoi aku i ka aoao mau o ka honua. Nolaila, ke poloai aku nei au ia Hawaii ponoi, E lokahi ka manao, i hookahi puuwai, E nana aku i ka moolelo o ke ao nei, o ka nee ana o ke au o ka manawa imua, he mea ia na kakou e olelo iho ai, ke holo nei o Hawaii imua, ma na hana pili kalepa, a me na mea hoonaauao. Nolaila, ua maopopo, ua like ole na manawa o kekahi makahiki me kekahi makahiki. Nolaila, o ka poe lawe pepa a pau o keia makahiki, he 3,000 ko lakou heluna, a pakui hou ia aku 1,000 i koe, alaila, ua like me 4,000 ka heluna nui o keia makahiki hou ae, alaila, e manao kakou ua holo io ke auo ka manawa imua. Nolaila, ke kahea leo nui aku nei au i na elemakule, na luahine, na hapauea, na keiki, na moopuna hoi, na kualua a me na kuako]u, i na ili keokeo a me na ili palauli, e hui like mai kakou a pau, E lawe ! e lawe!! i ka nupepa Kuokoa o ka makahiki 1372; i ike i na moolelo o ke Kau Ahaolelo o keia makahiki ae. Me ka L. H. ke aloha. D. Kaulanaula. Makawao, Maui, Novemaba 13, 1871.