Ka Nupepa Kuokoa, Volume X, Number 49, 9 December 1871 — Hebedoma Haipule. [ARTICLE]

Hebedoma Haipule.

Ua kokoke mai ka Makahiki Hou, 1872. 1 ka halawai makahiki o ka Ahahui Euanelio Hawaii ma Honolulu, lune 1871, ua hoo-1 holoia ka manao e kela Aha, penei ; 44 E malamaia ka hebedoma mua o lanuari M. H. 1872 i hebedoma haipule." Pela paha na Ahahui mokupuni, īloko o ko lakou halawai hapa makahiki, Sepatema. ba a me Okatoba i hala ae—ua hooholo like lakou i ka manao, e malama i ka Hebedoma | mua o lanuari 1872, i hebedoma haipule. | Pono loa i na haipule a pau, e hoomakau- j kau e ia lakou iho, a me ko lakou poe ohua, no ka hebedoma haipule. No ka mea, aole ia he wa e hoomaha kino wale rio, a e holoholo lio io ianei, e ike i na makamaka, a e makaikai i ka aina, a me na mea kupaianaha mai o a o. He manawa no ia e hoohaahaa ia kakou iho imua o ke Akua—a e hookokoke ia ia me ka mihi, me ka pule, me ke aloha nui ia ia, a me ke aloha i na hoalauna. lna manao ka poe mnhiaie luiu i kolakou aina i kela hua keia hua i ka malama o lanuari, e hoopalau a hoopalupalu koke lakou i ko lakou aina i keia wa, i Dekemaba nei. No ka mea, ina e luluia na hua maluna o ka aina oolea, paakiki, palupalu ole—a iloko o ka weuweu paha—-a me ka nahelehele, e makehewa ka lakou hana ana. Nolaila, ua hoomakaukau e lakou i ka aina a, haule ntai la ka ua, a momona ka aina, e lulu koke lakou i na hua, a hana pu me ke Akua; alaila, ua makepono ka hana, a e ohi mai auanei, pa kanakolu, pa kanaono, p& haneri. O ka bebedoma haipule, he manawa no ia e lulu no ka Uhane. Nui na kahu ekalesia, a me na haipule eae e hoomanao ana, a e hoomakaukau ana no ka hebedoma haipule. Pehea kakou ma Hawaii nei? Ua piha anei ko kakou mau manao, a me ko kakou mau lima i na hana e? Paa paha kekahi i ka mahiai i kona aina—a makemake oia e hookuuia. Paa paha kekahi i ka hana hoolimalima—a makemake e hookuuia. Ua kuai paha kekahi i ka aina, i ka lio, i ka lei bipi—e hele ana e ike ia mau mea, a makemake e hookuuia. Ua mare paha kekahi i ka wahine—Ua hoopalau mare paha kekahi, e noho ana paha kekahi me ka wahine manuahi, a me ke kane manuahi, a noi mai paha e hookuuia. Ae, e lulu ana keia poe a pau i ko ke kino, aole kaawale e hele i ka pule hoomau, a lulu ma ka U|iane. Eia nae ka Paulo olelo i kela poe. « Mai kuhihewa oukou, aole ke Akua e hoomaewaewaia'ku;

oo ka mea, o ka ke kanaka i lulu, o kana hoi ia e ohi mai. No ia inea, oka mea e lulu ma kona kino iho, no ke kino ia e ohi ananei i ka make; aka, o ka mea e lulu ma ka X3hane, no ka Uhane ia e ohi auanei i ke ola mau loa."