Ka Nupepa Kuokoa, Volume X, Number 50, 16 December 1871 — Ka la Penetekota. [ARTICLE]

Ka la Penetekota.

A hala paha na la he 10, mai ka pii ana o lesu i ka lani, ua hiki mai ka la ahaaina Penetekota. Kauoha mai ke Akua i ka poe lsiraela e malama i keia ahaaina, i kona haawi ana ia lakou i ka aina o Kanaana. Eia hoi kekahi. I ka puka ana mai o ka poe lsiraela mai Aigupita mai, a hala na la kanalima, ua haawiia mai na kanawai ma ka mauna o Sinai, oia kekahi kumu nui o ka hoomanao ana, a ine ka malama ana i ka ahaaina o ka la Penetekota. Ua kapaia hoi he ahaaina o na hebedoma, no ka mea, inahope o ka ahaaina moliaoia,ehiku hebedoma no ia. Ua akoakoa iehuiehu mai na ludaio, ma lerusaiema ia wa, e inalama i ka ahaaina Penetekota. Nui hoi na kanaka o na aina e ka i hiki mai ia wa. Ua kapaia lakou he poe Helene, ua aoia iakou e manaoio ia lehova, a e malama i kona mau kanawai. Ua akoakoa pu lakou a pau i ka ia o keia ahaaina, me ka manao lokahi. "A emo ole, pae mai la ka leo, mai ka lani mai, ine he makani nui ikaika la ; a hoopiha loa iho la i ka hale a pau, kahi a lakou i no> ho ai. A ikeia 'ku la e lakou na olelo manamana, ua like no me ke ahi, a kau mai la iluna iho o kela mea keia mea o lakou a pau. A piha ae la lakou a pau ī ka Uhane Hemolele; a hoomaka lakou e olelo aku i na olelo e, e like me ka haawi ana mai o ka Uhane ia iakou i ka olelo." He mea nani, kupaianaha keia ; he nu hou ano e; akahi no ko lakou lohe ana i keia mau leo ano e he umikumalima. Aka, e hooko ana no o lesu i kana olelo. i ka hoouna ana mai i ka Uhane Hemolele, ka mea e Kokua ia lakou. Ua ike kakou, aole hiki wawe ke ao aku i ka oleloe; he mau mahina, a he mau makahiki paha ka hooikaika ana e ao, a maopopo na olelo e. Aka, aole pilikia pela na lunaolelo o Kristo i ka ahaaina Penetekota. Iloko o ka minute hookahi, ua makaukau lakou. No keaha keia ? Haawi mai ke Akua i keia mana ia Petero ma i ke aha ? No ka mea, eia no na kanaka no kela aina keia aina; a makemake ke Akua e lohe koke lakou i ka euanelio —a hoi iakou i ko lakou aina, e hai aku i na kanaka a pau e noho ana ilnko 0 ka naaupo. Nolaila, hoouna mai ke Akua 1 ka Uhane Hemolelee kokua ia lakou, "e hoakaka i ko ke ao nei," (oia hoi, i ko Paretia, roe ko Media, me ko Elimai, me ko Mesopatamia, me koludaia, me ko Kapedosia, me ko Poneto, me ko Asia, me ko Perugia, me ko Pamepulia, me ko Aigupita, me ko Libua, me ko Koma, me ko Kerete, a me ko Arabia) e hoakaka i keia mau malihini a pau ma lerusaiemaa, i lohe lakou a pau i " na hana mana a ke Akua i hana'i." Ua pilihua ka lehulehu me ke kahahn o na naau, a olelo kekahi i kekahi, penei; " Aole anei no Galilaia lakou a pau e olelo ana i ka makou olelo a pau ?" " Hoowahawaha nae kekahi poe, i ae la, ua piha keia poe i ka waina hou." Alaila ku ae la o Petero iluna, hookiekie ae la i kona leo, a olelo aku la ia lakou. " E na kanaka, na ludaio, a me na mea a pau e noho

ana ma lerusaleina nei, ke hooko nei ke-| Akua i kana olelo kahiko ma ka waha o kona kaula, o loela, Ina la mahope, wahi a ke Akua, e ninini iho au i ko'u Uhane maluna o na kanaka a pau." Oia no keia. Nolaila, e hoolohe inai oukou i keia mau oielo; " O lesu no Nazareta ka i hele mai iwaena 0 oukou, a hana i na hana mana, a me na mea kupaianaha iwaena o oukou, e like me ko oukou ike ana. Aua hopu oukou ia ia, a ,ue na lima hewa, ua kau oukou ia ia ma ke kea a make ia." Aka, ua hoala mai ke Akua ia ia ; a o inakou he poe hoike no kona ala ana mai; a ke hai aku nei makou, oia no ke Keiki a ke Akua, ka Mesia. Aua pii aku la oia ika lam ; a oia ka mea i hooiho mai ka Uhane Hemolele maluna o makou, a haawi mai ia makou i ka uiana e olelo i kela oielo keia olelo, e like me ko oukou lohe ana, a me ko ike ana, i keia la." 11 No ia mea, e ike pono ka ohana a pau a lseraela, ua hoolilo ke Akua ia lesu nei, i ka mea a oukou i kau ai ma ke kea, i Haku, a 1 Mesia hoi."

A lohe lakou i keia mau manao, pehea ko lakou manao ia Petero ? Huhu anei ? Walania paha, me ka mihi io imua o ke Akua ? Ua waiania ko lakou naau, a ninau lakou penei; "E na knnaka, na hoahanau, heaha ka makou e hanu'i ? Alaila, olelo aku Ia o Petero ia lakou, e mihi, a e bapetizoia oukou a pau iloko o ka inoa o lesu Kafisto, i kalaia mai na hala, a e loaa ia oukou ka haawina o ka Uhane Hemole'e. Alaila, oka poe i makemake, ua bapetizoia, e like me ka lesu kauoha ; a ia la no, hui pu ia mai, ekolu tausani. Ua pau ka haawi ana mai o ke Akua i ka mana i kana poe kauwa, e ike, a eolelo i na olelo e, e iike ine kona haawi ana ia Petero ma ika la Penetekota. Ika hoomaka ana i kana hana ia wa, uu pono kona hoolako ana ia lakou me ka mana e hai aku i kana olelo, i iohe pono ko kela ko keia iahuikanaka, i maopopo hoi ka oiaio o ka lakou olelo. Aka, he okoa ka hana i keia wa ; no ka mea, ua unuhiia—ua maheleia—a ua paiia ka olelo a ke Akua i na olelo he nui wale; a e hiki no i na kanaka ke heluhelu i ka palapala hemolele no lukou iho ; a ua mahuahua hoi na Luna haiolelo, a me na Misionari e ao aku, a e hai aku i ka olelo a ke Akua ia iakou. Eia hoi ; ke haawi mai nei no ke Akua i! ka Uhane Hemolele, i keia inanawa, e " Kokua " i ka poe e noi ana ia ia ; i mea e hoohuli mai, a e hoohunau hou mai—a e hoomaemae i ka naau o kanaka, a hoomakaukau ia lakou no ka lani. Noluila, ua lokahi ka manao o kekahi poe haipule, mai o a o a puni i ka honua, e hookaawale i kekahi hebedoma iloko o lanuari, i ka makahiki hou, e noi like lakou i ke Akua, (aole no ka mana e olelo i na oielo e) aka, no ka meu Kokua, " oia hoi no ka Uhane oiaio, nana e ao mai i na kanaka i ka oiaio a pau ; a nana hoi e hoakaka mai i ke ke ao nei, i ka hewa, a i ka pono, a me ka hoahewa ana." Pono loa ka manao o ka poe i kukulu i ka Hebedoma Haipule. Oia paha ka poe ealoha ana i ke Akua me ko lahou naau a pau, a me ko lakou ikaika a pau ; a e aloha ana hoi i na hoalauua e iike me ko iakou aloha j ia lakou iho. Ina kakou e hapai pu i keia hana maikai, i pomaikai hke kakou me ka poe haipule oiaio a puni ka honua.