Ka Nupepa Kuokoa, Volume X, Number 50, 16 December 1871 — Ka pii ana i ka Lani. [ARTICLE]

Ka pii ana i ka Lani.

He kanahu na la ko fesu noho ana ma ka honua nei, mahope o kona ala hou ana, mai ka make mai. Ua halawai pinepine oia me kana poe haumana ia mau la, a ao aku la ia lakou, i kela mea keia mea no kona aupuni. A kokoke mai kona manawa e laweia'ku mai o lakou aku i ka lani, ua alakai oia ia lakou iwaho a hiki i Betania, ke kauhale o Lazaro a me Mareta, a me Maria. Hapai i ae la o lesu i kona mau lima, a hoomaikai aku la i kana poe haumnna. " Eia hoi, i kona hoomaikai ana, a me kona kamailio pu ana me lakou, ua hookaawaleia'e la ia mai o lakou aku, a laweia aku la iluna, a na ke ao no i apo mai, mai ko lakou mau maka aku." ! A i kona pii ana, ua ku na haumana, e | hnka pono ana'ku i ka lani, a ike iaia e pii [ ana ae iluna o na ao, a nalowale aku la. Ua hala aku la o lesu ; ua hala i ka lani, e noho ma ka lima akau o ka noho alii o kona Makua. Ua kaumaha paha kana poe haumana no kona haalele ana ia lakou. Eia nae ka mea e hooluolu ia lakou—kana olelo ma loane 14: I—3. " Ma ka hale o ko'u Makua he nui loa na wahi e noho ai—ke hele aku nei au e hoomakaukau i wahi no oukou—a e hoi hou mai no wau, a e lawe ia oukou io'u la, i noho ai oukou kekahi ma ko'u wahi e noho ai." A i ko lakou haka pono ana'ku i ka lani, ku kokoke mai la me lakou na kanaka elua, (he mau anela no ka !) me ka aahu keokeo; i mai la laua penei; "E na kana!:a o Galilaia, no keaha oukou e ku nei e nana'ku ana i ka lani ? O lesu nei, ka mea i laweia'ku i ka lani; pe!a no e hoi hou mai ai e like me ka oukou ike ana'ku ia īa e pii ana i ka lani." Alaila oluolu lakou, a hoi aku Ia i lerusaleina, e kali malaila, e like me ka lesu kauoha, a iho mai ka Uhane Hemolele maluna o lakou. Ma ke Kauoha Hou, ua maoponoia kakou ka hanau ana mai o lesu, ke Keiki hivahiva a ke Akua ; ka inaikai o kona noho ana, a me na mea kupaianaha o kana hana ana, na

mea ano e i kona make ana ma ke kea ; a me ka iauna ana mai o na anela i kona ala hou ana, mai ka make mai; ame ka moolelo o kona pii hou ana i ka lani. Nui wale na mea kupaianaha ma ka moolelo o lesu Karisto, i kona noho ana ma ke ao nei. Pono ia kakou a pau ke heluhelu pinepine i ke Kauoha Hou, a hoopaanaau i kana iniu hana mana; i kona lapaau ana i na mai o kela ano keia ano ; kona mahiki ana'ku i na daimonio ,* kona kaia ana i ka poe hewa, ame kona hooala ana i poe make. E hoolohe hoi kakou a pau i kana kauoha ma i\lataio 11:28—30. 41 E hele mai oukou a pnu loa io'u nei, e ka poe luhi, a me ka poe kaumaha, na'u oukou e hoomaha aku." " E amo oukou i ka'u auamo maluna iho o oukou, e aoia oukou e au ; no ka mea, ua akahai au, ua haahaa kuu naau, a e loaa ia oukou ka maha no ko oukou uhane." " No ka mea, he oluolu ka'u auamo, he mama hoi ka'u ukana."