Ka Nupepa Kuokoa, Volume XI, Number 30, 27 July 1872 — Page 4
| This text was transcribed by: | Kekoa Uyechi |
| This work is dedicated to: | Kamehameha Schools Maui |
Ka Nupepa Kuokoa
KE KILOHANA POOKELA NO KA LAHUI HAWAII.
Leo --- We’ll Journey Together Silver Song.
1 E nauwe po ae i Ziona,
Kauhale maikai o ke ao,
Aole he pouli maluna,
Aole loa ae la he po.
Mai noi e noho malalo.
Mai ake e maha maanei,
E oli e kikoo mau aku.
E nauwea hauoli e.
Cho -- E nauwe po ae i Ziona.
Ziona, Ziona olino,
E nauwe po ae i Ziona,
Ziona, kauhale ali
2 E nauwe po ae i Zona,
I kahi e heui po oi,
Na kini meikai ma ka nani,
Me Iesu ke kahu maikai,
Ke kahu hānai i ke Ohana,
A kini a hoomalu mau,
E mele i kona aloha,
Me kana mau hana a pau,
Cho -- E nauwe pu ae i Ziona, &c,
3 E nauwe pu ae i Ziona,
Na hoa, na pokii maikai,
Na pua, na haumana kula,
Na kumu ke nauwe pu ae,
Ua ino, ua haiki ke ala,
He ala pokole no nae,
Mai wiwo a ku kanaloa,
E nauwe a kikoo mau ae.
Cho—E nauwe pu ae i Ziona &c.
4 E nauwe pu ae i Ziona,
Kokoke e ho@a mai—
UE pau koonei eha a luhi,
E kuu ia a lele ae,
A komo ia kauhale lani
Me na anela mele maikai
E mele, “no Iesu ka nani,
Ka mana, ke kalaunu alii.”
Cho--- E nauwe pu ae i Ziona, &c.
Hawaii.
Ulu Moku Nane,
HELU IV.
Aia a kapilina ka moku i paa, a holo, a ikeia ka holo ana, a laila paha Akaka na luna, na ona, na sela, na ohua, na ukana, kahi e holo ana, a pela aku. A i kapili ole ia, e kapili ia ana nae, akaka ole na luna, a pela aku. E hiki nae ke koho, a hoopuka i kekahi poe kupono e lilo i poe luna, a sela, a ohua paha me ona ukana.
Ma keia nino mea elua, ma na moku i pua, a ma na moku i pono ke kapilina, e nana ai kakou i kēia wa. E hoopili nae i ka nana ana i kēia Pae Aina wale no. Aia ma Honolulu kekahi maui Puali Kinai Ona, he Puali haole kekahi, he Pualki kanaka maoli kekahi. Aia paha ma Maui kekahi; pohihihi no nae kēia ia’u. Na Peresidens, hope Peresidena, na Komite, a pela aku—lākou na Kapena, na Kahu, a Hulipahu i ka poe e huki ana i na kaulu, i na pea, a e hooikaika ana i holo pololei ka moku, o lākou na selo, ka poe ui, ka poe ikaika i ke kinai ana i na mea ona; i ka imi a paipai ana i na kanak, kane, wahine, makua, kupuna, keiki, moopua, e ae a komo loko o ka moku. @ kuu poe e ae noa, e hoohiki ana e ae, e komo ma ka haalele ana i na mea ona a pau; lākou na ohua—a hui pu lākou me na sela, a me na luna ma ka hooholo nono ana i ka moku.
Ka ukana malune, oia na kina, na uhane, na mea e ola ai, ka waiwai, ke dala, ka lole, na hale, na home, na aina, ka inoa maikai, ka noho malie, ka hanohano, ka oluolu, ke kuikahi, ka lokomaikai, ke ahonui, ka ikaika i ka hana, ka olioli, ka mahaloia, ke ola a loihi; he nui wale ka ukana maikai maluna o na moku kinai ona nei. A he mau ukana ino paha kekahi i lawe maluna, a hunaia maloko ma kahiluna o lalo. Oia ka hookainani, ka lawe a inu malu ana i ka ramu, a nau a puhi malu i ka baka, a nuho hoomaloka me ka huki i ka moku ihope, a ilalo lilo hoi.
Ke holo nei kēia moku a mau moku kinai ona ma na kai ewalu o Hawaii nei, a hiki aku i ka moana nui o keia no. He moana ino a kiekie na ale e popoi mai ana, he makani mamua e pakuikui mai ana, a e hooluliuli, a hoao ana e hookahuli i ka moku. Nui paha na enemi, maloko kekahi, mawaho kekahi, malalo iho kekahi, he poe henehene, he poe hoowalewale, he poe kumakaia, he poe kau wale ma ka waa, aole hoe, he poe hopohopo, a nawaliwali ka hoole ke hoowalewaleia, a e ae wale aku a hina, he poe uwe minamina no ka hoohiki e haalelo i ka mea e waiwai ai, oia hoi ka hana a kuai i na mea ona—a halele hoi i kekahi kumu e ola ai, oia hoi ka inu a ona i ka rama, a pooiooio i ke puhi haka. Weliweli na enemi! Pihoihoi na luna, na sela, na ohua a maono paha e haalele i ka moku, a hookuu iho i mea liilii a holo maluna aku. Malama me he ohea, a mau ohua paha maluna, e papa ana, e paipai ana i ko kapena moku, aole make e ae oia i ka haalele ana o kekahi poe, o ka hoapili ana i ka moku ka mea pakele ai ka poe maluna iho.
Leo—The Temperance Ship,
Charm—soss 126.
1.
Ka moku e, ke holo nei,
Holo nei, holo nei,
Ka moku e, ke holo nei.
P—ii mai na ale e.
Ka moku kinai ona nei.
Holo e, holo e.
E holo e haole mai.
E ee ae malanaʻe.
Cho—E ala, e na hoa.
Lohe anei i ka awe?
I ka uwe e hea mai ana,
Mai na kini ona e,
Mai na keiki, na makua,
Holo, wiki, kokua mau.
E kokua i kou hoa
E hoola i kou pokii
E hoola i kou pokii
2.
Ke pii na nalu mauna e,
Pii a pii, pii a pii,
Na nalu mauna ke pii ae,
Wela ka enemi,
E kāua aku i auhee,
I auhee, i auhee,
E kāua aku i auhee,
E kāua a kinai.
Cho—E ala e na hoa &c.
3.
Aia e na ui, pale ae,
Pale ae, pale ae,
Alaʻe na ui, pale ae,
I keia enemi.
Mai kuhi, he ala maikai nei,
Maikai nei, maikai nei,
Mai kuhi, he ala maikai nei,
He ala e make ai.
Cho—E aia e na hoa, c.
4.
Na keiki kula, kupaa mau,
Kupaa mau, kupaa mau,
Na keiki kula, kupaa mau,
Kupaa a paio no,
E paio no ka aina nei,
Aina nei, aina nei,
I pau ka inu rama e,
A malu maikai e.
Cho—E ala e na hoa, &c.
E haalele anei kekahi poe i keia moku maikai—ka moku kina rama, a lele iwaho ma ke kai hohonu, lipolipo, hoowahawaha, a holo aku i hea? I kahi e ilia i a poholo ilalo i kahi o Milu e make mau ai?
E ili ana no nae keia moku, i ka manawa kupono, a nahaha hihi, a ma na apaua papa, e au ai, e pili ai kekahi poe, a pae i uka a ola. Aole nae oia ka moku hoola i ka uhane. O Iesu ia moku, a he moku kokua keia i ka ee ana maluna o ka moku hoola uhane. Aole i pau.
He wahi olelo hoike no ke Kala Hanai o Waialua.
I ka ia mua o Aperil, 1871, ka hoomaka hou ana o keia kula malalo o Mele E. Gelina He wahi oluolu no o Waialua, he kupono no ke Kula Hanai. He nui ka wai, a he nui ka ai. He akea ka aina, a he nui na hale; hale noho, a he hale kula. He momona ka aina, he kupono no ka ulu kulina, uala, ko, maia, a pela aku, Iloko o ka makahiki 1871, na alakai mai ia ka wai, mai kela aoao o kahawai iloko o na piula. He mea waiwai ia keia. Ma ka hoomaka ana o ke kahe o ka wai piula, Kahea na mea a pau. “Ua pau ka lobi.” Ua pau ia no! Ca hoomaka ia ke kula me na haumana eha, a me ke kumu hookah. I keia manawa ekolu kumu, me na haumana he 41. Aole nui mai o na haumana. I ka mahina o Iune, hiki iwaena o makou he mai. Loaa ia Haupu, kahi haumana mai Kahuku mai, i keia mai piva. Koi nui ka makuakane e lawe aku. Minamina loa ke kumu, aka, no ke koi ikaika loa, ae aku ke kumu. Kona hoi no ia, a hala na mahina elua, lohe no makou ua ma ke o ua haumana aloha la. Ma ka hookomo ana o kekahi mau haumana iloko o keia kula, ua ano nawaliwali lākou; aka, i nei wa, ua ikaika, ua eleu, ua ano mau ma na hana o keia kula. Ua hoemi ia ka uku o ke kula ana, i hiki i na mea a pau e hookomo i ko lākou mau keiki, i na he makemake pela. Menei. No ke ao ana o ke kaikamahine hookah, $7.50 no ka hapaha; $30.00 ma ka makahiki. Aka, ina elua keiki o ka ohana hookah, menei ka hookomo ana, $6.00 pakahi ma ka hapaha, oia hoi $24.00 pakahi no ka makahiki. Eia ka ai, a me ka ia a lākou e ai nei. He poi, (nani ka poe o Waialua!) kalo, raiki, pu, barens, maia, uala, a me ka malakeke. Ke noho pu nei na kumu me na haumana ma ka papa hookah no. Ua mea, a ua akamai no lākou ma ka lawe pahi, o puna, bola, a me na pa. Ua halii na papa me na pale kaukau.
He ano naaupo keia hanauna hou o Hawaii nei ma kekahi mau hana. Ke hooikaika nei makou e ao aku ia lākou ma keia mau mea; oia no ka hana kuke, waiu ha@, malama ana i na mea a pau maloko o ka hale, holoi lole, aia na lole, oki, lole, pili, a humuhumu. Ke ala mai nei na haumana i ke kakahiaka nui, a hele pu no me kahi kumu i ka mahiai; a iloko o ke ahiahi, hoomaikai no lākou i ko lākou mau kihapai pou aiai. Ke makemake nei makou na kumu i hoolilo i keia mau haumana aloha, i mau wahine makou ole i ka hana, loa e loaa auanei ia lākou kekahi mau hana hoolimalima kupono ia lākou, humuhumu lole paha, malama hale paha, hii keiki paha; aole pono ia lākou he hookiakia ia lākou iho, o i mai ana; “Aole makemake makou e hoolilo ia makou iho he mau kawe ao hai.” Oia kahi kumu weliweli o ka emi ana o keia lahui, “ka makau i ka hana.”
Ke ao nei no makou i na haumana ma ua mea o ke Akua, ma ka Sabati, a me na mea o ke Akua, ma ka Sabati, a me na la e ae. Ke hoomanao nei lākou i na mahina hou a pau. Ua lana ko makou manao e lilo auanei kekahi o lākou he mau @@@@@@@@ e hele i na aina pegana, e hai aku i ka olelo a Iesu.
Ke ao nei makou ma ka olelo haole, a me ka olelo Hawaiʻi. Ua holo pono nohana ma ke ao ana, i ka olelo haole. Eia nae, aole makemake e hoopio i ka olelo a ko makou aina hānau. Mai hoowahawaha kakou i ke ao ana ma keia olelo pahea. Ma ka lokomaikai o kahi poe, ua loaa i keia kula, he O@@@@, a ke kani nei na haumana i na la a pau. He hapaha ka uku o ke kani ana ma ka pule.
E hoike ana keia kula iloko o @@@@@. Mahope o ka hoike, e hoomaha ana ke kula i elua pule; aole manao makou e hookua i na haumana e hoi i ko lākou home; e hoomaha ma Haleiwa.
O na wahine kokua, oia no Miss. A, B. Goodale, a me Miss. Lizzie Pokue; he mau mea hooikaika pono no lāua ma ke ao ana i keia mau haumana.
Ke kali nei oukou nona kaikamahine e auwana ana, a e hele wale ana i o a ianei. Aloha ino lākou! E na makua e—mai kali oukou, e hookomo @oke oukou ia lākou iloko o ka malu o Haleiwa. I loaa ia lākou ka naauao a me ka ike, i lilo lākou ma keia hope aku, i mau wahine pono ma Hawaii nei. Mai pane mai oukou, “he poe ilihune makou.” Mai hoomaunauna i ko oukou mau dala me ke kuai ana i na mea, “e make ai ma ka lawe ana, “ E hoomanao oukou i na uhane o ko oukou mau keiki. Mai pane mai oukou menei; “Ua piha paha na keena moe o Haleiwa, aole paha wahi i koe.” Aole piha; he akea no; he wahi koe no na ko oukou mau keiki. Ua kau ka maka oluolu o ke Akua maluna o Haleiwa, i na makahiki i hala. Ua haawi i na kumu mamua, a me na kumu o keia wa, i ka ikaika o ke kino, a me ka noonoo. O ka mea nona ka mana e hana mai ai i na mea a pau a kakou e noi aku ai, a e manao iho ai, a nui loa @u hoi ma ka mana e hooikaika ana iloko o kakou, iaia ka hoonani ia aku e ka ekalesia ma o Iesu Kristo la, i na manawa a pau, mahope mau loa aku. Kula Hanai.
Waialua, Oahu, Mei 10, 1872.
Halawai o ka Ahahui Enanelio o ka
PAE AINA HAWAII, MA KA LUA kini o Kawaiahao, June 11, 1872.
La hana 9, Iune 20.
Halawai ka Aha e like me ka mau, pule o Rev. G.P.Kaonohimaka.
Hapaha ka hoike a ke Komite nana i ka hoike makahiki a ka Luna hoolio o ka Papa Hawaii, no ka oihana kuloko.
Heluhelu mai o Rev. P.W. Kaawa i ka hoike a ia Komite, a pau ka heluhelu ana, ua a pono ka Aha.
Ma ke noi ana a Rev. J.D. Parisa, ua hapaha ka heluhelu haawina i haawi ia i na makua.
Heluhelu a wehewehe mai o J.W. Kamika, M.D. i kona haawina, no na mea e pili ana i ko ke kanaka malama ana i kona kino iho.
Ua hooholo ka Hale i ka mahalo, me ka makemake e hoopukaia ma ka nupepa Kuokoa.
Ka hoike a ko Komite, no ka lilo ana o na kahu ekalesia i mau Lunamakaainana.
Eha makahiki mamua aku nei, i ka malama o Inue 1868, ua hooholo keia Aha, penei; “I ka manao paa o keia Aha, he mea e poina nui ai ke Aupuni o ko kakou Haku ma Hawaii nei, ke kohoia na kahu ekalesia Lunamakaainana i loko o ka Ahaolelo o ke Aupuni.”
Ua hookuli nae kekahi mau Kahu ekalesia i keia mano o ka Aha, a ua ae e kohoia no ia oihana. Kohi ole i ka lākou oihana nui.
Nolaila ke hooholo nei keia Aha;
1. Ke hooia hou aku nei kakou i ka manao i hooholoia. Iune 1869, no ka lili ana o na kahu ekalesia i Lunamakaainana.
2. Ua kaumaha ko kakou mau, no ka malama ole ana a kekahi mau lala o keia Aha ia olelo hooholo. He pono lākou e aoia i ko lākou hehi ana maluna o na olelo hooholo o keia Aha.
3. E paipaiia na ekalesia e hoolako pono i ko lākou mau kahu, i ole lākou e imi i ka oihana Lunamakainana, i mea e pau ai ka pilikia o ka noho ana.
Hoike mai ke Komite wae no ka Hoike a ke Komite hoonaauao o ka Papa Hawaii, no ke Kula Kahunapule.
1. He mea maopopo, ina e hoomauia ka ikaika o na ekalesia Hawaii, aole e pono i na kahu ke ko emi mahope mai o na kanaka ma na mea e pili ana i ka hoonauao: aka, e ku ia lākou ma na mea naauao, a e lilo lākou i mau alakai no na kauaka ma ia mau pono.
2. I mea e hikiwawe ai keia, he pono e hookumuia i mea e hoohui e kaikai iluna, a e hapai like i ka hae o ka naauao. Aole e loaa keia ma na Kula Kahuna he lehulehu i hookumuia ma kela wahi keia wahi; aka, malalo iho o ke kumu hookahi.
3. O ka mea wale no e hiki ai keia, oia ka hookumu ana i Kula aoi hookah no na Kahunapule, kahi e aoia ka poe i makemake ia oihana, mai na mea imi i ka oihana kahu, a me ka oihana Misionari.
4. He pono e hookumuia keia kula ma Honolulu nei.
5. He pono ke noho ka nui o na haumana ma ia Kula no na makahiki ekolu; e weheia ane ka ipuka ao na mea e ae, ina he kumu kupono.
6. He pono ke hooliloia o Rev. J.D. Parisa i poo no ia kula; a e hoohui ia Rev. L. Kamika, B.W. Pareka, a me H.H. Pareka me ia ma ke ao ana, a me na kokua e ae o waho e pono ai.
7. Nalaila, ke manao n ei ke Komite, he pono i ka Papa Hawaii ke imi koke i kahua ma kahi kupono no keia kula, a e hoomake ia ke kula iloko no o keia M.H. 1872.
Ua aponoia keia Hoike.
Rev. H.H. Pareka, Rev. A. O. Polepe, na Komite wae.
Heluhelu mai o Rev. T. Koana i kona Haawina. “Heaha ka pomaikai i hoihoiia mai manao o na ekalesia, a me na kula o Hawaii nei, no ka hoouna ana i na masionari i na aina e?”
Ua hooholoia e ka Aha, e hoopukaia ma ka nupepa Kuokoa.
Heluhelu mai o Rev. S.E. Bihopa i kona Haawina. “Heaha ia ka mea e makaukau kupono ai no ka Oihana Kahunapule, a Misionari paha?”
Hooholoia, e hoopukaia ma ka nupepa Kuokoa.
Hooholoia—e hoomaha keia Aha, a hui, hou i ka hora 2 P.M. Pule o L. Kamika.
Hui hou ka Aha i ko hora i hoopaneeia, pule o Rev. L. Kaiwi.
Hoike mai ke komite nana i ka Hoike makahiki a ka Luna Hooko o ka Papa Hawaii no ka Oihana Kuwaho. Ua aponoia, me ka hooponopono.
Hoike mai na Komite o ka Ahahui Eoanelio Hawaii.
Na Rev. J.D. Parisa i heluhelu mai ma ka olelo haole; a na Rev. E. Helekunihi i heluhelu mai ma ka olelo Hawaii. Ua aponoia.
Noi mai o L. Kamika, e kohoia i Komite, no ka hoalohaloha ana i ka make ana o Rev. H. Aea, me Debora kana wahine. Ua kohoia o L. Kamika.
Heluhelu ia ka moʻolelo, a ua aponoia.
Haipule ka Aha i hepalua hora; alaila, ua hoopaneeia keia Aha, e halawai hou i ka Poalua mua o Iune M. H. 1873.
Na Rev. D. Balauwina ka pule.
Joseph B. Hanaike,
Kakauolelo.
No ko Nuuhiva Pae Aina.
Hoike Kihapai ma Aluona, e Rev. Z. Hopuku, Aperila, M.H. 1872.
No maua iho. O ko maua noho ana no keia mau makahiki elua, he mau makahiki pomaikai, pela ma ka nana ana.
Aole ke Akua i haawi mai i ka mai nui loa ma ke kino, he oluolu maikai wale no.
Aole no i hoopoiao mai ka poe naaopo i ko maua mau mea e pili ana i na kino, oia na ola kino.
He manawa oluolu iki keia o Atuona e noho ia nei; aole e like me na makahiki mamua i hala aku.
Mai ka hoi ana aku o ka moku Isabela ka mahina o Aperila 1870, a hiki i keia mahina o Aperila 1872, ua hoikeia mai na hua maikai, a me na hua ino ma keia kahawai, a mau kahawai.
O kekahi mea i lona mai ia maua, o ka nele maua i na haawina pua, oia na keiki ole; pau wale no i ka make a elima. Aka, na ke Akua no i haawi niai, a na ke Akua no i lawe aku: e hoomaikaiia ka inoa o ke Akua.
Ua malama mai no ke Akua i ka maua keiki hānai, me ke ola, oluolu o kona kino. Ua like nei me ka manu i kuhihewa i na hua ana i hānau ole ai; a me ka hopu hewa i ka ia he olali; he mea pakika .
A no keia lokomaikai nui o ke Akua i keia mau makahiki elua, ke mahalo aku nei, a ke pula aku nei, a ke olioli aku nei; ke hosanna aku nei i ka mea nana i hoopakele mai; a hui ai kakou he maka a he maka, ma wahi ana i koho ai no kana hana i mei e holo ai kona aupuni.
Na Hana Ma ka Mahina Ai.
Na Kula La. Aole he mea paa loa na kula la i keia mau makahiki; i kahi mau mahina e Kula ana, a i kahi mau mahina e hoomaha ana. Me nei no ia i ka wa pilikia ole: e hoomau aku no ke kula ana, a hooikaika loa aku no kahi manao e nui aku ke ao ana. A mahope, i hupehue mai no ka poe manupo; a hookikina aku hoi.
Eia kekahi mea e pilikia ai: he kāua. Aole hele nui mai i ka wa kāua; oia ka wa haunaele nui. E malama ana kela ohana keia ohana i kona poe iho.
O kekahi pilikia; o ka home o na haole i ka lole. Pau nui na kāne, wahine me na keiki i ka aie i ka lole o ka haole. Aole hele nui mai i ke kula; pau nui lākou i ka hele nui mai i ke kula; pau nui lākou i ka hele i ka imi pepeiao ma ka nahelehele. A hala kekahi manawa malaila.
O ka poe hele mau i ke kula; loaa ka ike ia lākou.
Na Sabati. Aole no he mea e haohao ai; paa mau mai ka manawa, mai ka makahiki a hiki i kahi makahiki. He nui na hua i hana ia ma ia la. Eia na hana e pili ana ma ia la.
O ka halawai pule kakahiaka. O ka halawai pule ahiahi. O ka heluhelu i na pauku paanaau. O ka heluhelu buke, a me ka Ui Baibala.
Hele Paipai. Ua hele au e paipai ma keia kahawai, a me na wahi e aku, me ka poe i loaa mai iaʻu, a me na alii; a he mau pepeiao no e hoolohe mai, a he mau maka ka nana mai. He poe oluolu no i ka hai ana aku, a me ka pule aku i ka inoa o ka Haku.
Ua hele aku kekahi mau haipule o Atuaona nei ma Hanameau, e hai i ka olelo a ke Akua malaila. A pela no ma Taana, he kahawai hele mau ia no makou. Eha i kekahi hele ana; elua i kekahi hele ana; hookah i kekahi hele ana. Pela ma Tahuaka. Ua kiola aku i kahi wahi a pana herena ia makaainana; he oluolu ia poe, a he nui ko lākou makemake i kumu hou na lākou, mai Hawaii mai. A he oluolu no lākou ke hele aku kekahi hoahanu o Atuoua e noho pu me lākou no kahi mau la. A ua olelo aku au i na ekalesia ma Atuona, aole makemake e hele malaila e noho ai. Aka, hookau kaoaka Hawaii e noho ana malaila me kana wahine, no keia ekalesia lāua; nana e hoomaka i ke ao ana.
No keia Ekalesia. O ke ano o keia mau hua, he mau hua keiki kekahi, a he mau hua Aeto kekahi. O ke kiko ana ka mea a kakoua e hoomaopopo ai, iloko o ka punana hookah; aole pau nui na hua i ke keiki. Aka, o na hua keiki ko kakou e nana. Hele no lākou mahope o ko lākou makuwahine e o kakai ai, e hoolohe i ke kani mai o ko lākou makuwahine, hele lelele aku no lākou mahope aku.
A pela no ka poe ma Atuona nei. O ka poe i lehe i ka olelo a ke Akua, malama no lākou, me ka hana i ka hana a ke Akua. Hapai like lākou me ka manao e holo ka hana. O na hua i kiko pono mai, he iwakalua. Elua mea i make me ka maikai iloko o ka Haku. Elua mea huaelo, aole he keiki.
Mahina Hou. O ka nui o na dala a na keiki i hua mai ai, i loko o kei mau maka, hiki elua, $61.92. O kahi i loaa mai ai, mai na pepeiao mai kekahi; mai na Niu mai kekahi. (Aole i pau.)
Haawina Kula Sabati.
1872: Hapaha Ekolu. Olelo Ao A Paulo.
Helu XXXI, Augate 4.
KA NOHO HAIPULE ANA.
Pauku Baibala, Roma 12: 9-21.
9 O ke aloha, mai hookamani ia, E hoowahawaha i ka ino, e hoopili aku i ka maikai.
10 E launa aku hoi kekahi i kekahi, ma ke aloha hoahanau, e hoopakela aku kekahi i kekahi ma ka hoomaikai ana.
11 I ka hana mau ana, mai hoopalalea, i ikaika hoi oukou ma ka naau, e malama ana i ka Haku.
12 E hauoli ma ka manaolana, e hoomanawanui i ka popilikia, e hoomau ana ina ka pule.
13 E kokua aku no ka mele o na haipule. E hookipa no.
14 E hoomaikai aku i ka poe e hoonaau mai ia oukou. E hoomaikai aku, mai hoino aku.
15 E hauoli pu me ka poe e hauoli ana, a e uwe pu me ka poe e uwe ana.
16 I hookah ko oukou manao ko kekahi me ko kekahi. Mai manao aku i na mea kiekie, aka, e alakaiia e na me haahaa. Mai manao iho ia oukou iho, ua akamai.
17 Mai hana ino aku i kekahi no ka hana ino mai. E imi i ka pono imua o na kanaka a pau.
18 Ina he mea hiki, ka kahi e hiki ai oikou e kuakahi oukou me na kanaka a pua.
19 Mai hoopai oukou no oukou iho, e ka poe i alohaia, aka, e hookaawale aku ka inaina, no ka mea, ua palapalaia. Noʻu no ka hoopai ana, naʻu no e uku aku, wahi a ka Haku.
20 No ia hoi, ina pololi kou enemi, e hanui ia ia, ina e makewai ia e hoahainu ia ia. No ka mea, i kau hana ana pela e hoahu oe i na lanahuahi maluna iho o kona poo.
21 E ao o lankila ka hewa maluna ou, aka, e hoolaoakila i ka pono maluna o ka hema.
Pauku Alakai—E hoowahawaha i ka ino; e hoopili aku i ka maikai.
Kumu Noonoo—Ka maikai o ka noho Krisitano ana.
Ninau ano nui—Ke malama nei anei kakou i keia mau rula o ka noho haipule ana?
Manao Wehewehe—Ma ka hapa mua o ka episetole o Roma ua hoikeia ke ano hewa o na kanaka a pau, ko lākou noho kue ana me ke Akua. Ua hoikeia no hoi ka mea e lokahi hou ai, a e ola ai ma lilo ana o Kristo i mohoi oia. Ua kauohaia no hoi na haipule e haawi ia lākou iho mohair ola ia Kristo like me kona haawi ana iaia iho.
Ma keia haawina na haawiia he mau rula ma ke ano aloha, oia hoi he mau rula no ka noho haipule ana. Aole keia he mau kanawai—aku he mau rula hooponopono no ka poe e makemake ana e hahai ma ka pono.
No ka maopopo loa o keia mau rula, nolaila ma ka hoopaanaau, a ma ka wehewehe aku a ke kumu e pono ai no na paa.
Ninau—He mau aha keia ma keia haawina? No ka poe hea keia mau rula i Nu ka poe hea ke kanawai? Pane. No ka poe hewa.
9. Pehea ke aloha i kauohaia i Heaha ka rula alua ma ka pauku 9?
10. Me ke aloha aha e noho oluolu ai kakou? E imi anei kakou i ka hanohano no kou iho, no hai paha?
11. He mau rula no ka lawelawe hana ma keia pauku; e hai mai ia mau rula.
12. Ma ke aha ka hoomanawanui? Ma ke aha ka olioli; ma ke aha ka hoomau?
13. E hookipa a e kokua aku ia wai?
14. A aha i na enemi? Na wai @ mua i keia kauoha?
15. E uwe pu me wai?
16. He aha na kauoha no ka @ hea?
17. E hoihoi aku i ke aha no ke wai?
18. E noho Pehea me na kanaka--@ ke aha?
19. E hoopai aku paha kakou @ hana ino mai? Nawai e haipai?
20. Ina e pololi ka enemi @. Ina e makewai Pehea? Ua @ aha?
21. E heopio kakou i ke ana? Me @ e hoopio ai?
Kula Kahunapule
E like me ka hooholo ana o Hawaii, e wehe ana keia kula ma H@ ka haiolelo e Rev. J.D. Parisa @@ halawai o Kawaihao i ka la mui O. ma kanora 10 kakahiaka. O @ kemake e komo maloko o keia @ makaukau no keia oihana mak@@ hele mai oukou. Me ka hooponopono @ Euanelio Mokupuni, e heie mai @ manao ana e komo, loa maa@ hi e nīnau a e kukakuka no keia @ no me Rev. J.D. Parisa, a me Rev. J. @@ kue e kuka ai a e palapala ai.
J.D. Parisa
Honolulu, Iune 29, 1872
HALE KUAI O AKUI &C.
@
@
@
@
@
@
@
NO NA KUMUKUALUAKEPONO
@
KAUKA LAUPAA KAI K@@@@
G. TROUSSEAU, M.D.
@
@
@
@
@
@
Kela Paono Keia Ponoao
$2.00
No na mahina he Umikumamalua
$1.00 no na mahina eono.
ME KA HOOKAA MUA MAI.
@
@
@
@
@
@
@
@
@
@
“KA NUPEPA KUOKOA”
@
EVERY SATURDAY
$2.00 PER ANUAU, OR $1.00 PER @
Months, in advance.
@
@
@
@
@
@
NA BUKE
HOOLAHUA E KA PAPA HAWAII
@
@
@
@
@
@
@
Na kauoho hou Pakeke
@
@
@
Kauoha Hou Pakele me na @
@
@
@
Na Halelu Pakele
Eia na buke haawa wale
@
@
@
@