Ka Nupepa Kuokoa, Volume XI, Number 33, 17 August 1872 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

I Need Thee Precious Jesus,

7-6.

1.   Kuu kalahala Iēsu,

E pau kuu hewa nei,

Kuu mea ma@@@ Iēsu,

E hea kou pouli e,

Kuu punawai no Iēsu,

Ilaila e auau ai

Kou uhane paumaele

I pau ae a maemae.

2.   Kuu haku waiwai Iēsu,

Ua ilihune au,

Na iā la e hoolako,

A lako no a mau.

He malihini au la,

Iesū kuu Alakai,

A nana e kai aloha

I hina ole ae.

3.   Kuu makamaka Iēsu,

Kuu hoa pili no,

Kou hoa hoona pono,

Kou hoa kiai mau,

Kuu hoa kuka aloha,

A lohe ke hai ae

I kuu mau pilikia,

A menemene mai.

4.   Kuu kokua paa no Iēsu,

Kuu hilinai maikai,

Kou Kahu kai malie,

A hoomaona mai-

A, ina makewai la,

No Iesu mai ka wai,

Wai ono, wai hoola,

Ola ke inu ae.

5.   Kuu pono noi Iesu.

Me kuu Alii maikai,

He lei anuenue

Ma kona lae maemae.

E lilo au no Iesu,

No kona aupuni mau—

A, ma kea o mau loa

E hui a alii pu.          Hawaii.

Aloha Makua-Ua hookoia,

Ka Haiolelo a Rev. L. Laiana, ma Waimea, Hawaii, la 16 o Iulai, 1872.

E like me ka hoolaha e ana me ke “Kuokoa” no kekahi hana aloha makua, pela no i hookoiaʻi. Aole nae n aka makua I hoola ha aku, aole iaia ia hana-i ka poe aloha mai ia hana.

Na ke Komite o ka ekalesia makua o Wai mea, Hawaii, i hoala i keia hana aloha, a kahea aku ma ka nupepa, me ka ike ole o ka makua, e hele main a hoa aloha e ola ana, ka poe a ka makua i ao ai, i mare ai, i lapa au ai, bapetizo ai, i hookomo ai iloko o ka ekalesia, i kokua ai ma na hana he nui wale loko o na makahiki he 40, e hui mai ma ka halawai aloha, a ahaaina aloha makya, ma Waimea, ma ka la 16 o Iuali 1872.

E like ma ka leo kahea, ua hui mai no kekahi hapa o ka poe i kahea ia, ma ia la, ma ka luakini, a ma ka ahaaina aloha hoi; na hoa kanaka Hawaii, na hoe Haole, na hoa kamalii, na hoa kamaaina, a hoa malihini. Ua piha loa ka luakini, a nui loa ka poe hiki ole ke komo, a noho lakou i waho. Na keano huakai me ka Hoe Hawaii, me na pahu, na ohe ka nauwe ana a komo iloko o ka luakini, a noho ilalo. Mahope iho, komo ka makua; o ke ku iluna no ia o ke anaina a pau- a aloha aku ka makua ia lakou a pau; a pane mai hoi ko lakou aloha iaia.

Noho lakou ilalo, a ku ka papa himeni, a mele mai i ka mele i hakuia no ia hui aloha. Eia ka pauku mua.

Hui mai kakou, na hoa aloha e,

La hauoli nei, hauoli lubile,

Na poohina e, na ui, na pokii,

Hui mai a oli pu.

Hui mai koouei, na malihini e,

Na kupuna pu me na moopuna nei,

Na makua e, a me na kamalii,

Hui mai a oli pu.

Cho- Hui mai, hui mai, mele ae, mele ae,

Oli pu, oli pu, I ka hui huakai;

Hui mai kakou, a mele oli pu,

Ma ka malu no, ke aloha o Iesu;

Hui, hui mai, e mele oli pu,

Hui mai a oli pu.

Ua paiia paha na pauku a pau ma ke Kuokoka. i ka pau ana o ka himeni, lili ka pule ia Rev. S. kukahekahe. A pau ka pule, ku no ka makua a heluhelu. Kanawailua 2:7. “Ua hoopmaikai mai o Iehova kou Akua ia oe ma na hana a pau a kou lima; ua ike no ia i kou hele ana ma keia waona hele nui; me oe no Iehova kou Akua i neia mau makahiki he kanaha; aole oe i nele i kekahi mea.” Ua heluheluia hoi. Kanawailua 8:2-4. Na ka hoopili ana, olelo ka makua penei. E like me ko Mose alakai ana i ka poe Isenele mai Aigupita aku, ma ka waonahele nui a weliweli, o ko’u mau kihapai iloko o keia mau makahiki he 40. Ua haule kekahi poe ma ke waonahele, ua hiki aku kekahi poe i ka palena o ka aina maikai, a, ua komo ao paha kekahi poe iloko o Kanaana hou, a e mele pu ana ano me Mose i ke mele lanakila ma o Iesu la.

Ma ka paipaiia e he aloha i kanaka Hawaii, haalele au me ka wahine opiopio, me na hoa e ae he 17, i ka aina hapau, me kona mau pono a pau, ma ka la 26 o Novemaba, 1831, ka la ka ia i hanau ai ma Honolulu, keia Keiki Davida Baluwina, ka hiapo a kuu hoa lohi ma Waimea nei, o Rev. D. Baluwina. i ka holo ana ma ka waipa nui, mai ke kahakai a I ka moku, Mele makou i ka Himeni misionari i unihia ma ka olelo Hawaii. Himeni 480, ma ka Buke Himeni hou. “Aloha au la i kuu aina” “ Yes my native land I love ihea, “ &c. Ee ae la makou ma ka moku, he moku eokohola, a holo mai. Nui wale na ino, na pilikia, ma ka moana. Pakele mahonehone I na make he nui. Mai pau I kea hi I kekahi wa, i ke kai nui i popoi mai i kekahi wa, i na makani ikaika loa i kekahi wa. Elua wahi i ku ai ma ke alanui, ma Rio Laneiro, Amerika Hema, i ekolu pule, e hana hou i kekahi kia i popopo; a ma luanakanani, he mokupuni liilii mawaho ae o Kili, a loaa kekahi mau mea ai. A hala na malama elima a oi, mahope o ka holo ana i na mile he 18,000, ma ke kokua nuiia mai e ka Haku, ku ka moku ma ke awa o Honolulu, ma ka la 17 o Mei, 1832. He wahi kulanakauhale nuku ia, ia wa, nuku na hale, he mau hale pili ka nui, nuku loan a hale haole, me na haole hoi. Hele makou i uka, a hui me na Misionari mua, Binamu ma. Ma ka la 18, hele makou imua o kea lii Kamehameha III, me ona mau alii, he hale pili no ka hale alii, a aloha aku, aloha mai, a ae oluolu lakou e noho makou, a ao i na kanaka Hawaii ma aa mea e pono ai ke kino, a me ka uhane.

Noho no makou ma Honolulu he mau pule no ka halawai misonari, i Akaka kahi e noho ai na misionari hou. Uuku no na misionari ia wa, uuku na wahi i noho ai. Binamu, Wini, Kakina, Keiki, Bihopa, Rikiki, Gulu, Kamelina, Gulika, Kalaka, Gerina, Aneru, Kauka, Kahuhipa, Ioane, Dibela, Tineka, Baluina, me na wahine a lakou, na misionari. Na wahi i noho ai, Honolulu, Waimea Kauai, Lahaina, Lahainaluna, Kailua, Kaawaloa, Hilo, Waimea Hawaii. Oia wale no na wahi i nohoia e na misionari ia wa.

Ma ka Aha Misionari, ua hoonohoia na misionari hou, ma Waialua, ma Lahaina, ma Molokai, na Hilo. Owai hoi, ua hoonohoia me Baluwina, ma Waimea Hawaii. Ma ka la 4 o Iulai, haalele makoua ia Honolulu, Takina ma, Bihopa ma &c., o wai hoi me ka’u wahine opio, Baluwina me kana wahine, me kahi keiki nuku Davida, ma kekahi moku Hawaii, J.W. Naihe, ka Lunamakaainana ke kapena me na ohua he 300 paha. Pilikia loa makou.

Ma ka holo ana mai, mai pau ka moku i na ale nunui i pii weliweli ae a hooluliluli loa i ka moku, a nahae na pea, a hai na laau pea, &c. Ku ka moku ma Kailua ma ka la 8, Sabati ia. Pau makou i uka, a hele i ka halawai. Ma Kailua, ike au i na hoailona o ka hoomanakii kahiko. E ku ana he mau lalani akua kii laau, he kiekie na kino, he ino weliweli na pou. Ka inoa, ua pau ka hoomanakii ana, ua pau ka mana o na kii; no ke aha ke ku mau ana o keia mau kii mana ole? No ka makau paha, e kua, e wawahi, e puhi i kea hi, i mea paha e maopopo ai ia makou na misioanri hou, he lahuikanaka hoomanakii maoli keia mamua. A, ma ka la 9, hele makou i Kaawaloa, a ike i kahi i pepehiia ai o Kapena Kuke, (Lono,) e na kanaka Hawaii ma ka makahiki 1779. A lohe Beritania me Amerika, kuhi koke lakou he aina pepehi kanaka keia, he poe aikanaka keia, a makau loa i ka holo mai, i ka hoouna ana mai i na misionari, a hiki i ka makahiki 1820. He 40 ka na makahiki i noho makau ai, a ea e hoao ia lakou, i kanaka Hawaii. Malama ua kuhihewa kakou, aole paha lakou he hupo loa, a aikanaka loa. A, ma ka hoao ana, aole ka he hupo loa, a pepehi wale, a aikanaka wale. Na na haole ka i hookonokono e pepehi kanaka, a hana ino i na haole, ma ka lakou hana ino mua ana. Maikai na kanaka Hawaii, oluolu, aloha, hookipa, ke hana maikaiia.

Ma Kaawaloa, mauka ae, ike makou, a hoao i na hua o ka aina, oia hoi na huihui hua waina nui, a maikai loa, me na hua e ae. Maikai no, a ono hoi. He aina maikai na Hawaii.

Ua hana hou i aka moku, na pea i nahae, na laau i hai, a holo mai ma ka la 11, a ku ma Kawaihae, ma ka la 13, a ku pu no kekahi moku e, me Laimana me kana wahine, na hoa hele o’u mai Amerika mai, e holo ana i Hilo, i ko laua home hou, a puka no laua i Hilo, ma ia la hookah no—la 16 o Iulai, i puka mai ai au ma Waimea. I ka hele ana i uka, ua hookipaia makou ma ka hale o Olohana (john Young.) he haole o Beretania ia; ua noho hoi he 40 makahiki ma Hawaii. Sabati no makou ilaila. Hawaii no ma kahi halepule pili lepo loa, ia Baluwina ka haiolelo ana. Ma ka nana ku, he wahi ino loa Kawaihae ia wa, he wa aa, panoa, olohelohe, wela loa, e nana mai ana kekahi heiau kahiko o Puukohola i hoohioloia a lilo i mea ole. Hihiu hoi na kanaka, ua launa iki mai no nae, a aloha mai hoi. Kekahi palena hoi ia o ko’u kihapai.

Ma ka Poakahi, la 16 o Iulai, 1832, puka na kanaka no Waimea ma ke kakahiaka nui me na mamaka, na laau amo, me kahi kaa ukana i hukiia e ka lima kanaka, a me kahi lio kahiko hookah. Ua hooliuliu koke makou, paa na ukana liilii i na mamaka, kau ka ukana kaumaha ma ke kaa, nakiikiiia na noho hooluliluli elua i na laau amo, a kau na wahine elua maluna, me keia keiki e ku nei me a’u. Davida Baluwina, ma ka poli o kona makuwahine, a, o maua hoi, me Baluwina kane, no maua ia lio kahiko hookahi, a kai huakai po mai makou. Ino loa ma ke alanui, he aa wale no, he maloo, he lep, he wela. Pela anei a hiki i Waimea? Aole, i ka hala ana o na hapakolu elua o ke ola, hanu mai la na ihu i ke ea, i ka makani oluolu no ka mauna mai; oli na maka i ka nana ana i na kula uliuli, i na wai e oluolu ana, i na lakou puu omaomao ma kekahi aoao, a, ina mauna kiekie, a hinuhinu mai, ma kekahi aoao. Ka lele no ia ilalo, a haalele i ka lio, inu noho amo, a iao i ka wai houhui a inu, inu, inu. Akahi no a loaa ka wai huihui o ka mauna. Pohala mai la. A pii hoa mai me ka oluolu, me ka mahalo i na mea i ike makaia,-a, i ke komo loa ana iloko o ka papu palahalaha, a uliuli i na mahinaai ma na aoao o na puu, a i na mala ko, a mala maia i puai i na pali uliuli, ane maule ka naau i ka hoololi ana; o ka kakou aina hanau hou paha keia, ka mala paha o Edena elua! he Kanaana hou paha! Ka home paha keia no ke koena o ko kakou ola ana ma keia ao! Me ka mahalo a oli ka nauwe ana a hiki i ka hale o Baluwina. Ke ano ka keia o ka hale misionari kuaaina, he hale laau ka hale misionari me ka kulanakauhale alii,a, ma kahi kuaaina, he hale pili ka, me ke kapuahi pohaku mawaena konu, he moena ka ka papa hehi. Alia nae, he maikai no. Ka hana mua, ka wehe ana i ka ukana, a uku aku i na kanaka m a ka papa pohaku, a ma ka palapala liilii, me Mataio, Oihana, @. Hookahi oihana, hookahi hapaha, a pela ka papa pohaku. Aohe dala maoli ia wa, aohe lole; nohea ka lole? Aohe hale kuai. Ke kapa Hawaii ka lole.

Nana oukou ma ka paia, ma ka aoao hema, heluhelu, Wa kahiko, 1832. Aia ke kaula malalo iho, ma lole kahiko oonei, na kapa mamaki, keokeo, ma malo na pau, na kihei lahilahi, ke kilohana o ke kapa moe, ka ie kukukapa, ka lopi humuhumu, ka huewai; a nana ilunaʻe, aia ke kii o ke kane Hawaii i uhiia i ke kapa mamaki, me ka wahine Hawaii i pa aka pau, me ka lauoho ku kalakala. O oukou ia, e na kane, na wahine, na keiki, ma Iuali 16, 1832. Nana ma ka aoao akau; Wa hou 1872. Eia hoi ka wa hou maluna o ko oukou mau kino, ua kahikoia i ka nani haole.

Pau ka uku ana i na kanaka, o ka lulumi mai no ia o kanake e ike, e aloha mai, a aloha aku hoi. A, i ka ike ana ia maua me kaʻu wahine, kahaha lakou, ka, he mau keiki ko kakou mau kumu hou, naaupo hoi, aole ike, aole lohe i ka kakou olelo, pehea la e hiki ai kea o mai ia kakou? Aole nae he nui ka poe olele pela. Baluwinawina kaʻu maheleolelo.

He mau la i hala a kuonoono maua iloko o kahi hale lauhala, me na puka aniani elua, eono paha noho, me kahi noho hooluliluli, he papakaukau, he laau moe, he mau lako uuku wale iho no. Kuhi paha kanaka, he nui koʻu waiwai, koʻu dala. Aole ka hoi he dala-elima wale nopaha na dala iloko o koʻu pakeke. He mea aha ke dala ia wa? aole hiki ke kuai me ke dala, aole ike kanaka i kea no o ke dala. Aole hui he nui koʻu lole. Aole i hele mai maua me ka waiwai, aole hoi i hele mai i mea e waiwai ai.

Ua hoolakoia me ka hale lauhala, me kahi mau hale liilii i puni i ka pa ti, a e ulu ana maloko na laau kilika, ke ko, ka maia, ka weuweu haole. Ua oluolu no kahi noho. Maikai Waimea ia wa, palahalaha ka papu nahelehele uliuli-piha i na hale pili, aohe hale haole; piha i na hale pili, aohe hale haole; piha i na kanaka Hawaii, kakaikahi loa nae na haole, aole elima.

Okoa Waimea i kela wa; okoa loa i keia wa, Maanei ka hoomaha iki ana o ka makua, a himeni i aka Himeni 74,

1.   Haleluia ia Iehova,

Ka Makua o kakou,

Haleluia me ke aloha,

Me na leo ano hou-

Haleluia na makua,

Heleluia kamalii,

Haleluia pun a kumu,

Na puali himeni,

2.   Heleluia ke anaina

Ia Iehova ke Lii mau,

Oia ke Lii lanakila,

Ke Lii o na lii a pau,

Haleluia ma na lima,

Ma na kimabala pu,

Ma na pahui kani nani,

Me na leo lani no.

3.   Haleluia na mea nui,

Me na mea makalii,

Oia ka Makua like

O na Lii, me na pokii;

Nana lakou pu i hana,

Nana lakou i hanai;

Haleluia like la ia,

Haleluia a hoomaikai.

(Aole i pau.)

 

 

             Fulton Street Prayer Meeting.

Aole piha loa keia halepule i keia mau la wela, e like me ka wa anu mamua aku nei. Ua hala aku kekahi poe mauka, kahie hooluolu i ke kino; a kekahi poe ua hala aku la i ka paredaisa maluna. Nui ka poe i launa mai i keia hale mamua, ua pau lakou i ka make. Ioa ua hoakoakoa ia mai lakou, ua piha e keia luakini, aole hiki a pau loa ke komo iloko. Ke make nei i kela bebedoma i keia bebedoma kekahi o ka poe i launa mai i ka pule mamua aku nei. Ua hala lakou e hui me ka poe e himeni mau ana ma ka lanai.

Ko mai kekahi kahu ekalesia, a hoi mai i ke ano o kona kihapai. I mai la oia; “ o ka ʻ u hana mua, mahope o ko ʻ u lilo he kaha ekalesia, oia ka hele mai i keia halepule, a hoi aku ia oukou e pule i ka Haku, e ninini mai i ka Uhane Hemolele maluna o makou. Mai ia wa mai, ekolu ko makou malama ana i ka ahaaina a ka Haku; a oa hui mai kekahi poe hoa i kela a i keia ahaaina. I kela hooilo i hala ae nei, ou ka manawa au i noi hoa aku ia oukou e pule no makou. Ua launa mai no ka Uhane Hemolele, a ua mihi mai kekahi poe ohane.

Penei hoi ka olelo o kekahi kahu. “ I ko ʻ u hoonohoia an ana he kahu, ehiku makahiki mamua aku nei, ua noi aku au i na kamaaina o keia hui haipule, e pula mai no ko ʻ u ekalesia. A ua hooloho pono mai ke Akua i ko oukou haipule ana a hiki i keia manawa. Hookahi haneri a keu ka i mihi, a hui mai me makou, i kela makahiki i keia makahiki. A i ka hooilo i hala ae nei, ua oi aku ka inana o ka Uhane Hemolele iwaena o makou; a i keia manawa, ua piha ka naau o ko ke Akua poe kanaka i ka pule, a me ka hoomaikai aku. ”

I ko makou lohe ana, ke launa mau nei ka Uhane Hemolele me kekahi maui ekalesia i keia makahiki. He wahi hana malie no nae, aole nui wale ke kamailio ana o kanaka ma ia mea. Aka, hiki mai ka ahaaina a ka Haku, ua mahuihoa ka poe makemake e komo i ka ekalesia, a hapai pu i ka Haku ana.

I mai la kekahi kahu, penei; “ Ke makemake nei au e ike i ka hana maui ana o ka Uhane Hemolele, mai kekahi makahiki a i kekahi makahiki, a mau loa aku. Pela io no paha, i ka wa e huli nui mai ko kea o nei. ”

                                                                                                                        N.Y.U.

Na Olelo Wehewehe no na Oihana a

Na Lunaolelo

MOKUNA VII.

P.13. “ Hoike mai o Iosepa iaia iho. ” Kinohi 45:4. Ua haiia ʻ ku ko Iosepa lokomaikai ia Parao. Kinohi 45:16. Eia ke ano, ua haiia ʻ ku ia Parao ua hiki main a hoahanau a Iosepa, mahope iho ua hoikeia ua poe hoahanau nei imua ona. Kino 47:2.

P.14. “ He mau uhane kanahikukumalima lakou. ” Ua lawe mai o Selepano i keia mai loko ne o ka alelo i uni hiia i ka olelo Helene, e hai anan he kanahikukumalima, aole he kanahiku elike me k aka Hebera. Kinohi 46:27. Aole i manao o Setepano e hoike maanei i ka nui o ka Iakobo ohana he kanahiku, a kanahikukumalima wale no i kona wa i hele aku ai i Aigupita; aka, ua manao oia e hoike aku he ohana uuku wale no lakou ke hoohalike ia me ko lakou lehulehu mahope iki mai oia wa, ia lakou i like ai me na hoku o ka lana ka lehulehu. Kanawailua 10:22.

P.15.16. Ua make o Iakoba me kana mau keiki he umikumamalua ma Aigupita, no ka mea, ua hala he 215 makahiki mahope iho o kona hiki ana ilaila, a hele aku kona poe maino malalo o ke alakai ana a Mose. “ A lawe i ʻ ku la lakou i Sukema. ” U akanuia o Iakoba ma Makepela. Kin 50:13. Ua kanuia o Iosepa ma Sekema oia no o Sukema. Iosua 24:32. Aohe mea i hoike ia mai ma ke Kauoha Kahiko no ke kanuia ana o na makualii e ai. Me he mea la ua kanuia no na makualii a pau ma Sukema. Ua hai m ai o Ierome, ka mea nana i unuhi ka Baibala iloko o ka olelo Latina, ka mea hoi i noho kokoke i Sukema, ua ikeia no na halelua o ka poe umikumalua ma ia wahi, i kona wa e noho ana, “ A Aberahama i kuai mai ai. ” Ma Kinohi 33:19, a ma Iosua 24:32, ua ike kakou ua kuai o Iakoba i kekahi hapa o ka aina ma Sukema. Me he mea la eia ka pololei, A Iakoba i kuai ai. Malia paha i ke kope ana o kekahi mea i keia ua kakau hewa oia i ka inoa o Aberahama ma kahi o ka inoa o Iakoba.

Olelo Hoaka.

Ua like o Iosepa me ka Haku Iesu ma kekahi ma mea. 1. Ma ka hoohaahaaia. Ua aloha ia laua a elus e kona Makua, aku, ū a honoia a huhuia e kona poe hoahanau; ua ike pu laua i ka wa opiopio loa e kaulana ana laua mahope aku, aka, ua alakaiia maloko o ka ehaeha nui a hiki i ka hanohano; ua huhu like ia laua e ko laua poe ponoi kuai ia iloko o na lima o ka enemi, hoahewa hoopunipuniia, a hoopai pono ole ia, me ke ka ole o ka hewa ia laua.

2. Ua like laua ma ka hookiekieia. Ua kau i aka lei alii hanohano maluna o Iesu e like me ia i kau ia maluna o Iosepa, mahope iho o ka hoino ia a me ka hoeha ia; na hookohuia i alii i mea nana e hoola i na lahai i aneane make; ua makau loa ia e ka poe nana i hole a hana ino mamua; a e hoike ana i ke aloha a me ka lokomaikai i ka poe nana i hana ino mai.

P. 17. “ Kaw a i olelo ia mai ai, ” ka wa e hooko i aka olelo hoopomaikai. Ua mahuahua ae na kanaka elike me ke kokoke ana mai o ua wa la i olelo ia.

P. 18. “ Kekahi aliie ae. ” O Parao o ka inoa nui o na alii o Aigupita. “ I ike ole ia Iosepa ” - Aole oia i manao ia Iosepa, aole i hoomaopopo i na pomaikai a Iosepa i hana ai no ia lahui. Oiai, aole i ka haneri makahiki o ko Iosepa make ana, aole paha i oi aku i ke kanaono, i ka wa a keia alii hou i hiki ai i ka noho alii; aole oia i hele i ka ike no Iosepa a me na pomaikai ana i hana ai no ia lahui.

P.19. “ Hana maalea mai la ia i ko kakou lahuikanaka ” -imi iho la i na mea e pio ai lakou. “ Hana ino mai i na kupuna o kakou ” -ma ka hooluhi ana ia lakou. “ A kiola aku la i ka lakou keiki hou ” -Kiola iloko o ka muliwai Nile. Ua manao keia alii hoomainoiaoa e hooluhi ino loa i ko Iseraela i pepehi lakou i ka lakou poe keiki uuku, i ole lakou e ike i ka poina nui i ili mai maluna o na makua. Aka, aole  i holopono keia manao ana. Elike me ka hoonaia o ka hooluhli ana i ko Iseraela pela i nui aku ai ka lakou poe mamo. Pukaana 1:12. No ka hiki ole o keia manao, ua kauoha o Pono e pepehi na kekikane a pau o ka poe Hebera ka wa e hanau ai, a i ole ia, e kiolaia lakou iloko o ka muliwai o Nile. Pukaana 1:16 me 22.

                                                                                                            (Aole i pau.)

Mai  Ahulau

He nui na mai ahulau o kea o nei. Aole ikeia lakou a pau ma Hawaii nei; he hana wale no. He mau kauwa no lakou iloko o ka lima o Iehova, a nana e hoopai i kela lahui keia lahuikanaka, e like me kona makemake.

Eia no na inoa haole o kekahi maui mai ahulau.

“ Asiane Cholera ” - Cholera Morbus, ” “ Cholera Infantum, ” o ka hi lepo, ka hoopailua, me ka luai maoli, oia kekahi mau hoailona o keia maui mai.

“ Yellow Ferer, Typhoid Fever, Scarlot Fever. ” O ka wela nui o ke kino a nui hoi ka makewai, oia kekahi mau hoilona o keia mau mai.

“ Measles, Chicken Pox, Small Pox. ” He mau mai puupuu no keia. Nui na kanaka ma keia Pae Aina, ka i ike i keia mau mai. Ua make kekahi mau keiki i ka “ Measles, ” puupuu liilii, i kekahi mau makahiki i hala ae nei. A he mau tausani kanaka Hawaii ka i make i ka “ Small Pox ” -oia hoi, ka mai puupuu hehena, i ka M.H. 1853. A ua hiki hou mai keia mai ahulau i kei a M.H. 1872-hepoe uuku nai ka i loan i keia manawa-a he umi a keu ka i make.

Ikaika loa keia mau mai ma kekahi mau aina, a ma ekahi mau kulanakauhale. Ua hoike kekahi nupepa Berilania, he 30,000 ka nui o ka poe i make i ka mai puupuu hebera (Small Pox) ma Enelani i ka M.H. 1871; a hookah tausani, a ehiku haneri o lakou iloko o ke lulanakauhale o Laulima.

A puka mai kekahi mai ahulau, o ka hapa nui o ka poe popilikia, oia ka poe malam ole i na kanawai o ka Papa Ola. He inoino pelapela kahi e noho ai, uhauha ka noho ana, he inu rama, puhi baka, nau baka, puhi opiunia, moekoloho, hookamakama; ua popopo i ka mai kaokao, a me na mai e ae he nui wale; nolaila, ua makaukau lakou e hoopauia i ka mai ahulau,e like me ke kauhale laau, maloo loa i ka la, ua inakaukau e pua koko i kea hi, ke hooa ia, me ka makani nui e pa mai ana.

Eia kekahi ninau nui. Heaha ka kakou e hana ai, i ole e pau auanei kakou i ka make, i kekahi mai ahulau? Eia ka hana mua. E oki i ka hana ino, a e ao i ka hana maikai. E makau i ke Akua, a e malama i kana mau kauoha.

Eia ka lua. E pau kakou i ka o lima ia, i mea e pale aku ai i ka mai puupuu hebera, ka halawai kakou me ia. E hoomaemae i ko kakou mau kino; na hale noho-lumi moe-kihei moe- ka pahale-ka hale kuke, hale papaa-hale lepo-a e hookaawale lou aku na mea ano hauna-haumia-paumaele, pelapela a pau loa.

            Eia hoi kekahi, loa e loaa kekahi i keia mai-e hele koke i ka halemai (Hospital,) kahi e lapanu pono ia. Nani ke kuhihewa, a me ka nanupo o kapoe e pee ana, a e huna ana i keia inai; no ka mea, o ko lakou make wale no koe, ke hana pela. Aole lakou wale no, aka, e hoolaha no lakou i keia mai i waena o na makamaka-a e pua pu lakou a pau auanei i ka make.

HAAWINA KULA SABATI.

1872: HAPAUA Ekolu. Olelo ao a Paulo.

HELU XXXIV. Augate 25.

Pauku Baibala. Roina 15: 1-7

            1 He pono no hui no kakou ka poe ikaika e hoomanawanui i ka nawaliwali o ka poe ikaika ole, aole hoi e hooluolu iho ia kakou iho.

            2 E hooluolu aku keia me kela mea o kakou i kona hoolauna ma ka pono, i hookupaaia ʻ i ia.

            3 No ka mea, aole i hooluolu iho o Kristo iaia iho, aka, me ka mea i palapalaia. O na olelo hoino o ka poe hoino ia oe, ua haule mai ia maluna iho o ʻ u.

            4 No ka mea, o na mea a pau i palapala e ia mamua, ua palapalaia ia mea e ao mai ai ia kakou i loaa ia kakou i ka manaolana me ka ahonui, a me ka hooluolu ana mai o ka Palapala Hemolele.

            5 A na ke Akua nona mai ke ahonui, a me ka hooluolu ana mai, e haawi ia oukou i manao like kekahi me kekahi mamuli o Kristo Iesu.

            6 I hoonani aku oukou me ka lokahi o ka manao, a me ka leo hookah i ke Akua, i ka Makua hoi o ko kakou Haku o Iesu Kristo.

            7 Nolaila e lokomaikai aku kekahi i kekahi, me Kristo hoi i lokomaikai mai ai ia oukou, i hoonaniia ʻ i ke Akua.

            Pauku Makai- E hooluolu aku kela mea keia mea o kakou i kona hoalauna ma ka pono, i hooku paa ia ai kela.

            Kumu Noonoo- Ka pomaikai o ke kokua anan i ka hoolauna ma na hana pono.

            Ninau ano nui- E aha ana kakou e hooko ai i keia kauoha.

            MANAO WEHEWEHE- Ua aoia kakou ma ka haawin o ka la pule iho nei, aole no kakou iho ko kakou ola, aka no ke Akua. Ma keia haawina ua alakai hou ia na Keritiano ma ia manao.

            Ua maopopo he poe ikaika @@@@@@ hana halepule a he poe lakou @@@@ @@@@  ana i  ka hoowaliwali. Ua @@@ @@@ kou ke ike pinepine i na mea @@@@@@@ makemake @e aku no ia mea @@@ ikaika ka manao no ka pono. @@@@@@ nawa no ke ano kaika mai o ke @@@@@@ no ka lokomaikai o ke Akua.

            O kekahi poe Keritiano nae, ua @@@ @@@, he haule wale a he ola @@@@ nao ke hoi aku ma kahi o ka @ @@ @@ hea ka pono ao ke i a poe. Keritiano @ kou ma keia, aole o ka haalele ia ana @@@ o ka hana ino, aka e like me ko Keritiano manawanui ana i ola ai kakou pela @@@@ hoomanawanui e ola ai keia mau @@@@@ o kakou?

            Ke ike nei oe, e ka makua @@@@@@@@ a hemahema o kau keiki. E hoomanawa nui me ia me ke aloha, no ka mea o oe ka mea ikaika. Ke ike nei paha kekahi @@@ kula eleu i kono hoa kumu nawaliwali lohi paha ma na hana.  E hooku paa @@@.

            Ua haawiia elua kumu e hana @@@ kou penei. Akahi No ka mea @@@@ pela me kakou. Kristo. Alua @ ko kakou lokomaikai, malaila e noonoo ke Akua.

            Ninau- Ua like pu anei ka @@@@@ poe pono a pau? He poe aha ke@@@@@ hana pono? Pehea ka pane no ka @@@@ ika? Mai aha ia lakou iho?

            2. E aha kela mea keia mea i hoolauna? I me e aha ai!

            3. Owai ke kumu alakai o keia hana? Heaha ka i haule mai @@@@. Heaha ke Kristo i hana ole ai iaia @@@.

            4. O na mea i palapala no ka poe o ka wa kahiko ua palapala i na mea a loaa ai he aha ia kakou?

5. Ina e oluolumai ke Akua @@@ alaila he aha kana e haawi mai ai

6. Ua nani anei ka mea o ke Akua @ me ke ano o ko kakou mau hana maikai a keiki @@

7. Ehia kumu no keia  @@@@ manao wehewehe

KA NUPEPA KUOKOA

He p@@@ @@@@

I KELA PAONO KEIA POAONO

$2.00

No na mahina he Umikumamaiwa

$1.00 no na mahina @,

ME KA HOOKAA MUA MAI

Na olelo hoolaha — @@@@@@@

(Next 18 lines illegible)

H.M @@@@, Luna Hooponopono

KA "NUPEPA KUOKOA."

Is published in Honolulu

EVERY SATURDAY.

$2 00 per annum in advance.

 

ADVERTISEMENTS not exceeding 10 lines, inserted once for $1 00; twice for $1 50; and $2 00 for one month; all advertisements must be paid for in advance.

 

KANIKAU will be charged 1.00 per page, or 4 cts, a line.

 

PAYMENTS FOR ADVERTISEMENTS, Subscriptions or Kanikau, may be paid to any of the Agents of the Kuokoa, or may be enclosed in a letter to the Publisher.

 

ALL SUBSCRIPTIONS must be PREPAID. No names, either of foreigners or natives, will be inserted on the subscription until paid for. This rule must be strictly adhered to on account of the low subscription price.

H M WHITNEY.

Publisher.

            Volume I and II of the KUOKOA , bound for sale $3 50 each.

            Persons having complete sets of the above, can have them exchanged for bound volumes, by paying $ 2 00 each.

 

 

NA BUKE

I HOOLAHAIA E KA PAPA HAWAII

ME KE

KUMUKUAI O KELA ME KEIA.

 

BAIBALA HEMOLELE NUI ILI GULA NANI

me na kuhikuhi ma na aoao     $12 00

Baibala Hemolele Nui ili eleele kaekae wai gula        $5 00

Baibala Hemolele uuku iki iho kae wai gula   8 00

Baibala Hemolele pananaiki iho ili eleele        4 00

Baibala Hemolele ili eleele      2 00

Kauoha Hou ili gula nani me na kuhikuhi       3 00

Kauoha Hou ili eleele kaekae wai gula           1 00

Kauoha Hou ili eleele  75

Kauoha Hou Hapa Haole        75

Lira Hawaii 1848 me ke kanawai       25

Lira Hawaii 1855        25

Moolele Ekalesia         50

Haiao ili lahilahi          10

Hele Malihini ana        25

No ko ke Akua ano     25

Lira Kamalii    25

Hoike Palapala Hemolele        20

Moolelo o Heneri Opukahaia  25

Hoike Akua     15

Wehewehehala            10

Ninau Hoike ili manoano        20

Ninau Hoike ili lahilahi           03

Kumumua Kula Sabati            20

Buke Lawe Lima        25

He Buke no ka Pope   15

Ui Kula Sabati Helu 3 25

Ui Kula Sabati Helu 4 14

Ui Kula Sabati Helu 5 20

Buke Euanelio a Ioane            15

Himeni Hawaii            1 00

Himeni Hawaii ili nani            1 70

Kumu Leo Mele          15

Kumu Leo Mele ili nani          50

 

NA KAUOHA HOU PAKEKE.

Ili gula nani     1 50

Ili eleele kaekae nani   50

Ili eleele           35

KAUOHA HOU PAKEKE ME NA HALELU

Ili gula nani     1 75

Ili eleele kaekae wai gula        50

Ili eleele           50

Buke Wehewehe Huaolelo baibala, elua ano

Buke Wehewehe Ano Mataio

 

NA HALELU PAKEKE

Ili Gula nani    50

Ili eleele kaekae wai gula        30

Ili eleele           20

Ka Hae Hoonani (Buke Mele)            25

 

EIA NA BUKE HAAWI WALE

PALAPALA LIILII-

            Helu 4-Makemake anei oe i ke ola?

            Helu 5-E hele i o Kristo la.

            Helu 7-Ka hoi ana mai o ke Keiki Uhauha.

            Helu 11-No ka hoohiki wahahee i ke Akua.

            Helu 15-Ka Eehia ana o ka Ahaaina a ka Haku a me ka Bapetizo ana.

            Helu 17-Mai hana ino i na holoholona.

            Helu 18-No ka mahi ana, kuai ana a me ka inu ana i ka Awa.

Ka Davida Malo Kumumanao.

Ka Moolelo o Batimea Puaaiki.

            Aia ke keena kuai buke o ka Papa Hawaii me ka huina o Alanui Berela ma ALanui Kalepa, e kokoke ana i ka Hale Leta.

J.F POKUE.

            Kakauleta o ka Papa Hooko o ka Ahahui Euanelio o ko Hawaii Pae Aina.