Ka Nupepa Kuokoa, Volume XI, Number 38, 21 September 1872 — Page 3
KA NUPEPA KUOKOA.
No ka Aie Lahui.
He pinepine wale ka alo ana ae o ka poe kukulu manao o ko kakou nupepa, a ke dala o ka lehulehu e hanai nei, a ua apono wale lakou i na mea a lakou i ike ai me ko lakou noonoo iho. Ke hoomahuahua nui ia aku nei ka aie, me ka ike ole ia aku o kahi e loaa nui mai ai ke dala, ke ole ia, e auhau hou ia iho me na kino kanaka a me ka waiwai o ka poe mea waiwai.
O ko kakou mau Lunamakaainana kekai i alo ae nei malalo o na kumu i ikea ka pomaikai ma na hana i hala, e like me ka Oihana-wai, Mokuahi Pele, ka moku kope awa (Kaulu.) Aole i hiki iki i ko makou ike ke ukali aku malalo o keia hookamaemae ae, e uhi ai i ko lakou kolohe malalo o na kumu oiaio o ke kolohe e hanaia nei i keia mau la. O na kuhikuhi ana i na hana maikai i ike ia ka pono a me ka pomaikai, aole no e hiki ana ke hoopuipui i keia mau hana hoaie dala nui me kela. Eia na mea a'u e kamailio hou aku ai.
1. O ko kakou Bila Haawina no na makahiki elua e hele nei, he $1,130,422.
Ke hookuku kakou me na loaa iloko o keia mau makahiki elua e hele nei, aole e hiki i ua mau loaa la ke hookaa. O na loaa i manaoia no na makahiki elua e hele nei, ua manaoia, he $852,722, a o ko kakou aie mai ka Bila Haawina wale mai no, he $277,722, a he mau aie nui no ko kakou mamua, ma na hoolilo noonoo ole a ka Ahaolelo.
2. O NA BONA HOTELE — Aole i komo pu na dala i manaoia no ka Hotele iloko o ka Bila Haawina, he puu dala nui no ia i hoopiiia kona mau lilo. Eia iho ke Kanawai i hooholoia a i aponoia hoi no ia hana:
PAUKU 1. E haawiia, a ma keia, ua haawiia no ka mana i ke Kuhina Waiwai, e hoopuka i na Bona o ke aupuni Hawaii, no na dala aole e oi mamua o ka hookahi haneri me umikumamaono tausani dala; i kanahikukumamaha tausani o na dala, e kau ana ka ukupanee aole e oi mamua o eiwa hapa haneri no ka makahiki hookahi; a o na dala he kanahakumamalua tausani i koe, e hooliloia aku no ka hookaa ana i na Bona i hoopukaia e ke Kuhina Waiwai ma ka la 16 o Okatoba, M.H. 1871, oia na Bona Hotele, e kuu aku ku ukupanee aole oi mamua o eiwa hapahaneri no ka makahiki hookahi, a e uku ia kela ukupanee noloko ae o na dala puka wale no o ka Hotele Hawaii; e uku ia ka ukupanee no ia mau Bona i kela me keia hapalua makahiki; a e uku pau ia ua mau Bona nei i ka manawa a ke Kuhina Waiwai i manao ai he pono, iloko nae o na makahiki he iwakalua e hiki mai ana, ma ka waihona dala o ke aupuni e uku ia'i.
PAUKU 2. Ma ka hoopuka ana o na Bona e like me ka mea i hana ma ka Pauku maluna iho, alaila, ma keia ua kauoha ia ke Kuhina Kalaiaina e kuai mai, no na dala he hookahi haneri me umikumamaono tausani i oleloia, na waiwai paa me na waiwai lewa e pili ana a i kapaia ka Hotele Hawaii, a e loaa iaia no palapala kuai maikai a me ke kupono no ia mea, e hoolilo loa ana ia waiwai no ke Aupuni Hawaii.
PAUKU 3. E lilo keia i kanawai mai kona la i hooholoia'i.
Aponoia i keia la 29 o Iulai, M.H. 1872.
KAMEHAMEHA R.
Aia a hoopukaia mai e ke Kuhina Waiwai na Bona o ke aupuni Hawaii, he hoike ana ia, ua komo aku la ka hai dala iloko o ka waihona o ke aupuni, ma ke ano aie aku o ke aupuni i ka hai dala, a no ia mea, ua aie aku la ke aupuni ia hai, a na ke aupuni e ukupanee aku i kela a me keia manawa i oleloia ma keia Kanawai, i eiwa hapahaneri no ka makahiki.
He elua maheleia ana o ke dala i oleloia ma ka pauku mua, he kanahikukumamaha tausani i kau ia ka ukupanee ma ka eiwa hapahaneri no ka makahiki, a maluna o ko kakou waihona e uku ia aku ai na ukupanee a hiki i ka wa e pau ai ka manawa i oleloia ma ke kanawai; a o ke kanahakumamalua tausani dala, noloko o na uku hoolimalima o ka Hotele e ukuia ai ka ukupanee o keia puu dala. Ina nae he mahuahua na loaa o ka Hotele, a he ahona hoi ia, kaa pono hoi ka ukupanee aka, i emi mai kona mau loaa malalo o ka ukupanee, a na ko kakou waihona no e hoolawa i ka ukupanee.
Eia ke hoakaka ana a hiki i ka la 31 o Malaki, M.H. 1874:
No ka Bona Dala i haawiia ma ka la 16 o Okatoba 1871, he $42,000. Ukupanee a hiki i ka la 31 o Maraki 1874, he $9,292.50 — Like me $51,292.50. Ina ua hoopukaia ka Bona Dala ma ka la 1 o Augate 1872, he $74,000 Ukupanee a hiki i ka la 31 o Mar, 1874, he $12,100 — Like $86,100.00. Huina aie no ka hotele wale no mamua o ka noho ana o ka Ahaolelo M H 1874, he $137,392.50.
Iloko o keia mau aie kiekie, noloko o keia mau hana hawawa, aole e liilii ana i kona mau loaa ke hookaa. Ua hanohano a maikai ka hale, a he uuku loa kahi loaa, ka mea a ko kakoa mau ua Lunamakaainana i hooholo Kanawai iho nei, e olelo ae ai, "E like ana na loaa me ko ka Oihana Wai, me ko "Pele," "Ka aina hou'' a pela aku.
3. Ma ka aie hou ana aku i ke Dala. Eia iho ke kanawai i hooheleia a i aponoia hoi:
HE KANAWAI.
E AE AI E HOAIE I DALA.
E HOOHOLOIA e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo kau Kanawai o ke Aupuni.
PAUKU 1. Ma keia ua ae ia ke Kuhina Waiwai, malalo o ke kauoha a ka Moi iloko o ka Aha Kuhina, e hoopuka i na Bona o ke aupuni me na Kupona i kapili, pu ia, no na dala aole e oi aku i Elua Haneri me Kanalima Tausani; e kau ia ka ukupanee maluna o ia mau Bona, aole oi aku i eiwa hapahane ri no ka makahiki, i kela me keia hapalua makahiki e uku ia ka ukupanee. E kakau inoa ia ua mau Bona nei e ke Kuhina Waiwai, me ka inoa pu kekahi o ke Kakauolelo Buke Helu o ke Aupuni, a e palapalaia keia mau huaolelo ma ua mau Bona nei, penei: "Hoopukaia mamuli o ke Kanawai e ae ai e hoaie i Dala, i aponoia ma ka la 29 o Iulai 1872;" e hookaa loa ia ke kumupaa o ua mau Bona nei i ka manawa i hoomaopopoia ma ke alo o ka Bona, aole nae e oi aku i na makahiki he iwakalua umi ka la aku i hoopukaia'i.
PAUKU 2. Ma keia ua hoopau loa ia ke Kanawai e ae ai e hoaie Dala, i aponoia ma ka la 23 o Iune, M.H. 1868.
Aponoia i keia la 29 o Iulai M.H 1872,
KAMEHAMEHA R.
Ma keia Kanawai, ua loaa ka manu i ke Kuhina Waiwai, e aie aku i keia puu dala nui hewahewa. Heaha la na hana e upu ia nei no keia dala nui, ke komo mai i ka eke o ke Kuhina Waiwai? Pehea la ke ano e hooliloia aku ai? Heaha la ka mohai a ke Kuhina Waiwai e haawi aku ai i ka mea dala? No keia ninau hope, ua eha ko'u puuwai i ka haupu mai o keia mau manao koikoi elua. Ina iluna o kakou e hina mai ai keia mau hana, ma ka hoouka hou iho i haawe, i auamo, e hii ma ke alo, a i puolo ma ka lima. Aloha ino! Ina hoi iluna o ka aina, ua molakiia, a ua Bona ia hoi, a e kali ana no ka wa e ku mai ai ko hai wawae ma ko kakou wahi. Aloha ino!
Eia ka helu ana i ka nui o ka aie malalo o keia Kanawai:
Ina ua hoomakaia ka aie ana malalo o keia Kanawai, a e puka ana na Bona aupuni no na $250,000, mai ka la mua aku o Ianuari, M.H. 1873, alaila, o ka ukupanee a hihi i Maraki 31, 1874, he $35,625. Ua like hoi ia me $285,625.
4, Ka haawina o ka mokuahi hou, he $80,000. He puu dala no ia, i ike ole ia e loaa ana ka pomaikai iloko olaila. Ua ike pono ia no ua lawa pono ko kakou mau awa a pau i kahi moku hookahi, aka, i na e anunu 'na ke aupuni i ka oihana hooholomokuahi pili aina i pau pono ia ia na ukana a me na eemoku ma na awa ku moku a pau o keia aupuni, alaila, aole no e lilo ana ia ano makee ana i mea e holopono ai kana mau hana.
He elua tausani a oi aku paha na lilo no ke Kilauea i keia wa, no kona holo ana i ka mahina, a ina hoi he moku nui ae ka moku e upu ia aku nei no keia kanawalu tausani dala, alaila, e oi ae ana no hoi kona lilo ponoi maluna ae o Ekolu Tausani i kela ame keia melama, Ona loaa hoi i piikoi wale ia aku e na noonoo anuunuu ana, aole no ia i hoohua mai i ka hua kupono. Ua ike ia ka holopono o Kilauea no kona hookahi, a ua manao paha ko kakou mau alakai aupuni, (na Kuhina) o ka holo i elua moku, oia ka meu e pii ae ai ka loaa. O ka hapa nui o ka Kilauea mau holo ana, ua hoopomaikaiia oia e na awa ma ka hikina, a ina e hana hou ia ana i moku nui ae ko na awa ma ka hikina, alaila, no Kauai o Kilauea, alaila, e halawai auanei ia noonoo me na poho. O ka lilo no Kilauea no kela a me keia malama o kona hooholoia ana, aole ia e emi iho ana; aka, o na loaa e kukoia aku nei e emi mai ana ia, a heaha ka pono o na hana hoonui lilo, a he emi ka loaa mai; A o kekahi hoi, he mea keakea hoi ia a ko kakou Ahaolelo i hooholo iho nei, i ka pomaikai o ka poe hooholo moku pea.
Eia ka hoakaka pokole ana ina Aie Aupuni
o kakou.
Aie Lahui ma ka la 31 o Ma raki 1872 a me ka ukupanee pu a hiki i ka la 31 o Maraki 1874 $210,006.12.
Ka oi aku o ka Bila Haawina imua o na Loa, he $277,722.
No na Bona Hotele a me ka uku hoopanee pu, he $137.392.50.
No na Bona Hoaie Dala e like me ke Kanawai i aponoiia ma ka la 29 o Iulai $285, 625.000.
Na dala i hookaawaleia no ka hana ana I Mokuahi hou 80,000.
Huina pau o na dala $990,945,12.
O ka hapa nui ma keia hoaie ana mai ia kakou, na na hana iho nei a ko kakou Ahaolelo hope.
Ina aole e hooko ponoia ka Bila Haawina e like me kona hooholoia ana; a pela hoi na Bona Ho tele; a me ka hoaie maoli aku; a me na dala hana hou i mokuahi; alaila, e lilo ana ka hapa nui o keia mau huahelu i mea ole; aka, i paa, e lilo ana keia i haawe koikoi hou iho no ko kakou mau poohiwi; a I mahele ponoia keia maluna o na kane, wahine, a me na keiki, he $15, maluna o ka mea hookahi; a ma keia hope aku e ulu mau ana keia i ka nui loa. O ka aina wale no ka mohai e pakele ai kakou iloko o na ana o ko kakou mau kuahiwi.
O ka olelo a kekahi Luna M. o Honolulu nei imua o ka Ahaolelo, "o ke Kuhina o ko na Aina e ka makuwahine o na Bona Hotele," oia hookahi no ha makuwahine o keia mau alakai lokoino ana ia kakou iloko o keia imu ahi. Ua mahaloia kona okupe ana, mamua ae o kona noho hou aku i mau minute hoopiha, aie hou. (Aole i pau,)
Ma ka halawai mau o ka Ahahui Hoole Waiona, Moiwahine, Helu 2, ua hooholo lokahiia keia mau olelo hooholo malalo iho, no ka hoomanao i ka make ana o Mrs. Esetera Sylve ster:
No ka mea, Ua oluolu i ka manao o ke Akua Mana Loa, e lawe aku i ka uhane o ko kakou hoahanau wahine i aloha nuiia o Esetera Sylvester; nolaila e
Hooholoia, Ma keia make minamina ua hoopoinoia keia Hui ma ka lawe loa ana i kekahi hoa kupaa a me ka hooikaika, a ua hooneleia kana kane a me kona ohana i ka makamaka oiaio.
Hooholoia, Ke uwe pu nei keia Hui me ka poe e u ana, a nolaila, e kau ia na hoa o keia Hui i ka hoailona kumakena, no na la he iwakalua.
Ma ka auina la Sabati aku nei, ua ikea aku kekahi punohu uwahi ma ka puu lanahu makai o Ainahou, la manawa, ua mikialaia ke kinai ana a pio aku la, mahope o ka hala ana o kekahi manawa o ka hookiki ana i ka wai.
Ma kekahi la o kela hebedoma iho nei, ua lawe aku kekahi kanaka he Palapala Sila Nui no kekahi aina, aole nae nona ponoi, a monkiia aku la i ka mea dala. I ka loaa ana mai o na dala moraki, ua mahele ae la ia i na dala me kona poe i hele pu aku ai, a ku ae la ma kona mau au, a puhalahiu aku la kela me ka makau ole i Lahaina. Lohe iho nei ka poe nona kela palapala sila a lawe maluia ai e moraki, hoopii iho nei, a ua hoounaia ka palapala hopu i ua kanaka la. O ka hoike nui keia nana i hooia aku no ua kolohe la ia waiwai, ua hopuia iho nei, a i ka ikea ana ae, eia ka o ka mea no i maa i ka noho ana o Kawa.
NA OLELO HOOLAHA.
MAHOPE aku o ka la mua o Sepatemaba, 1872 o na Bipi a pau i kuniia me na hao EB a i oleia WB e lilo no ia no ka mea nona ka inoa malalo iho, aia wale no ka pakele a ua kuai muaia i kekahi poe e ae a ua kuniia i ko lakou mau hao kuni. Wailuku, Maui. (tf) W.H. BAILEY.
J.W. Keawehunahala, W.H. Da vis & Co.
LOIO! LOIO! LOIO!
UNUHI olelo Hawaii a me ke kekau Palapala o na ano a pau. Keena hana, aia makai o ka huina o na Alanui Papu a me Moiwahine, ma ke alo ponoi o ka Hale Hookolokolo ma Honolulu. 542-6ms
JUDD A ME LAYTON.
[ALANI KAUKA A ME LEITONA.]
NA MEA KUAI MEA AI O NA LAKO AI A a pau, na mea ulu a me na mea hoomomona lio. Halekuai malalo o ka Hale Mu, Alanui Papu, Honolulu.
475 ly
He Mele Lahai Hawaii.- O KEIA MELE I Hon. Mrs. Liha K., Dominis, ua loaa mai nei ano, he lehulehu o na kope o keia mele kaulana mai Kapalakiko mai, a e loaa no ma ke kumukuai haahaa, he hapaha, ma ka Hale Kuai Buke o (555 2m) H.M. WINI.
NO ka mea, ua haalele kumu ole mal ia'u a i ko'u wahi noho, ka'u wahine ma re oia hoi o Mrs. KAIHUA AEO. nolaila, ke papa aku nei au i na mea a pau loa, mai hoaie mai i oukou iaia, o poho oukou, no ka mea, aole au e hookaa ana i kana mau aie mai keia la aku.
APO Pake)
Lahaina. Maui, Sepatemaba 3, 1872. 4 ts 562
UA HAALELE mai o Mrs. KANIHO CNOCKER i ka'u ai a me ko'u wahi moe, a ua hele aku mamuli o kona makemake. Nolaila, ke papala aku nei na mea a pau aole e hoaie iaia, a o ka mea hookipa iaia ma kekahi ano, e hoopiiia oia ma ke Kanawai. GEORGE CROCKER. (KEOKI KALAKA) Honolulu, Sept. 16, 1872. 564—2at
E IKE auanei na kanaka a pau, owau o ka mea nona ka inoa malalo iho, ke papa aku nei au i ka poe waiwai na haole, na pake, a me na kanaka a pau o kela ano o keia ano, mai hoaie mai oukou i kuu wahine mare ia. MRS. KINA, MAKA. ina oukou e hoaie iaia, maluna no ona ko oukou poho, aole au e hookaa ana ia aie, no ka mea, ua haalele kumu ole mai oia ia'u, a i ko maua wahi noho. A o ka mea a mau mea paha e hookipa a malama, paha iaia, e hoopii no au ma ke Kanawai, mahope iho o ka laha ana ma ka Nupepa Kuokoa. APAI.
Honolulu. Sepatemaba 16. 1872. 565-2ts*
KUAI KUDALA
MA KA POAONO, SEPT. 28, ma KA HO RA 12 o ke AWAKEA,
ma kahi o ka hale e ku la.
E KUAI KU DALAIA ANA ELUA HALE,
E ku la ma Kamakela. Honolulu, noho mua ia iho nei e Mr. W. Pinehasa Wood. C .S. BARTOW,
Luna Ku dala. Honolulu, Sept. 17, 1872. 564 2t
E IKE auanei na kanaka a pau ke nana mai, owau o ka mea nona ka inoa malalo, ke papa aku nei i kuu aina kuai e waiho nei ma Maunaoui a me M kuu, aole e hele kekahi lio, bipi, hoki, Miula, puaa, kao, aole e hele wale maloko o na palena o ua mau aina la, a ina e loaa ia'u i kuu inoa paha, e ukuia ke kao he 10 keneta, a o na holoholona e ae i koe, pa $2 no ke komo hookahi ana. A ke papa ia aku nei na kanaka, aole e hele a lawe i na mea ulu, na hua a me na laau, oia ka ulu, hau, kope a kukui, a o ka mea kue i keia, e koi no au i ko'u poho maluna ona, a i ole, e hoopii no au ma ke Kanawai, no ke komohewa a me ka aihue. E lilo keia i Kanawai no ua mau aina la mai keia la aku.
W.H.K. Kealakaula. Maunaoui, Kona H. Sept. 16, 1872 564 1t*
HOOLAHA
—A KE —
KEENA WAIWAI!
I MEA E MAKE PONO AI KE DALA A KA POE e makemake ana e hoopukapuka i ka lakou mau pua dala liilii, nolaila, e hoopuka ana ke aupuni i na Bona o ke Aupuni Hawaii, ma na puu dala liilii he $100, $200, $500 a $1,000, ma ka ukupanee ma ka 8 hapahaneri no ka makahiki, me ka ukuia o ka ukupanee i kela a me keia hapalua makahiki, ma ka waiwai io, he $100, no ka bona hookahi, a pela aku. E loaa no i ka poe a pua ka pomaikai ma ka hele ana aku i ka Waihona Dala Aupuni, no ka manawa aole e emi malalo o ka 5 makahiki, aole hoi e oi aku mamua o 20 makahiki.
ROBT STERLING. Keena Waiwai, Sept. 20, 1872. 564 2m
NU HOU!
Ua ala hou o Lahaina. Ua aneane like me Honolulu keia manawa ma ka maikai o kona halekuai. Nana aka oe i ka nani o ko
KIMO
HALEKUAI! WELIWELI!
Oia no paha ka
HELU AKAHI
_______MA _______
HAWAII NEI.
Aole mea koe i loaa ole malaila.
Eia kekahi wale no o na mea loaa ma ia Hale:
Kalakoa o keia ano kela ano,
Ula Farani, Huluhipa, Makalena,
Alapia Huluhulu, Nehe Kilika,
Iho Papale, Nahenahe, lilina,
Papale kane, wahine, keiki,
Ohe kamalii, Papa Pohaku, Kanana,
Hainaka o na ano a pau, Lipine,
Oo, Koi na mea Hao he nui,
Kaula lio, kaula hale, kaula waapa,
Eke pa ame ka lole eke, papa waapa,
Inika, penikala, me na buke kula,
Aila lauoho, manoi, kahi,
Waiala Lukini onaona, laau lapaau,
Aila pena, waihoomaloo, aila mahu,
ME IA MEA AKU UA LEHULEHU
-EIA KEKAHI MEA NUI-
HEPA PAPA
KO KIMO!
Malaila e loaa no na ano Papa a pau.
Papa Hole, Papa Hole ulaula,
Papa huluhulu, Papa huluhulu ulaula. Papa kahi, Papa kahi ulaula,
Papa kepa, Aaho, Aaho kahiia
PINE PA ULAULA A ME KEOKEO!
Pili keokeo a Pili ulaula,
Pani puka, molina a molina ole, Puka aniani 2x9, 8x10, 10x12, 9x13, 10x14 Kua laau 2x3, 2x4, 3x4, 3x6, 4x4, 4x5, 6x6,
Kui, Pena, Laka, ami a me
Na Lako Kukulu Hale a pau.
Eia hou aku kekahi mea hou o ke kumukuai o keia mau mea maluna ua like me ko Honolulu a ua oi aku ka emi mamua na hale e ae ma Lahaina nei.
E hele mai oukou maanei mamua a ninau mai i ke kumukuai.
KIMO.
Lahaina, Iulai 4, 1872. 2ms
UA MAKEMAKEIA
E KA POE NONA NA INOA MALALO iho, ke kuai ana aku i na HA-KO, MAKOLOA a mea kupono e ae paha no ka ulana papale. Ua makemake pu ia hoi ke hoounaia ana mai o na ano hoikeike o na mea ulanaia a ma na kumukuai no ka iwilei hookahi, no ka huina iwilei ma ka 100,000 a oi aku paha. C. BURUA ma.
Honolulu, Sepatemaba 14, 1872. 563 4t
E ike auanei na kanaka a pau owau o ka mea nona ka inoa malalo iho, ke papa aku nei au i ka poe waiwai, na haole, na pake a me na kanaka a pau o kela ano keia ano, mai hoaie mai oukou i kuu wahine mare, ia Mrs. KAPAHUKAPU, ina oukou e hooaie iaia, maluna no ona ko oukou poho, a oi au e hookaa ana ia aie, no ka mea, ua haalele kumu ole mai oia ia'u, a i ko maua wahi noho. A o ka mea a mau mea paha e hookipa a malama paha iaia, e hoopii no au ma ke Kanawai, mahope iho o ka laha ana ma ka nupepa Kuokoa. J Poina. Puiwa, Nuuanu, Sept 13. 1872. 563 2t*
E IKE mai na ano kanaka a pau, owau o ka mea nona ka inoa malalo, ke papa aku nei au i na holoholona komohewa, o ka Lio, bipi, hoki, miula, a me ka wale hele wale maluna o kuu aina kuai, o KIONAWAWANA ka inoa, e waiho nei ma Kalihi-waena, Oahu. A ke waiho aku nei, hoi au i ka mana hopu o na holoholona i hoikeia maluna, ia Kalaponi (k); a o ka mea kue i keia, e uku no i $1.00 no ke poo, a ina e hoopoino i na mea kanu, e uku no e like me ke poho. Ina e uku ole mai, e laweia no ma ka Pa Aupuni. E lilo keia i Kanawai mai kona la e puka ai ma ka Nupepa Kuokoa. Na KAMAIHIILI.
Kionawawana, Kalihi-waena, Au g 14. 1878. 559 4t*
NO KA MEA, ua kuai mai ka mea nona ka inoa malalo, i na Bipi a pau e holoholo nei maluna o na aina o SNIFFIN a me Kula o Maui Hikina, nolaila, ke papala nei na kanaka a pau, mai kuai a hoa, a kuni paha i kekahi o ia poe Bipi, o hoopiiia oukou ma ke Kanawai. A ua papala no hoi na mea a pau i ka hoohalike na i ko makou hao kuni a e lawelawe ana paha. Eia ke ano oia hao kuu ^ AKANA MA
Honolulu, Mar 16, 1872.
536 6m
E IKE na mea a pau ke nana pono mai, o na kuleana a pau o Ruta Kamakea, ka wahine mare a G B Ukeke, i hoolimalima pono ai me a'u no na makahiki he 15, ke hai hookamani ole nei au, ua pau loa ia hoolimalima ana, aole e hiki i na Lunahooponopono a Ruta Kamakea, ke hoole a ke mawehe hoi, aia wale no a haalele maoli aku au; aole no hoi o'u makemake, ke hele mai la mau luna e hoole a hoopau hoi i ka mea i hoolimalima pono la. He ae no ko'u, ke hele mai nae lakou e hookaa i na aie a pau a Ruta Kamakea ma kuu Hale Kuai; a ina no ka hoololi a hoopau i ka pono i hanaia me ka oiaio, e peku aku au ia lakou ma kahi e, a na lakou no e hoopii imua o na Aha Hookolokolo. Ua papa pu ia no hoi na lio, bipi, hoki, miula a me na ano holoholona a pau, aole e hookuu wale, aole no hoi e nakii, o hooukuia $1 00, a ina aole, e lawe a no ma ka pa aupuni ma Hauula. Eia kekahi, o ka hale lahui e ku ana ma Kapono nei, oluna no Kamakea, a oiaio o ua aole la, ua lilo ia'u i ka hoolimalimaia. Ke papa pu ia aku na no hoi ka aina o Mere Ana Kamakaimoku, ke ahupuaa o Ka pano, aole e hookuu aole hoi e nakii i na holoholona malunaa ia aina, o hookula mai ke dala hookahi a hiki i ka elima Ua lilo keia i Kanawai paa no ua aina la, mai kona la e pukaa ma ka nupepa Kuokoa. ALOOK (Pake)
Napano, Koolauloa, Aug 24, 1872. 560 4t*
NU HOU! NU HOU!
Ano ua Loaa mai a e Malama mau ia'na Makou
I NA ANO A PAU O
NA MEA HAO!
NANI KELA!
HULALI KA HAO!!
Na Palau, Oo Haole,
Huihuipalau, Kopala, Kope,
O, Kaulahao Bipi, Lei Bipi.
Lei Hoki, Ili Kauokaa.
Paahana Amara.
Opumakani, Kamaa Lio,
Kamaa Hoki a pela 'ku,
KUI HAO O KELA A ME KEIA ANO.
PAAHANA KAMAA O KELA ME KEIA ANO.
NA MEA LAKO KUMEKA.
IPU- KUKUI IPU-KUKUI HELE PO,
IPU-KUKUI MANAMAMA.
AILA MAHU O DOWNER
A ME NA PA-PALAI, & c
Na Ipu Hao o Kela a me Keia Ano,
KA OI LOA AKU O KA MAIKAI a me ka nui O NA ANO A PAU O
NA MEA HAO, NA LAKO KAA.
PENA o kela ano keia ano, iloko o ka Aila a maloo no hoi.
AILA PENA MOA, AILA PENA MAKA.
MAKAU O LAWAIA.
UPENA A ME NA AHO UPENA.
KUKAEPELE PENA!
E KUAIIA ANA KEIA MAU MEA ME KA MAKEPONO, MA KA HALE KUAI O
DILLINGHAM &co.,
mMa ka Helu 95 a me 97, Alanui Moi Honolulu a ma Kaipalaoa, Hilo, Hawaii.
559 6m
HALE HANA KAMAA BUTI
— A ME NA ANO A PAU -
A GIU PAKE.
NO KA HANA ANA INA
HILA AULII MAIKAI
EKOLU - HAPAHA.
No ka hana ana i na Kamaa Kahiko me na ili
Farani me ka oki ana ina he loihi a pokole paha.
E HELE MAI OUKOU. No na Kamaa a pau a'u e hana ai no oukou mai keia la aku, a ina e ikeia ka paa ole o ka hana ana iloko o na mahina elua, alaila e hoihoi mai na'u e hana hou. Ke ano kahuli ka Hila, a he mo paha na Ili a me ka humuhumu ana, alaila e hui pu ma ka uku i olelo mua ia. Alaila o ka mea nona ko kamaa e hele pu me a'u i ka Hotele e ai a maona, a na'u e uku me ke kika manuahi, me ka holo pu i kuu lio i hookahi hola. E ai me ka lulu lima ke aloha. O na kamaa i hala na mahina ekolu aole e kii ia mai alaila kuaiia ma ke kudala no ka hala o ka manawa. He nui na Ili Noho-Paniolo, Kaulakeehi, Ili Pale wawae, me ka uku haahaa loa. E hele mai. NO. 65, Alanui Nuuanu AGIU PAKE.
557 6m*
Kuai a Hoolimalima paha!
Oia na hale ma ke Alanui Maunakea, e nohoia nei e Mr. Sineer, kupono no ka hale noho a Hale Kuai paha. No na meia koe, e ninau ia A SINGER,
555 3t Ma ia Hale.
A CIU & AKIONA.
O MAUA E WEHE ANA I
HALE PAI KII
-------No na mea a pau-------
MA ALANUI NUUANU, HELU 65.
E loa ano na ano a pau o na Kii maikai loa e like me ko oukou makemake. E hanaia no a maikai kupono no ka uku oluolu loa. E hele nui mai. O na lole komo i ka wa e pai ai eia no ia mana, i kupono no na kane a me na wahine. Na kuka paina loloa ano Kaleponi, Kookoo, Kaulawati, Komo-lima a me na ano hookani a pau, ma na uhi wahine o na ano no a pau, a mena peahi maikai a me na pua hoonani maikai. E paiia no na Kii pepa a me na Kii aniani, e like me ko oukou makemake. Keokeo paha, eleele paha, ulaula paha. Ma ka wa e pai ai ke li e hookaa mua ia ka hapalua o ka uku, a pau ke kii hookaa au loa alaila lawe ke kii. Me ka mahalo. 547 tf
HONOLULU DISPENSARY.
KE hoopau nei au i ka lapaau wale ana i na mai o kela a me keia ano, mai keia la aku, no ka hiki ana mai o ka mai puupuu liilii ma keia kulanakauhale, nolaila, e lilo ana no a me ka'u poe haumana, ma ka oihana "O Bipi."
84 5 7m G.P. JUDD (Kauka).
PAAP KUHIKUHI MANAWA HOLO
-O KA-
MOKUAHI HAWAII
"KILAUEA."
Sepatemaba 2..................Kona
Sepatemaba 9....... .Kaapuni ia Hawaii
Sepatemaba 30...... .............Kona
Okatoba 7.......-----Kaapuni ia HAWAII
Oka toba 14......................Kona
Okatoba 24..........Kaapuni ia Kauai
Okatoba 28..........Kaapuni ia Hawaii
Kuike na uku ohua
SAMUELA O WAILA.
561 -3ms Agena.
BUKE HIMENI
NO NA HOIKE NUI.
HIMENI LEALEA.
CONCERT, & c., &c.
A me ko Lakou Kumukuai Pakahi.
Home Circle, vol1........................................... $3.50
Home Ci rcle for piano forte vol 2......................3 00
New Mehtod for Piano Foote............................ 4 00
Schinelder's Practical Organ School................. 3 50
Shower of Pearls................................................ 3 00
A rt of Singing.................................................... 2 00
The Silver Chord ...............................................2 75
The Plymouth Collections Hymns and Tunes... 2 75
The Grammar School Chorus............................ 2 00
The American Tune Book ................................. 2 00
The New Carmina Escra..................................... 1 75
The Key Note ..................................................... 1 75
The Jubilee ......................................................... 1 75
The Anthem Dulcimer.........................................1 75
The Shawn ......................................................... 1 50
The Plymouth Collections Hymns ..................... 1 50
The Church Melodies Hymns and Tunes .......... 1 50
The Glee Hive .....................................................1 00
The Golden Robin .............................................. 75
The Golden Wreath ............................................ 75
The Golden Shower and Center ......................... 75
The Golden Trio ................................................. 75
The Silver Song ................................................... 75
The Silver Lute ................................................... 75
The Silver Bell .................................................... 75
The Pure Gold ..................................................... 75
The Pearl ............................................................. 75
The Fresh Laurels ................................................. 75
The Happy Voices ............................................... 55
The Song of Gladness.......................................... 75
The Morning Star ................................................. 75
The Banks of the Rhine ....................................... 75
Nine O'clock in the Morning ............................... 75
Childs First Music Book ...................................... 75
The One Key Singer ............................................. 75
The Dime Music .................................................. 75
The Bugle Call ..................................................... 75
Buckley's Guide for the Banjo ............................. 75
Winne r's New Primee for the Banjo ..................... 70
Winne rs Perfect Guide for the Piano ................... 75
Winne r's Perfect Guide for the Cabinet Organ .... 75
Winne r's Perfect Guide for the Melodeon ............ 75
Guitar Withons a Master ...................................... 55
Turning Fork ......................................................... 70
O keia mau BUKE HIMENI, mele, ua kupo loa no na Kula Sabati a me na Halepule. E loaa keia mau Buke i haiia ae la maluna maloko nei o ko'u Halekuai. A e loaa no i na oe a pau i paulehia i neia mea he himeni, e noho malia i Hilo a hala loa aku i Kauai. E miki mai oiai ka wa pono. Owau no.
1m H.M. WINI.