Ka Nupepa Kuokoa, Volume XI, Number 42, 19 October 1872 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Aina nani e ola ai.

Leo.-Beautiful Land of Song.

            Pure Gold, p 64.

1.

He aina nani e oli ai,

            Ma o, ma o, maluna :

Ilaila no ka poe maemae,

            A, me ke Akua e noho ai,

A hoomaikai mau loa.

            A hoomaikai mau loa.

Cho-Aina nani e oli ai!

            Pa na lira lani,

A olo no mai o a o

            Na leo kani nani.

2.

Ma ia aina maikai ma o

            Na Kerubima nani ;

Ua mau ka nani o lakou,

            Ua kau na lei olino mau,

A mau ka Mililani,

            A mau ka Mililani

Cho.-Aina nani e oli ai, &c, &c.

3.

Ma ia aina e oli ai

            Iesu ke Lii aloha,

A ka poai ka poe maikai,

            A pa na lira a kani ae,

A kani a mau loa,

            A kani a mau loa.

Cho.-Aina nani e oli ai, &c, &c.

4.

Ma ia kahakai lai ma o

            E hui ka poe aloha,

A pau na eha, na luuluu,

            A launa oli me Iesu

A mele a mau loa.

            A mele a mau loa.

Cho.-Aina nani e oli ai, &c, &c.

            Hawaii.

 

Na olelo Wehewehe no na Oihana a na Lunaolelo.

Mokuna VII.

            P. 45.  "Ka mea hoi a ko kakou poe kupuna i lawe." O na hanauna i puka mai loko mai o Aigupita, ua make lakou ma ka waonahele.  O kekahi hanauna mai, malalo o Iosua, ua lanakila lakou maluna o na lahui o Kanaana, a ua lawe pu lakou i ka halelewa a komo iloko o ka aina o Kanaana.  "A hiki wale mai i na la o Davida, " ka wa a ko Pilisetia i haoa ai i ka pahu berita, 1 Samuela 4: 11, alaila hele aku la ka nani mai ka halelewa aku, aole loa i hei hou mai; no ka mea, "huhu mai la ke Akua, a hoopailua loa no hoi i ka Iseraela; nolaila haalele iho la oia i ka halelewa o Silo, i ka hale lole hoi kahi ana i noho ai iwaena o na kanaka."  Halelu 78: 59, 60.  Ua kukulu o Davida i halelewa hou ma Ierusalema, a ua waiho oia i ka pahu o ke akua iwaenakonu ona.  2 Samuela 617 me 1 Oihanaalii 15: 1 me 16: 1.  Ua ikeia na olelo hope e  pili ana i ka halelewa i hana ia e Mose, ma 2 Oihanaalii 1:3.  Mahope iho o ke kukuluai'na o ka luakini o Solomona, nohe hana  koe no ka halelewa i hanaia e Mose, a plea no hoi ka mea i hanaia e Davida.  Ua pau ka hana o ia mau halelewa, a ua hoopau pu ia.

            P. 46, 47.  "Loaa ka lokomaikaiia mai." Ua nana ke Akua iaia me ka lokomaikai, a ua lawe iaia ma ka hanai ana i na hipa, a hoonoho iaia i alii no kona poe kanaka; a ua noho pu ke Akua me ia ma na wahi a pau ana  i hele ai, e hoopomaikai ana iaia.  2 Samuela 7: 8, 9.  "Manao iho la ia e imi i wahi e noho ai, no ke Akua o Iakoba." Ua hai mai no o Davida.  "Aole nu e haawi i ka hiamoe ma ko'u mau maka, aole hoi i ka maluhiluhi no ko'u mau lihilihi, a loaa ia'u he wahi no Iehova, a me kahi e noho ai no ka mea Mana o Iakoba."  Halelu 132: 4, 5.  Aia no iloko o ka naau o Davida ka makemake e kukulu, a e hoolaa i kekahi luakini nani no Iehova, aka, no kona lawelawe ana ma ke kaua, a no kona hookahe ana i ke koko a nui loa, aole i haawi ia keia hanohano iaia.  1 Oihanaalii 22: 8; aka, na Solomona, ke kanaka o ka malu, i kukulu i hale nona.

            P. 48, 49.  "Aole e noho ka Mea Kiekie iloko o na luakini i hana ia e na lima."  Ua hoopukaia keia olelo e Solomona i ka wa i hoolaa ia ka luakini.  1 Na Lii 8: 27.  Aole i nele ke Akua i ka luakini kahi e hoomana ia oia.  Olelo mai o Iesu, "E hiki mai auanei ka manawa, aole ma keia mauan, aole hoi ma Ierusalema e hoomana aku ai oukou i ka Makua."  Ioane 4:21.  Aole i hoopaa ia ka hoomana ana i ke Akua ma kekahi wahi.  Ma na wahi a pau ikeia ai ko ke Akua poe keiki, malaila ka hoomana oiaio.  "E like me ka mea i olelo ia mai ai e na kaula."  E kuhikuhi ana o Setepano i kela olelo ma Isaia 66: 1, 2 o ke ano o ia, aia ma kekahi pauku iho, "O ka lani ko'u nohoalii," kahi o kona nani.  "O ka honua hoi ko'u keehena wawae." No ka uuku loa o ka honua, ke hoohalike ia me ko ke Akua wahi a pau, e aho ke kapaia ana he wahi paepae no kona mau wawae, mamua o ke kapa ia ana he wahi e noho ai ka Mea Mana Loa.  "Heaha ka hale a oukou e kukulu ai no'u?" a i ole ia, "heaha hou ko'u wahi e noho ai?"

            Aole i makemake ke Akua i na luakini i hana ia e na lima; aka, he mau luakini no kahi ana i ae mai ae e noho.  "No ka mea, penei ka olelo ana mai a ka Mea i hapai ia, ka Mea i hookiekie hoi, e noho ana ma ke ao pau ole, o Hemolele kona inoa; e noho no au ma kahi kiekie, a hemolele hoi, a me ka mea mihi, a haahaa hoi ka uhane, e hoomaha i ka uhane o ka me haahaa, a e hoomaha hoi i ka naau o ka poe mihi." Isaia 57: 15.   A ua kakau o Paulo i ka poe Kristiano ma Korineto. "Aole anei oukou i ike, o oukou no ka luakini o ke Akua, a ua noho ka Uhane o ke Akua iloko o oukou?" 1 Korineto 3:16.  A eia hou hoi, "O oukou ka luakini o ke Akua ola' e like me ka ke Akua i olelo mai ai, e noho pu auanei au me lakou, a e hele pu hoi.  2 Korineto 6:16.  O na haumana haahaa, akahai o Kristo, o lakou ka poe i hoohanohano loa ia ma ka hoolilo ia i mau luakini no ke akua.  Aka, he pno ia lakou ke hele me ka haahaa, a me ka hoopono, o haalele auanei ka Mea Kiekie ia lakou, no ko lakou hoohaumia ana i kona luakini.  "Ina e hoino mai kekahi i ka luakini o ke Akua, e hoino mai no ke Akua iaia; no ka mea, ua laa ka luakini o ke Akua, oia hou oukou." 1 Korineto 3:17.

            P. 50.  "Aola anei na ko'u lima i hana i hana i keia mau mea a pau?"  Aole i nele ke akua i ke gula a me na pohaku waiwai nana e hoonani i kona mau luakini.  O ka hoomana oiaio, aole ia iloko o na hana kino, a me na hana hoailona.  O ka manao akahai a me ka noho malie, oia ka hoonani waiwai nui imua o ke Akua.  1 Petero 3: 4.

            (Aole i pau).

 

Ke Kokua Aloha

HELU 2.

            Kii aku la Penimana wahine i ka buke kakau i na loaa, a me na lilo, o kana kane, a lawe mai. Pono oe, e Keni, ano, e lawe i kekahi apana pepa, a i kuu heluhelu ana i na loaa, e kakau oie i na hapaumi, i akaka ke koena o ka kaua kokua, i hiki ke haawi aku.

            Ae, maikai ia, eia no ka apana pepa, ka peni, ka inika, ua makaukau au e  kaku.  Ka hoomaka no ia o ko Penimana heluhelu ana i na loaa, a me ke kakau ana o ka wahine i na hapaumi.

200 basela huita,         $200.00           Na hapaumi     $20.00

150      "     uala,           90.00         "        "               9.00

300      "     ota,             90.00         "           "               9.00

600      "     kulina,    168.00            "           "             16.80

200      "     ohia,        100.00            "           "             10.00

  10     "     papapa,                 15.00           "           "               1.50

  80     "     uala pilau,                7.50          "           "                  75

  10 barela puaa            100.00          "           "             10.00

  20 tona mauu maloo   100.00          "           "             10.00

                                                                                    ______

Eia na huina o na hapaumi, wahi a Keni.                    $87.05

Ko kaua haawina no ke kahuna, a no ke ahi.                50.00

                                                                                    ______

                                                            Koena              $37.05

Pololei ia, a penei paha e haawi hou ai;

Hookahi barela puaa.                                                    10.00

Na hapaumi o na uala, na papapa, na uala pilau,           11.25

            Pehea na bipi waiu?  10 bipi waiu; E haawi i hookahi i ke kahuna, me elua tona mauu maloo.

            Nau, e Keni, e hookaawale i ka bipi, e like me kou makemake, wahi a ke kane.  He nui na mea i koe, aole akaka ko lakou hapaumi, e lawe nae i mau eke palaoa, a me kekahi mau mea e ae no ke Kahunapule; a, ma kela makahiki e hoomaopopo loa i na hapaumi.

            Nui io keia makaua aloha, wahi a Keni, me ka makemake e hana mau pela, makau nae oia o paa koke keia pu aloha ana, ke pau ka mana o ka moe uhane o kana kane.

            Kahaha; e Keni, minamina anei oie i ka nui o keia mau hapaumi i koe no ka ohana.  Aole paha e pilikia ana kakou.  Nani kuu maka po iloko o na la a pau i hala!

            Hooho Hana, e ka makuakane, ka hora uwi bipi keia, wahi a Geoki.

            Ae, ae, e hele ana no waule uwi.  E Keni, ka bipi he ka'u e haawi aku ai no ke kahunapule"  Pane koke oia, ka bipi i oi ka maikai.

            Kahea aku ka makuahine ia Mabela, ke kaikamahine nui, ea, e hele mai.  A i kona hele ana, hai mai ka makuahine i na hana i hana ia i ka hora i hala, a me ka hoohiki ana o ka makuakane e haawi i ka hapaumi o na mea a pau ma keia hope aku no ke kokua aloha.  Hoolohe pono Mabela ma ka olioli loa, a olelo, E mama, ko'u manao paa mau no ia mahope o ko'u heluhelu ana i ka ke Akua kauoha i na Iudaio e haawi i ko lakou mau hapaumi i ke Akua, e kokua mau pela.  Ua ike no ke Akua i ke ana pono o ke kokua.  Ina ua kokua hapaumi na Iudaio i ka wa i hapa ai na pono, na dala, na waiwai ? pono anei ke hoemi i ka waiwai kokua malalo iho o ka hapaumi?

            Maikai kou noonoo, e kuu kaikamahine, wahi a ka makuahine; pono ia kaua ke noonoo a haii i na mea a kakou e lawe i ka la apopo i ka hale o ke kahunapule i kokua aloha nona.

            A, i ka hiki ana mai o ka la kokua olelo Penimana ia Geogi, e hoopiha i kekahi kaa me ka mauu maloo, a e hoopaa i ka bipi waiu ia Moo, mahope o ke kaa, i hiki iaia ke ai, alaila e kokua mai oie ia'u i ka hoomakaukau ana i kekahi kaa e ae ma na lio.  a e hele pu kaua i ka hale o ke kahunpule.

            E aha ana oe me ka bipi waiu o Moo?  wahi a Geogi i kona makuakane.  Pane mai oia, e haawi ana iaia i ke kahunapule, 9 bipi waiu i koe,

            Hoopiha laua i kekahi kaa i ka barela puaa i kopiia, i ka uala, a papapa, a me na ele palaoa, a kauo aku i ka hale o ke kahuna, me ke kaa mauu malo a me ka bipi waiu, a ku ma ka puka o ka hale.

            Puka mai ke kahunapule, gudemana iwaho me ka papale ole, a hooho haohao, ua lalau paha oe, e Penimana, heaha ka ano o keia?  heaha ke ano?

            O na hapaumi wale no, wahi a Penimana, me ka akaka.  Mahea e hookomo ai au i kou bipi waiu?

            Ko'u bipi waiu?  aole paha hiki ia oie, hiki no, 9 bipi waiu i koe, wahi a Penimana; e Keoki, e imi kaua i wahi e hoopaa ai i ka bipi.  Hoopaa laua i ka bipi ma kahi pa, a hoolei hoi i ka mauu maloo iloko o kahi hale papaa.  A hoolei hoi laua i ka ukana o kekahi kaa, a hahao iloko o ka lua malalo, ka pahu puaa, na eke uala, me na ele palaoa, me ka nana olioli ana mai o ke kahunapule, me kana wahine, a me na keiki; a hoi aku Penimana me Keoki i ko laua home me ka hauoli ana no.

            A hala laua, ninau ka wahine a ke kahunapule, heaha la ke ano o keia hana a Penimana?  E pupule ana paha oia, ea.  Ua ninau au iaia, wahi a ke kane, a pane mai oia no kekahi moe uhane i loaa iaial a makemake oia e hai ia moe uhane ma kahi akea i kekahi manawa.

            E pomaikai ana kakou a pau ka makahiki no keia moe uhane, wahi a ka wahine, me ka leo aloha.

            No kakou io anei keia bipi waiu, e mama? wahi a kekahi keiki a ke kahuna.

            Ae, no kakou io no, a pono ke aloha aku ia Penimana, a i ke Akua hoi, nana i hookomo i keia manao aloha iloko o kona naau.

            Hala ke ahiahi kokua aloha ma ka hale o ke kahunapule, e like mamua, okoa nae kekahi hana.  O na keiki a Penimana, ua lawe mai lakou i na hapaumi o ko lakou mau mea a pau, na hapaumi o na mea ono, o na hua, o na dala i loaa no kekahi hana, a haawi aku i na keiki a ke kahunapulel a o Robeta, hai aku oia i na keiki, a me kekahi poe kanakamakua, i ke ano o ke kokua hapaumi; Geoki, ma na hapaumi dala; ko'u makuahine, me Mabela, ma na hapaumi o ka waiu baka, o na ohia maloo, a o na boki hua he nui wale; a, o ko'u makuakane, kokua oia ma na hapaumi o na pahu puaa, o na pahu uala, a papapa, a eke palaoa, a bipi waiu hoi, Nolaila mai keia bipi moo.

            Kokua hapaumi? heaha ia? aole au i keiki i ke ano, wahi a kekahi keiki.  Pane aku Robeta, eia ke ano, ke kauoha mai nei ka Baibala, e haawi i na hapaumi o na mea a pau e ulu ana no ke Akua.  Heluhelu no maua o Kalara ma ke ahiahi o ka Sabati i hala iho nei no keia kokua hapaumi.  Nolaila mai ko makou mau makana i keia ahiahi.  Akahi no makou a hoomaka i keia ano kokua.  A o ko makou manao paa e hoomau i ke kokua hapaumi.  A, malia paha e mahuahua loa ana na hua moa, na hua ai i kou makuakane, e Henere Cudemana, ma keia hope aku.

            E, kupanaha na olelo a kau keiki, wahi a Setepano ia Penimana, no ke kokua hapaumi ma kou hale.  A, hele laua iwaho e hoomakaukau i na lio no ka hoi aku.  Olelo Setepano ia Penimana, ua loli paha kou manao no ke kokua.  Ae, he oiaio no ia, ua loa kuu manao.  Aka, he moolelo loihi, aole hiki ia'u ke hai aku ia oe i keia manawa; e hele mai oe i ka halawai haipule ma ke ahiahi o ka la apopo, a e lohe ae i na moolelo a pau.

            Emo ole a lohe na kanaka a pau ma ka hale. e hai ana Penimana ma ka halawai haipule ma ia ahiahi ae, i ke kumu o ka loli ana o kona manao, a me kana hana hoi, a hoohiki lakou e e hele i ka halawai e hoolohe.

            A ia kakahiaka ae, ninau Gelina nona kekahi hale kuai, i ke kanaka mua ana i ike ai, ea, e hele ana anei oe i ka halawai i keia ahiahi, e hoolohe i ka moe uhane a Penimana?  Ae, makemake au e lohe; he ano e paha kana moe uhane; he moe mana paha, akahi no oia a kokua mahuahua.

            Moe uhane! aole paha no ka moe uhane, no ka luna ikehala paha ka mana i paipai iaia e hoomahuahua i kona kokua wahi a Gelina paha, aole paha: he kanaka pono no o Penimana, he kanaka pi, aka malama mau oia i kana olelo, hookaa pono i kona mau aie, uku e ke hiki, i kona hapa no ke kahunapule.

            Lilo na kanaka, na hoahanau, ma ia la, ma ke kamailio nui no ke kokua hapaumi, me ka hoole o kekahi poe, he me hiki ole ial a o keia kokua hapaumi o Penimana, e pau koke ana paha, aole paha e mau ana.   Aia a poina iaia kona moe uhane, alaila, hoi hou paha kona kokua e like mamua.  E hele nae kakou i ka halawai e lohe i keia moe uahane.

            (Aole i pau)

 

Ka Moolelo o ka hoomaemae ana o Ka Ekalesia ma Enelani, e

Rev. J. Bikanele.