Ka Nupepa Kuokoa, Volume XI, Number 43, 26 October 1872 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NU HOU O NA AINA E.

 

KU MAI KA “IDAHO.”

            Ma ke ku ana mai o ka mokuahi Idaho, iloko o na la he 10 mai Kapalakiko mai, a ma one la i loaa mai ai ia makou na mea hou mai Amerika a me Europa mai, no lakou na hoohialaai malalo iho:

            No Amerika.

            O kela wahine pepehi kanaka, nona ka inoa Mrs. Laura D. Fair, i hookolokoia ai mamua o na la he 26 ma Kalapakiko, no ka pepehi ana i kana kane hooipoipo, a kauia ai ka hoopai o ka make maluna ona, ua wehe houia kela olelo hooholo, a ma ka hookolokolo houia ana mai nei, ua hookuuia oia.

            Ma na la mua o Okatoba nei, ua hoomakaia ke koho haloia o na Luna Aupuni a me na Elele hele i ke koho  Peresidena o na Mokuaina o Peniselavania, Ohio, Inidiana, Iowa a me Gerogia.  Ma ka mokuaina hope, ua puka ino na Luna Aupuni a ka aoao Demokaratu, a ma na mokuaaina mua ae la eha, aole i maopopo na mea puka; aka, ua manao waleia, ua puka inoa na Luna Aupuni a ka aoao Ripubaliko.  Na ke eke leta e hiki hou mai ana, e hoomaopopo lea mai i ka nui o na balota oi o kekahi a me kekahi aoao.  Ua alunuia mai nae na lono, e hele ino ana ka aoao e makemake nei e hoomau i ka noho’na Peresidena o Kalani.  Ma na lono hope loa, he lanakila wale no ka aoao Ripubalika ma na koho balota o ia mau mokuaina.  Aka, oiai ua haalele ka mokuahi ma ka la 9, aole no e hiki ke hai maopopo aku i ka nui o na balota oi o kekahi aoao imua o kekahi aoao.

            Ma kekahi o na la hope o Sepatemaba, he hakaka mawaena o kekahi poe Ilikini a me Gen. Crook (Karuka.)  Eia na mea I loheia mai : i kekahi la, ua haohao o Gen. Karuka, i ka ike ana i kekahi mau alii Ilikini Apaehe, a haalele ana i ko laua wahi, a hele me he mea la he ano kaua.  No keia mea, ua hoopukaia he kauoha, e hopu i ua mau alii la, aka, ua hole o Iacobo.  No keia hole ana, ua hele kino aku o Gen. Karuka i Puka Kahawai, a kauoha aku la i ke koa Kopala kiai, e hopu i ua mau ahi Ilikini la.  Aka, o na Ilikini Apaches, no lakou ka heluoa he 200 a he 500 paha, puhee mai la makou maluna o na kiai, a pepehi iho la ia hookah koa.  A ma keia mea, lalau aku la o Gen. Karuka i kekahi pu, a ki aku la maluna o na Ilikini, a make iho la he hookah Ilikini.  Ia wa, kauoha koke ae la ke Generala i kekahi puali kaua lio, a na lakou i pepehi aku a make he kanakolu Ilikini, i ke ki mua ana.  Puhee aku la na Ilikini, a holo aku la in a mauna, aka, ua hoomau no o Gen. Karuka a me elua puali koa kaua lio ma ke alualu ana.  Akahi no a lawelawe kino maoli ke Generala i keia mea iloko o kona mau lima.  He mea keia e ao aku a ii na Ilikini aihue, aole loa lakou e pono e hoomau aku i ka pepehi kanaka.

            Ua huli ka manao o ka Lunakanawai Kiekie Chase o Amerika Huipuia, mahope o ka Luna Hooponopono Nupepa Greeley, he kupono ia e noho Peresidena mamua o Gen. Kalani.  Penai kana palapala i keia o kona hoahanau i Ohio : “ Aole au e huna ana i ko‘u manao i ka hui aku, o ke kono ana aku ia Greeley, he mea ia e kiekie ai ka pono o ko kakou aina, a i ole, e hoohuli mai ana ia i ko‘u manao e koho aku iaia.”

            Ua komoia ae la ke kulanakauhale o Mazatalana ma Mesiko, e ka poe nona ka huina i hiki aku i ka 1,500, a i kappa ia lakou iho ke poe kipi, a lawe ae la i ke kulanakauhale me ka lima ikaika.  Ua kipakuia aku ke Generala o ke aupuni e kini ana, me ka hopu iho, a e hookolokoloia ana i ka Aha Koa.

            Ma Waainetona i ka la 1 iho nei o Okatoba, ua loaa ae i ke Kuhine Noho o Iapana, he olelo maloko mai o ka waea mai Kapalakiko mai, e hoike ana, he aumeume ana mawaena o na aoao elua ma Iapana.  Ua ae aku la ka aoao mua iho nei, i noho aupuni ai mamua, maluna o ka hooponopono hou ana i ke aupuni, a o ke aoao iho nei nana e hooponopono nei, oia hoi ka aoao holomua nana i hoouna iho ne ii na Iapana e hoonaauao ma Amerika, ua haule ilalo.  He lili keia no ka poe kanaka makua o Iapana, i ke hana a na kanaka ai, a nolaila, hooikaika lakou e kau maluna o ka @@@@ hooponopono aupuni.  Ua hiki pu no keia p@@ o ko Iapana m@@ Kuhina me ko kakou iho nei.  No keia mau lo@o, ua hookiia ka haawi ana aku in a dala no na moku kaua, e kapiliia nei ma Nu Ioka.

            Ma ka hulu kanaka hou ia ana iho nei o ke kulanakauhale o Kikako, ua hoomaopopoia, he 367,396, he 43,000 ka oi mamua o ka helu hope ia ana iho nei.

            Ua manaoia ma Nu Ioka, wahi a kekahi nupepa, ua haalele o H. M. Tweed i ke kulanakauhale , me ka hoi ole mai e hoike i@ia imua o ka Aha Hookolokolo no kona hewa.  O ka makua keia o ka hana mio dala ma ka waihona dala o ke aupuni ma Nu Ioka.

            Ua manaoia ma na po@i hooponopono aupuni, e ukuia mai ana na dala a ka Aha Hookolokolo Kiekie o Geneva, i hooholo ai no Amerika Huipuia, iloko o ka makahiki hookahi.

            No Europa.

            Ua hoonolo ae na Ahahui Kalepa o na kulanakauhale nui o Enelani, he mau olelo hooholo, e mahalo ana i ke aupuni no ka hoopauia ana o ka hana a ka Aha Hookolokolo Kiekie o Geneva, iloko o ka maluhia, a e hoounaia mai ana he mau kop@ o ia mau an@ olelo hooholo ia Amerika Huipuia.

            Ma ka haiolelo ana a Right Hon. W. E. Foster i ka poe nana ia i koho no ka Ahaolelo mai ka apana mai o Bradford i ka po o ka la 27 o Sept. ua hoike aku oia, o ke kumu nui ana i mahalo ai no ka hana a ka Aha Hookolokolo Kiekie a Geneva, aole wale no ka hoomau ana i ka maluhia, aka, o ke kukulu paa ana i ka noho hoaloha kekahi Manawa o Enelani a me Amerika.  Oia ano hoaloha, aole no ia i hookumu mamua ae o ka hooponoponoia ana o ka hihia o ka Alabama, a nolaila, o kea no o na manao ia wa me he mea la; he manawa wale no e hiki mai ai ke kaua.  O keia uku ana aku ia Amerika i ka $15,000,000, aole wale ia he mea e hoohoihoi aku ai ia Amerika, aka he haawi ana i maluhia mawaena o na lahui elua, me na rula hooponopono lahui hou ma kea no kiekie o ka waiwai, mawaho ae o ke kukuluia ana o ka makamua, ka mea hiki ole ke kalai i ka pomaikai no na lahui a pau.

            Ma ka huiolelo a Mr. Lowe, kekahi o na luna aupuni kiekie o Enelani imua o kona mau makaainana ma Glasgow ma ka po Poaono, ua hoinoino loa oia ia Haku Alekanedero Cockburn, kekahi o na Komisina o Enelani i Geneva, no kona kuhalahala, a kakau ole in a kumu e pono e haawiia ka uku ia Amerika ; a no kona hoopuka ana i kona mau manao kuhalahala ma na nupepa i mea e hapahapai mai ai i na manao kue hou.  Wahi ana, he pono ia Enelani kea e Lokahi aku i ka uku i hooholoia ai.

            Mai ka wa mai a na Geremania i lawe ae a ii ke kulanakauhale o Meza a hiki i keia wa, ua pau he akahi hapakolu o kona mau kanaka i ka haalele iho a hele aku.

            Ke hoinoino nei o Gambetta ia Peresidena Tiera ma kana mau haiolelo ana, a ke koi mai nei, e hoihoi i ka noho ana i ke aupuni iloko o Parisa.

            Ke hoao hou nei no ka poe Carlistg o Sepania e kipi k@loko hou i ke aupuni.  Ke hooluulu la lakou ma ka hema o Farani.

            Ke hoomakaukau nei o Sepania e waiho aku i kana koina no kona mau poho ia Amerika Huipuia, no ke kapiliia ana o kekahi mau moku lawe lako kaua no ka poe Cuba ma Amerika.

            O na aina i lilo aenei ia Geremania ma ke kaua, ke pau nei na kanaka kamaaina i ka haalele, a ke hele la i Farani.  He oi ae ko lakou niakemake e lilo no i kupa Farani mamua o ka hookup ana aku i Geremania.

            Ma ka lono mai ka Adimarala Amerika Alden mai o na aumoku kaua Amerika ma Europa, ua ikeia iho, ua hanohano kona hookipaia ana ma Berelina.

            Ma ka la 2 o Okatoba, ua pau i kea hi ka hale alii Escurial o Sepania a me ka waihona buke o na alii o Sepania.  I komohia e ka uila ka mea i pau ai.  Ke pahola ae la ka ula ahi me ka hikiwawe, a me he mea la, e pau loa ana paha i ka aiia.  O keia hale alii, aia no ia wahi mawaho aku o Madarila, he 24 mile ka mamao aku.  Ua kukulu mua ia e Pilipo II, ke keiki a Kale V, iloko o ke keneturia 16; a aia no hoi malaila na kilo make o na Moi kane a me na Moiwahine o Sepania i make mahope mai olaila.

            Ke makemake nei ka Peresidena Tiera o Farani, e kukulu paaia ke aupuni Ripubalika ma na kumu kupono.

            Ma ka la 7 o Oct. oiai ka Moi o Sepania e hele holoholo ana maloko o Plaza Del Oriente, pehi aku la kekahi mau kanaka elua i hula ia laua iho mahope o ke kii pohaku, i na pohaku maluna o ka Moi, me ka hooho ana, “E ola ka Ripubelika.”  Holo mama aku la ua mau lima koko la la, a nalowale aku la.  Ua pakele nae ka Moi, aole i pa mai.  Aka, i ka loho ia ana ae o keia mea hou ma o a maanei, ua pioloke ke kulanakauhale.

            Ua manao o Perusia e el ii kekahi auwai eli ma ka akau, e hookui ia Kai Akau me ke kai @@@a@ca.  .  O ked ala e hoohana ai, oia no paha auanei ked ala a Farani i @k@ iho nei a e @kuia aku ana ma keia hope aku.  Wahi a kekahi poe wa@@@@, aohe no he maopopo e pomaikai ana ia ala wai.

            Ia makou e hoonoho ana i ka pepa o keia pule e puka a@@.  Aole makou i loho aku no ka hihia o ke Paniolo e Jiere ia mai nei, e paku ana p@@a, aole paha.

 

E makaala i ke “Kuokoa” o keia pule aku.

            Ma ka pepa o keia pule ae o hiki mai, e pai aku ana makou i ke kii o Prof. D. Agasi@, kekahi o na kilo naauao loa o keia au, a i hoounaia i ho nei e ke aupuni Amerika, e holo e makaikai ma kekahi mau kapakai o Amerika maluna o ka manawa Amerika Hassler, e ana in a kai hohonu loa a lawe ma ii kekahi mau mea makamae mailoko mai o na hohonu.  He Farani Sukena oia ma ka hanau ana, aka i keia wa, he Amerika oia.  Eia oia ma Kalefoni kahi i hookipaia ai e kolaila mau anaina, a ua mahalo loa lakou iaia.  Nolaila e makaala oukou no keia helu ae o ke Kuokoa.

NO KE AWA O HONOLULU.

La.                   Kai Maloo.                  Kai Piha.

                        H. M.                           H. M.

Oct. 27            5 30 Kakahiaka           11 50 Kakahiaka

Oct. 28            6 15 Kakahiaka           0 80 Auina la

Oct. 29            7 00 Ahiahi                 1 00 Auina la

Oct. 30            7 20 Ahiahi                 1 15 Aumoe

Oct. 31            7 40 Ahiahi                 1 45 Aumoe

Nov. 1             8 20 Ahiahi                 2 45 Kakahiaka

Nov. 2             9 00 Ahiahi                 3 50 Kakahiaka

                                                            C. J. Laiana

 

Ka Nupepa Kuokoa.

Honolulu, Okatoba 26, 1872.

            Ka loli ana ma Iapana.

            Mawaena o na mea hou ano nui ma ka mokuahi mai nei o Kalefoni, oia no kea no e hou ana ae nei o ka hooponopono aupuni malaila.  O ka aoao kahiko nona ka makemake ola ana i na naauao o waho a me na launa ana aku ma ia ano, ua komo hou ae nei lakou iloko o ke aupuni.  O ka aoao kuokoa, oia na kuhina in oho iho nei no na makahiki eha, malalo o ka Emepera hookah, ka poe makemake hoi in a launa ana aku me waho a me na naauao mailaila mai, ua kipakuia ae nei.  Nolaila, kea no hoi hou nei ke aupuni malalo o ka noho ana kahiko.  Me he mea la, he wa aumeume keia malaila no ka mea pono e hana ai.

            O ke kumu o keia onioni ana, oia no ka manao wale ana o ka aoao kahiko, o ka hookomo ana ma ii na naauao o waho, he lawe ana mai ia i ka mana Ripubalika, a o ka hopena o Iapana, e lilo ana kona hanohano a me kona nani i mea ole, a e lilo auanei o Iapana i hupo na na mana mai o waho e hii ai.

            I keia mau malama hope wale aku nei no i hala i hoounaina mai ai kekahi mau kamalii he lehulehu i Amerika e noia i ka naauao, a e ia lakou ma ko Amerika mau kula laki i aoia a ii ka naauao.  Malia paha ma keia ano e aoa o ke aupuni, e kaheaia mai ai lakou e hoi hou i ko lakou aina.  Pehea la auanei lakou?  E hoi hou anei lakou i hope a malama in a ano kahiko o Iapana?  Ke lana nein a manao e ikaika ana lakou i ka hookomo aku i naauao a me na launa maikai ana ma na anaina naauao o ke aupuni nana lakou i haawi aku i ka ike.

            Aia mawaena o ko Iapana mau luna aupuni, he mau haole Amerika e no ana i ka naauao a e haawi ana i ka ike kaua.  Oko lakou hopena, aole no i Akaka, aka, ua ukuia lakou ma na uku makahiki o ke aupuni no kekahi mau makahiki.

            A oiai hoi, ua mumulu aku kekahi poe imi waiwai ma kona mau kapakai a ke holo mau nei hoi na laina mokuahi ma kena mau awa, malia paha, aole no e hiki koke ana i ka aoao kahiko ke hookeke, ke ole he aumeume loihi ana mawaena o ka aoao kahiko a me ka aoao e ake ana i ko waho mai malamalama aku.  He mea mau o ka aoao e makemake ana i ka holomua, oia no ke lanakila ana.

NU HOU KULOKO.

Oahu.

            Ua lohe pinepine mai makou, i ka uwe ana o ko Maui no ka ua ole e hookawowo ae a ii ka lakou mau kulak o.

            Ua lohe mai makou, ua ikaika loa ka manao o kekahi mau Kahu Ekalesia elua o ka mokupuni o Kauai, e hele i ko na aina e hai aku i ka Euanelio o ke ola.

            Ua piha no ka Aha Mele o ka po Poalima aku ne ii hala maloko o Kawaiahao no ka pomaikai o ke keiki a Kepoonahoahoa.  Ina haole wale no nae ka hapa nui.

            I kekahi la o keia pule, ua hoikeikeia mai makou i ka lepo ai o Kaelepulu ma Koolau.  Ua like kona ano me na lepo loi, aka, he ano momona io no kona a-e ke omoomo ae.

            Pilikino. - Ma ka holo ana aku nei o ka mokuahi Idaho i Kapalakiko, ua ike iho makou i ke kau ana aku o kekahi mau kamaaina haole maluna ona.  Eia ko lakou mau inoa : J. T. Halewai a me kana wahine, H. Daimana wahine a me ke keiki, C. A. Williams a me kana keiki, Mrs. Kauka Ma@@la, Z. S. Spaulding a me kana wahine, N. W. Tallant, Sam Norris.

            Na Bele i Hanaia. - Ua lohe mai makou, ua hana makaia iho nei ma ka Hale Hana Hao o Honolulu nei, he elua mau hele nohona, oia n abele o Waialua a me Waihee.  He mau bele ia i manao ole ia e pono ana, aka, i ka hana ia ana iho nei, ua ikeia ua oi a eke kaoi i ko ka wa mua.  He mea keia e hoopokole mai a ii ke au loa ana aku o na make i kahi kikilo loa aku.

            Ma ka olelo a na nupepa aupuni, ua ikeia iho, e hookapuia ana ka hele ana malena o ka uape paha o Kalihi ma ka la 28, no ka makemake o ka lona alanui e hana hou.

            He hoopaapaa nui mawaena o na nupepa haole o kakou no ka hookomo ana ma ii mau paahana hou a me ka hooulu ana i ka lahui.  O ka hopena o ia papa leo ana, ke kahia aku nei.

            KE “KILAUEA” NO HAWAII. - A keia Poakahi ae, e holo kaapuni ana ko kakou mokuahi ia Hawaii a me kona mau ana ku mau ma Maui; a e ku hou mai ana ma Honolulu nei ma ka Sebati.

            Ua ike iho nei makou i ke kii o na mokuahi o H. H. Holo, e hooholo io mai auanei ma keia hope aku mawaena o Nu Holani, a me Kalefoni ma na ala ae o Fiji, Nu Kaledonia a me Hawaii nei.

            Eia ma Honolulu nei kekahi mea kakau kaulana, mai Nu Zilani mai nei laua me kona wahine.  E hoalu iho ana paha laua i hookah malama ma keia home mokupuni.  A ua holo aku nei.

            Ma ke ahiahi Sabati iho ne ii hala, ua hopuia kekahi mau Iapana elua no ka bahaki i ka maluhia o ka Sabati.  Ua hoopaiia laua pakahi ma ka ekolu dala, a ua haiia aku ke kanawai Sabati no ko lakou pomaikai.

            HE NINAU. - He oiaio anei, na ke aupuni na lilo o ka kiure haole i moe ai maloko o ka Hale Hotele Hawaii i ka po Poaha iho nei?  Ina hoi na ke aupuni na lilo, Heaha hoi ka mea i hoomoe ole ia ai o ka ua kiure Hawaii iloko o ka hale hotele, i ka po Poalima i hala, a hoomoeia maloko o ka Hale Hookolokolo i mau inai na na makika e uwe honehone ana?  He mana anei ko keia mamala olelo kahiko, “E hooma ikai eia ua mea hale mamua o na malihini.”

            KA PILI PEPA WAIWAI MA MANOA. - Ua hoopi@ia ma ii mua o ka Aha Hoomalu o Honolulu nei, he elua mau kane a me elua mau wahine no ka pepa pili waiwai.  Ua lilo ma ia pepa ana ka hoike nana i hele mai e hoop@i, he kanaha kumamaono dala.  Nolaila, ua hoopaiia ka mea hewa ma ke dala a me ka hoopauhaoia.

            Ua lohe mai makou, o kekahi o na haumana o ke kula kauka o Honolulu nei, i hoonohoia aku ai hoi ma Kalawao e malama i ka oihana lapaau mawaena o ka poe maewaewa e noho ana malaila, ua pekuia aku oia e ke kuhina nana ia oihana, @o kona hana ana i kekahi hewa aole e pono e hai akea aku.  Aka ina pela mai kekahi poe oia auna, aohe po@o mai a koe o kakou.

            NANA KE KOLOHE. - Ma ke ahiahi Poalima aku ne ii hanla, oiai o Mr. C. J. Laiana opio maloko o ke anaina himeni ma Kawaiahao, aia hoi, ua komoia ae la kona hale noho ma alanui Puowina e ka aihue a ua laweia aku la e ke kolohe, he kuka eleele hou, he pahu a he ohenana.  Nolaila, ke paipaiia aku nei ka poe o ke kulanakauhale, e makaala lakou no na malihini o keia ano, a ina e loaa e hopu a paa.

            NA KIURE HAOLE. - Ma ka Poakolu iho nei, ua noho na kiure haole, a o ka hihia i waihoia ae, o keia pepehi kanaka Andres, ka lima weliweli ole nana i pepehi ia Rosario me ka pahi a make loa.  Ua po ka Poakolu i ka hoike in a hoike o ka aoao o ke @@@ wale no, a ua hoomoeia na kiure ma ka hotele hou ia po, me ka ae ola ia ei ko lakou mau hale.  Ma ka Poaha iho nei, ua ku na hoike o ka aoao pale, a ua hoonohonoho ka olelo a na loio.

            Ua lono waleia ae, ua hoouna mai nei ka kekahi mau ona i ka lakou mau lako i hoouna mai nei ianei, me ka manao e hoolako i ka lakou mau moku okohola mai anei e hoihoi hou aku i Kapalakiko,  a malaila e hoolawaia ai ko lakou mau moku.  Ina pela, alaila, e kapili lima ana kakou i niau moku no kakou a hoouna aku i ka pepehi kohola.

            I kekahi la o keia pule, oiai e pii ana kekahi lio ma ke alanui Nuuanu me na eke wahie i pokeia a liilii.  Aka, i ka haule ana o kekahi pauku wahie mailuna iho ona, o ka puiwa ae la no ia a owala aku la i o a ianei, a helelei iho la na pauku wahie me ke mau poka pu Mitarelia la.

            Ua manaoia, iloko o keia malama e ku ae ai ka mokuahi Dacota ma Kapakakiko.  O keia no ke kolu o na mokuahi nui o W. H. Weba, o ka laila e hooholo nei mawaena o Nu Zilani a me Kapalakiko.  E haalele ana oia ia Kapalakiko ma ka la 6 o Novemaba, a holo mai ia nei, a naue loa aku i Nu Zilani.  Ma ia hope aku, aole he hoololiloli ana o na mokuahi o keia ma keia awa.

            Ma keia awakea, e kuai kudalaia ana he wahi apana aina, ma ke alanui Liilii e kokoke ana i ke alanui Kukui ma Honolulu nei.  He mau hale kakahi maluna i komo pu iloko oia kudala ana.  O keia aina, no Uilama Humphrey no ia i make e aku nei.

            I NA LUNA KUOKOA MA MAUI. - Ke hana aku nei ka lono i na luna Kuokoa a pau o Maui, e hoouae ana makou i luna ohi dala no makou ma ka halawai o na Ekalesia ma Kaluaaha, ke hiki i ka la 27 o Novemaba, nolaila ke haiia aku nei ka lono in a mea a pau i ai@ ia lakou, e lawe pu ae malaila, a o na mea hiki ole ke hele, alaila, e haawi ma ka lima o ko oukou mau kahu, haiolelo, a Elele paha.  Na lakou e han@i mai i ko makou lona, a e haawiia na palapala hookau.

            Ua hala loa iho nei na la ku o ua moku okohola o Arita ma Honolulu nei, a eia loa i na la hope o Okatoba.  Mamua, penei hoi e ku ana na moku maloko nei.

            I ka nana iho, aole he makau iki o kekahi poe Hawaii ma ka hoohiki ana e ku hoike i mua o na Aba Hookolokolo, i keia mau la iho nei.  Me he mea la, aohe lunaikehala iloko o kalou, i makau ole ai a i iho he hewa keia, a he make kela.  E hookoia na hoopai a ke kanawai maluna oia poe me ka ikaika.

            Ma ka po Poaha iho nei, ma keia kulanakauhale, ua hoohuiia ma ka mare o Ai Akau o Hilo me Miss. Ross Montgomery o keia kulanakauhale.  Mahope o ka mare ana, ua hoi aku laua i kahi o na makua ma Kauluwela, a ua hookipa ia aku ka poe i koaoia ma ko laua papa@oa hoao.

            MAKE I WALOHIA. - Ma ke ahiahi Paakolu iho nei, ma keia kulanakauhale, ua make iho la o Mrs. Manai@la Keolaloa, kekahi o na wahine kamaaina o keia kulanakauhale.  O Borabora kona aina hanau, a ua mare nae i ko Hawaii nei keiki oia o Keolaloa.  Ua waihoia mahope nei, he kane a he kaikamahine, e a aku nona mahope nei.

            AHA LUNAKAHIKO O MAUI - E halawai @na ka Aha Lunakahiko o na Mokupuni hui o Maui ma ka Poakolu, la 27 o Novemaba, 1872 ma Kaluaaka, Molokai, i ka hora 10 kakahiaka.  Nolaila, ke konoia aku nei na lala a pau o ia Aha, e hele me ka makaukau no na kumumanao i haawiia.  S. Kamakahiki.  Luna Hoomalu.

            HE HOOKAHAKAHA AUMOE. - Ma ke ahiahi Poalima o ka hebedoma aku ne ii hala, ua n@h@ iho na koa Rafrela o Honolulu nei i ko lakou mau kahiko koa, a pii paikau aku la i kahi o Lutanela Strehz ma Kalihi.  Malaila, ua malamaia kekahi papa hooluolu no lakou, a luana iho la a hiki wale i na hora o ke aumoe.

            NA KIAKAUNU A KA UA HIPUU PUA HALA O HANALEI. - Ma ke ku ana mai i ke kuna Naonaoulaula, ua loaa mai ia makou ka lokomaikai o H. Kuluwairose no ka panai ana mai i keia mau mea hou malalo iho, nona ke poo e kehakeha ae la maluna :

            Ma ka Poakolu, Sept. 23 - Ua hoohuiia ma ka berita mare o ka hemolele, kekahi @eiki haole me Miss Luahiwa.  Na Rev. A. Pali laua i hoohui i @@ hookahi.

            Ma ka Poaluma, Oct. 18. - Ma Hanalei, ua hoopiiia o Kahiamoe, no ke kuai wai ona i mua o ka Aha Apana, ua ahewaia i hookahi kaneri dala hoopai.

            Ma ka Poaha, Oct. 17. - Ma ia waho no, ua hoopiiia o Palau, no ke kuai wai ona.  Ua ahewaia ma ke kau ana o ka hoopai @@@@@.

            Ma ka Poaha, Oct. 17. - Ma ia wahi no, ua hoopiiia o Anatonio Pukika, no ke kuai wai ona, aka, ua palekana ia mamuli o ka hookuuia ana aku e ka Aha.

            KA “IDAHO.” - Ma ka auina la Poaono aku nei i hala, ua kapalulu mai la ka mokuahi nona ka inoa maluna ae, iloko o na la he 10 mai Kapalakiko mai, me na ohua, eke leta a me na ukana no keia awa.

            Ma ke ahiahi Poalua iho nei, ua huli hoi aku la oia ma kana huakai hope ma keia awa, me ka lawe pu aku i na ukana, eke leta a me na ohua mai keia a me na panalaau hema.  O keia kana huakai hope, a i keia malama aku, e kau aku ko kakou maka ia Dotora, ka mokuahi i manaoia, ua ku ae la oia ma Kapalakiko iloko o keia malama.

            NO D KEOAHU. - Ua ike iho nei makou i na kani amakihi a keia kaaka ma ka pepa hapa loa o ka Poaha iho nei, e aha mai ana la ia makou.  Malia paha mamuli o kona ana opu pekeuo.  No ka mea, ua lehulehu kana mau palapala i hoouna mai, aka, aole no he waiwai e hiki ai ke omo aku i kana mau opala.  No ia kumu paha la, holo kekee @e nei, a imi i wahi kumu nuku.  Me he mea la paha, ke nuku mai nei, he kah@@a k@ni ke Kuokoa i pupule ai kekahi mau luna makaainana, a ke kapa mai nei ma kekahi inoa e.  He mea lawe Kuokoa paha oe, a he mea haukae paha.  Ke waiho nei ka manawa e nana aku ia oe, malia paha o oe ke “akua o na daimonio” ao i hapala mai nei.

            NA HIHIA KIURE. - Ma kela Poakahi iho nei, ua noho ka Aha Hookolokolo Kiure Hawaii o Honolulu nei no na hibia i waihoia i mua o ka Aha.  O ka Hon. A. S. Hatawela ma ka noho, a o ka Loio Kuhina S. H. Pilipo ma ka aoao o ke alii.  Eia iho na hihia i hanaia:

            Ke ‘Lii kue ia Enoka Kalauao, Launa hewa me kekahi kaikamahine malalo o 14 makahiki.  Hookuuia.  W. C. Aeto a me J. W. Keawehunahala ma ka aoao pele.

            Ke ‘Lii kue ia Kamana, No ka powa.  Hoahewaia.  Kanihina ma ka aoao pale.

            Ke ‘Lii koe ia J. Alapai, ohumu e hana kolohe.  Ekolu la o ka hookolokoloia ana, a hookuuia.  C. C. Hairasi ma ka aoao pale.

            Ke ‘Lii kui ia Kanehaiku, Aihueia $200.  Ae i kona hewa.

            Ke ‘K@i kue ia Davida Maui, Hoike wahahee.  Ae i kona hewa.

            Ke ‘Lii kue ia Manawa; Hoopili hewa i ko hai inoa nona.  Ae i kona hewa.

            Ke ‘Lii kue ia Kalep@, Pepehi kanaka.  Ua hoohewaia ma ke degere ekolu.  Loio Kuhina no ke ‘Lii ; Alapaki F. Judd no ke pale.

            Ke ‘Lii kue ia Mahu. No ka hookonokono e hana hewa.  Hoahewaia.  Loio Kuhina no ke ‘Lii ; W. B. Mahu iho no kona loio.

            Ua lohe mai makou, ua hoopi@a kekahi poe heihei @o ma Koolau no ka piliwaiwai.  Ke makemake nei makou ina ua maopopo ua hahai @o lakou i ka maluhia o ko kakou mau kanawai, e hoopai ke kahu o ka Aha me ke oolea, i malu ai keia kumu ino a ka poe palaualelo e alakai mai nei.

            MOE KAOO I KA AI LEPO. - Ma ka hope o na la hooluolu kino o ka makou kamalei Mrs. B. Pauahi Bishop, ma kona wahi hooluolu kino ma Hanakamalaelae, Heeia, Koolaupoko, ua naue kumaka aku la oia a me Mrs. Likelike Cleghorn, e ike pono i ka lepo ai ia o ka loko o Kawainui i Kailua, a, ua moe kaoo o ka laua huakai.  Oiai na wai o na ao e iho makolukolu mai ana, e kau ana laua ma ka waa, a e luu ia ana ka lepo ; ua ai ua mau milimili la a me ke kini o Kailua mano Kaneohe a me Heeia a ko’u ka puu.  Ua malamaia ka paina me ka maikai, a o ka mea hilu o na umeke lauhala i ulana @@@@@ e na wahine.  O keia ano o keia lepo, he haulaula kikokiko, he naka@@@@ e like me ka pia ; a, o ka ono, ua like me ka pia i hoomo@ia, a he pahee i ka puu ke moni aku.  He S paha kapuai mai luna o ka wai a i lalo kahi i waiho ai o ua lepo nei.  He elua mea ano kuponaha e loheia nei ma keia Loko o Kawainui, o ua lepo nei, a o ka laau onaia e ka ia (Makalei,) oia ka ka mea i nui ai ka ia oia loko.  No ka ai ole paha o Kailua ko ke Akua hana ana i keia lepo ?

            J. B. KELIIKANAKAOLE

            MAKE I ALOHA NUHA. - Ua ihilia mai iluna o’u ke kaumaha a me ka hai ana aku ia oe, oiai, ua k@@a mai e na lima menemene ole o ka make ka’a kaikamahine ponoi.  Oia hoi o Miss. Mere Kaupena, ma ka la 16 o Okatoba, hora 6 o ia kakahiaka poniponi, oia ka Poakolu.  A ua @@@le ia aku la ma kela aoao o ka lua.  Ua haalele iho he mau makua a he mau lei aloha nona, a me ke kaikuaana, na hoa’loha, na aikane ma keia ao, e a aku, a e uwe pau maka aku i ke aloha me ka minamina.  Ua hanauia oia ma Holualoa, Kona Akau, Hawaii, ma la 21 o Ianuari, M. H. 1855, a make aku la i Okatoba 16, M. H. 1872.  O ka loihi o kona ona ala ma keia ao, he 16 makahiki me 10 malama me 26 la, a kuu aku la.  Ma kona home noho ma Kaakopua, Honolulu, kona wahi i waiho ai i keia mai loihi, emi wale mai no ke kino, me ka hoomanawanui i ka eha, aohe nae i uwe ia mai, a moe aku la i ka hale puanuanu, koekoe, ka hole lua o na mea a pau, o keia honua e ukali aku ai, a piha o ka po i aloha ole ia.  He kaikamahine hoolohe keia i ka leo o maua na makua, he kaikamahine hoohaahaa iaia iho malalo o ko maua malu, aole i loho ia kona paki@e ana mai e like me kekahi poe kaikamahine i ko lakou mau makua a hele wale aku la.  Ma keia pule aku, e hoo@li ia aku maluna o kou lokomaikai e ke Kuokoa kona kanikau loihi o ka lawe ana aku i kona kanaenae a puni nei Pae Aina.  ELIA KAUPENA.

No ka Olelo Haole.

E KA NUPEPA KUOKOA E; Aloha oe: -

            Ma ka M. H. 1866 ua ninau aku wau i kekahi missionari, heaha la mea i ao olela’i na olelo haole iloko o na kula aupuni, ua pane mai kela, pela no ko’u manao, aka, ua nawaliwali makou aole i lawa ko makou nui a ua ao aku no makou i ka olelo maoli, a mailoko mai o ka makou mau haumana ua loaa na kumu.

            Ka@aha pinepine kanaka i ka ike i ka hikiwawe loa o ka pu anu o ka waiwai o ka haole, ninau mai kekahi ia’u, heaha la ka mea i waiwai ni ka haole, ua pu@e aku wai penei, heaha la ke kumu momoma o ka bipi o ke kula mamua o ka bipi hana, no ka laka ole ea ? no ke kuokoa paha ? no ka ae ole e hookomoia kona a-i i ka lei, oia.  Nolaila, hoikeia mai ka lei o ka haole, hookomo koke ia ko oukou mau poo paa koke ka ihu i wea, mea mai paha kekahi, pehea hoi e ola ai, ina aole e hana malalo o ka haole, ka nana ka hana, nona ka aina, no ka m@@, ua kokoke e pau ko makou aina ia oukou.  Ae, he oiaio no.  aole e hiki ia oukou ke ola me ka hana ole malalo o ka poe waiwai (haole) aka, ua hiki ia oukou ke noonoo no ko oukou mau keiki, o haule anei lakou maloko o ka lua me oukou.  Ua kapaia keia lahui he lahui kauwa kuapaa ma kekahi nupepa ma Nu Ioka a ke hai nei au ia oukou kokoke no oia ka oiaio.  “E paa ana ko oukou ih@ i ka uwea,” a hiki i ka wa i laha loa ai ka olelo haole, alaila hiki ia oukou ke hemo ka lei a launa aku me ka haole.

            Ina ua ike oukou ia olelo a me ka naauao no hoi o ka haole, alaila ua hiki ia oukou ke pii ma ke alanui a launa me lakou ma ke kanawai ma ka laau lapaau, &c.,

            Heaha la ka mea i hoololi ole ia ai o ke kula nui o Lahainaluna, a malaila e ao aku ai i ka olelo haole wale no.

            Pono wale no keia kula nui i neia wa.  A pela na kula e ae, na kula o ke aupuni.  Pono e noonoo nui kakou ma ka pomaikai o ka kakou mau keiki.  Aole ia he kumu no lakou e hana kumakahiki mau ai, no ka mea, na kumakahiki kakou ma ko kakou wa ola.

            Ina ua hooloiia na kula a me ka olelo haole wale no e ao ai, he koho nei au ina ua hala na makahiki he umikumamalima, ina ua hee wale ka haole, ina ua lilo oukou i mau luna aupuni no oukou, aole kohoia na haole wale no.  KA@AAINA-HAOLE.

            Lahaina, Maui.

            [He palapala keia i kakauia e kakahi haole, a na kakou e ike i kona makaukau.]