Ka Nupepa Kuokoa, Volume XI, Number 49, 7 December 1872 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Haiolelo no ke Kuokoa o ke aupuni

Hawaii ma kaumakapili

Oahu Nov. 28 1872

 

E na Keonimana opio aloha aina.

Ua ili mai ia u ka hanohano e hai aku imua o keia anaina i ke Ano a me ka HANA o ka la Kulaia a kakou e malama nei.

 

            O ka la 28 o Novemaba M. H. 1843 oia kahi o na La KoiKoi, La Houoli, La Aloha, La Ola no ke Aupuni Hawaii mai ka Akau a i ka Hema o ka Aina, mai ka Hikina a i ka Komohana, a he pono loa i kana ma Keiki Hawaii ke

HIIPOI MAKAMAE,

i ka la 28 o Novembaa, a i ka iwakaluakumaiwa hoi o na Hoomanao ana i kona Kuokoa, e like me oe i keia la.

            Aka, e haawi aku kakou i ko kakou mahalo, a me ko kakou Mililani i ke Akua Mana loaa a mea nana i hana ka Aina, na Lii, a me na Lahui, a ihaawi mai i ke Kuakoa maikai ana i keia la, a i lokomaikai mai i ka Lehui Hawaii; o ke KUMU ia o ko kakou haaheo i keia la, o keia Baibala no ka olelo a ke Akua.

            O ke ano o ke kuokoa:- “He ae ana mai, a hookuu ana mai a na NANA NUI e hana kakou i ka mea pono i ko kakou manao, ma ko kakou Aka Kanawai, ma ko kakou mau pono Vivila, a me ko kakou pono Hoomana, malalo iho o ka Moi Kamehameha, me ke keakea ole ia.

            O na pae aina Hawaii he umikumamalua ka nui, he mau pukoa wale no ia i nohoia e na kanaka he kanaono tausani, aka, i ka uhi ana mai o kea o malamalama o ke kuokou, i hooholoia e Bertania nui a me Farani, ua lilo la i oiwi nani, a i moni makamae no na lahui a pau a me na aupuni kuokoa a pau i keia la, me he pua rose la ia iwaena o ka moana Pakipika.

            Ua ikeia ka hae Hawaii kuokoa maluna o na kia o na aumoku a pau, maluna o na aleo kiekie, na papu ikaika, maluna o na puu, maluna o na Hale Alii a me na kulanakauhale nui.

                        Kowelo e ka Hae Hawaii,

                        Halii i ka ili o ke kai,

                        Kapalili lai malie.

            Ua like no ka hauoli i loaa ia oe me kou mau hoa aloha main a aina e mai, e noho nei i ke kulanakauhale alii. Ua like hoi ka hiipoiia o keia la kuokoa ma na kulanakauhale alii o Ladana, Parisa, Berelina, Viena, Peteroporo, Wasinetona, me kou hiipoi i keia la.

            Heaha ia ka waiwai o ka malama mau ia ana o ka la 28 o Novemaba, i hiki aku ai ka huina i ka 29 o na hoomanao ana ma ka la mai i hoomakaia ai?          

            I: E hoomanao mau ana kakou i ka pilihua o ka Moi Kauikeaouli Kamehameha III, a me kona mau alii a me na makuainana o ia mau la.

            Ina e nana pono i aka moolelo oia mau la ka hoopii a Mr. Charlton Kanikela Beritania; ke ku ana mai o Lord George Paulett ma ka manuwa Beritania Carysford; kona haawi ana i ke kauoha e hoomakaukau ke kulanakauhale no ke kaua kona huki ana i ka Hae Hawaii, kona lawe ana i na kanaka Hawaii i mau koa paikau, kona kii ana e noi i ke dala au puni ia Dr. Judd.

            He oiaio no, ua kula na waimaka alii o ka Moi, ua kaumaha kona naau no kona aupuni. A penei ka olelo Alii a ka Moi Kamehameha III, i kona wa i kukala ai imua o ka lehulehu,

            “Auhea oukou e na lii, ka hu, na makaainana o kuu mau kupuna alii kahiku mai a me na lahui mai na aina e mai.

“E lohe oukou! Ke hoike maopopo aku nei au ia oukou, ua hooke wale ia mai au iliko o kekahi pilikia nui i ili mai maluna o’u me ke kumu ole, nolaila, ua haawi aku au i ka ea o ko kakou aina, o ka lohe ko oukou! Aka, e mau no kuu hoomalu ana maluna o oukou e na lahui a me ko oukou mau pono, no ka mea, he lana kuu manao, e hoihoi hou ia mai ana no ka ea o ka aina, ke hoikeia ko’u mau kumu kupono.

            Hanaia ma Honolulu, Oahu, i keia la iwakalu kumalima o Feberuari, Makahiki Hookahi Tausani Ewalu Haneri Kanahakumamakolu.”

(Sila.) Kamehameha III.

(Sila.) Kekaulohi.

            Ua ike no paha kekahi poe kahiko o kakou e noho mai nei i ka pilikia o ia mau la. Ke imi la o Haalilio a me Rikeke na Elele Aupuni i ke kuokoa; ke huli la i ko kakou mau pono ma na kulanakauhale alii o Ladana a me Parisa, aole hoi no ka Manawa pokole, aka, no ka wa loihi, a ke waiho la na iwi o ka mea imi KuoKoa ma ke alanui moana, a nona boi ke kanikau kaulana i kakuia i ka makahiki 1845.

            E hookemo pa ia mai hoi holio o ko kakou huomanao ana, ko Adimarola Nui Toma, o ka moku kaua “Dublin,” iaia i lohe ai i ka pilikia o Hawaii nei, holo, holo mai oia mai Vareparaiso mai, e hooponopono i ka hihia; a mai hoepoina kakou i ke kamadoa o ka Manawa Amerika Constellation, i hui pu mai e kokua i ke kuokoa o Na’Lii Hawaii.

            Mai hoopoina kakou ia Dr. G. P. Judd, (Kauka) ke kuhina Waiwai i noho pu me ka pilikia pu o ke Aupuni Hawaii nei, a me na Kunina oia mau la kupilikii.

            2. Ma ko oukou malama ana i keia la, he ao ana aku ia i ka hanauna opiopio i akoakoa pu mai nei e malama mau aku lakou a hiki i ka hulihia ana o ka honua Hawaii.

            E na opiopio Hawaii, e nana aku i na mamo Amerika, ke hoomanao mau nei lakou i ka la 4 o lulai o kela a me keia makahiki, a ua hiki aku i ke 96 ka nui o na la a lakou i hoomanao mau ai me ko kakou kino, waiwai a me ka kekou mau keiki a hiki i ka hulihia ana.

            Aole i loaa aku ia kakou ka ikaika loa o ka hoomanao ana, e like me ka hana a ko kakou mau alii i hala aku. Ma ka la 31 o Iulai 1843, ma ka hora 10 kakaiaka, he anaina nui lehulehu i akoakoa oe ma Kulaokahua; o na’lii manuwa o Carysfort, na’lii a me na Pitimana o Dublina, ka Moi Kamehameha III, a me kumu mau alii; a ma ia wa i kukui aloha pu ai na’lii; a ma ia hora no i kuu ia’i ka Hae Bertania mai ka pahu hae iho o ka Papu, a hoihoi hou ia ke ola o ka Hae Hawaii o keia aupuni. A ma ia hora no i hookaniia ai na pu aloha he 21 o na moku kana a me ko ka Papu.

                                                            Aole i pau.

 

Na Hiohiona o ka Apana o Puua nei.

 

E KA NUPEPA KUOKOA E; Aloha oe:

            E oluolu oe a me kou L. H. e hookomo iho i keia wahi puolo nia kahi kaawale o kou waihona, a nau hoi ia e puunaue like ae iwaena o na kini o kaua.

            O ke ano o keia aina he maikai no, a ke waiho la ula nei no, me ka nui o ka inoino i haawiia mai e ke Akua, oia ke a-a a me ka nui o na laalaau puhala a me k aka lehua, he nui ka’ino, a he aina no na wa malihini e komo ai ka hoowahawaha iloko, ke hele mai a noho maanei, a ke waiho nei keia apana e huli ana kona alo i ka hikina a me ka akau, a ma kona mau hiohiona, he ku i ka hoowahawaha.

            Eia maloko o keia apana, he nui wale na wahi pana, eia ma keia apana ka lae o Kumukahi, e huli pono ana oia i kahi a ka la e puka mai ai, a ma keia lae kahi a na malihini e makaikai ai, a mulaila no hoi oe e ike ai i na makani elua, a malaila koawale ko Puna nei makani, a koawale hoi ko Hilo makani, o na malihini e hele makaikai nei ilaila ke kau nei ko lakou mau hoailona, Eia no ma keia wahi o Waiakaea, Kukii, a me Kamiloholu, a maluna pono o keia mau puu, ke Heiau a Umi, a ke mau nei no kona kulana a hiki i keia Manawa, a maanei no o Waiapele, oia ka wai kupanaha a hiki i keia Manawa, a ua like no kona anoo me ka hanawai o ka puaa, he omaomao kona ano, a he hohono no hoi, o ka mea kupanaha loa, i na e kui ana ka hekili, e pau loa ana ka ia i ka make. A ma keia apana no kahi a Kamapuaa ma laua o Pele i moe ai, mahope iho o ka pau ana o ka hakaka ana. Aia no malaila o Nakiokanu, o ka niu moe o Kalapana a me ka wahine a Hopoe.

            No na halepule. Eono no halepule ma keia apana, elua halepule no ka aoao Pope, a eha no ka aoao Hoolepope.

            No ka ia. He nui no ka ia ma keia apana, oia no ka Opelu, e loaa ana eono lau i ka la hookahi.

            Ke ano o ka hana a ke Akua. He pupu na hana a ke Akua ma keia apana, he hele wale no ka na hoahanau i ka pule, aohe hookaaia ke ola o ke Kahu. Eia ma ka Ekalesia o Opihikao, aohe i malama ponoia ke ola Kahu, ken oho nei ko laila Kahu me ka hemahema, a me ka pilikia maoli o kona ohana no ka hale ole, ina e hele mai ana na malihini a hiki maanei, e ike pono no lakou i ka pilikia o keia Kahu. A ma ka Ekalesia hoi o Puula, ke waiho nei me ke Kahu ole, he kahu koi a Ekalesia mamua, oia o Rev. Hanu, a no ka hookaa pono oleia o kona ola, nolaila, ua ku oia a hele aku i ka hana pulu i Kau, a ke waiho nei keia Ekalesia me ka hemahema nui.

            Nolaila, ke nonoiia aku no Ekalesia a pau mai Hawaii a Niihau, mai hoohalike me keia mau Ekalesia.

F. ROBERT KAHAO.

KANANE PANA HAWAII, NOV. 13 1873.

 

Kai mi apa a ka Moremona.

 

E KA NUPEPA KUOKOA; Aloha oe:

            E oluolu oe a me kou L. H. e hookomo iho i keia mau wahi puolo a ke aloha ma kahi kaawale o kou waihona, a nau hoi ia e puunaue like aku iwaena o na kini o kaua.

            Aia ma ka la 27 o Aug. i hala aku nei, ua hiki mai kekahi mau kahuna Moremona mai Laie Oahu mai, oia o Poiheke, a me Kukahekahe, i ko laua hiki ana mai, ua hoohuli aku keia mau pegana i kekahi o ko makou mau hoa.

            Aia hoi ko’u wahi lede e waiho ana i ke nawaliwali, olelo iho la ua mau kahuna nei, ina oe e huli mai ma keia oihana, alaila oe ola, he alu wale ia iho no e ka pule a ka mamona, o ka pau ae la no ia. Ia wa no i huli koke aku ai ko’u wahi hoa, haimai la ua mamona nei, he pahiuhiu wale no o ka pau ae la no ia, a pau ia, luu i ke kai, ehiku loa ana. A pau ia, kau iho la na lima o ua kahuna nei maluna o ke poo, a hale ia wahahee ana, kuhi hou iloko o ke kai, me ka pule no o na haumana, a hiki mai me hoopunipuni ma, a pau ka luu ana, boi mai a i ka hale, olelo aku la ua kahuna nei, ua pau ko mai, ua hoolaia oe e ke kahuna. Amene.

            A pau ka hana a ke kahuna, hoi mai la ko’u wahi hoa, ninau aku la au, pehea mai nei ko pilikia? Hoole mai la kela, Ua pau ko’u kuhihewa i ka mamona, kuhi au he oihana oiaio kela, aohe ka!

            A i kekahi mau le mai, ki hou mai ana no ua mamona hou mai Kau mai, hoopii hou no ua wahi mai nei, aohe i pau kuu nawaliwali, hana hou no hoi keia poe e like me mamua, pau pu a Lanai, a pela no hoi na haumana e kukaliki nei.

            Eia kekahi mau olelo hookapukapu a ua poe hakuepa nei, he kapu ka uluna, he kapu ka hanawai.

            Iloko o ka ahaaina ana i ke kino o ka Haku, ka palaoa pelena, ame ka wai maoli palna nae ka haawi ana i na hoahanau. O na wahi pupupu hale o lakou kahi mea hou loa ma keia wahi. D.W. HIAPO

Kona Hema, Nov. 13 1872.

 

            Ua manauia, o ka la 4 o Dekemaba iho nei, oia ka la a ka mokuahi Dacota e haalele ai ia Kapalakiko, a holo mai i Honolulu nei a i Nu Zilani, i na pae ua ku ai oia i Kapalakiko i kela mau la aku nei.

 

NA OLELO HOOLAHA.

 

HE KAUKA LAPAAU

O DR. Jno. Kalama ke Kauka no Kohala, no ua mai a pau. E hele ai a loaa ia ma kona Hale Oihana ma Halawa, i na la a pau.

575 3ms.

 

I NA MAKUA HAWAII.

I MEA e hiki ai e hoohoihoi aku i ka manao o na makua Hawaii, e malama pono i ka lakou mau keiki a i mea hoi e kokua ai i ka ulu ana o ka lahui o keia Pae Aina, ke hooia aku nei au ano, e uku aku i

HOOKAHI HANERI DALA MAKANA

I kela a me keia keiki i hanaoia ma Waikapu, Maui, mahope aku o keia la. Eia wale no na kumu i ai ia ma keia Olelo Ae like. Ne keiki e hanau ana ma Waikapu ponoi, a o kona mau makua e noho ana ilaila a hiki i ka alima o na makahiki o ke keiki. a ma ka lima o na la hanau o ia keiki, e uku no au i ka makana i haiia maluna, i kona makuahine.

H. CORNWELL, (Kunawela)

Ona o ka Mahiko o Waikapu, M., Honolulu Dek. 7, 1877.

575 3m

 

E IKE auanei na kanaka a pau, owau o ka mea non aka inoa malalo iho, ke papa aku nei au i ka poe waiwai na haole, na pake, a me na kanaka a pau o kela ano o keia ano, wai houle mai oukou i kuu wahine mare ia

MRS. KALILIOKU AKUNA.

Ina oukou e hoaie iaia, maluna no ona ko oukou poho, aole au e hookoa i kona aie. Ua haalele mai kela ia'u, a me na keiki a maua, a ua hele aku kela i ka manualii me ke kaue e, a oka mea a mau mea e hookipa iaia, a malama iaia ma kona hale, mahope o ka la e puka ai ma ke “Kuokoa” e hoopii no wau iaia ma ke Kanawai.

AKUNA PAKE.

Opelepelea, Lanai, Nov. 5, 1872        575 2ts.

 

E IKE mai oukou e na mea a pau o kela ano kanaka keia ano kanaka, owau o ka mee non aka inoa malalo nei. Ke papa aku nei au i ko’a mau aina mai ke Alii mai, a’u e malama nei, i kapaia o Kaakaukukule wiho la ma Pauoa, Ina  mea lio, bipi, hoki, miula, hipa, kao, puna, aole e hele wale ma kela aina i hal ia ae la maluna ma kea no komo hewa. E hoopaiia ekolu dala ($3.00) pakahi no ke poo. Ina o na kanaka a pau e komo hewaana me ka ae ole ia aku, e kii wale i na mea e ulu ana, a e wiho wale ana ma na kula, a ma na kuahiwi, e hoopaiia elima dala ($5.00) no ke kanaka hookah i kue i kela hoolaha ana. A ke hoolilo aku nei no au i na kanaka a pau e noho ana maluna o na aina ia (Kaakaukukui.) Ia lakou no ka mane e hopu aku, a e koi aku i na mea i kue i keia. E lilo keia i kanawai mai kona puka ana ma ka nupepa “Kuokoa.”      

L. W. MAHUKA

Honolulu, Oahu, Dek. 7, 1872. 575 3tt

 

Lio nalowale. Ua nalowale he lio kane ulaula uuku, he keokeo kona mau kapuai a eha, a he wahi kiko keokeo ma kona lae. I R ka hao kuni. E ukula he ELIMA DALA MAKANA, ika imea naua e hoihoi mai ma ko’u Hale Hana Noho Lio, ma Poelewa. (574 1t) R. WITMAN.

 

He Mele Lahui Hawaii. O KEIA MELE I Hon. Mrs. Lilla K. Dominis, ua loaa mai nei ano, he lehuleha o na kope o keia mele kaulana mai Kapalakiko mai, a e loaa no ma ke kumukuai haahaa, he hapaha, ma ka Hale Kuai Buke o (555 2m) H.W. WINI.

 

JUDD A ME LAYTON.

( ALANI KAUKA A ME LEITONA.)

NA MEA KUAI MEA AI O NA LAKO AIA

a pau, na mea ulu a me na mea hoomomona lio.

Halekuai malalo o ka Hale Mu, Alanui Papu, Honolulu.

476

 

KAUKA OLIVA M.D.

(KAUKA PELEKANE.)

HALE HANA---Huina o na alanui Alii me Papu. Hamama i ka po a me ke ao. 571 4t

 

KE MANAO nei ka mea non aka inoa malalo iho. E haalele i keia aupuni, nolaila, ke aloha aku nei oia i ka poe a pau ana i ale aku ai, me ka hai aku, e hoouna koke mai i ko lakou mau bila me ka lohi ole i o’u nei; a o ka poe hoi i aie mai ia’u, ma na Halekuai o Keopuka a me Hookena, Kona Hema, a me ka Halekuai ma Kailua, Kona Akau ke halia aku nei lakou, e awiwi mai i ka hookaa ana i ka wa hookah a i ole ia, e hoopiiia aku no lakou.

H. COOPER (KUPA).

Keopuka, Kona Hema. Nov 7, 1872. 578 2m

 

E IE auanei na mea a pau o keli a me keia ano, owau o ka mea non aka inoa malalo iho, ke papa aku nei au i ka poe mea holoholuna o kela a me keia ano, aole e hele wale maluna o kuu mau apana aina kuai, e waiho la ma Keawewai, Kawaihae-uka, mokupuni o Hawaii; no na Bipi, lio, hoki, miula, kao, hipa, puaa, palahu a pola aku. E ukuia no kela a me keia, he $3. Pakahi no ke poo. Ke papa pu ia aku nei no hoi na mea ulu, aole e oki wale ia na laau a me na mea like. Aole no hoi e ae ia kekahi kanaka a mau kanaka paha, e kii a lawe wale mai i kekahi o na holoholona’i haiia ae la maluna, ke hai mua ole ia mai ka lohe ia’u. O ka mea kue i keia, a loaa i kuu luna, e hoopiia no ma ke Kanawai. E lilo keia i Kanawai paa loa mai kona ia e puka ai ma ka nupepa Kuokoa, a mau aku. A no ka oiaio, ke hookohu nei au ia Pamaiaulu i luna hooponopono, a na ka hana.

GEO. W. LINCOHN.

Kipi, Kohala Akau, Nov 20, 1872.

 

HALE KUAI LOLE

MA KAALAEA!

AHUNA & LUAU.

UA HUI ae nein a mea nona na inoa malalo iho, ma ka hana Hale Kuai Lole, ma Kaalaea, Koolaupoko, e pili ana ma ka puka pa e pii ai i ka Hale Wiliko. A e kuai aku ana laua i na lole o na ano a pau, na Papale, na Kamea, Lole kane a wahine a me na ano a pau e waiho ana ma ka Hale Kuai, no na kumukuai makepono a manuahi loa. E malama oukou i na dala i loaa ia oukou i kela Manawa, a hiki mai ka la 5 o Dekemaba, OIA KA POAHA, alaila, weheia ka Hale Kuai. Ua hoonoho aku mana ia Akana (pake) ka mea kamaaina loa ia oukou, e noho ma ka Hale Kuai.

AHUNA a me LUAU.

Kaalaea, Nov 21, 1872.

573 1m

 

J. NOTT & CO.

MA MEA HANA

TINI, KELEAWE,

-A-

HAO PAPAA,

Helu 9 Alanui Kaahumanu.

Ua hiki ia laua ke hana i na ano a pau e pili ana i keia laina, e lihe me ka

Hoomoe ana i na Pinla Wai,

HAO A PIULA PAHA.

HAWAII PIULA NO NA HALE LAAU,

EIA HOI KEKAHI

Eia ma ko laua wahi i na wa a pau,

-NA-

LAKO PIULA,

O KELA ANO KEIA ANO.

 

KAPUAHI HAO,

O NA ANO A PAU

A ME NA KUMUKUAI A PAU,

Papaa kepau, Piola Wai.

            Paipu Hao, Papaa Ziniki,

                        Pauma Wai, Ki Wai,

KA KAPU AME NA PAKEKE!

Papa Holoi, Na ipu hao,

            Iliwai Laho Lio, Pa Palai,

                        Kui kakia moena,

Na Papaa Hao Kaupaku Hale 26x84,

Na Palaki hamo puna me Holoi hale,

            Na ipukukui hele po.

A me na mea e ae he nui wale ke helu aku.                572 1yr

 

NA LEI ANO HOU!

NANI NA KULA PEPEIAO!

Hulali na Pine Pilali.

Wehiwehi na Lei Ea!

OLALI NA APO-LIMA KANIKAU.

E Loao no lakou a pau me

KA MAKE PONOLOA

MA KA HALE KUAI BUKE O

H.M. WINI.

572 2t

 

$100 no ka Holoku

-MA KO’U-

HALE KUAI LOLE,

-MA-

KAUNAKAKAI MOLOKAI!

E LOAA AI I NA MEA A PAUNA

LOLE MAKEPONO LOA!

I EMI LOA IHO KE KUMUKUAI MALALO O NA HALE KUAI E AE

-MA NA-

POAONO A PAULOA,

HE LA KUAI MANUAHI LOA IA

E.C. FOUNTAIN (NEKI.)

Kanakakai, Molokai. 565 3m

NO KE KULANAKAUHALE

-A ME KA-

APANA O HONOLULU!

NA AUHAU O KA MAKAHIKI 1872!

 

Ma KEIA, ke Hoolaha aku nei o ka mea non aka inoa malalo ioo nei, e ohi ana oia i na Auhau o keia makahiki, no keia a me kela, a me na mahele a pau o ka Apana maluna ae, ma kona Keena Oihana, ma ke

 

ALANUI MARINA ALENUI,

 

ma ka POAONO, ia 16 o keia malama, a mahope aku o ia wa. Ke kanohaia aku nei, e uku koko main a poe a pau i ku i ka Auhau.

 

GEO. H. LUCE

Luna Auhau.

Keena Ohi Auhau, Honolulu, Nov. 12, 1872.

            E haumama ana ke keena Ohi Auhau i ka Poakahi, Poakolu a me ka Poa ono, mai ka hora 9 A.M. a i ka hora 4 P.M. 572 tf.

 

NU HOU! NU HOU!

Ano ua Loaa mai a e Malama mau ia’na Makou

I NA ANO A PAU O

NA MEA HAO!

Na Palau, Oo Haole, Huihuipalau, Kopala, Kope, O, Kaulahao Bipi, Lei Bipi, Lei Hoki, Ili Kauokaa, Paahana Amara, Opumakani, Kamaa Lio, Kamaa Hoki a pela 'ku,

KUI HAO O KELA A ME KAIA ANO, NA MEA LAKO KUMEKA, IPU KUKUI, IPU KUKUI HELE PO, IPU KUKUI MANAMAMA AILA MAHU O DOWNER A ME NA PA PALAI, &c.

Na Ipu Hao o Kela a me Keia Ano.

KA OI LOA AKU O KA MAIKAI a me ka nui O NA ANO A PAU O NA MEA HAO, NA LAKO KAA.

PENA o kela ano keia ana, iloko o ka Aila a maloo no hoi.

AILA PENA MUA, AILA PENA MAKA, MAKAU, ANO LAWAIA,

UPENA A ME NA AHO UPENA.

KUKAEPELE PENA!

E KUAIIA ANA KEIA MAU MEA ME KA MAKEPONO,

MA KA HALE KUAI O

DILLINGHAM & co.,

Ma ka Helu 95 a me 97, Alanui Moi Honolulu, a ma Kaipalaoa, Hilo, Hawaii. 559 6m

 

HALE HANA KAMAA BUTI

-A ME NA ANO A PAU-

AGIU PAKE.

NO KA HANA ANA INA

HILA AULII MAIKAI

EKOLU-HAPAIIA.

No ka hana ana i na Kamea Kahiko me na ili Farani me ka oki ana ina he loihi a pokole paha.

E HELE MAI OUKOU

No na Kamaa a pau a’u e hana ai no oukou mai keia la aku, a ina e ikeia ka paa ole o ka hana ana iloko o na mahina elua, alaila e hoihoi mai na’u e hana hou. Kea no kahuli ka Hila, e hemo paha na Ili a me ka humuhumu ana. Alaila e hui pu ma ka uku i olelo mua ia. Alaile o ka mea nona ke kamaa e hele pu me a’u i ka Hotele e ai a maono, a na’u e uku me ke kika manauahi me ka holo pu i kuu lio i hookah hola. E ai me ka lulu lima ke aloha. O na kamaa i hala na mahioa ekolu aole e kii ia mai alaila kuaiia ma ke kudala no ka hale o ka Manawa. He nui na Ili Noho-Paniolo, Kaulakeahi, Ili Pale wawae, me ka uku haahaa loa. E hele mai.

NO. 65, Alanui Nuuanu. AGIU PAKE. 557 6m

 

$100, MAKANA

EIA, EIA, EIA, EIA MAI!

PULUPULU SI ALANA!

            E uku no au i 6 Keneta no ka Paona no ka Pulupulu Si Ailana me ka hua, ke laweia mai i ko’u Hale Kuai ma Honolulu. A ina ua wae mua ia na anoano, e uku no au i 20 KENETA NO KA PAONA!

            O keia mau kumukuai ka’u e uku aku ai o na pulupulu wale no i ohiia iloko o ka 1873. Aole au e kuai ana i na pulupulu i ohiia main a kumu mai ioa ua kanuia mamoa o Ianuari 1, 1871, no ka mea, aohe maikai o ia pulupulu, a aohe kupono iki no ka hoouna ana i Europa.

            O ka mae e lawe mai ana Hoko o ka makahiki 1878, i 10,000 paona a ke paha e haawi au i ka MAKANA GULA $100.00

            571 8m                                                            HENERE. M. WINI.

 

PAPA KUHIKUHI MANAWA HOLO

-O KA-

MOKUAHI HAWAII

“KILAUEA.”

 

Dekemaba 9………….. no Kona.

Dekemaba 19………… Kaapuni ia Kauai.

Dekemaba 28…………… Kaapuni ia Hawaii.

Dekemaba 80……………….. ao Kona.

Kuike na aku ohua

SAMUELA O. WAILA.

 

AHA HIMENE!

-ME KE-

Na Mea ano Hou!

-MA KA-

LUAKINI HOOLEPOPE OWAIALUA OAHU

-NA NA-

KAIKAMAHINE O KE KULAHANAI!

Malalo o ke alakaiia ana e Miss M. E. Green

I ke ahiahi o ka Poalima,

Ia 20 o Dekemaba o keia makahiki 1872,

e  hoike ana na kaikamahine o Haleiwa i ko lakou

Akamai ma

KA HIMENI ANA,

KE KAMAILIO ANA MA KA OLELO BERTANIA.

KA HUMUHUMU I NA LOLE KELA A ME KEIA ANO,

NA LIHILIHI

I ulanana akamaiia e na lima eleu o na haumana

-a me na-

Kumu Lede o ka Ehukai o Walalea!

 

Mahope o ka hoike, e kuaila ana na lole o kela ano ke a ano a me na LIhilihi, ia mea aku a ia mea aku, na mea nani i hana akamaiia.

            E nee mai e na makamaka i olioli pu kakou. E HOOLUOIA NA LOAA no ke kuai ana i kekahi o na 300 MEKINI HUMUHUMU.

            E wheia na puka i ka hora 6, i hoomaha ka hana i ka hora 64 P.M.- Ukukomo, hapaha.

            Waialua, Nov 11, 1872.          572 6t